Morgunblaðið - 24.02.1979, Blaðsíða 43
MORGUNBLAÐIÐ, LAUGARDAGUR 24. FEBRUAR 1979
43
Aðeins jafntefli en
þó ekki heimsendir
ÍSRAELSMENN gengu fagnandi af leikvelli eftir jafnteflið gegn íslendingum. eins og þeir hefðu unnið stórsigur.
Kátína íslensku leikmannanna var hins vegar lítil, þeir höfðu átt í basli allan leikinn og þó að þeir ættu frekar slakan
dag. má með sanni segja að ísraelsmenn hafi komið á óvart. Leikurinn endaði 21 — 21, eftir að Israelsmenn höfðu haft
eitt mark yfir í leikhléi. Langt frá því að vera góð byrjun á B-keppninni hér á Spáni, en menn hafa trú á því, að
leikurinn gegn Tékkum verði ámóta jafn og íslenska liðið taki þátt í keppni hinna 8-bestu, en fyrsti leikurinn í 8-liða
úrslitunum fer fram í Barcelona á mánudagskvöldið. Tékkar sigruðu ísraela með 8 marka mun í fyrrakvöld og mega
íslendingar því tapa leiknum gegn Tékkum með 7 mörkum, en markatala ræður, ef lið eru jöfn að stigum.
Eitt af því, sem brást í leiknum
hjá íslendingum, var markvarslan
en íslensku markverðirnir vörðu
aðeins 4 skot i leiknum, Ólafur
Benediktsson tvö og Jens tvö.
Ólafur á sér þó nokkra afsökun, en
hann hefur átt við meiðsl að
stríða í baki að undanförnu og á
æfingu í gærdag fékk hann knött-
inn framan á fingurgóminn og
varð að spelka saman á honum tvo
fingur. Þá var ekki farið eftir
þeim skipunum sem settar voru
fram í sóknarleiknum og vörnin
opnaðist allt of oft. Það er ekki
heldur hægt að kenna dómurun-
um um hvernig fór, því að ef
nokkuð, voru þeir hliðhollir okkur
íslendingum.
Það er svo sem enginn
heimsendir þó að aðeins hafi
náðst jafntefli gegn ísraelum. Það
er mjög erfitt að spila gegn slíku
liði. Þar er leikgleðin allsráðandi
og allir gera sitt bezta og gefast
ekki upp fyrr en í fulla hnefana.
Þeir leika hratt saman úti á
vellinum og hnoðast síðan inn í
• Ólafur Víkingur Jónsson skorar gegn úrvalsliðinu á dögunum.
Ilann átti mjög góðan leik í Sevilla í gærkvöldi, skoraði 3 glæsimörk.
Liðið sem leikur í kvöld
LIÐIÐ sem leikur gegn Tékkum hefur verið valið. Þær breytingar hefur Jóhann Ingi gert. að
Þorbjörn Guðmundsson kemur inn í stað nafna síns Jenssonar, Brynjar markvörður kemur í stað Jens
Einarssonar og Stefán Gunnarsson kemur í stað Steindórs Gunnarssonar. Erlendur Hermannsson
hvflir áfram. en hann var ekki með á móti ísraelum.
Landsliðið er því skipað eftirtöldum leikmönnum fyrir leikinn við Tékka í kvöld: Stefán
Gunnarsson, Jón Pétur Jónsson. Ólafur Jónsson, Þorbjörn Guðmundsson, Árni Indriðason, Páll
Björgvinsson. Brynjar Kvaran, Viggó Sigurðsson. Ólafur Benediktsson, Axel Axelsson og Ólafur II.
Jónsson.
vörnina, fá fríkast, leika sama
leikinn aftur og aftur, allt þar til
mark hefur verið skorað. Þá hafði
liðið allt að vinna en engu að tapa
og lögðu leikmennirnir allt í söl-
urnar. Voru þeir orðnir svo
þreyttir í leikslok, að þeir voru
hættir að horfa á íslenska markið.
Eins og fyrr segir, lauk leiknum
21—21, en staðan í hálfleik var
11 — 10 fyrir Israel.
Gangur leiksins var í stuttu
máli sá, að Axel Axelsson skoraði
fyrsta markið, en ísraelsmenn
jöfnuðu. ísland komst í 2—0 og
4—2, en ísrael jafnaði 4—4. Þá
komust íslendingar yfir 7—4 og
nú áttu menn von á því að Islend-
ingar hristu ísraelana af sér. Svo
fór þó ekki, jafnt var 8—8, 9—9 og
10—10 og ísraelsmenn komust
yfir með síðasta marki fyrri
hálfleiks, 11—10. Það kann að
hafa haft áhrif á varnarleik ís-
lenska liðsins í fyrri hálfleik, að
Árni Indriðason meiddist á nefi
um miðjan hálfleikinn og kom
hann ekkert meira við sögu í
leiknum. Var staðan þá 7—4.
Staðan var síðan orðin 9—9 þegar
hann kom aftur inn á.
í síðari hálfleik komst ísrael
tveimur mörkum yfir, 12—10, og
síðan 14—12 en ísland jafnaði
14^-14. Aftur komst ísrael í
tveggja marka forystu, 16—14, en
íslendingar voru ekki af baki
dottnir og jöfnuðu aftur 16—16 og
allt var á suðupunkti í húsinu
þegar aðeins 15 mínútur voru eftir
af leiknum. Síðan var jafnt í
17—17, 18—18, 19—19, en ísrael
hafði til þessa verið á undan til að
skora, en ísland síðan jafnað, en
Ólafur Víkingur Jónssn skoraði
glæsilega nítjánda mark íslands
þegar 3 mínútur voru eftir. Jón
Pétur Jónsson kom íslenska liðinu
síðan yfir 20—19 með lúmsku
undirhandarskoti þegar ein og
hálf mínúta var eftir. ísraelar
voru ekki lengi að jafna það,
20—20. Axel Axelsson fékk síðan
knöttinn í dauðafæri þegar 40
sekúndur voru eftir og skoraði 21.
mark íslands. Húsið skalf og
nötraði, svo mikil var spennan, en
þess má geta, að áhorfendurnir
Frá Ágústi Inga Jónssyni,
blaðamanni Mbl. á Spáni:
voru flestir á bandi ísraelanna.
Stémmningin var þó ekki eins
mikil og í leiknum milli Tékkó-
slóvakíu og Israels kvöldið áður,
en þá voru allir áhorfendur greini-
lega á bandi Israela. Sá leikur fór
fram í Malaga, en í gærkvöldi var
leikið í Sevilla. En íslenska liðinu
tókst ekki að halda fengnu for-
skoti, staðan breyttist úr 21—20 í
21—21, þegar Israelar skoruðu
þegar aðeins 17 sekúndur voru til
leiksloka, með uppstillingu í auka-
kasti. íslenska liðið fékk knöttinn
þær sekúndur sem voru eftir, en
missti knöttinn og varð stöðunni
því ekki hnikað jafntefli 21—21.
ís'.enska liðið lék leik þennan
undir getu. Axel Axelsson byrjaði
mjög vel, en dalaði þegar leið á
ieikinn og óttast menn að hann
hafi fengið inflúenzu, sem kann að
há honum enn meir síðar. Segja
má að þeir hafi verið bestir hjá
íslendingum í þessum leik, þeir
Ólafur Jónsson Víkingur og
Bjarni Guðmundsson, sem gerðu
engar vitleysur, og Ólafur Jónsson
gerði þrjú glæsileg mörk á síðutu
20 mínútum leiksins. Árni
Indriðason kom vel frá varnar-
leiknum, en þrátt fyrir að Viggó
og Páll Björgvinsson hafi gert
marga hluti laglega og mikið hafi
á þeim mætt, fóru of margar
sóknarlotur forgörðum eftir mis-
tök þeirra. Markverðirnir tveir
áttu dapran dag, Ólafur H. Jóns-
son hefur margoft leikið betur og
bróðir hans Jón Pétur lék vel þann
stutta tíma sem hann fékk að vera
með.
Mörk íslenska liðsins skoruðu
eftirtaldir: Axel Axelsson 7 (4
vítaköst), Páll Björgvinsson 4,
Viggó Sigurðsson 3, Ólafur Jóns-
son 3, Jón Pétur Jónssn 2, Bjarni
Guðmundsson og Þorbjörn Jens-
son eitt mark hvor.
Islenska liðið fékk 5 vítaköst í
leiknum, en Axel skaut einu í
þverslá. Einum íslenskum leik-
manni var vísað af leikvelli í 2
mínútur, Ólafi H. Jónssyni.
Markhæstur í liði Israels var
Yosefowich með 6 mörk, en hann
var mjög atkvæðamikill í þessum
leik, Eofman gerði 4 mörk í
þessum leik, 3 þeirra úr hraðaupp-
hlaupum. Bruker gerði 3 mörk.
Israelar fengu eitt vítakast í
leiknum og þeir fengu að hvíla
utan vallar í 4 mínútur.
Wadmar óræðinn
AÐALFARARSTJÓRAR íslenska landsliðsins,
þeir Júlíus Hafstein og Gunnar Torfason. áttu fund
í gær með Kurt Wadmark, Svíanum. sem da'mdi
Víkinga úr Evrópukeppni bikarhafa fyrr í vetur
sem frægt er orðið. Gunnar Torfason sagði í
samtali við Mbl. að ekki hefði verið um formlegan
fund að ræða og mótmæli frá IISÍ hefðu ekki verið
formlega lögð fram. Ilins vegar hefðu þeir
mótmælt vinnubrögðum forystumanna IHF. sem
tóku máliö upp á sínum tíma og sögðust efast um
að þar hefði í öllu verið farið að reglum IIIF.
Gunnar sagðij að um frekari opinberan mál-
flutning yrði ekki að ræða HSÍ gæti ekki gert neitt
meira í þessu máli, dómur væri faliinn og honum
yrði ekki breytt. Og málið hefur ekki verið rætt
frekar hér á Spáni, þrátt fyrir að talið var að soveski
stjórnarmaðurinn í IHF ætlaði að fara fram á"það.
Blaðamaður Mbl. spurði Kurt Wadmark að því að
loknum leik ísraels og Tékkóslóvakíu hvað hann
hefði fyrir sér í þessu máli, en Wadmark vildi sem
minnst um þetta ræða. Hann gerði sér grein fyrir
því, að það væru skiptar skoðanir um niðurstöðu
dómsins, en þessu yrði ekki breytt. Svo mörg voru
þau orð. Wadmark kvaðst að lokum vera óhress með
úrslitin í leik íslands og ísraels, íslendingar hefðu
verið miklu betri og hefðu verðskuldað sigur.
Leikurinn gegn Tékkum yrði hins vegar mun
erfiðari, því að lið þeirra væri geysisterkt.
Þorbjörn G.
til Svíþjóðar?
SVO KANN að fara. að Vals-
maðurinn sterki. Þorbjörn
Guðmundsson. skrifi undir
samning við sænskt 2. deildarlið.
Þorbjörn sagði í spjalli við Mbl. í
gærkvöldi, að hann hefði fengið
tilboð sem hann ætlaði að athuga
gaumgæfilega.
Hann sagðist hafa mikinn
áhuga á að leika handbolta í
Svíþjóð, en enn sem komið væri,
væri ekkert um hvað úr yrði né
hvaða lið hér væri um að ræða.
Sa
eftir
Ilinn tékkneski þjálfari
Israela var alveg sérstaklega
ánægður með leik sinna manna
og sagði að þarna hefðu Israels-
menn leikið sinn besta landsleik
í handknattleik fyrr og síðar.
„Nú leggjum við allt okkar
traust á Tékka, að þeir vinni
íslendinga stærra en þeir unnu
okkur. Lið þeirra er nógu gott til
þess. Þeir verða þá að yinna með fe£
8—9 mörkum, en það nægir
Israelsmönnum til að komast
áfram í keppninni." Tékkinn var
greinilega mjög ánægður og
bætti við, að ef lið hans hefði
ekki náð algerum toppleik, hefðu
úrslitin farið á annan veg.
Jóhann Ingi Gunnarsson
sagði, að íslenska liðið hefði ekki
leikið vel, varnarleikur og mark-
varsla hefðu ekki komist í hálf-
kvisti við það sem verið hefði
fyrr í vetur, einkum í
Baltíc-keppninni í Danmörku.
„Við náðum góðri forystu í fyrri
hálfleik, en okkur tókst ekki að
hrista Israelsmennina af okkur.
Það er erfitt að leika gegn slíku
liði, þeir hafa allt að vinna en
engu að tapa. Við ætlum að leika
Píramídavörn gegn Tékkunum.“
Við fórum iila að ráði okkar í
leik þessum," sagði Ólafur II.
Jónsson. „Við vorum með 3 mörk
yfir sem við rPisstum niður í í
lok fyrri hálfleiks og ef við
þéttum ekki vörnina getum við
hætt að hugsa um einhvern
árangur hér á Spáni. Við kvíðum
ekkert fyrir leiknum gegn
Tékkum, þar verður tekið vel á
móti andstæðingunum og við
gætum unnið þá. En við verðum
að fá betri vörn og betri mark-
vörslu.“
!
!
!