Morgunblaðið - 20.05.1980, Blaðsíða 44

24
MORGUNBLAÐIÐ, ÞRIÐJUDAGUR 20. MAÍ1980
Sanngjarn sigur UBK
Blikarnir ur Kópavogi báru
sigurorð aí Þrótti, 2—1, í fyrsta
leik sinum í íslandsmótinu í
knattspvrnu. Leikur liðanna sem
fram íór á fagurgrænum knatt-
spyrnuvellinum í Kópavogi bauð
oft á tíðum upp á ágæt tilþrif
liðanna, þó sérstaklega Kópa-
vogsliðsins sem barðist vel og
skapaði sér mörg hættuleg mark-
tækifæri eftir skemmtilegt sam-
spil. Var sigur liðsins sanngjarn
eftir gangi leiksins.
Einleikur Siguröar
Fyrsta mark leiksins kom á 8.
mínútu. Sigurður Grétarsson
sýndi þá mikið einstaklingsfram-
tak þar sem hann braust í gegn
með miklum einleik frá vítateigs-
línu, lék á þrjá varnarmenn Þrótt-
ar og skoraði af öryggi framhjá
Jóni markverði Þróttar sem kom
engum vörnum við. Var þetta vel
gert hjá Sigurði og kom þetta
mark hans mikilli baráttu í lið
UBK. Fyrri hálfleikur var lengst
af nokkuð jafn en þó áttu Breiða-
bliksmenn öliu betri tækifæri og
léku betur saman. Lið Þróttar
náði sér ekki á strik og mikið bar á
langspyrnum fram völlinn, sem
sköpuðu litla hættu.
Þróttur fær á
sig klaufamark
Á 35. mínútu fyrri hálfleiksins
skorar UBK sitt annað mark og
var það frekar ódýrt og verður að
skrifast á Jón markvörð. Ingólfur
Ingólfsson skaut svo til alveg frá
endalínu þar sem hann var stað-
settur við markteigshornið og
öllum til mikillar furðu fór bolt-
inn á milli handa Jóns markvarð-
ar og í netið aiveg við jörð. Var
ekki hægt að sjá annað en að
markvörðurinn hefði auðveldlega
getað varið skot þetta. Fátt
markvert skeði svo það sem eftir
var hálfleiksins.
UBK— Q
Þróttur (Lm
Lifnar yfir
Þrótturum
Framan af síðari hálfleiknum
var það lið Breiðabliks sem völdin
hafði og náði liðið mörgum góðum
sóknum þrátt fyrir að þeim tækist
ekki að skora fleiri mörk. Besta
marktækifæri þeirra í síðari hálf-
leik kom á 65. mínútu, þá kom góð
sending fyrir markið inn í miðjan
vítateiginn. Þar var Vignir Bald-
ursson í mjög góðu marktækifæri
en Jón varði naumlega gott skot
hans. Sigurjón Rannversson átti
þrumuskot rétt yfir þverslá
skömmu síðar. Var framlína UBK
ílnattspyrna)
mjög spræk framan af síðari
hálfleiknum en er líða tók á
leikinn var eins og þreyta kæmi
fram hjá leikmönnum UBK.
Lið Þróttar fór að sækja upp úr
miðjum síðari hálfleiknum og náði
þá sínum bestu leikköflum. Þá
breytti það liðinu til batnaðar
þegar þeir Páll Ólafsson og Hall-
dór Arason komu inn á í síðari
hálfleiknum. Á 75. mín. var dæmd
nokkuð vafasöm rangstaða á einn
Þróttara þar sem hann hafði
fengið boltann í góðu færi. Þrótt-
arar pressuðu nokkuð stíft og
uppskáru mark á 81. mínútu. Var
vel að því staðið. Eftir laglegt
samspil fékk Halldór Arason góða
sendingu inn í miðjan vítateiginn
og hann var ekki að tvínóna við
hlutina, skaut viðstöðulaust
vinstrifótarskoti beint upp við
þverslána og í netið. Illverjandi
fyrir Guðmund markvörð UBK.
Nú lifnaði yfir leiknum og
Þróttur sótti allt hvað af tók en
náði samt ekki að jafna metin.
Einstaka sinnum náðu þó blikarn-
ir skyndisóknum og sköpuðu þá
hættu við mark Þróttar.
Liðin:
Lið UBK lofar góðu fyrir
sumarið, á því er enginn vafi. í
liðinu er góð blanda af eldri og
reyndari leikmönnum og svo ung-
um og bráðefnilegum leik-
mönnum. í framlínunni áttu þeir
Helgi Bentsson, Ingólfur Ingólfs-
son og Sigurður Grétarsson allir
mjög góðan ieik.
Þeir búa yfir góðri knattmeð-
ferð og samleikur þeirra var með
miklum ágætum. Þór Hreiðarsson
vann vel á miðjunni og í öftustu
vörninni áttu þeir Helgi Helgason
og Einar Þórhallsson góðan leik.
Benedikt Guðmundsson átti góða
spretti. Lítið reyndi á Guðmund
markvörk UBK að þessu sinni.
Þróttarar eiga að geta gert
betur. Sér í lagi voru þeir
óákveðnir í fyrri hálfleiknum. Of
oft brá fyrir þröngu spili á miðju
vallarins en breidd vallarins ekki
notuð. Vörn liðsins lenti hvað eftir
annað í vandræðum með hina
fljótu framlínumenn UBK. Þá
fengu framlínumenn liðsins of fáa
bolta til þess að vinna úr. Bestu
menn liðsins voru þeir Páll Ólafs-
son og Halldór Arason eftir að
þeir komu inn á í síðari hálfleik.
Dómari í leiknum var Arnþór
Óskarsson og dæmdi hann leikinn
ágætlega.
I stuttu máli: íslandsmótið 1.
deild. Kópavogsvöllur 18. maí.
UBK — Þróttur 2—1 (2—0).
Mörk UBK: Sigurður Grétarss-
on á 8. mínútu og Ingólfur Ing-
ólfsson á 35. mínútu. Mark Þrótt-
ar: Halldór Arason á 81. mínútu.
Gult spjald Helgi Bentsson
UBK.
Áhorfendur: 826.
- þr.
Matthías Hallgrímsson skorar fyrsta mark sitt í leiknum á m
Matthías sk<
Ljósm. Mbl. Kristján.
Hætta við mark Þróttar eftir hornspyrnu. Einar Þórhallsson lengst til hægri náði ekki að skalla knöttinn,
en eins og sjá má er Jón markvörður ekki beint vel staðsettur.
ÞAÐ VAR gamla kempan Matthí-
as Hallgrimsson sem gerði vonir
KR-inga að engu er lið Vals og
KR léku á laugardag á Laugar-
dalsvelli. Matthías sýndi að hann
hefur engu gleymt og skoraði
þrennu og átti stórgóðan leik.
Var sigur Vals sanngjarn þeir
voru sterkari aðilinn í leiknum
og alveg ljóst er að liðið verður
ekki auðunnið i sumar. Það
kemur sterkt til leiks i íslands-
mótinu.
Mikil barátta í
fyrri hálfleiknum
Fyrri hálfleikur í leik liðanna
einkenndist af mikilli baráttu.
Leikmenn gáfu ekkert eftir í
návígum og barist var um hvern
bolta. Leikmenn Vals náðu samt
betur saman og virkuðu öruggari.
Þeim tókst að skapa sér hættu-
legri marktækifæri og á 20.
mínútu leiksins kom fyrsta mark-
ið eftir að vörn KR hafði verið
sundurspiluð. Albert Guðmunds-
son átti geysifast skot úr góðu
færi. Hreiðar markvörður KR hélt
ekki föstu skotinu og missti bolt-
ann frá sér út fyrir fætur Matthí-
asar sem fylgdi vel á eftir og
potaði boltanum í netið á næsta
auðveldan hátt.
Rétt tveimur mínútum síðar á
Sævar Jónsson þrumuskot sem er
varið í horn. Uppúr hornspyrn-
unni á Guðmundur Þorbjörnsson
gott skot sem er naumlega varið.
Liðin skiptust á að sækja en
marktækifærin urðu ekki mörg.
Sagt eftir leikinn
Matthías Hallgrimsson Val
— Þetta varánægjulegurleikur
fyrir mig. Ég fann mig mun betur
nú en síðast og þetta á eftir að
koma í næstu leikjum. Ég er búinn
að leika með ÍA í 17 ár og því er
það nokkur breyting fyrir mig að
fara að leika með nýju liði. En mér
hefur verið tekið aiveg einstaklega
vel í Val. Og ég sé ekki eftir því að
hafa gengið yfir í svo sterkt félag.
Þá er skemmtilegt að byrja tímab-
ilið svona vel. Þjálfarinn leyfir
mér að spila þá stöðu sem mér
finnst best að leika. Vörn KR-inga
var sterk í leiknum og erfitt að
leika gegn henni. Annað markið
mitt í leiknum þótti mér skemmti-
legast að skora. Ég skoraði síðast
þrennu í leik í Hafnarfirði árið
1978 sagði svo markakóngurinn að
lokum.
Magnús Jónatansson þjálfari
KR:
— Það urðu kaflaskipti í leikn-
um þegar Valsmenn skoruðu sitt
annað mark. Við vorum óheppnir
að nýta ekki ágæt tækifæri okkar
í leiknum. Við munum ekki láta
deigan síga þrátt fyrir að byrjun
okkar í mótinu hafi ekki verið góð.
Við eigum erfiðan leik fyrir hönd-
um á móti Keflavík og þá er að
duga eða drepast.
Hofferbert þjálfari Vals
— Þetta var erfiðari leikur en á
móti FH. KR-liðið var sterkara.
Þeir áttu möguleika á að jafna
metin en mistókst þannig er það í
knattspyrnunni. Þessi góða byrjun
hjá okkur er mikilvæg og gefur
okkur byr undir báða vængi.
þr.
I