Morgunblaðið - 02.08.1979, Blaðsíða 17

MORGUNBLAÐIÐ, FIMMTUDAGUR 2. ÁGÚST 1979
Sum ar tónleikar
í Skálholti
Fimmta árið í röð standa þær
Helga Ingólfsdóttir og Manuela
Wiesler fyrir sumartónleikum í
Skálholti og kölluðu sér til að-
stoðar á fyrstu tónleikunum Sig-
rúnu Gestsdóttur, Halldóru Vil-
helmsson og Lovísu Fjeidsted. Á
þeim tónleikum voru flutt verk
eftir Telemann. Bach og Handel,
en undirritaður gat því miður
ekki komist á þá tónleika.
Um síðustu helgi hafði Helga
Ingólfsdóttir ein veg og vanda af
tónleikahaldi í Skálholti og flutti
á sembalinn sinn tvö verk. Fyrra
verkið var eftir Johann Kuhnau,
sem var Tómasarkantor á undan
Bach, en eftir hann liggja nokkur
hljómborðsverk og þeirra merk-
ust, bæði sakir gæða og þýðingu
fyrir þróun hljómborðstónlistar,
eru Sex kirkjulegar sónötur
(1700). Verkin marka upphaf
hljómborðssónötunnar og samdi
Kuhnau þau öll á einni viku.
Helga lék 6. sónötuna, sem fjallar
um andiát og útför Jakobs og
skiptist verkið í 5 kafla.
1. Tregi niðja ísraels við banabeð
síns elskaða föður.
2. Harmur þeirra yfir dauða hans
og ótti um afdrif sín.
3. Ferðin frá Egyptalandi til Kan-
aanslands.
4. Útför ísraels og sogarhátíðin
sem haldin var.
5. Líkn þeirra sem lifðu.
Helga lék verkið á sannfærandi
hátt, hátíðlega og hrynsterkt. Þess
má geta hér að 1. sónatan fjallar
um bardaga Davíðs við Golíat, en
þar túlkar Kuhnau ótta og skelf-
ingu ísraela með sálmalaginu Aus
tiefer Not og í bardagakaflanum,
er líkt eftir því er Davíð slöngvaði
steininum í höfuð risans.
Tónllsl
eftir JÓN
ÁSGEIRSSON
Önnur sónatan fjallar um það er
Davíð læknar Sál með hörpuleik
sínum og þar notar Kuhnau
óvenjulegar stefmyndir og
„krómtískt" lagferli til að túlka
þunglyndi Sáls.
Síðara verkið á þessum tónleik-
um var Partítan fræga í h-moll
eða Forleikur í frönskum stíl, eftir
J.S. Bach. Höfundurinn gaf verkið
út, ásamt ítalska konsertinum og
er merkt við hvar eigi að spila
„forte" og „píanó", sem er tekið
sem ábending um að verkið sé frá
hendi höfundar ætlað fyrir
tveggja hljómborða cembalo.
Fyrsti kaflinn er hátíðlegur
franskur forleikur með fjörugum
millikafla og síðan endurtekningu
á upphafi kaflans og er slík A-B-A
skipan nokkuð óvennuleg og einn-
ig að hefðbundnum Allemande er
sleppt. Síðasti kafli verksins,
Echo, er einstæður í svítum og
partítum Bachs, en í honum er
skemmtilega leikið með snöggar
skiptingar á milli hljómborða.
Einn fallegasti kafli verksins er
Sarabandan, lifandi og sterk
tónsmíð. í þessu verki lék Helga
Ingólfsdóttir með miklum glæsi-
brag, sterkum hrynrænum tilþrif-
um og skýrt nótuðum laghending-
um svo form verksins varð ljóslif-
andi. Næstu tónleikar í Skálholti
verða 4.-6. ágúst og þá leika þær
saman Manuela Wiesler og Helga
Ingólfsdóttir verk eftir Matthes-
on, Hovland Bach og frumflytja
auk þess nýtt verk eftir Pál P.
Pálsson, er hann nefnir Stúlkan
og vindurinn og samið er eftir
ljóði Þórsteins Valdimarssonar.
Jón Ásgeirsson.
_________________17_
Knut 0degaard
í Stúdenta-
kjallaranum
I kvöld lesa upp úr verk-
um sínum í Stúdenta-
kjallaranum skáldin og rit-
höfundarnir Knut 0de-
gaard frá Noregi, Einar
Bragi, Birgir Svan og Thor
Vilhjálmsson.
Öllum er heimill aðgang-
ur, en ljóðalesturinn hefst
klukkan 21 í kvöld, fimmtu-
dagskvöld.

Fyrir verzlunarmannahelgi
BOLIR — BOLIR — BOLIR — BOLIR . . .
Laugavegi 89 & 37 Rvk., símar 13008 & 12861