Morgunblaðið - 20.05.1980, Blaðsíða 46
26
MORGUNBLAÐIÐ, ÞRIÐJUDAGUR 20. MAÍ1980
Fólk og fréttir í máli og myndum
1. flokks knattspyrna
í sjónvarpinu á næstunni:
Maradona og Pétur
verða í aðalhlutverkum
SJÓNVARPIÐ mun á næstunni
hafa ýmislegt á boðstólum fyrir
knattspyrnuáhugamenn, sam-
kvæmt þeim upplýsingum sem
Bjarni Felixson hefur veitt Mbl.
Þegar eru komnar til landsins
spólur með hinum stórgóða leik
Englendinga og Argentínumanna
á Wembley í fyrri viku, þar sem
Maradona og fleiri snillingar léku
listir sínar. Þessi leikur verður
sýndur í heild næsta laugardag.
Þann dag verður ennfremur sýnd-
ur leikur Liverpool og Aston Villa,
en með sigri í þeim leik tryggði
Liverpool sér Englandsmeistara-
titilinn.
Þá mun Bjarni Fel. ennfremur
fá til sýningar hinn sögulega leik
Wales og Englands sl. laugardag,
sem Wales vann óvænt 4:1. Gefst
þá knattspyrnuáhugamönnum
tækifæri til þess að sjá Wales-
menn í leik áður en þeir koma
hingað og leika 2. júní.
Sjónvarpið mun fá til sýningar
kafla úr Evrópuúrslitaleikjum
Valencia og Arsenal og Notting-
ham Forest og Hamburger SV og
rúsínan í pylsuendanum verður
bikarúrslitaleikurinn í Hollandi,
sem leikinn var á laugardaginn og
Pétur Pétursson lék aðalhlut-
verkið í. Hefur Bjarni gengið frá
samningum við hollenska sjón-
varpið um að fá það helsta úr
þeim merka leik og með munu
fylgja kaflar úr fleiri leikjum í
hollensku knattspyrnunni.
Bjarni Felixson sagði að lokum,
að óvíst væri hve mikið yrði sýnt
frá Evrópukeppni landsliða í
knattspyrnu, sem hefst á Ítalíu 12.
júní, m.a. vegna þess að Norður-
löndin munu lítið sýna frá keppn-
inni vegna Ólympíuleikanna. Þó
væri líklegt að a.m.k. úrslitaleik-
urinn yrði sýndur hér.
Vel heppnað
Á uppstigningardag hélt sigl-
ingaklúbburinn Vogur, Garðabæ
opnunarkeppni á siglingasvæði
sínu á Arnarnesvogi.
Þátttaka var góð og tóku 18
bátar þátt i keppninni. Veður var
frekar hagstætt, i fyrstu góður
byr en þegar leið á keppni fór að
lygna.
Framkvæmd keppninnar og
mótstjórn var góð, þó var braut-
arlagning nokkuð óvanaleg.
Brautin var á Arnarnesvogi og
Lambhúsatjörn.
í upphafi keppninnar tóku Jón
Ingi og ísleifur forystu á Fireball
en fast eftir fylgdu Rúnar Stcin-
sen á Laser og Gurinlaugur og
Gunnar á Fireball.
Keppnin sem var opin keppni
var mjög hörð og spennandi og
siglingamót
hafði straumur á Lambhúsatjörn
mikil áhrif á bátana.
Undir lokin fór Ingvi Gutt-
ormsson á Laser fram úr Rúnari
og varð Ingvi sigurvegari, hins
vegar komu Gunnlaugur og Gunn-
ar á Fireball fyrstir í mark en
urðu að láta sér nægja 5. sæti með
umreiknuðum tíma.
Úrslit:
1. Ingvi Guttormsson, Ými á
Laserbát.
Tími 1,41,28. Umreikn. T. 0,89,89
2. Rúnar Steinsen, Ými á Laser-
bát.
Tími 1,42,47. Umreikn. T. 0,94,00
3. Hannes Strange, Vogi á Las-
erbát.
Tími 1,43,33. Umreikn. T. 0,96,51
Siglingaklúbburinn Vogur á
þakkir skyldar fyrir góða fram-
kvæmd á glæsilegri keppni.
Og það var mark.
Alla leikmenn dreymir um að sjá boltann í netinu, en það er
óskemmtilegt fyrir markverðina. Myndirnar hér að ofan sýna okkur
það greinilega. íslandsmótið i knattspyrnu er nú nýhafið og vonandi
verða mörkin mörg, þau gleðja augu áhorfenda.
JAN Peters, einhver skærasta
stjarna hollensku knattspyrnunn-
ar síðustu árin, verður að öllum
líkindum að leggja skóna á hill-
una. Er það vegna þrálátra
meiðsla sem hann hefur átt við að
stríða. Þessi 25 ára gamli tengilið-
ur hjá AZ ’67 Alkmaar var
skorinn upp á hné um mitt
keppnistímabilið og þegar hann
lék sinn fyrsta leik eftir uppskurð-
inn, deildarleik gegn Willem 2,
varð hann að hverfa af ieikvelli
eftir 30 mínútur. Peters komst
mest í fréttirnar er hann skoraði
bæði mörk Hollands í landsleik
gegn Englandi á Wembley í Lund-
únum fyrir fáum árum. Ætlaði
allt vitlaust að verða í Hollandi af
hrifningu yfir nýja undrinu.
- O -
BAYERN Múnchen er á höttunum
eftir fleiri og fleiri knattspyrnu-
mönnum. Má þar nefna Liam
Brady hjá Arsenal, Bum Kun Cha
hjá Eintrakt Frankfurt, William
Hartwig hjá HSV, Uli Stielike hjá
Real Madrid, Bernd Schuster frá
Köln og Walter Scachner frá
Austria Vín, svo að nokkrir séu
nefndir.
- O -
RUUD Krol, hollenski knatt-
spyrnusnillingurinn hjá Ajax yfir-
gefur félag sitt nú í lok keppnis-
tímabilsins. A.m.k. 30 félög gerðu
hinum 31 árs gamla Hollendingi
tilboð þ.á m. Arsenal, Nottingham
Forest, Napólí, Torinó og Bayern
Múnchen. Hann kaus hins vegar
að ganga til liðs við Vancouver
Whitecaps og gerði samning til
þriggja ára.
- O -
KEVIN Keagan leikur sinn fyrsta
leik fyrir Southamton 23. júlí en
þá leikur Southampton vináttuleik
gegn irska liðinu Shamrock Rov-
ers.
- O -
LOKEREN, liðið sem Arnór Guð-
johnsen leikur með í belgísku
deildarkeppninni, er nú á höttun-
um eftir Gregroz Lato, pólska
landsliðsmiðherjanum. Lato er
nýlega orðinn þrítugur, en þá
mega pólskir leikmenn leggja land
undir fót. Fyrir hjá Lokeren er
landi Lato, Vlodi Lubanski. Fleiri
erlendir leikmenn eru hjá Loker-
en, svo sem Skotinn James Bett og
Daninn Preben Elkjer Larsen.
Arnór telst ekki til útlendinga í
Belgíu, þar sem hann skrifaði svo
ungur undir samning hjá Lokeren.
Og Lubanski hefur verið svo lengi
í Belgíu, að sama gildir um hann
- O -
ENSKU knattspyrnufélögin eru
sem endranær að líta í kring um
sig og leita að nýjum leikmönnum.
Engar markverðar sölur hafa far-
Keppnin sem
ekkert verður af:
Mac Wilkins Bandaríkjunum og
Wolfgang Schmidt Austur-
Þýzkalandi. Þeir hafa att kappi á
um einum tug móta og hefur
Schmidt oftast haft betur. Wilk-
ins var þó sterkari á Ólympiu-
leikunum í Montreal. En á miðju
sumri 1978 sló Schmidt heimsmet
Wilkins og kastaði 71,14 metra,
eða 34 sentimetrum lengra en
heimsmet Wilkins var. Takmark
Wilkins er að endurheimta
heimsmetið.
Franklin Jacobs Bandarikjunum
og Vladimir Yaschenko Sovét-
ríkjunum. Sovétmaðurinn, sem
er 1,95 metrar á hæð, á heimsmet-
ið bæði innanhúss og utan. En
Jacobs, sem er aðeins 1,72 metrar
á hæð, er mikill keppnismaður,
og hefur oft komið á óvart,
sérstaklega i innanhússkeppn-
um. Jacobs á 2,32 metra í há-
stökki innanhúss, en Yaschenko
2,35 metra.
Evelyn Ashford Bandarikjunum
og Marljes Göhr Austur-Þýzka-
landi. Á ólympíuleikunum í
Montreal varð Áshford númer
fimm í úrslitum 100 metra
hlaupsins og Göhr áttunda og
síðust, en það ár setti hún samt
heimsmet, varð fyrst kvenna til
að hlaupa 100 metrana á innan
við 11 sekúndum við rafmagns-
timatöku. Hún bætti metið síðar
og er það nú 10,77 sekúndur, en í
fyrra sló Ashford henni við í
keppni og ógnaði metinu, hljóp á
10,97 sekúndum.
ið fram nýlega, en ýmsar gætu
hugsanlega verið á döfinni. T.d.
má nefna, að Tottenham, Brigh-
ton, Asthon Villa og Coventry
hafa öll sett sig í samband við
Liverpool og spurt hvað borga
þurfi fyrir Dave Fairclough. Loks
má geta þess, að WBA hefur gert
tilboð í Andy King, tengiliðinn
markheppna hjá Everton.
- O -
EIN sala hefur svo sem farið
fram, reyndar tvær. Liverpool
hefur fest kaup á tveimur ungum
og efnilegum leikmönnum sem
kann að kveða eitthvað að síðar
meir. Það eru þeir Ian Rush sem
kom frá Chester og Richard Mon-
ey sem liðið keypti frá Fulham.
- O -
HURACAN og Gutierez léku eigi
alls fyrir löngu vináttuleik í Arg-
entínu. Huracan hafði algera yfir-
burði og var staðan í hálfleik 8—0.
í síðari hálfleik héldu leikmenn
liðsins áfram uppteknum hætti og
skoruðu fljótlega 4 mörk til, stóð
þá 12—0. Var þá skyndilega varp-
að á ljósatöflu Gutierez, en leikið
var á heimavelli þess, „ekki fleiri
mörk gerið það!“ Dempuðu leik-
menn Huracan þá leikinn niður og
bættu ekki fleiri mörkum við.
- O -
Igrupo aIgrupo b
' RUSIA
R. D. ALEMANAI
|POLONIA
| RUMANIA
SUIZA
AMERICA
R.E ALEMANA |
| DINAMARCA
|VUGOSLAVIA
ESPANA
"jl I ij
ASIA
AFRICA
Á þessari mynd má sjá riðlaskiptinguna í handknattleikskeppni
ólympíuleikanna í Moskvu sem fram fer í sumar. Þó hafa pokkrar
þjóðir hætt við þátttöku, þar á meðal Vestur-Þjóðverjar sem voru í
B-riðli. Allt útlit er fyrir að fleiri þjóðir hætti við og þá er ísland
fyrsta varaland. En ljóst er að lið frá íslandi mun ekki taka þátt í
handknattleikskeppninni þó svo verði.