Morgunblaðið - 20.05.1980, Blaðsíða 39

MORGUNBLAÐIÐ, ÞRIÐJUDAGUR 20. MAÍ1980
47
Ringo í
bílslysi
Lundúnum 19. mai. AP.
RINGO Starr slapp litt meiddur
er bifreið hans hvolfdi i úthverfi i
Lundúnum i morgun. Ringo sat
sjálfur undir stýri, en með hon-
um i bifreiðinni var leikkonan
Barbara Bach, sem fer með hlut-
verk rússnesks njósnara i nýlegri
James Bond-mynd, „The spy who
loved me“.
Málsatvik eru þau, að sögn
lögreglunnar, að hinn 12 ára
gamla Mercedes Ringos rann til í
hálku með þeim afleiðingum að
„bítillinn" missti stjórn á ökutæk-
inu, sem rakst á tvo ljósastaura
áður en honum hvolfdi við vega-
brún. Ringo og Barbara komust
hjálparlaust út úr flakinu, en
hlutu bæði smááverka á baki og
fótum.
Ringo lauk nýlega við að leika í
14. kvikmynd sinni, „Caveman“, en
hann er 39 ára að aldri.
Jarðskjálfti
í Júgóslavíu
Belgrad, 19. maí.
FÓLK flýði á götur út þegar jarð-
skjálfti skók hús í nokkrum þorpum
um 170 kílómetra suður af Belgrad.
Mörg hús í bænum Brus í Serbíu
voru dæmd óíbúðarhæf. Skjálftinn
mældist 5,7 stig á Richter-kvarða.
Tveir slösuðust en engar fréttir hafa
borist af dauðsföllum.
Kirchschláger
endurkosinn
Vlnarborg. 18. maí. AP.
RUDOLF Kirchschláger var í dag
endurkosinn forseti Austurríkis.
Hann hlaut 80% atkvæða en helsti
keppinautur hans, Wilfred Gredler,
hlaut 17% atkvæða.
Myrtu starfsmann
Kristilega demó-
krataflokksins
Napólí, 19. maí. AP.
SEX hermdarverkamenn myrtu í
dag starfsmann Kristilega demó-
krataflokksins í Napólí á Ítalíu. Þeir
skutu á hann úr vélbyssum og
köstuðu handsprengju. Fjórir
hermdarverkamannanna náðust eft-
ir æðislegan eltingarleik um götur
Napólí.
Eldgos i
W ashington-f y lki
Scattle. 19. mai. AP.
ST. HELENSELDFJALLIÐ í Wash-
ingtonfylki hóf að gjósa í gær eftir
tæplega 130 ára þögn. Aska dreifðist
yfir þrjú nærliggjandi fylki. Fimm
manns biðu bana og 21 er saknað.
Þúsundir hafa orðið að flýja heimili
sín. Mikil sprenging varð þegar
eldfjallið hóf að gjósa. í sprenging-
unni beinlínis sprakk toppur fjalls-
ins af.
St. Helens er tæplega þrjú þúsund
metra hátt.
■m i

Þjóðvarðliði grár fyrir járnum á verði á svæði i Miami þar sem kveikt var í byggingu þegar sýknaðir höfðu verið fjórir lögreglumenn sem
voru sakaðir um að berja sölumann tryggingarfyrirtækis til bana.
„Allir eru sammála um
sekt lögreglumannanna44
Blóðugar kynþáttaóeirðir i Flórída eftir að dómstóll
sýknaði 4 lögreglumenn af ákæru um morð á blökkumanni
TIL BLÓÐUGRA kynþátta-
óeirða kom um helgina í Miami
City á Flórída. Að minnsta kosti
19 manns hafa látist og 350
særst, þar af margir alvarlega.
Eignatjón var gífurlegt, hús og
verzlanir' stóðu í ljósum logum
og víða lágu leyniskyttur fyrir
fólki og féllu margir fyrir þeirra
höndum. Þjóðvarðliðið var i gær-
kvöldi kallað út og útgöngubann
var sett á i þeim hverfum í
borginni, þar sem óeirðirnar
geisuðu. Óeirðirnar i Miami City
eru hinar verstu í Bandarikjun-
um frá því i Newark árið 1967.
Um 150 manns voru handteknir.
„óeirðirnar voru í Miami
City, allfjarri þar sem íslend-
ingar í sumaríeyfum dveljast nú
en þeir eru í Miami Beach,
hinum megin við flóann. Hér er
allt með kyrrum kjörum og
friðsæld ríkir,“ sagði Björn Stef-
ánsson, fararstjóri hjá Flugleið-
um er Mbl. ræddi við hann.
„Orsakir óeirðanna í Miami
City er McDuffy-málið svokall-
aða,“ sagði Björn ennfremur: „í
september síðastliðnum lézt
Rætt við Björn
Stefánsson, farar-
stjóra hjá Flug-
leiðum i Miami
blökkumaður að nafni McDuffy. Í
kjölfar dauða hans voru fjórir
hvítir lögreglumenn ákærðir
fyrir að hafa myrt hann. Þeir
voru sakaðir um að hafa barið
hann til dauða og reynt að láta
dauða hans líta út sem um slys
hafi verið að ræða. Lögfræðingar
lögregluþjónanna kröfðust þess,
að málið yrði flutt frá Miami
City, þar sem svo mikið hafði
verið fjallað um það í fjölmiðlum.
Hætta væri á, að lögreglumenn-
irnir fengju ekki hlutlaus rétt-
arhöld. Því var brugðið á það ráð
að flytja réttarhöldin til Tampa,
á vestanverðum Flórídaskaga.
Kviðdómurinn var eingöngu
skipaður hvítum mönnum. Lög-
reglumennirnir voru sýknaðir,
þrátt fyrir að allir séu sammála
um, að mennirnir séu sekir —
menn hefur greint á, hvort morð-
ið hafi verið framið af yfirlögðu
ráði eða af gáleysi.
Bob Graham, ríkisstjóri Flór-
ída, og saksóknari lýstu því báðir
yfir í dag, að málið fari fyrir
alríkisdómstól og því sé engan
veginn lokið. Sem betur fer virð-
ist nú sem þessum ósköpum í
borginni hafi linnt en útgöngu-
bann er enn í gildi,“ sagði Björn
Stefánsson.
Benjamín Civiletti, dómsmála-
ráðherra Bandaríkjanna fór í dag
til Miami til að freista þess að
koma á röð og reglu í borginni og
sjá til þess „að réttlætið nái fram
að ganga", eins og Jody Powell,
blaðafulltrúi Jimmy Carters, for-
seta Bandaríkjanna, skýrði frá í
Washington.
Þingið leyst
upp í S-Kóreu
Scoul. 19. maí. AP.
HERINN í S-Kóreu leysti í dag upp þingið og lokaði skrifstofum
tveggja helstu stjórnmálaflokka landsins. Lögreglan sundraði í
dag hópi 200 mótma'lenda í hþfuðhorginni. Herinn hefur nú
nánast tekið öll völd í landinu. Áður er herinn leysti upp þingið
hafði stærsti stjórnmálaflokkur landsins lýst því yfir, að eins og
málum væri háttað, væri til einskis að hafa þingið starfandi.
Hins vegar hafði stærsti stjórnarandstöðuflokkurinn lýst yfir
andstöðu sinni við það. að þingið yrði leyst upp. Flokkurinn
hafði ráðgert að leggja fram írumvarp á morgun (þriðjudag)
sem gerði ráð fyrir, að herlög í landinu yrðu úr gildi numin.
1978 — Tveir sovézkir starfsmenn
SÞ teknir fyrir njósnir.
1971 — Níu sovézkir Gyöingar
dæmdir í Leningrad.
1956 — Fyrstu bandarísku vetn-
issprengjunni varpað á eyna Bik-
ini.
1952 — Óeirðir meðal stríðsfanga
á Koje-eyju, Suður-Kóreu.
1943 — Bandarikin og Bretland
staðfesta samning sem afnemur
réttindi þeirra í Kína.
1929 — Japanir hörfa frá Shan-
tung.
1927 — Charles A. Lindbergh fer í
fyrstu flugferð eins manns án
viðkomu yfir Atlantshaf — Bretar
viðurkenna sjálfstæði Saudi-
Arabíu með Jedda-sáttmálanum.
1920 — Carranza forseti í Mexikó
ráðinn af dögum.
1917 — Franskir hermenn gera
uppreisn í Champagne.
1882 — ítalir ganga í bandalag
Austurríkismanna og Þjóðverja
sem verður Þríveldabandalagið.
1799 — Napoleon Bonaparte hætt-
ir við umsátrið um Tyrki í Acre.
1631 — Her Tilly greifa fer
ránshendi um Magdeburg sem eyð-
ist að mestu af eldi.
Afmæli. Honoré de Balzac, fransk-
ur rithöfundur (1799—1850) —
John Stuart Mill, brezkur heim-
spekingur (1806—1873) — James
Stewart, bandarískur leikari
(1908—) — Sigrid Undset, norsk
skáldkona (1882—1949).
Andlát. 1506 Kristofer Kolumbus,
landkönnuður — 1834 Marquis de
Lafayette, stjórnmálaleiðtogi —
1896 Clara Schumann, píanóleikari
— 1956 Sir Max Beerbohm, rithöf-
undur.
Innlent. 1840 Boðskapur um stofn-
un Alþingis — 1695 d. Guðm. sýsl,
Hákonarson — 1870 Jón Ólafsson
dæmdur fyrir meiðandi ummæli
um Dani í „íslendingabragi" —
1918 Siglufjörður fær kaupstaðar-
réttindi — 1944 Þjóðaratkvæða-
greiðsla um sambandsslit og
stjórnarskrá (til 23/5) — 1969
Verkföllum lýkur — 1893 f. Ás-
mundur Sveinsson myndhöggvari.
Orð dagsins. Eina alvarlega sann-
færingin sem menn ættu að hafa
er sú að það má ekki taka nokkurn
hlut of alvarlega. — Samuel Butl-
er, enskur rithöfundur (1835—
1902).
Á miðnætti á sunnudag lýsti
herinn hins vegar yfir herlögum í
öllu landinu en áður höfðu þau
verið bundin við einstök svæði.
Mótmælagöngur hafa verið tíðar
síðustu viku og hafa mótmælend-
ur krafist þess, að ríkisstjórnin
hraði aðgerðum til að koma á
lýðræði í landinu og að herlög
verði úr gildi numin. Þá var
krafist kosninga þegar á þessu ári.
Margir stjórnmálamenn lýstu yfir
stuðningi við kröfur stúdenta, en
studdu hins vegar ekki aðferðir
þeirra þar sem þeir óttuðust að
herinn tæki öll völd í landinu.
Tilkynnt var að 26 manns hefðu
verið handteknir, ákærðir fyrir
spillingu og að hvetja til óeirða.
Völd Choi Kyu-Hah, forseta
landsins, virðast nú næsta lítil en
hann lýsti því yfir í gær, að
kosningar myndu fara fram á
næsta ári.