Morgunblaðið - 20.05.1980, Blaðsíða 19

MORGUNBLAÐIÐ, ÞRIÐJUDAGUR 20. MAÍ1980
19
Landssamband iðnverkafólks:
Mótmælir lögákveð-
inni ráðstöfun fjár
lífeyrissjóðanna
STJÓRN Landssambands iðn-
verkafólks mótmælir þeim fyrir-
ætlunum ríkisstjórnarinnar að
setja í lög ákvæði um hvar
lifeyrissjóðir ávaxti fjármuni
sína. Bendir fundurinn á, að
minni lifeyrissjóðunum sé með
þessu gert nær ómögulegt að
aðstoða félagsmenn sína við kaup
á húsnæði, sem hefur i mörgum
tilfellum ekki reynzt mögulegt,
nema lán úr lifeyrissjóði kæmi
til.
Fundurinn minnir á að margir
lífeyrissjóðir hafa keypt skulda-
bréf af fjárfestingalánasjóðum at-
vinnuveganna og viljað með því
stuðla að auknu atvinnuöryggi í
þeim atvinnugreinum, sem sjóðs-
félagar starfa í.
50 ára afmæli
Húsmæðraskólans
að Hallormsstað
Hallormsstaó. 18. mai
í dag er hér haldið hátiðlegt 50
ára afmæli Húsmæðraskólans að
Hallormsstað. Hér mætast konur
yngri og eldri og rifja upp
minningar jafnvel frá fyrstu ár-
göngum skólans. Meðal annars
var lýst ferð frá Norðfirði til
Hallormsstaðar haustið 1930,
sem tók 3 daga. Fyrst sjóferð í
vondu veðri til Reyðarfjarðar og
ekki var hægt að leggjast að
bryggju þar á þeim tima. Næsta
dag með bíl til Egilsstaða og
þriðja daginn frá Egilsstöðum til
Hallormsstaðar á báti með til-
heyrandi ágjöf og hrakningum.
Nú ljómar hér sól yfir skógar-
lundum og blikar á lygnan Löginn.
Og hljómkviða hinna vængjuðu
skógarbúa ómar frá trjánum, sem
nú eru að laufgast og ókunnugum
gæti fundizt að hér hljóti alltaf að
vera sumar. Hér hafa í dag verið
fluttar ræður til upprifjunar þeim
eldri og þeim yngri til fræðslu. Og
þökkum við því fólki fyrir sitt
framlag til hátíðarinnar. Gjarnan
megum við hugsa okkur hvernig
hægt var að byggja þennan skóla
við þær aðstæður, sem þá voru
fyrir 50 árum. Allt efni flutt frá
Reyðarfirði til Egilsstaða, að vísu
á bílum, en síðan á litlum báti upp
Lagarfljót og loks á hestum á
byggingarstað. Nú og auðvitað var
öll steypa hrærð í höndum.
Að lokum beztu þakkir til allra
þeirra, sem með ómældu erfiði og
þrautseigju byggðu upp þennan
stað, veittu nemum fræðslu og
gestum veizlur á hátíðarstundum,
sem ekki fyrnast. Megi Hallorms-
staðaskóli eflast og starfa um
langa framtíð.
Steinþór.
Alkalískemmdir 1 steypu:
Minnka um 15%
sé kísilryki
blandað
Á aðalfundi Steinsteypufélags
íslands, sem haldinn var nýlega,
flutti Bragi Ingólfsson verkfræð-
ingur erindi um framleiðslu sem-
ents hjá Sementsverksmiðju
ríkisins. Kom fram í erindi hans,
að unnið hefur verið að endurbót-
um á framleiðslunni með þeim
árangri að á tveggja ára timabili,
1978—1980 hefur tekizt að auka
styrkleika sementsins um 15 —
20%.
í frétt frá Steinsteypufélaginu
kemur fram að helmingur þessar-
ar aukningar eigi rætur að rekja
til íblöndunar kísilryks, sem fellur
til við rykhreinsun í járnblendi-
verksmiðjunni í Grundartanga, í
sementið. Segir að rík ástæða sé
í sement
til að ætla, að þessar endurbætur
á sementinu ásamt framförum í
hönnun mannvirkja og tækni við
niðurlögn steinsteypu, verði til
þess að koma í veg fyrir alkalí-
skemmdir á borð við þær er fram
hafi komið hin síðari ár.
Steinsteypufélagið hefur þann
tilgang að efla þekkingu á gerð
steypu og steyptra mannvirkja og
hefur m.a. annast útgáfustarf og
staðið fyrir fræðslufundum og
námskeiðum. Eru virkir félagar
nú á annað hundrað og skipa
stjórn félagsins nú: Vífill Oddsson
formaður, Helgi Steinar Karlsson
varaformaður, Sigurður Ingi Ól-
afsson gjaldkeri, Jónas
Frímannsson ritari og Þórður
Þórðarson meðstjórnandi.
Sýnir í Nýja
galleríinu
AGNAR Agnarsson hefur opn-
að málverkasýningu í Nýja
galleríinu að Laugavegi 12.
Sýningin verður opin daglega
klukkan 14—21 til n.k. mánu-
dags 26. maí. Aðgangur er
ókeypis.
Agnar Agnarsson er 28 ára
gamall Reykvíkingur. Hann
hefur áður haldið sýningar í
húsnæði Arkitektafélags
íslands og Stúdentakjallaran-
um auk þess sem hann hefur
tekið þátt í samsýningum. Á
sýningunni nú eru 36 myndir,
þar af allmargar í einkaeign.
i
Ungfrú Island 1979, Kristín Bernharðsdóttir, ásamt Guðrúnu (lengst til hægri) og Emiliu
Guðgeirsdóttur sem varð nr. 2 i keppninni um titilinn ungfrú Vestmannaeyjar 1980.
Ljósm. ólafur P. Sveinsson.
Lokið að velja stúlkur í Feg-
urðarsamkeppni Islands 1980
I
' ¥
UNDANÚRSLIT í fegurðasam-
keppni íslands fóru fram á
tveimur stöðum um sl. helgi. í
Vestmannaeyjum var Guðrún
Samúelsdóttir, 22ja ára verslun-
arstjóri, kosin ungfrú Vest-
mannaeyjar sl. föstudagskvöld
og á Hvolsvelli var Hrafnhildur
Kristjánsdóttir, 18 ára frá Hól-
um í Austur-Landeyjum, kosin
ungfrú Suðurland sl. laugardag.
Er nú lokið að velja stúlkurnar í
fegurðarsamkeppnina, alls 14
stúlkur. Ungfrú ísland 1980
verður valin úr þeim hópi á
Hótel Sögu föstudaginn 23. maí
n.k.
L.jo8m. Mtfurtceir.
Guðrún Samúelsdóttir, ungfrú
Vestmannaeyjar 1980.
Hrafnhildur Kristjánsdóttir. ungfrú Suðurland 1980 (t.v.) og
Linda Jónsdóttir, frá Selfossi, sem varð nr. 2. Ljósm. ottó Kytjórð.
Simaskráin 1980:
Afhending hefst
á f immtudaginn
BYRJAÐ verður að afhenda
Símaskrána 1980 til simnotenda
fimmtudaginn 22. mai og er
þegar farið að senda hana út á
land til dreifingar, en hún geng-
ur í gildi sunnudaginn 1. júní.
Brot hennar frá síðasta ári er
óbreytt, blaðsíðufjöldi hefur auk-
izt um 32 síður, i 512 siður, og
upplagið er svipað og áður eða
103 þúsund eintök.
I Símaskránni er birtur á bls.
10—12 leiðarvísir um val innan-
lands og væntanlegt val til út-
landa. Skrá er aftast í bókinni um
ný og breytt símanúmar á höfuð-
borgarsvæðinu meðan prentun
stóð yfir og skráin yfir símanúmer
neyðar- og öryggissíma er birt á
annarri kápusíðu og efri hluta
baksíðunnar. Þá hefur símnotend-
um Varmárstöðvarinnar, í Mos-
fellssveit og á Kjalarnesi, verið
raðað í nafnaskrá yfir símnotend-
ur á höfuðborgarsvæðinu.
Sú breyting verður í Búðardal,
að símstöðin þar tengist við
gjaldsvæði 93 í stað 95 áður. Þá
breytast einnig öll símanúmer í
Búðardal þannig að fyrsti tölu-
stafur í hverju númeri verður 4 í
stað 2 áður og kemur þessi breyt-
ing væntanlega til framkvæmda
um miðjan júní.
Fyrirlestur
um nethimnu
augans
PRÓFESSOR Luigi Cervetto frá
Pisa á Ítalíu mun flytja fyrirlest-
ur um rannsóknir sínar í dag,
þriðjudaginn 20. maí, kl. 16 í
húsnæði Háskólans að Grensás-
vegi 12. Fyrirlesturinn fjallar um
taugalífeðlisfræði nethimnunnar
og nefnist á ensku „Excitation and
Interaction in the Vertebrate Ret-
ina“. Prófessorinn er hér í boði
rannsóknarstofu Háskólans í
lífeðlisfræði og lífverkfræði.