Morgunblaðið - 02.02.1980, Blaðsíða 2

MORGUNBLAÐIÐ, LAUGARDAGUR 2. FEBRÚAR 1980
2
Loðnan:
Veiðin nálgast
150 þús. lestir
LÍÚ skorar á ráðuneytið að stöðva ekki veiðarnar
Á FUNDI stjórnar Landssambands íslenzkra útvegsmanna, sem
haldinn var á fimmtudaginn, var samþykkt að íara þess á leit við
sjávarútvegsráðuneytið, að heimilað yrði að halda áfram loðnuveiðum
vegna þess hve mjög er óvíst
loðnuhrogna.
Eins og fram hefur komið í
fréttum, mun sjávarútvegsráðu-
neytið hafa í hyggju að stöðva
veiðarnar þegar veiddar hafa ver-
ið 160—180 þúsund lestir á vertíð-
inni, en í gær var veiðin farin að
nálgast 150 þúsund lestir.
I fréttatilkynningu frá LIÚ, sem
Mbl. barst í gær, segir m.a.:
„Aðferð fiskifræðinga til mæl-
inga á stofnstærð loðnu byggist á
bergmálsmælingu, en sú aðferð er
um loðnufrystingu og nytmgu
ný hér við land og hefur ekki
sannast að hún gefi rétta mynd af
fitofnstærðinni. Að áliti skipstjóra
loðnuveiðiskipa er nú óhemju mik-
ið af loðnu á miðunum og því ekki
tímabært nú að taka ákvörðun um
heildarveiðimagnið.
Með tilliti til þess að loðnan
rýrnar nú að verðmæti með hverj-
um deginum sem líður, þar til hún
hrygnir, er mjög mikilvægt að
veiðar verði ekki stöðvaðar nú.“
INNLENT
í gær höfðu 7 bátar tilkynnt
afla, samtals 3900 lestir: Bátarnir
eru Pétur Jónsson 570 lestir,
Þórshamar 580, Jón Finnsson 520,
Helga Guðmundsdóttir 300, Seley
420, Grindvíkingur 1050 og Arn-
arnes 500. Á fimmtudagskvöld
tilkynnti einn bátur afla, Huginn
600 lestir. Þann dag fengu 8 bátar
afla, samtals 6400 lestir.
3 matsölustaðir
sækja um
vínveitingaleyfi
UMSÓKNÍR þriggja matsölu-
staða í Reykjavík um vínveit-
ingaleyfi eru nú til afgreiðslu hjá
dómsmálaráðuneytinu. Matsölu-
staðirnir eru Askur, Matstofa
Austurbæjar og Hornið, en ætl-
unin mun sú að á þessum stöðum
verði einungis á boðstólum létt
vín.
Ólafur W. Stefánsson skrif-
stofustjóri í dómsmálaráðuneyt-
inu tjáði Mbl. í gær að umsóknirn-
ar hefðu verið sendar borgaryfir-
völdum og svonefndri matsnefnd
vínveitingahúsa til umsagnar.
Sagði Ólafur að borgarráð hefði
ekki mælt gegn umsóknunum en
ennþá hefði ekki borizt álit mats-
nefndarinnar.
Strangar kröfur eru gerðar til
þeirra veitingahúsa, sem sækja
um vínveitingaleyfi, og verður
veitingastaðurinn að vera 1. flokks
að mati fyrrnefndrar matsnefnd-
ar. í fyrra var þremur matsölu-
stöðum synjað um vínveitingaleyfi
eftir að matsnefndin hafði gefið
neikvæða umsögn en það voru
Jkrínan, Kirnan og Nessý.
Ljfem. Mbl. Ól. K. M.
Miðaverð kvikmyndahúsa:
Kvikmyndahúsin fá 61%
en skattheimtan yfir 38%
Sundurliðun á verði bíómiða
lítur þannig út: Söluskattur
kr.180,32 (18,032%), skemmt-
anaskattur kr.150 (15%), menn-
ingarsjóðsgjald kr.15 (1,5%),
stefgjald kr.8,70 (0,87%), sæta-
gjald kr.32,74 (3,274%) og eru
þessir skattar alls 386,76 krónur
eða 38,676% af verði hvers
miða, en hlutur kvikmyndahúss
er 613,24 krónur eða 61,324%.
—Við sóttum um hækkun í
1.200 krónur, en fengum að
hækka í 1.000 og liggur því enn
fyrir hjá verðlagsyfirvöldum
áframhaldandi hækkunar-
beiðni, sagði Grétar Hjartarson
framkvæmdastjóri Laugarás-
bíós í samtali við Mbl. —Við
viljum að sjálfsögðu ekki
hækka miðaverð of ört, en það
er nú ekki hærra en svo að það
stendur ekki undir öllum kostn-
aði við rekstur kvikmyndahúss
og því verðum við að selja
sælgæti í hléi, en bíóin eru að
sjálfsögðu ekki gerð með það í
huga, þótt segja megi nú að við
Kvikmyndahúsin
sóttu fyrir áramótin
um hækkun á verði
aðgöngumiða úr
krónum 900 í
1.200, en leyfð var
hækkun í kr. 1.000.
Af verði hvers miða
eru tekin 39% í
ýmis gjöld, en 61%
af aðgöngumiðaverð-
inu renna til kvik-
myndahúsanna.
lifum á „sjoppunni." Okkur er
reyndar illa við að hafa hlé og
megum það heldur ekki alltaf,
enda skemmir það einatt kvik-
myndir að slíta þær í sundur.
— Borið saman við leikhús-
miðaverð, sem er um 4 þúsund,
þá er ekki dýrt að fara í bíó og
bilið þarna á milli hefur alltaf
verið að breikka. Skoðun okkar
er sú að skattheimta á miða-
verðinu sé orðin alltof mikil og
hana beri að minnka. Við getum
t.d. nefnt sætagjaldið, það er
aðeins lagt á kvikmyndahúsin í
Reykjavík, ekki t.d. Kópavogi
eða Hafnarfirði, en það er frá
stríðsárunum og okkur finnst
undarlegt að greiða skemmt-
anaskatt, sem rennur til Sin-
fóníunnar. Þá er það ekki síður
undarlegt að tala um enn frek-
ari gjaldtöku af miðaðverðinu
til að afla fjár til kvikmynda-
sjóðs, en þó væri eðlilegra að
leggja eitthvað til hans en
Sinfóníunnar. En það eru þess-
ar álögur á miðaverðið, sem við
viljum fá felldar niður og þá
getum við líka enn frekar gert
okkar til að fá hingað sem
oftast nýjar myndir, sagði
Grétar Hjartarson að lokum.
Nýtt loðnuverð ákveöiö í gær:
Afkomu sjómanna og
útgerðar stefnt í voða
Á FUNDI yfirneíndar Verðlags-
ráðs sjávarútvegsins í gær var
ákveðið nýtt lágmarksverð á
loðnu veiddri í bræðslu á yfir-
standandi vetrarloðnuvertíð. Var
verðið ákveðið 16,20 krónur fyrir
hvert kíló.
Verðið er miðað við 8% fituinni-
hald og 16% fitufrítt þurrefni.
Verðið breytist um kr. 1.30 til
hækkunar eða lækkunar fyrir
hvert 1%, sem fituinnihald breyt-
ist frá viðmiðun og hlutfallslega
fyrir hvert 0,1%. Fitufrádráttur
reiknast þó ekki þegar fituinni-
hald fer niður fyrir 3%. Verðið
breytist um kr. 1,60 til hækkunar
eða lækkunar fyrir hvert 1%, sem
þurrefnismagn breytist frá við-
miðun og hlutfallslega fyrir hvert
0,1%. Ennfremur greiði kaupend-
ur 4 aura fyrir hvert kg til
’oðnunefndar. Auk verðsins, sem
að framam greinir skal lögum
iamkvæmt greiða 10% gjald til
itofnfjársjóðs fiskiskipa og 5%
olíugjald, sem ekki kemur til
skipta. Verksmiðjunum ber þann-
— var bókað
eftir fulltrú-
um seljenda
ig á grundvelli þessarar verðá-
kvörðunar að greiða til útgerðar
að meðtöldu olíugjaldi og stofn-
fjársjóðsgjaldi heildarverð kr.
18,63.
Afhendingaskilmálar eru
óbreyttir.
Verðið er uppsegjanlegt frá og
með 1. mars með viku fyrirvara.
Verðið var ákveðið af odda-
manni og fulltrúum kaupenda
gegn atkvæðum fulltrúa seljenda.
I yfirnefndinni áttu sæti: Ólafur
Davíðsson, sem var oddamaður
nefndarinnar, Guðmundur Kr.
Jónsson og Jón Reynir Magnússon
af hálfu kaupenda og Óskar Vig-
fússon og Páll Guðmundsson af
hálfu seljenda.
Fulltrúar seljenda láta bóka, að
þeir mótmæli harðlega gerðri
verðákvörðun og of stórum hlut
kaupenda, þar sem kr. 4.50 eru
teknar úr Verðjöfnunarsjóði fiski-
skipa og afhentar verksmiðjueig-
endum, meðan afkoma sjómanna
og útgerðar er stofnað í voða, þar
sem ekki er tekið tillit til afla-
skerðingar og stórhækkaðs kostn-
aðar, svo sem 170% hækkun olíu-
verðs-til fiskiskipa milli ára.
Óskar Vigfússon, fulltrúi sjó-!
manna, lætur auk þess bóka: Þar
sem Ijóst er að loðnusjómenn
verða fyrir stórfelldri kjaraskerð-
ingu á þessu ári vegna ákvarðana
stjórnvalda um takmörkun á afla-
magni, sem ætla má að nemi um
það bil 25% á þessu verðtímabili,
sé litið til meðaltals þriggja
síðustu ára, ítreka ég þá kröfu
mína, að stjórnvöld beiti sér nú
þegar fyrir því, að sjómönnum
verði tryggðar bætur úr Afla-
tryggingasjóði í þeim veiðistöðv-
unum er ákveðnar kunna verða á
vertíðinni.
Jóhann Ell-
erup látinn
JÓHANN Ellerup fyrrum apótek-
ari í Keflavík er látinn. Hann var
fæddur 8. janúar 1904 í Danmörku
og gerðist apótekari á Seyðisfirði
árið 1932 eftir nám í Danmörku.
Var hann búsettur þar til ársins
1950 er hann gerðist apótekari í
Keflavík. Hann var formaður
Pharmaco, innkaupasambands
lyfsala frá stofnun þess 1956. Þá
var hann vararæðismaður Dan-
merkur.
Prófastsvísi-
tazía í
Dómkirkjunni
Á MORGUN, sunnudaginn
3. febrúar, mun sr. Ólafur
Skúlason dómprófastur
vísitera Dómkirkjusöfnuð-
inn. Vísitazían hefst með
guðsþjónustu kl. 2 e.h.,
þar sem prófastur prédik-
ar, en dómkirkjuprestarn-
ir þjóna fyrir altari og
Dómkórinn syngur undir
stjórn Marteins H. Frið-
rikssonar dómorganista.
Eftir messu mun prófastur
skoða kirkjuna og eiga fund með
sóknarnefnd, safnaðarfulltrúa,
prestum, organista og fleira
starfsliði kirkjunnar. Þar verða
rædd málefni safnaðarins og
kirkjumál almennt.
Safnaðarfólk er eindregið hvatt
til að fjölmenna til guðsþjónust-
unnar. Nemendur Tónlistarskól-
ans í Reykjavík munu leika á
orgelið í hálfa klukkustund, áður
en guðsþjónustan hefst.
Að sjálfsögðu verður einnig
messað kl. 11 f.h. Það gerir sr.
Erlendur Sigmundsson farprestur
þjóðkirkjunnar.