Morgunblaðið - 22.11.1979, Blaðsíða 3

4
MORGUNBLAÐIÐ, FIMMTUDAGUR 22. NÓVEMBER 1979 3
• ^ , n •**« • .»*
Haraldur ólafsson:
Vill ekki kveða upp úr um
afstöðu til vamarliðsins
— Steingrímur Hermannsson sammála ólafi um að skilyrði
séu ekki til brottfarar varnarliðsins á næsta kjörtímabili
„Ég tel að við eigum að skoða
stöðuna í varnarmálum mjög
vandlega og síðan verði að
meta, hvort á að segja her-
verndarsamningnum upp, eða
gera einhverjar aðrar breyt-
ingar. Þessi ummæli ólafs eru
væntanlega hans persónulega
skoðun, en að svo stöddu vil ég
ekki kveða upp úr um það,
hvort aðstæður til breytinga
eða óbreytts ástands verða á
næsta kjörtímabili“, sagði Har-
aldur ólafsson þriðji maður á
lista Framsóknarflokksins í
Reykjavík, er Mbl. spurði hann
í gær um afstöðu hans til
varnarliðsins.
Ólafur Jóhannesson hefur lýst
því yfir í samtali við Mbl., að
Haraldur
Steingrímur
ólafur
hann telji, að ekki séu skilyrði
fyrir brottför varnarliðsins á
næsta kjörtímabili. Steingrímur
Hermannsson, formaður Fram-
sóknarflokksins, sagði hins veg-
ar í samtali við Mbl. í gær, að
honum sýndist sem ólafi, „að
ástandið sé því miður ákaflega
óöruggt og get ég því tekið undir
það með honum, að skilyrði séu
ekki fyrir brottför varnarliðsins
á næsta kjörtímabili".
Haraldur sagðist samþykkur
þeirri stefnu Framsóknarflokks-
ins að öryggismálin verði tekin
til endurskoðunar, en hins vegar
gæti hann ekki sagt um það nú,
hvernig bezta lausnin væri.
„Miðstjórn Framsóknar-
flokksins er nú að undirbúa
flokksráðstefnu um varnarmálin
og er undirbúningurinn tengdur
starfi þessarar öryggismála-
nefndar, sem Ólafur minnist á,“
sagði Steingrímur. „Við leggjum
áherzlu á að finna leið, sem
þjóðin sættir sig við, og viljum
leysa varnarmálin í friði og
vinsemd við aðrar vestrænar
þjóðir.
Annars teljum við Framsókn-
armenn að nú þurfi að vinna af
alefli að lausn efnahagsmálanna
og að deilur um mál, eins og
varnarmálin, eigi að setja til
hliðar á meðan."
Viktor Korchnoi

Bernhöftstorfan
leigð til 12 ára
MENNTAMÁLARÁÐUNEYTIÐ
hefur gengið frá samningi við
Torfusamtökin um leigu hús-
eigna ríkissjóðs á svonefndri
Bernhöftstorfu ásamt meðfylgj-
andi eignarlóðum. Gildir samn-
ingurinn til 12 ára og er leigan
greidd með þeim hætti að Torfu-
samtökin annast endurbyggingu
og lagfæringu á húsunum.
Vilmundur Gylfason mennta-
málaráðherra undirritaði í gær
ásamt fulltrúum Torfusamtak-
anna leigusamning og gaf ráðu-
neytið út eftirfarandi fréttatil-
kynningu: Gengið hefur verið frá
samningi við Torfusamtökin um
leigu húseigna ríkissjóðs Banka-
stræti 2 og Amtmannsstíg 1 (svo-
nefnd Bernhöftstorfuhús) í
Reykjavík ásamt meðfylgjandi
eignarlóðum. Leigusamningurinn
gildir til 12 ára og er leigugreiðsla
með þeim hætti að Torfusamtökin
munu annast endurbyggingu, lag-
færingar og viðhald húsa auk þess
sem þau ábyrgjast greiðslur opin-
berra gjalda. I samningnum felst
ennfremur samþykki ríkisins fyrir
því að komið verði upp að nýju
þeim mannvirkjum sem orðið hafa
eldi að bráð.
Forráðamenn Torfusamtakanna
tjáðu Mbl. að hér væri miklum
áfanga náð í starfi samtakanna,
sem stofnuð voru fyrir 8 árum og
lægi nú fyrir að setjast á rökstóla
til að ákveða hvert yrði fyrsta
skrefið í endurreisnarstarfinu.
Kváðu fulltrúar samtakanna ljóst
að hér væri um fjárfrekar fram-
kvæmdir að ræða. — Ég vil þakka
tveimur ágætum ráðherrum þ.e.
núverandi og fyrrverandi mennta-
málaráðherrum að þessum áfanga
Neita verðbót-
um aðeins fram
yfir kosningar
BENEDIKT Gröndal forsætisráð-
herra var spurður að því í gær,
hvort ákvörðun ráðherra Alþýðu-
flokksins um að taka ekki við
verðbótum á laun eftir 1. desember
næði til lengri tíma en desemberm-
ánaðar. Sagði Benedikt að um þann
möguleika hefði ekki verið hugsað,
þ.e. að þessi ríkisstjórn sæti lengur
en fram yfir kosningar. Ef myndun
nýrrar ríkisstjórnar drægist þá
væri því til að svara, að þetta mál7
hefði ekki verið hugsað lengra en
fyrir desembermánuð.
er náð og hafa þeir sýnt að vilji er
allt sem þarf í þessu máli. Von-
umst við til að geta staðið við
okkar hlut og reynumst trautsins
verð, sagði Guðrún Jónsdóttir
formaður Torfusamtakanna.
— Þetta hefur verið mál þriggja
ráðuneyta, sagði Vilmundur
Gylfason, þ.e. menntamála-, fjár-
mála- og forsætisráðuneyta og
milli þeirra hefur verið gott sam-
band um að afgreiða málið á
þennan hátt, en samningur þessi
verður síðan endurskoðaður að 12
árum liðnum.
Ljónm. Kristján.
Frá undirritun leigusamnings um Bernhöftstorfuna; f.h.: Vilmundur
Gylfason menntamálaráðherra, Guðrún Jónsdóttir, Richard Hördal,
Hörður Ágústsson og Þorsteinn Bergsson fulltrúar Torfusamtakanna.
Tel víst að
við verðum
við óskum
Korchnois“
Utanríkisráðuneytinu hafði
ekki síðdegis í gær borizt
skeyti Viktors Korchnois, en
frá því hefur verið greint að
hann ætli m.a. að biðja íslenzku
ríkisstjórnina um liðsinni í
baráttu sinni fyrir að fá leyfi
fyrir konu sína og son til að
flytjast frá Sovétríkjunum.
— Ég tel víst, að við verðum
við óskum Korchnois og gerum
það sem við getum til að greiða
götu hans og fjölskyldu, sagði
Benedikt Gröndal utanríkisráð-
herra í samtali við Mbl. í gær.
Við munum sennilega láta í ljós
óskir við sovézk yfirvöld vegna
þessa máls, en hvernig það
verður gert er ekki ljóst. Ég vil
fyrst sjá skeyti Korchnois og
hugmyndir hans um lausn máls-
ins ef þær koma fram í skeyti
þessu, sagði Benedikt Gröndal.
Galloway nautin í Hrís-
ey skyld nautum í Kína
FYRSTA kýrin utan Hríseyjar
var á þriðjudaginn sædd með
sæði úr Gallowaynauti en það
var kýrin Húfa á Neðra-Skarði í
Leirársveit, eins og fram kom i
frétt Mbl. í gær.
í fréttabréfi upplýsingaþjón-
ustu landbúnaðarins, sem Mbl.
hefur borizt er skýrt allitarlega
frá ræktun holdanautanna i
Hrisey og fer sú frásögn hér á
eftir:
„Á þessu hausti voru liðin 3 ár
síðan farið var að sæða kýr á
sóttvarnarstöðinni í Hrísey, með
sæði úr Galloway nautum í Skot-
landi. Þetta er lágmarkstími, sem
ákveðið er í lögum, að líða skuli
áður en flytja má í land úr eynni
sæði úr nautum, fæddum á stöð-
inni.
Sæðistaka hófst fyrir nokkru
og að undangenginni ítarlegrí
rannsókn á sæðinu, hefur nú
verið heimiluð sala á sæði úr
tveim nautum. Ákveðið hefur
verið að Nautastöð Búnaðarfé-
lags íslands á Hvanneyri selji
búnaðarsamböndunum sæði á
2000 kr. hvern skammt (strá)
umfram það verð, sem innheimt
er af hverri sæddri kú. Þessi tvö
naut heita Árni og Fetill.
Kvígurnar á sóttvarnarstöð-
inni, sem eru jafnöldrur naut-
anna þar, eru nú farnar að bera.
Handa þeim var notað sæoi úr
nauti fengnu frá Skotlandi, sem
ekki hafði verið notað úr áður á
stöðinni. Þessir kálfar sem fæðst
hafa nú eru því að % hlutum
Galloway, þ.e. 2. ættliður og
sumir nokkru betri því að stofn-
kýrnar úr Mýrdalnum voru
sumar blendingar.
Nautkálfar í
þessum hópi ættu að vera orðnir
kúnýtir í árslok 1980, svo að upp
úr því mætti að mega fara að
sáfna sæði úr þeim til notkunar í
landi. Meiri skyldleiki nauta til
notkunar í landi fæst ekki fyrr en
nautkálfar undan kvígunum, sem
fæddust í haust að 2. ættlið verða
kynþroska. Þær munu bera eftir
tvö ár og ári síðar ætti að fara að
mega nota nautkálfa undan þeim
í ársbyrjun 1983. Þau naut yrðu
að 7/8 hlutum af Galloway kyni
eða því sem næst hrein. Heimild-
armaður að ofangreindri frétt er
Ólafur E. Stefánsson nautgripa-
ræktarráðunautur Búnaðarfélags
íslands.
Til fróðleiks má geta þess að
leiðtoga kínverska kommúnista-
flokksins Hua-Kuo-Feng var gef-
ið Galloway naut þegar hann var
fyrir skömmu í opinberri heim-
sókn í Bretlandi. Þetta naut var
frá sama stað og nautin sem valin
voru til sæðistöku fyrir kvígurnar
í Hrísey. Svo á næstu árum munu
fæðast Galloway kálfar í Kína
sem eru mikið skyldir kálfum
ættuðum úr Hrísey."
Nautið Árni 77602, en sæði úr honum var sett í Húfu á
Neðra-Skarði. Árni er fæddur í Hrísey 16. júlí 1977, móðir Eygló 6
frá Garðskoti en faðir Repute of Castle Milk frá Skotlandi. Árni vó
566 kg 5. nóvember s.l. og brjóstmál hans var 198 sentimetrar.
Nautið Fetill 77603, fæddur í Hrísey 28. júll 1977, móðir Snegla 16
frú Norður-Fossi en faðir Burnside Remarkable frá Skotlandi.
Fetill vó 600 kg 5. nóvember 8.1. og brjóstmál hans var 192
sentimetrar. Ljósm. Guðjón Björnsson.