Morgunblaðið - 20.05.1980, Blaðsíða 42

22
MORGUNBLAÐIÐ, ÞRIÐJUDAGUR 20. MAÍ1980
I
• Juichen in de Kuip! Dat
deden niet alleen de dui-
zenden Feyenoord-fans,
maar voorai de Rotter-
damse aanvallers Petur
Petursson (JinJcs) en Jan
Peters. In een zinderende
bekerfinaJe had vooraJ Pe-
tursson met twee doeJ-
punten een belangrijk
aandeel in de triomf op
Ajax.
Foto: GJenn Wassen-
bergh.
• Þessi mynd birtist á forsíðu blaðsins De
Telegraf. Pétur og Jan Peters í sigurvímu eftir
leikinn. Við létum hollenska textann fylgja með
til gamans.
Pétur í sviðsljósinu
skoraði tvö mörk í úrslitaleik bikarkeppninnar
„ÉG heí aldrei upplifað neitt
þessu líkt áður, þetta var í einu
orði stórkostlegt“, sagði Pétur
Pétursson eftir sigur Feyenoord
yfir Ajax í úrsiitaleik hollensku
bikarkeppninnar á laugardag-
inn, en Pétur var eins og fyrri
daginn hetja Feyenoord og skor-
aði tvö mörk í 3:1 sigrinum yfir
hollensku meisturunum Ajax.
Pétur keyrði sig gjörsamlega út í
leiknum og þegar 15 mínútur
voru eftir fékk hann maga-
krampa og byrjaði að kasta upp
úti á miðjum vellinum. Var hon-
um þá snarlega skipt út af.
Þegar ljóst varð að tvö bestu lið
Hollands, Ajax og Feyenoord,
lékju til úrslita í bikarkeppninni í
fyrsta sinn í sögu keppninnar var
ákveðið að draga um það hvort
leikurinn færi fram á heimavelli
Ajax í Amesterdam eða heima-
velli Feyenoord í Rotterdam, enda
aðrir vellir ekki það stórir að
slíkir stórviðburðir geti þar farið
fram. Feyenoord hafði heppnina
með sér því hlutur Rotterdam kom
upp. Völlurinn var troðfullur, 65
þúsund manns horfðu á leikinn og
urðu þúsundir frá að hverfa. Af
þessum fjölda er talið að 50
þúsund hafi fylgt Feyenoord en 15
þúsund Ajax og fengu leikmenn
Feyenoord því góðán stuðning. En
gefum Pétri orðið:
Feyenoord slapp
með skrekkinn
„Við byrjuðum leikinn af mikl-
um krafti og ég var óheppinn að
skora ekki mark á fyrstu mínút-
unum. Á 20. mínútu náði Ajax
hættulegri sóknarlotu og Danan-
um Frank Arnesen tókst að skora
mark, 1:0. Við sluppum svo með
skrekkinn þegar Ivan Nielsen brá
La Ling innan vítateigs en mark-
vörður okkar gerði sér lítið fyrir
og varði spyrnu Bonsinsk. Á 39.
mínútu fengum við svo vítaspyrnu
þegar Carlo de Leeuw var brugðið
innan vítateigs og úr spyrnunni
skoraði ég, lagði boltann í vinstra
hornið og Schrijvers henti sér í
vitlaust horn.
Seinni hálfleikurinn var mjög
fjörugur og við komumst yfir, 2:1
á 71. mínútu með marki Carlo de
Leeuw. Sending kom fyrir markið
að stönginni fjær þar sem Carlo
var staddur og hann skoraði
laglega. Á 75. mínútu innsigluðum
við svo sigurinn og kom markið
eftir mistök hjá Ajax. Gefa átti
boltann aftur til Schrijvers í
markinu en sendingin var of laus,
Jan Peters komst á milli og gat
sent boltann fyrir markið til mín
og það var auðvelt fyrir mig að
renna honum í markið.
Ég lék stöðu miðframherja í
þessum leik og keyrði mig hrein-
lega út í leiknum. Þegar ég hafði
skorað þriðja markið og Ajax
ætlaði að byrja á miðju fékk ég
magakrampa og fór að kasta upp
úti á miðjum vellinum. Það var
ekkert annað fyrir mig að gera en
fara út af, enda var ég alveg
búinn. Það hafði sitt að segja að
ég var búinn að vera mjög tauga-
spenntur alla vikuna, bæði vegna
leiksins og hins að ég hafði fengið
ádrátt um að sleppa við að fara í
keppnisferð Feyenoord til Suður-
Ameríku ef við ynnum og ég stæði
mig vel.“
Pétur í sviðsljósinu
Fleiri mörk voru ekki skoruð og
þegar leikurinn var flautaður af
brutust út gífurleg fagnaðarlæti
meðal áhorfenda og leikmanna
Feyenoord, en 11 ár eru síðan
Feyenoord vann bikarinn síðast.
Ætlaði allt vitlaust að verða þegar
leikmenn Feyenoord hlupu heið-
urshring um völlin með bikarinn
eftir að hafa tekið við honum úr
höndum Claus prins. Leikmenn
voru myndaðir í bak og fyrir og
viðtöl tekin og var Pétur með sín
tvö mörk mjög í sviðsljósinu.
Leikmenn skiptust á keppnis-
skyrtum og ætlaði Pétur að skipta
við hinn fræga Rudi Krol en hann
var ekki til í það, enda að elika
sinn síðasta leik fyrir Ajax og
vildi eiga skyrtuna. Skipti Pétur
því við Frank Arnesen.
Pétur kvaðst eftir leikinn hafa
rætt heilmikið við Claus prins,
eiginmann Beatrix drottningar.
Sagði Pétur að prinsinn væri mjög
viðkunnanlegur maður og hefði
hann verið mjög forvitinn um
ísland og spurst fyrir um ýmislegt
hér á landi.
Pétur mun að öllu forfallalausu
leika með landsliði 21 árs og yngri
gegn Norðmönnum á Laugardals-
vellinum á fimmtudaginn. _ SS.
• Atvikið sem skipti sköpum i leiknum. Hiele, markvörður Feyenoord
ver vitaspyrnu Bonsinsk þegar staðan er 1:0 fyrir Ajax.
• Pétur á Keflavíkurflugvelli í gær. Hann heldur á
verðlaunum sínum og Ajax-peysunni, sem hann fékk hjá
Frank Arnesen í skiptum fyrir sína eigin peysu eftir
leikinn. Ljósm. Mbl. Kristján.
• Krol kveður. Það var áhrifamikil stund þegar
leikmenn Ajax báru fyrirliða sinn Rudi Krol heiðurs-
hring eftir leikinn. Hann lék þarna sinn siðasta leik í
Ilollandi, því hann mun hér eftir leika í bandarískri
knattspyrnu.
i

t