Morgunblaðið - 15.01.1980, Side 42

22
MORGUNBLAÐIÐ, ÞRIÐJUDAGUR 15. JANÚAR 1980
Körfuboltamenn byrjuðu
nýja árið af miklum krafti
ÚRVALSDEILDIN byrjaði að
nýju á sunnudagskvöldið eftir
jólahlé og verður ekki annað sagt
en körfuboltamenn hafi byrjað
nýja árið af krafti. Það voru
gömlu erkióvinirnir KR og ÍR
sem riðu á vaðið og enn einu
sinni fóru íslandsmeistarar KR
með sigur af hólmi í hröðum og
skemmtilegum leik þar sem mik-
ið var skorað, 112:100 voru loka-
tölurnar en í hálfleik hafði ÍR
haft verðskuldaða forystu, 52:48.
Segja má að þarna hafi ÍR-ingar
misst af strætisvagninum því
mikið má gerast ef þeir eiga eftir
að blanda sér i toppbaráttuna
eftir ósigurinn á sunnudaginn.
Leikurinn fór fram í íþróttahús-
inu í Hafnarfirði og var ástæðan
sú, að KR-ingar voru sviptir
heimaleik sínum vegna óláta
áhorfenda atleik KR og Vals fyrir
jól. Körfuboltamenn hafa látið vel
af því að leika í hinu glæsilega
íþróttahúsi Hafnfirðinga og það
sannaðist í þessum leik að þar er
gott að leika körfubolta.
En snúum okkur að leiknum.
KR-ingar voru sprækari til að
byrja með höfðu náð 10 stiga
forystu eftir 10 mínútna leik,
26:16. En ÍR-ingar voru ekki á
þeim buxunum að gefast upp og
þegar leiknar höfðu verið tvær
mínútur til viðbótar var staðan
orðin 35:34 ÍR í vil! Það má með
sanni segja að sviptingarnar geta
verið miklar í körfuboltanum.
IR-ingar náðu mest 5 stiga forystu
í fyrri hálfleiknum og þegar blásið
var til leikhlés hafði ÍR fjögurra
stiga forystu, 52:48, og var það
mjög verðskuldað.
í upphafi seinni hálfleiks var
leikur IR-inga hins vegar í molum
og KRingar náðu fljótlega forystu
sem þeir héldu til leiksloka. Juku
þeir forystuna jafnt og þétt og
KR — ÍR
112:100
komust mest 19 stig yfir, 98:79, og
má segja að um tíma hafi KR með
Jón Sigurðsson í broddi fylkingar
haldið nokkurs konar sýnikennslu
í körfubolta. Undir lokin tókst
ÍR-ingum aðeins að minnka mun-
inn en sigur KR var aldrei í hættu.
Segja má að síðustu 2—3 mínút-
urnar hafi leikurinn snúist um
það hvað KR-ingum tækist að
komast hátt yfir 100 stiga markið
og hvort IR-ingum tækist að ná
100 stigunum, sem þeir gerðu
reyndar með síðustu körfu leiksins
7 sekúndum fyrir leikslok.
Bæði liðin byrjuðu leikinn frem-
ur illa og höfðu menn á orði að
jólasteikin sæti enn í mönnum. En
leikurinn breyttist svo þegar á leið
og bæði lið sýndu góða spretti og
prýðis hittni en varnirnar voru í
lakara lagi eins og tölurnar bera
með sér. Þrír menn báru nokkuð
af í liði KR, þeir Jackson, Jón
Sigurðsson og Birgir Guðbjörns-
son. Jackson var í feikna miklu
stuði og það geigaði varla hjá
honum skot enda skoraði hann 44
stig. Jón var geysigóður, stjórnaði
spilinu eins og herforingi, átti
margar gullfallegar sendingar og
skoraði mikið sjálfur. Þá er Birgis
ógetið, sem lék sinn langbezta leik
í vetur, var öruggur í langskotun-
um og barðist allra manna bezt í
vörninni. Einnig má geta Geirs
Þorsteinsson, sem átti ennfremur
góðan leik.
Byrjunarlið IR er mjög gott en
breidd er engin, enda var fyrsta
innáskipting ekki framkvæmd
fyrr en á 25. mínútu leiksins. Það
mæðir því mikið á sömu mönnun-
um, þeim Mark Christiansen, Kol-
beini Kristinssyni, Kristni Jör-
undssyni, Jóni Jörundssyni og
Stefáni Kristjánssyni. Þeir stóðu
sig mjög vel lengst af en þegar KR
keyrði upp hraðann í seinni hálf-
leik gáfu þeir eftir og náðu ekki að
halda í við KR-inga.
Guðbrandur Sigurðsson og Ingi
Gunnarsson dæmdu leikinn vel ef
á heildina er litið en þeir gerðu
líka sínar skyssur eins og alltaf
vill verða.
Stig KR: Marvin Jackson 44, Jón
Sigurðsson 28, Birgir Guðbjörns-
son 18, Geir Þorsteinsson 16, Árni
Guðmundsson 2, Eiríkur Jóhann-
esson 2, Ágúst Líndal 2 stig.
Stig ÍR: Mark Christiansen 35,
Kristinn Jörundsson 18, Kolbeinn
Kristinsson 18, Jón Jörundsson 17,
Stefán Kristjánsson 10, Sigmar
Karlsson 2 stig.
- SS
P.S. í hálfleik fór fram vítakeppni
nokkurra þekktra lærifeðra í
Hafnarfirði og bar hinn þekkti
FH-ingur Ingvar Viktorsson sigur
úr býtum. Þulur hússins tilkynnti
að Ingvar keppti að þessu sinni
fyrir Hauka og var eins og við
manninn mælt, Ingvar skoraði
sigurkörfuna með glæsibrag.
Jón Sigurðsson KR-ingur átti að vanda stórgóðan leik með liði sínu.
I
Judofelag Reykjavikur
bar sigur úr býtum
SVEITAKEPPNI J.S.Í. - 1980
var háð s.l. sunnudag 13. janúar i
iþróttahúsi Kennaraháskólans.
Fjórar sveitir kepptu að þessu

mæim
sinni, en í hverri sveit eru 7
menn, einn úr hverjum þyngdar-
flokki.
Sveit Judófélags Reykjavíkur
bar sigur úr býtum að þessu sinni
eins og jafnan áður, því að JFR
hefur sigrað í þessari keppni frá
upphafi eða sjö ár samfellt. Sveit-
ina skipuðu að þessu sinni eftir-
taldir judomenn: Svavar Carlsen,
Benedikt Pálsson, Kári Jakobs-
son, Halldór Guðbjörnsson, Eð-
varð Benediktsson og Rúnar Guð-
jónsson.
Sameinuð sveit Suðurnesja-
manna varð í öðru sæti (UMFK
og UMFG). Sveitina skipuðu:
Sigurður Hauksson, Ómar Sig-
urðsson, Gunnar Guðmundsson,
Jóhannes Haraldsson og Gunnar
Jóhannesson. Eins og sjá má að
ofan voru þessar sveitir ekki
fullskipaðar. Heimilt er að senda
fram sveit með 4 mönnum hið
minnsta, en þrjár viðureignir eru
þá fyrirfram tapaðar sveitinni ef
hún keppir við aðra fullskipaða
sveit.
Sveit Ármanns varð að láta sér
nægja þriðja sætið að þessu sinni.
óvæntust úrslit voru sigur Kára
Jakobssonar JFR yfir Sigurði
Haukssyni S, og Svavar Carlsen
tapaði fyrir Bjarna Friðrikssyni
Á.
Heiidarniðurstaða keppninnar
í tölum var sem hér segir:
J.F.R. ■ ' 5 6 3 15 122:34
Suðurnes 2 4 2 11 99:67
Ármann — A 2 1 ■ f- 1 1 10 94:72
Ármann — B 0 JL m 0 2 14:156
L

Svavar Carlssen til vinstri í einni glimu sinni i mótinu sem fram fór
um helgina. Ljósm. Guðjón B.