Morgunblaðið - 22.11.1979, Blaðsíða 38

38
MORGUNBLAÐIÐ, FIMMTUDAGUR 22. NÓVEMBER 1979
Syrpa úr handritum
Gísla Konráðssonar
Komið er út fyrsta bindi þjóð-
sagna, sem Skuggsjá hefur hafið
útgáfu á. Er það Syrpa úr
handritum Gísla Konráðssonar,
en hann var fæddur að Völlum í
Hólmi 1787, en lézt 1877 hartnær
níræður að aldri.
A kápusíðu segir m.a.: „Gísli
Konráðsson safnaði og skráði
þjóðsögur og munnmæli hvaðan-
æva að af landinu. Og eftir að
hann settist að í Flatey á Breiða-
firði frumskráði hann geysimikið,
mestmegnis íslenzka sagnfræði.
Fjaðrapenni hans, skorinn af hon-
um sjálfum, fór lengri vegu en
gerzt hafði áður meðai söguþjóð-
arinnar. Þeir fjársjóðir, sem hann
lét eftir sig, verða skemmtiefni
margra kynslóða, rannsóknarefni
margra alda, og „meira þó í huga
hans hvarf með honum dánum".
Það var missir."
Bókin er 356 bls. að stærð. Torfi
Jónsson sá um útgáfu hennar og
skrifar formála.
Afmælisrit Skóla ísaks
Jónssonar komið út
FIMMTÍU ára afmæli Skóla
ísaks Jónssonar var haldið
hátíðlegt árið 1976. Af því
tilefni ákvað skólanefnd að
gefa út afmælisrit er hefði að
geyma sögu hans. Rit þetta,
„Skóli Isaks Jónssonar
fimmtíu ára 1926 — 1976“ er
nú komið út. í því er fjallað
um upphaf og eflingu barna-
fræðslu á íslandi, lýst þætti
skólans í íslenskri skólasögu
í hálfa öld og rakið braut-
ryðjendastarf ísaks Jónsson-
ar í barnakennslu. Fjallað er
um vorskóla, æfingakennslu
og nýbreytni í kennsluhátt-
um og námsefni sem skólinn
hefur beitt sér fyrir. Loks er
að finna í ritinu upplýsingar
um nemendafjölda, kennara
o.fl.
Sjálfstæðisfélag Seltjarnarness:
50 nýir f élagar
Aðalfundur Sjálfstæðisfélags Seltirninga var haldinn í félagsheimil-
inu á Seltjarnarnesi hinn 31. október 8.1. Fundarstjóri var kosinn
Guðmar Magnússon bæjarfulltrúi og fundarritari Helga Einarsdóttir
húsfrú.
í skýrslu formanns, Skúla Júlí-
ussonar rafverktaka, kom fram að
störf félagsins hafa verið með
miklum blóma á liðnu starfsári, og
mikill fjöldi nýrra félagsmanna
gengið í samtök Sjálfstæðismanna
á Seltjarnarnesi á árinu, eða um
50 nýir félagar. Eru nú í félaginu
um 300 felagar, en þess má geta,
að við bæjarstjórnarkosningarnar
1978 fékk listi sjálfstæðismanna
tæp 900 atkvæði, þannig að nú eru
félagsbundnir um Va allra þeirra
er veittu lista flokksins brautarg-
engi við bæjarstjórnarkosn-
ingarnar á liðnu ári. Má álíta að
hér sé næstum um eindæmi að
ræða. Þessi glæsilega félagatala
gerir allt starf margfallt léttara
við undirbúning og skipulagningu
kosninga, jafnt bæjar sem alþing-
iskosningar.
Að lokinni skýrslu formanns og
gjaldkera, var gengið til stjórn-
arkjörs, og var Skúli Júlíusson
einróma endurkjörinn formaður
félagsins fyrir næsta starfsár, og
með honum í stjórn þau Ásgeir S.
Ásgeirsson stýrimaður, Áslaug
Harðardóttir húsfrú, Magnús
Valdimarsson iðnrekandi g Einar
Sverrisson framkv.stjóri. I vara-
stjórn voru kjörin þau Hulda
Kristinsdóttir viðskiptafræðingur
og Lúðvík Lúðvíksson hafnsögu-
maður.
Að loknum hefðbundnum aðal-
fundarstörfum urðu fjörugar og
málefnalegar umræður um hin
ýmsu lands og bæjarmál og tóku
margir til máls. Voru fundarmenn
einhuga um að vinna stefnu Sjálf-
stæðisflokksins allt það gagn er
þeir mættu við Alþingiskosn-
ingarnar sem framundan eru, og
með því tryggja flokknum fjóra
þingmenn í Reykjaneskjördæmi,
og þar með bæjarstjóranum vin-
sæla, Sigurgeiri Sigurðssyni sæti
á Alþingi íslendinga.
Sjálfstæðisflokkurinn:
Kjósendakvöld-
vaka í Hnífsdal
SJÁLFSTÆÐISMENN í Vestf jarð-
akjördæmi gangast fyrir kjósend-
akvöldvöku í Félagsheimilinu
Hnífsdal, í kvöld, fimmtudags-
kvöld klukkan 20.30. Kvöldvakan
mun hefjast með setningarávarpi
Kristínar Hálfdanardóttur
skrifstofumanns á ísafirði, en
hún skipar sjöunda sæti fram-
boðslista Sjálfstæðisflokksins í
kjördæminu.
Þá flytja stutt ávörp fjórir efstu
menn framboðslistans, þau
Matthías Bjarnason, Þorvaldur
Garðar Kristjánsson, Sigurlaug
Bjarnadóttir og Einar K. Guð-
finnsson.
Þá verða einnig ýmis skemmti-
atriði á dagskránni, samin og sett
upp af heimamömmum.
Klukkan 22 verður síðan dans-
leikur í Sjálfstæðishúsinu Uppsöl-
um á ísafirði, sem sjálfstæðis-
menn í kjördæminu gangast fyrir.
Ljósmynd Mbl. Helicl Ellert.
Unnið við gerð aðveitu- og dreifikerfis hjá Hitaveitu Egilsstaðahrepps og Fella, HEF.
Hitaveituframkvæmdir
ganga vel á Egilsstöðum
E^ilsstöðum, 15. nóvember.
HITAVEITA Egilsstadahrepps
og Fella, IIEF, var stofnuð s.l.
voro. Egilsstaðahrcppur á þar
85% en Fellahreppur í Norður-
Múlasýslu 15%.
Vatnið sem fundist hefur við
boranir í Urriðavatni, um fimm
kílómetra frá Egilsstöðum, er 65
gráða heitt og fást um 17 sek-
úndulítrar úr fjórðu borholunni
sem boruð var.
Unnið hefur verið af krafti í
sumar og haust við lagningu
aðveitu- og drefikerfis til um 125
húsa í báðum þorpunum.
Jarðfræðingar eru mjög bjart-
sýnir á að hægt verði að fá bæði
meira og heitara vatn við Urriða-
vatn. Næsta vor verður hafist
handa við borun holu númer fimm
sem verður á svipuðum slóðum og
fyrri holur. Reiknað er með að um
40 sekúndulítra þurfi til að hita
upp báðar byggðirnar.
Áætlaður framkvæmdakostn-
aður við upphaf framkvæmda var
um 320 milljónir króna, en búist
er við að heildarframkvæmda-
kostnaðurinn á þessu ári verði
ríflega 400 milljónir króna. —Jó-
hann.
Ljósm. Kristján.
Steindór Steindórsson frá Hlöðum ásamt Örlygi Hálfdánarsyni.
Egilsstaðir:
Nijr leikskóli fyrir
66 börn í notkun
Egilsstöðuni, 15. nóvember
NYR leikskóli var tekinn í notk-
un á Egilsstöðum 1. september
s.l. og er hann i 160 fermetra húsi
framleiddu af Trésmiðju Fljóts-
dalshéraðs.
Þegar skólinn verður fullnýttur
er ráðgert að þar geti verið sextíu
og sex börn, en í dag er þar 51
barn, þar af 18 fyrir hádegi og 33
eftir hádegi.
Fyrir nokkru höfðu fóstrur
leikskólans „opið hús“ fyrir íbúa
Egilsstaða þar sem starfsemi skól-
ans var kynnt og voru myndirnar
teknar við það tækifæri.
—Jóhann.
Frá „opnu húsi“ í hinum nýja leikskóla á Egilsstöðum.
Ljósmynd Mbl. Jóhann.