Morgunblaðið - 19.10.1980, Blaðsíða 1
80 SÍÐUR
232. tbl. 68. árg.
SUNNUDAGUR 19. OKTÓBER 1980
Prentsmiðja Morgunblaðsins.
Um þessar mundir leika birta og haf sigilda hausttónlist með samspili sínu í leik ljóss og skugga á kvikum sæ, eins og
sést á myndinni sem Ragnar Axelsson ljósmyndari Morgunblaðsins tók yfir Gufunesbryggjunni í kjöltu Faxaflóa.
Vopnahlé kemur
tfl greina af hálfu
- sagði Rajai i ræðu í Öryggisráðinu
New York. London. 18. okt. — AP.
MOHAMMED Ali Rajai forsætisráðherra írans
þvertók fyrir það að hann mundi í ferð sinni til
Sameinuðu þjóðanna, þar sem hann flutti ræðu
varðandi átök írana og íraka i gærkvöldi, hitta
bandaríska ráðamenn vegna gíslanna 52 sem verið
hafa í haldi í íran í næstum ár. í ræðu sinni hjá Sþ
veittist Rajai harðlega að Bandaríkjamönnum og
Rússum, og sakaði þá um að hafa att írökum út í
árásir á íran, m.a. í þeirri von að fá gíslana lausa úr
haldi. Rajai sakaði Bandaríkjamenn m.a. um að nota
Awacs-flugvélar sínar til að njósna um heri írana
fyrir íraka. Fulltrúi Bandaríkjanna hjá Öryggisráð-
inu, Donald McHenry, vísaði ásökunum Rajai til
föðurhúsanna.
Rajai sagði í ræðu sinni að
vopnahlé í átökum írana og íraka
kæmi ekki til greina af hálfu
Irana. A hinn bóginn hvatti hann
ríki Múhameðstrúarmanna til að
sýna Irönum stuðning, því ella
myndi írökum takast, með stuðn-
ingi og fyrir tilverkan Banda-
ríkjamanna og Sovétmanna, að
leggja islamskt vígi í rúst. Sagði
Rajai að það væri von valdhafa
bæði í Hvíta húsinu og Kremlin
að stjórn Khomeinis yrði koll-
varpað.
Aður en Rajai hélt ræðu sína
hjá Sþ, sem hlaut ekki mikla hylli
viðstaddra, átti hann fund með
Waldheim framkvæmdastjóra
Sþ, og að loknum þeim fundi
kallaði Waldheim McHenry full-
trúa Bandaríkjanna í Öryggis-
ekki
írana
ráðinu til fundar við sig, en
ekkert hefur verið látið uppi um
hvað þeim fór á milli.
Fregnum af stríðsátökum ír-
aka og Irana bar enn ekki saman
í dag fremur en að undanförnu.
Irakar segjast hafa náð olíuborg-
inni Abadan á sitt vald og að
íbúar borgarinnar hafi gengið
þeim á hönd, og í tilkynningu
útvarpsins í Bagdad var Carter
Bandaríkjaforseti sakaður um að
hafa veitt írönum liðsinni 1 átök-
unum að undanförnu. íranir lýstu
hins vegar yfir því, að þeir hefðu
hrakið sveitir íraka burt frá bæði
Abadan og Khorramshahr. Báðir
aðilar segjast enn sem fyrr hafa
valdið miklu afhroði í röðum
hins.
Fjórði hver far-
þegi flughræddur
Amsterdam. 18. okt. — AP.
FLUGVÉLIN sígur í
áttina að brautarenda,
þar sem hún býr
sig til flugtaks. Flug-
freyjan hvetur farþega
þýðri röddu til að
spenna beltin og muna
að reykingar séú ekki
lengur leyfðar; allt lít-
ur fagurlega út, en í
reynd situr fjórði hver
farþegi með kreppta
þvala lófa og hjartslátt
af skelfingu. Þetta er
niðurstaða nýlega
gerðrar könnunar á sex
hundruð farþegum,
sem lögðu upp í flug frá
Schiphol-flugvelli í
Amsterdam, að því er
segir í fregnum þaðan.
„Allir eru að tala um
flughræðslu en eigin-
lega hefur enginn vitað
nákvæmlega hversu al-
varlegt málið væri, svo
að við ákváðum að
reyna að komast að því
hvernig fólk liti á
þetta,“ sagði einn af
starfsmönnum flug-
vallarins sem fram-
kvæmdi könnunina.
Auk þess voru þúsund
hollenzkar fjölskyldur
víðs vegar um landið
spurðar um hvaða til-
finningar þær hefðu
fyrir flugi.
I ljós kom að konur
eru flughræddari en
karlar, en að slík
hræðsla nær til allra
aldurshópa. Fram kom,
að flestir flughræddir
gera sér grein fyrir því
að möguleikar á að illa
fari eru tiltölulega
miklu minni en væru
þeir að ferðast á jörðu
niðri, t.d. í bíl. Hins
vegar er ljóst af könn-
un þessari, að flug-
hræðsla er svo tilfinn-
ingalegs eðlis að hún
verður ekki kveðin
niður nema í undan-
tekningartilvikum, þó
svo að hinn hræddi viti
öll skynsamleg rök
gegn henni.
Víkingar í
myntfölsun
York. Eniclandi. 18. okt. — AP.
MYNT sem fannst við uppgröft
á bólstað víkinga og var talin
vera þúsund ára gamall ara-
bískur silfurpeningur, hefur
reynzt vera falsaður þúsund
ára gamall koparpeningur vík-
inga! Víkingar munu hafa lagt
sig töluvert eftir að falsa þessa
gerð peninga, oft með góðum
árangri á sinni tíð.
Carter að
síga á
New York. 18. okt. — AP.
CARTER Bandaríkjaforseti
heldur áfram að síga á Ronald
Reagan, ef marka má skoðana-
kannanir og nú virðist sem
fylgi Reagans hafi m.a. rýrnað
í Ohio, ríki sem er honum
mikilvægt, að því er ABC-
fréttastofan sagði í morgun.
Þar kom fram að Reagan hefur
forystu í 26 ríkjum með 212
kjörmenn, Carter í 14 ríkjum
með 144 kjörmenn, og hefur
Reagan tapað 22 kjörmönnum
á einni viku, en Carter bætt við
sig altént átta. í tólf ríkjum
með 168 kjörmenn eru fram-
bjóðendur taldir jafnir.
í síðustu könnun ABC kemur
einnig í ljós að Reagan leiðir
ekki lengur í Ohio og einnig
hefur Carter unnið á í Maine
og Massachussetts. Reagan
hefur hins vegar bætt við sig í
Delaware. Staða Carters í
suðrinu er ótrygg sem fyrr.
John Anderson, óháður
frambjóðandi hefur ekkert
unnið á en hins vegar virðist
sem hann skaði Carter einna
mest í norðaustur-ríkjunum og
iðnríkjunum í miðvesturhluta
Bandaríkjanna.
Kosið í
Astralíu
Canberra. Ástraliu 18. okt. — AP.
KOSNINGAR voru í Ástralíu í
dag, laugardag, og í Ijómandi
vorveðri flykktust kjósendur á
kjörstaði. I Ástraliu er skylda
að kjósa og má sekta þá sem
ekki neyta kosningaréttar síns.
Níu milljón manns eru á kjör-
skrá og kjósa 125 menn í
fulltrúadeildina og 34 í öld-
ungadeildina. Malcolm Fraser,
forsætisráðherra, var sigurviss
við lok kosningabaráttunnar,
en hins vegar hafa síðustu
skoðanakannanir sýnt að fylgi
Verkamannaflokksins undir
forystu Bill Haydens hefur
aukizt verulega.
Verkamannaflokkurinn þarf
að auka fylgi sitt um 6,1
prósent til að hrinda meiri-
hluta Frjálslynda flokksins og
samstarfsflokka hans. í kosn-
ingunum 1977 vann Frjálslyndi
flokkurinn stórsigur og hafði á
síðasta kjörtímabili 86 sæti í
fulltrúadeildinni á móti 38
þingsætum sem Verkamanna-
flokkurinn hafði.