Morgunblaðið - 02.02.1980, Blaðsíða 17
MORGUNBLAÐIÐ, LAUGARDAGUR 2. FEBRÚAR 1980
17
Miles og Torre tefla á
Reykjavíkurskákmótinu
Fullskipað er í mótið og tefla í því 8 stórmeistarar
NÚ ER endanlega ljóst hvaða skákmenn verða þátttak-
endur á Reykjavíkurskákmótinu, sem hefst á Hótel
Loftleiðum 23. febrúar n.k. Tveir síðustu skákmennirn-
ir staðfestu þátttöku sína í þessari viku, stórmeistararn-
ir Torre frá Filipseyjum og Miles frá Englandi.
Keppendur verða alls 14, þar af
8 stórmeistarar og 6 alþjóðlegir
meistarar. Mótið er af 10. styrk-
leikagráðu og er meðalstyrkleiki
skákmannanna 2490 stig. Skák-
meistararnir 14 eru þessir: Stór-
meistarar: Guðmundur Sigurjóns-
son, íslandi; Browne, Bandaríkj-
unum; Byrne, Bandaríkjunum:
Miles, Englandi; Torre, Filipseyj-
um; Sosonko, Hollandi; Vasjukov,
Sovétríkjunum, og Tsechovsky,
Sovétríkjunum. Alþjóðlegir meist-
arar: Helgi Ólafsson, íslandi;
Margeir Pétursson, íslandi; Jón L.
Árnason, íslandi; Haukur Angan-
týsson, Islandi; Schussler, Svíþjóð,
og Helmers, Noregi.
Að mótinu standa Skáksam-
band íslands og Taflfélag Reykja-
víkur og er Einar S. Einarsson
formaður mótsnefndar. Yfirdóm-
ari verður Guðmundur Arnlaugs-
son en aðstoðardómarar þeir
Gunnar Gunnarsson, Guðbjartur
Guðmundsson, Jóhann Þórir
Jónsson og Þorsteinn Þorsteins-
son.
í mótinu munu gilda þau tíma-
takmörk, sem tekin voru upp í
fyrsta skipti á síðasta Reykja-
víkurskákmóti og nefnast „Ice-
landic Modern". Hafa skákmenn-
irnir 90 mínútna umhugsunartíma
fyrir fyrstu 30 leikina og 60
mínútur fyrir næstu 20 leiki.
Verðlaunafé nemur alls 5 milljón-
um króna og eru 1. verðlaun ein
milljón. Greiddir verða 50 dollarar
eða 20 þúsund krónur fyrir unna
skák, 15 dollarar fyrir tapaða skák
og 10 dollarar fyrir jafntefli.
Þess skal getið að lokum, að
stórmeistarinn Walter Browne,
sem sigraði á síðasta Reykja-
víkurskákmóti, mun koma hingað
til lands 7. febrúar og er hann
tilbúinn að tefla fjöltefli um allt
land fram að mótinu. Þeir sem
hafa áhuga á slíkumfjölteflum við
Browne eru beðnir að hafa sam-
band við Skáksamband íslands hið
allra fyrsta.
Hallsteinn við nokkra af járnskúlptúrum sinum. Ljósm. Mbl. Kristján.
Fimmtán járnskúlptúrar
á gólfi, veggjum og í lofti
Hallsteinn Sigurðsson sýnir í FÍM-salnum
IIALLSTEINN Sigurðsson mynd-
höggvari heldur nú sýningu i
FÍM-salnum við Laugarnesveg og
sýnir hann þar 15 myndir úr járni.
Er þar um að ræða 6 járnskúlptúra
sem hanga. 3 sem eru á gólfi og 6 á
vegg. Sýning Hallsteins verður
opin fraí2. —17. febrúar kl. 3—10
daglega.
„Ég hef eingöngu verið að smíða
úr járni á s.l. ári,“ sagði Hallsteinn,
„myndirnar get ég lítið útskýrt. Þær
spanna yfir ákveðið rúmtak og í
sumum tilvikum hefur ein vaxið af
annarri, en ég get ekki sagt að ég
hafi nein sérstök mótív að fyrir-
mynd.“
Aðspurður kvaðst Hallsteinn ætla
að hvíla járnið í bili þegar hann
hefði lokið við tvö verk á veggi
Menntaskólans á ísafirði.
Hallsteinn býr að Yztaseli 37 í
Breiðholti og þar hefur hann einnig
vinnustofu. Hann nam myndhöggv-
aralist í Bretlandi, Grikklandi og
Ítalíu. Hallsteinn á tvær myndir í
Listasafni Islands, fjórar myndir í
eigu Reykjavíkurborgar og fjórar í
Listasafni Borgarness. Gerði vegg-
mynd fyrir vistheimilið á Vífils-
stöðum 1973.
Keflvísk húsmóðir skoðar nýja matarsaltið.
Ljósm. Arnór
Islenzkt matarsalt
komið á markaðinn
NÝLEGA kom á markaðinn
matarsalt frá Saltverksmiðj-
unni á Reykjanesi. Er hér um
að ræða mjög gott fínt salt í 1
kg pakkningum. Að sögn
Finnboga Björnssonar fram-
kvæmdastjóra Saltverksmiðj-
unnar er búið að dreifa um 10
tonnum af þessú salti en
ársneysla landsmanna er í
kring um 220 tonn.
Taldi Finnbogi að við nú-
verandi ástand gæti verk-
smiðjan framleitt mikinn
hluta ársneyzlunnar og auð-
veldlega með hugsanlegum
stækkunarhugleiðingum.
Framleiðsla matarsaltsins er
þó aðeins hliðarframleiðsla en
aðallega er framleitt salt til
fiskverkunar.
Tveir aðilar. SÍS og Krist-
ján Ó Skagfjörð. hafa hafið
dreifingu saltsins.
Finnbogi Björnsson sagði að
nú væri unnið að skýrslu til
yfirvalda og verður hún vænt-
anlega tilbúin í marz. í fram-
haldi af henni verður svo
ákveðið um framhald verk-
smiðjunnar. I skýrslunni verða
reifaðar hugmyndir að stækk-
un verksmiðjunnar annars
vegar í 30 þúsund tonna árs-
framleiðslu og hins vegar i 60
þúsund tonn. Er það von undir-
búningsnefndar að niðurstöður
skýrslunnar verði lagðar fyrir
Alþingi í vetur til ákvörðunar
en undirbúningsfélagið hefir
unnið skv. lögum frá Alþingi
frá 1976.
.ffe*-'**
Saltinu er pakkað suður í Garði. Björn Finnbogason hefir umsjón
með því og hér er hann ásamt Auði Vilhjálmsdóttur að vigta í
pokana.
Jlvers virði eru ný jakkaföt
ef þú ert í Ijótum skóm “
Viö höfum aldrei haft jafn mikiö úrval af herraskóm og
núna; og viljum viö benda þér sérstaklega á ítölsku
mokkasínurnar sem eiga viö öll tækifæri.
PÓSTSENDUM SAMDÆGURS S. 18519
LAKY 1775 svart, brúnt
leðursóli, kr. 27.300
LAKY 205 vínrautt
hrágúmmísóli, kr. 27.300
LAKY 067 svart, brúnt
leðursóli, kr. 27.300
ARNO 1447 vínrautt
leður / gúmmísóli, kr. 31.805
Dómus Medica
Barónsstíg 18.
ARNO 433 brúnt og svart
leður / gúmmísóli, kr. 31.065