Morgunblaðið - 13.11.1980, Síða 13

MORGUNBLAÐIÐ, FIMMTUDAGUR 13. NÓVEMBER 1980
Emil Magnússon, Grundarfirði:
Þinn hagur og minn
Við heyrum stundum talað um
það, að kaupmaðurinn á horninu
sé að hverfa og eigi að hverfa.
Verzlunin sé öll að færast á
hendur hinna stóru markaða og
eigi að gera það. Vera má, að
svona verði þróunin í þéttbýlinu,
um það er ég ekki dómbær.
Hvorttveggja er, að mér er málið
of skylt og svo hitt, að af eigin
raun þekki ég mjög takmarkað til
hinna stóru verzlana og raunar
sakna þess ekki.
Fyrir um það bil einu ári gaf ég
mér tíma til þess að vera á vakki í
einni af glæsilegustu matvöru-
verzlunum í Reykjavík á milli kl.
tíu og tólf fyrir hádegi dag einn í
miðri viku. Ég var ekki að verzla,
heldur grandskoðaði vöruval og
verðlag og bar saman við mína
eigin verzlun. Vænti ég þess, að
verði ekki talið mér til fordildar.
þótt ég segi frá því hér, að þessi
samanburður var mér enganveg-
inn svo óhagstæður, sem ég óttað-
ist. Ef frá er skilið hið stóra og
girnilega kjöt-kæliborð, þá fannst
mér, að ég mætti vei við una. Enda
þótt starfsfólk þessarar stóru
verzlunar sýndi mér fulla kurteisi
og léti það óátalið þótt ég seddi
þarna forvitni mína, þá get ég ekki
varizt því, að mér fannst afköst
þess og annríki vera í engu
samræmi við stærð verzlunarinn-
ar, og hefði ég mátt þar einhverju
um ráða hefði ég vérið búinn að
segja helmingnum af upp störfum
fyrir hádegi þennan dag. Þetta
fannst mér renna stoðum undir þá
skoðun, að of víða væri of mikið
vinnuafl bundið við þennan at-
vinnurekstur. Ég er ekki þeirrar
trúar, að kaupmaðurinn á horninu
hverfi, allra síst úti á landi. Þar er
hann þegar orðinn hluti af um-
hverfinu og vonandi kemur þar
maður í manns stað. Ekki verður
því neitað að vissulega skiptast á
skin og skúrir í lífi kaupmannsins
eins og annarra þegna þessa
þjóðfélags. En hér eins og svo víða
í atvinnulífinu veldur hver á
heldur. Verzlun verður ekki rekin
á litlum stöðum öðruvísi en með
þeim hætti, að kostnaði öllum sé
haldið í lágmarki og mikil vinna
eigandans er óumflýjanleg. Hafi
ekki eigandinn fingurinn á púlsi
sins fyrirtækis, tekur það ekki
nema nokkra daga að allt snúizt
til hins verri vegar. Ég hef
stundum sagt, að mikil vinna í
þágu síns fyrirtækis gefi lífinu
aukið gildi, enda verði þá árangur-
inn í samræmi við það. Hinu er
ekki að neita, að stundum finnst
manni skilningur stjórnvalda svo

Emil Magnússon
sljór í garð þessarar atvinnugrein-
ar, að nánast nenni ég ekki að tala
um það.
Nýlega lét núverandi viðskipta-
ráðherra þau orð falla á Alþingi
að gefnu tilefni, að hann gæti ekki
betur séð en að réttur neytenda í
þessti landi væri bezt tryggður
með því fyrirkomulagi, sem hér
hefur gilt um áratugi, að hlið við
hlið væru reknar verzlanir á
13
vegum einstaklinga annarsvegar
og samvinnufélaganna hinsvegar.
Ég er ráðherra alveg sammála að
þessu leyti og óttast ekki þessa
samkeppni. Sjálfur hef ég átt gott
samstarf við samvinnuverzlun í
gegnum árin og vegna þess, að ég
hef áður unnið á þeim vettvangi,
veit ég, að báðir eiga við sömu
örðugleika að etja og báðir vilja
sigrast á þeim. Og enn vík ég að
myndinni hans Gunnlaugs Schev-
ings.
Sú mynd segir manni mikla
sögu. Hún sýnir þann tíma í þessu
þjóðfélagi, þegar stéttaskipting
var veruleg, þegar allur almenn- _
ingur var illa upplýstur, þegar
æðri menntun var séreign tveggja
eða þriggja manna í hverri sýslu.
Hún sýnir og þann tíma, þegar
allur almenningur var fátækur og
peningar aðeins á fárra höndum,
vöruval nánast ekki neitt og hver
og einn varð að taka því, sem að
honum var rétt. Nú er öldin önnur,
nánast allir lifa i vellystingum
pragtuglega, atvinna næg og stór-
ar fúlgur fjár fara um hendur
manna í viku hverri. — Ég sé enga
ástæðu til að taka undir svartsýni,
barlóm og bölsýni. Gifta einstakl-
ingsins ræðst ekki hvað sízt af því,
með hvaða hugarfari hann gengur
að verki.
VETURINN 80-81
Litir: Beige, grátt, dökkblátt.
Stæröir: S, M, L, og XL.
Tegund: Trinet, Finniand.
Litur: Dökkblátt. Stæröir: 46-54.
Tegund: Melka, Sviþjóö.
Litir: Grátt, beige, millibrúnt, dökkblátt.
Stæröir: 46-56.
Tegund: Redpoint, V-Þýskaland.
Litir: Grátt, gulbrúnt. Stæröir: 46-56.
Tegund: P - trail, U.S.A. dúnvatteraö vendivesti.
Litir: Grátt/blátt og grátt.
Stæröir: S, M, L og XL.
Tegund: Trinet, Finnland.
Litir: Dökkblátt, grátt. Stæröir: 46-54.
herra
húsið.
7.124
Bankastrani 7 og Aðalstracd 4