Morgunblaðið - 21.12.1978, Blaðsíða 11

MORGUNBLAÐIÐ. FIMMTUDAGUR 21. DESEMBER 1978
11
Ný sending af
BULLITT
ásamt mjög miklu urvali af jökkum
skyrtum, peysum og vestum.
húsi“. Heim kominn gerðist svo
námsmaðurinn mikill gagnrýn-
andi á siðgæði og athafnir annarra
manna. Er slíkt hátterni lítt til
fyrirmyndar fallið og var enda
fordæmt mjög í áðurnefndu blaði
á sínum tíma.
ítreka verður, að þeir, sem
valdir eru til leiðsagnar í mennta-
stofnunum þjóðarinnar séu öðrum
fremri að vandvirkni, heiðarleika
og hátterni öllu. Forkastanlegt
væri, ef þar fyndust menn, sem
hugsanlega ættu heimsmet í hroð-
virkni og hundavaðshætti (eins og
þó hefur raunar verið haldið fram
í blöðum). En af framansögðum
ástæðum þykir rík ástæða til
umræddrar athugunar, og er þess
vænzt, að tillaga undirritaðs verði
ekki útundan, er aðrar tillögur um
rannsóknarnefndir koma til sög-
Með þökk fyrir birtinguna.
Virðingarfyllst,
Sigurjón Jónsson.
PS.
Vonast til, að fjármálastjóri
útvarpsins hafi bráðum tíma til að
svara þeim þremur spurningum, er
ég beindi til hans í síðasta mánuði.
Það ætti ekki að taka lengri tíma,
en að telja hve margir bera nafnið
Pétur Pétursson (eða Sigurjón
Jónsson) í símaskránni.
S.J.
Þorsteinn H. Gunnarsson, bóndi, Syðri-Löngumýri:
Púkinn á fjósbitanum
Nú dregur senn að því, að
fóðurbætispúkinn verði upp vak-
inn af stjórnvöldum og sendur til
okkar bænda. Það er eðli allra
púka að fara á stjá í svartasta
skammdeginu og verður það gæfu-
legt fyrir okkur bændur að hafa
þennan púka á fjósbitanum um
ófyrirsjáanlega framtíð.
Það er nokkuð útbreidd skoðun
meðal bænda, að fóðurbætisskatt-
ur minnki ekki framleiðslu á
mjólk, eins og ráð er fyrir gert.
Auk þess má gera ráð fyrir, að
margir bændur séu búnir að birgja
sig upp af fóðurbæti langt fram í
tímann, þannig að skatturinn
kæmi ekki til með að hafa áhrif
fyrr en á miðju næsta ári, ef hann
hefur þá nokkur áhrif.
Menn hlæja að bændum fyrir að
skattleggja sjálfa sig til þess að
geta greitt sér kaup, um leið og
þeir verða að minnka framleiðslu.
Hvenær mundu útgerðarmenn
óska eftir því við stjórnvöld að net
og önnur veiðarfæri yrðu hækkuð í
verði til þess að minnka veiðar?
Aldrei. Það sem þeir gera er
einfaldlega að minnka sóknina í
fiskstofnana. Það er óheilbrigt að
bændur standi fyrir því að aðföng
til búrekstrar hækki í verði. Nógar
eru hækkanirnar samt.
Tilefni þessara skrifa er sú
hugmynd, sem fram kom í ræðu
hjá Lárusi Sigurðssyni, Tindum, á
bændafundi á Blönduósi 8. des. sl.,
þar sem hann sagði, að við gætum
einfaldlega stöðvað framleiðslu-
aukninguna. Það væri ólíkt
mannalegra að gera það sem
frjálsbornir menn, heldur en að
vera þvingaðir af stjórnvöldum
með fóðurbætisskatti.
Aðalreglan yrði þessi: Ekki yrði
tekin meiri mjólk til sölumeðferð-
ar frá hverjum framleiðanda á
næsta ári en hann lagði inn á
þessu ári.
Framkvæmdin yrði t.d. eftirfar-
andi: Allar stjórnir og forráða-
menn mjólkursamlaganna í land-
inu kæmu til fundar hver á sínu
svæði einhvern tiltekinn dag að
tilhlutan framleiðsluráðs. Þær
undirbyggju fund með mjólkur-
framleiðendum, þar sem fyrir
lægju öll gögn varðandi fram-
leiðslu yfirstandandi árs. Næsta
skrefið yrði að halda fund með
mjólkurframleiðendum, þar sem
mönnum yrði gerð grein fyrir því,
að ekki yrði tekin meiri mjólk til
sölumeðferðar frá þeim en þeir
lögðu inn á þessu ári. Þessi
framleiðsluáætlun þyrfti að vera í
stöðugri endurskoðun af bændum
sjálfum og mjólkurbústjórum frá
degi til dags og mánuði til
mánaðar. Ef einhver bóndi áætlaði
að leggja inn minni mjólk á
komandi ári eða ef um fækkun
mjólkurbúa væri að ræða á
félagssvæðinu, væri hægt að miðla
því mjólkurmagni á þá bændur,
sem væru með uppvaxandi kúa-
stofn og stæðu í framkvæmdum.
Ef um það væri ekki að ræðá, að
slík minnkun væri fyrir hendi, yrði
Stofnlánadeild landbúnaðarins að
veita þessum mönnum greiðslu-
frest á gjaldföllnum greiðslum af
framkvæmdalánum. Þannig væri
hægt að stöðva mjólkurfram-
leiðsluaukninguna strax um ára-
mót og væri mikið fengið með því.
Ég álít það væri betra fyrir
bændur að skipta á fóðurbætis-
púkanum og þessum ráðstöfunum.
Síðan væri hægt að halda áfram
að vinna að öðrum aðgerðum, s.s.
kvótakerfi og öðrum tillögum, sem
fram komu hjá 7-manna nefnd, en
sem tækju lengri tíma að hafa
áhrif.
Framleiðsluráði ber að stjórna
framleiðslunni og því ætti ekki að
þurfa fóðurbætisskatt til að stöðva
framleiðsluaukninguna. Ég hef
ekki framreiðsluráðslögin við
höndina, en ef mig misminnir ekki,
þá er verkefni Framleiðsluráðs
m.a. að vinna að því að beina
framleiðslu iandbúnaðarins að
þeim framleiðslugreinum, sem eru
landbúnaðinum hagfelldastar og
samrýmast bezt þörfum þjóðar-
innar á hverjum tíma.
Stjórnmálamenn skulu gera sér
grein fyrir því, að bændur vantar
30% af umsömdum launum miðað
við viðmiðunarstéttirnar. Bændur
eru aðeins hlekkur i flókinni
framleiðslukeðju og þeim ber sín
laun eins og öðrum aðilum í þeirri
keðju. Ef landbúnaðarframleiðsla
dregst verulega saman hefði það
ekki einungis áhrif á efnahag og
fjölda bænda heldur mundi það
einnig valda fækkun starfsfólks í
úrvinnslugreinum. Menn verða að
muna, að landbúnaðurinn er lif-
trygging íslenzku þjóðarinnar, og
það er hagstæðara fyrir hana að
hafa marga smáa bændur en fáa
stóra. Slíkt er eðli hans.
r
3 Islending-
ar til starfa
i Tanzaniu
ÞRÍR Íslendingar hafa verið
ráðnir til starfa í Tanzaníu en
það var Aðstoð íslands við
þróunarlöndin sem auglýsti 22
stöður ráðunauta á vegum nor-
ræna samvinnuverkefnisins þar í
landi að beiðni dönsku þróunar-
landastofnunarinnar. Danida.
Fjórum Islendingum var boðið
starf, og þágu 3 starfið, en einn
ákvað að taka ekki starfi. Þeir þrír
eru: Einar Gústafsson bankamað-
ur, Ingólfur Friðgeirsson skrif-
stofumaður og Jóhann Scheving
skrifstofumaður og er ráðningar-
tími þelrra 2 ár.
Upplýstu inn-
brot í verzlun
í Borgarfirði
RANNSÓKNARLÖGREGLA
ríkisins hefur upplýst innbrot í
verzlun í Borgarfirði um helgina,
en þar var stolið milli 150 og 200
þúsund krónum í peningum og
sígarettum að verðmæti um 170
þúsund krónur. Auk þess var stolið
einhverju af vindlum og kassett-
um. Tveir piltar úr Reykjavík, 17
og 18 ára gamlir, viðurkenndu
innbrotið.