Morgunblaðið - 13.11.1980, Page 25

24
MORGUNBLAÐIÐ, FIMMTUDAGUR 13. NÓVEMBER 1980
MORGUNBLAÐIÐ, FIMMTUDAGUR 13. NÓVEMBER 1980
25
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guömundsson.
Fréttastjóri Björn Jóhannsson.
Auglýsingastjóri Baidvin Jónsson.
Ritstjórn og skrifstofur: Aðalstræti 6, sími 10100. Auglýsingar:
Aöalstræti 6, sími 22480. Afgreiðsta: Skeifunni 19, sími 83033.
Áskriftargjald 5.500.00 kr. á mánuöi innanlands. í lausasölu 280
kr. eintakiö.
Krabbameins-
lækningar
Ilandinu greinast nú um 600 ný krabbameinstilfelli á ári og
hefur tíðni þeirra farið vaxandi. Aðalmeðferð felst í
skurðaðgerðum, geislun og lyfjagjöf. Tækniútbúnaður hérlendis,
bæði til greiningar og geislameðferðar, stenzt hvergi nærri þær
kröfur sem gera verður. Þá hefur Krabbameinsdeild Landspítal-
ans, sem er miðstöð slíkra lækninga hérlendis, búið við gífurleg
húsnæðisvandamál, þó nokkur bót verði á til bráðabirgða með
lánsafnotum af húsnæði í eldri byggingu fæðingardeildar
spítalans, sem þriggja ára samningur er um. Krabbameinsdeild-
in fær þó ekki viðunandi húsnæði fyrr en K-bygging á
Landspítalalóð er fullgerð, sem orðið getur að þremur árum
liðnum, ef áætlanir standast og stjórnvöld tryggja fjármögnun
framkvæmda.
Það er oft talað um röðun viðfangsefna eftir framkvæmdaþörf
innan ramma fjárhagsgetu lítillar þjóðar. Sex hundruð ný
tilfelli af alvarlegum sjúkdómi á ári hverju; sjúkdómi, sem ríður
á að greina snemma til að koma við réttri meðhöndlum í tíma,
til að efla batalíkur, tala sínu máli. Annar rökstuðningur er
óþarfur. Við eigum vel menntaðar heilbrigðisstéttir á þessu
sviði en skortir í senn viðunandi húsnæði og tækjakost. Sá
kostnaður, sem hér um ræðir, myndi skila góðum arði í fleiri
lifandi einstaklingum og fleiri vinnustundum í þjóðarbúskapn-
um, að ógleymdu því, sem mestu skiptir: heill og hamingju
viðkomandi einstaklinga og fjölskyldna þeirra.
Sjónarmið minnihluta
bundið í stjórnarsáttmála
*
Iutanríkismálakafla stjórnarsáttmálans segir, að ekki verði
ráðist í framkvæmdir við flugstöðvarbyggingu á Keflavíkur-
flugvelli nema með „samkomulagi allrar ríkisstjórnarinnar“.
Þetta þýðir að minnihlutaflokkur í tilteknu máli getur stöðvað
framkvæmdir, sem njóta stuðnings mikils meirihluta þings og
þjóðar. Þetta er í hæsta máta ólýðræðislegt og stangast á við
þingræðislegar og lýðræðislegar hefðir. Kommúnistum hefur
tekizt að fá það bókað í ríkisstjórnarsáttmála, að þeir skuli ráða
ferð, hvað sem lýður lýðræðislegum meirihluta innan þings og
utan. Það er ekki mikil reisn yfir þeim, sem láta beygja sig svo
gjörsamlega fyrir ráðherradómi.
Endanleg hönnun nýrrar flugstöðvarbyggingar verður full-
gerð í þessum mánuði. Ef fjármagn fæst til geta framkvæmdir
hafizt í maí—júní nk. og þeim lokið 1983. En til slíks þarf
lánsfjárheimild á fjárlögum eða í lánsfjáráætlun — og
Alþýðubandalagið fékk fjármálaráðuneytið í sinn hlut.
Núverandi flugstöðvarbygging er hættuleg farþegum. Starfs-
aðstaða er þar fyrir neðan allar hellur. Ný flugstöð gerir og
kleift að aðskilja farþegaflug og eftirlitsflug varnarliðsins, sem
er bæði hagkvæmt og samræmist þjóðarmetnaði okkar.
Kostnaður af framkvæmdinni myndi deilast í samræmi við þá
nýtingu, sem hún leiðir til. Spurningin er einfaldlega sú, hvort
lítill en hávær minnihluti fær að kúga þorra þjóðarinnar í þessu
máli — með þjónkun samstarfsaðila.
Gengislækkunarbandalagið
Ikosningastefnuskrá Alþýðubandalagsins 1978 segir: „að
stefnt skuli að stöðugleika í gengisskráningu." Þar segir og
að „horfið skuli af braut“ þeirrar gengislækkunar, „sem ríkt
hefur í gjaldeyrismálum undanfarið". Alþýðubandalagið fór
síðan með gengismál í vinstri stjórninni 1978—79 og hefur enn
áhrif á þróun efnahagsmála sem „þyngdarafl í ríkisstjórn“, eins
og Matthías Bjarnason komst að orði í þingræðu nýlega. Þegar
vinstri stjórnin var mynduð 1978, og Svavar Gestsson var
gengismálaráðherra, var Bandaríkjadalur virtur á 260 íslenzkar
krónur. Nú hefur framkvæmd gengisstefnu Alþýðubandalagsins
lyft honum upp í 560 krónur. Gengislækkun íslenzku krónunnar
gagnvart dalnum er 113,9% frá því Svavar Gestsson varð
gengismálaráðherra þar til í dag, raunar 135% ef miðað er við
ferðamannagjaldeyri.
„Það eina sem eftir ríkisstjórnina liggur á vettvangi
efnahagsmála er að hækka verðmæti erlends gjaldeyris," sagði
Geir Hallgrímsson á Alþingi sl. þriðjudag. „Það eru hennar einu
efnahagsráðstafanir til þessa.“ Það er á fleiri en einu sviði sem
Alþýðubandalagið hefur orðið „stórt“ af efndum orða sinna.
Bréf stjórnar Flugleiða til samgönguráðherra vegna rikisábyrgðar:
Stjórn félagsins samþykkir
skilyrðin fyrir ríkisábyrgð
Stjórn félagsins hefir borist bréf
ráðuneytisins dags. 7. þ.m. um þau
sérstöku skilyrði, sem sameigin-
legur fundur ráðherranefndar og
fjárhags- og viðskiptanefndar efri
deildar Alþingis samþykkti að setja
fyrir umbeðinni ríkisábyrgð til
handa Flugleiðum hf. að upphæð 12
millj. Bandaríkjadala, sbr. 3. og 5.
gr. frumvarps til laga um málefni
Flugleiða hf.
Á fundi stjórnar félagsins í dag
voru skilyrði þessi til umræðu og
eftirfarandi samþykkt gerð:
1. Stjórn félagsins samþykkir fyrir
sitt ieyti að hlutast til um það, að
hlutafjáreign ríkissjóðs í Flug-
leiðum hf. verði aukin í 20% alls
hlutafjár félagsins og að sú
hlutafjáraukning verði komin til
framkvæmda fyrir næsta aðal-
fund félagsins.
2. Skilyrði í 2. tl. bréfs ráðuneytis-
ins er þegar uppfyllt með því, að
fyrir nokkru var hrundið í fram-
kvæmd útboði hlutafjár að fjár-
hæð kr. 243.974.000 til starfs-
manna félagsins, sem þeim gefst
kostur á að kaupa á nafnverði.
3. Um skilyrði tilgreind í 3. tl. bréfs
ráðuneytisins skal bent á eftir-
farandi:
Samkvæmt 67. gr. laga nr. 12
frá 12. maí 1979 um hlutafélög
skal leggja fram ársreikning og
skýrslu endurskoðanda á ár-
legum aðalfundi hlutafélags og
samkvæmt 10. gr. samþykkta
Flugleiða hf. skal leggja árs-
reikninginn fram á aðalfundi og
stjórn skýra frá hag félagsins á
liðnu ári áður en gengið er til
stjórnarkosninga.
I öðru lagi skal á það bent að
samkvæmt 18. gr. samþykkta
félagsins skipa 9 menn aðalstjórn
þess og 3 menn varastjórn. Á
aðalfundi 1981 skal kjósa 5 menn
í aðalstjórn en kjörtímabil þeirra
5 manna, sem úr stjórn félagsins
ganga þá, lýkur fyrst við lok
aðalfundar það ár. Kjörtímabil
þeirra 4 manna, sem kosnir voru
í stjórn félagsins á aðalfundi
1980, er til loka aðalfundar 1982.
Af tæknilegum ástæðum er
fyrst hægt að reikna með þvi að
ársreikningur félagsins geti legið
fyrir í apríl 1981 og er því
fyrirsjáanlega ekki raunhæft að
boða til aðalfundar fyrr en í apríl
á næsta ári.
Með vísan til framanritaðs
samþykkir stjórn félagsins að
hraða nauðsynlegum undirbún-
ingi aðalfundar 1981 og boða til
hans svo fljótt sem mögulegt er.
Stjórn félagsins tekur þó fram,
að ef það er ófrávíkjanleg krafaj
ríkisstjórnarinnar, að til aðal-|
fundar félagsins verði boðað og
hann haldinn fyrir lok febrúari
1981 og þeir stjórnarmenn senr
kjósa skal á þeim fundi verðai
kosnir þá þegar, er stjórnin
reiðubúin til þess að boða til
aðalfundarins með dagskrá þar.
að lútandi, sem þá yrði tekin
ákvörðun um á fundinum.
4. Stjórn félagsins hefir verið kynnti
sú ákvörðun ráðuneytisins aðí
móta nýja stefnu í flugmálum.
Þar til stjórn félagsins er kunn-
ugt hver sú stefna verður telur
stjórnin ótímabært að taka
ákvörðun um sölu þeirra eigna'
félagsins, sem beinlínis tengjast
hagsmunum þess á sviði flug-
máía.
Sé þess krafist samþykkir
stjórn félagsins þó, fyrir sitt
leyti, að hlutast til um að hafnar
verði viðræður fulltrúa félagsins'
við fulltrúa Starfsmannafélags
Arnarflugs um sölu hlutabréfa
Flugleiða hf. í Arnarflugi hf.
Oski starfsmannafélagið eftir
kaupum verði hlutabréf þessi og
hagsmunir Flugleiða hf. að eign-
arhaldi á þeim metin til fjár af
hlutlausum kunnáttumönnum og
fari viðræður við starfsmannafé-
lagið um kaupin fram á þeim
grundvelli eða öðrum þeim
grundvelli, sem samkomulag
næðist um.
Samhliða þessum viðræðum
við starfsmannafélagið fari fram
viðræður milli Flugleiða hf. og
Arnarflugs hf. um önnur atriði,
sem þessu máli tengjast, t.d.
innlausn Arnarflugs hf. á vara-
hlutum þeim, sem Flugleiðir hf.
hafa keypt fyrir fleiri hundruð
milljónir króna vegna viðhalds
flugvéla Arnarflúgs hf. eingöngu,
en samningar félagsins í þeim
efnum voru gerðir í skjóli meiri-
hlutaeignar Flugleiða hf. í Arn-
arflugi hf.
Að endingu skal á það bent, að
samningar þeir, sem kunna að
nást um framangreind málefni
eru þess eðlis að stjórn félagsins
telur rétt að leggja þá fyrir
hluthafafund til endanlegrar
ákvörðunar.
5. Stjórn félagsins samþykkir að
gefa ríkisstjórninni ársfjórð-
ungslega yfirlit yfir þróun og
horfur í rekstri fyrirtækisins.
6. Um skilyrði tilgreint í 6. tl. bréfs
ráðuneytisins skal bent á eftir-
farandi:
Ákvæði stafliðar e í 17. gr.
samþykkta félagsins og 3. mgr.
77. gr. laga nr. 32 frá 1978 um
hlutafélög útiloka skerðingu at-
kvæðisréttar hluthafa, jafnt ein-
staklinga sem fyrirtækja, í
F’lugleiðum hf. nema með sam-
þykki allra hluthafa eða a.m.k.
þeir hluthafar, sem fyrir slíkri
réttarskerðingu verða, gjaldi
henni jákvæði.
Af þessum ástæðum getur
stjórn félagsins ekki samþykkt
neins konar nýjar reglur um
hlutafjáreign hluthafa, sem tak-
marka atkvæðisrétt þeirra.
Stjórn félagsins samþykkir
aftur á móti að taka þátt í
viðræðum við ríkisstjórnina um
þetta efni.
7. Stjórn félagsins hefir þegar sam-
þykkt, að svokallað Norður Atl-
antshafsflug félagsins verði fjár-
hagslega og reikningslega greint
frá öðrum rekstri félagsins svo
sem kostur er.
Með framangreindum sam-
þykktum telur stjórn Flugleiða
hf. að hún hafi uppfyllt þau
skilyrði, sem frá er greint í bréfi
yðar, að því marki sem hún hefir
heimild til. Stjórnin lýsir sig að
sjálfsögðu reiðubúna til þess að
gera frekari grein fyrir afstöðu
sinni, ef ástæða þætti til.
Bæjarútgerð Hafnarfjarðar:
„Afkoman í fiskiðjunni er
betri en nokkru sinni fyrr“
— segir Páll
Jóhannson,
formaður
útgerðarráðs
NÝIÆGA var lagður fram árs-
reikningur Ba'jarútgerður Ilafnar-
fjarðar fyrir árið 1979 og sýnir
hann mun betri rekstrarafkomu
hjá fyrirtækinu en undanfarin ár.
Þar kemur meðal annars fram að
hagnaður varð af rekstri allra
deilda á síðasta ári. Ileildarvelta
Ba'jarútgerðarinnar var 4.4 millj-
arðar á árinu. Þar störfuðu um 250
manns og voru laun og launatengd
gjöld u.þ.b. 1,5 milljarðar. Útgerð-
arráð Bæjarútgerðarinnar er kosin
af ba'jarstjórn llafnarfjarðar og
eru í því fimm menn. Þeir sem nú
skipa ráðið eru: Páll Jóhannsson
formaður. Magnús Þórðarson, Árni
Gislason. Bragi V. Björnsson og
llrafnkell Ásgeirsson. Morgunhlað-
ið ra'ddi við Pál Jóhannsson, for-
mann útgerðarráðs. og var hann
fyrst spurður hvað ylli þessari
jákva-ðu þróun hjá fyrirtækinu.
„Ég vil fyrst og fremst þakka
þessa góðu rekstrarafkomu þeim
breytingum sem hafist var handa
við hér hjá Bæjarútgerðinni á árinu
1977 og enn er reyndar ekki að
fullu lokið,“ sagði Páll. „Á þessum
tíma hefur frystihúsið verið endur-
hyggt og endurskipulagt. Nýjar
vélar hafa verið keyptar í frystihús-
ið og er nýting aflans þar af
leiðandi mun betri heldur en var.
Forstjóri fyrirta'kisins. Björn
Ólafsson. sem ráðinn var í árslok
1978. kom á breyttum vinnuaðferð-
Páll Jóhannsson, formaður út-
gerðarráðs
um hjá fyrirta'kinu og á það einnig
sinn þátt i þeim góða árangri sem
náðst hefur. Þá hefur starfsfriður
verið óslitinn síðan samkomulag
náðist við starfsfólk á miðju ári
1978 og starfsandinn verið mjög
góður“.
Ilvernig varð afkoman í hinum
ýmsu deildum fyrirtækisins?
Afkoma í fiskiðjunni varð betri á
síðasta ári en nokkru sinni fyrr.
Framleiðsluverðmætið jókst um
rúmlega 100 prósent og er það að
þakka bættri nýtingu, auknum af-
köstum og meiri vörugæðum. Skreið-
arframleiðsla var mikil á árinu og
gekk vel — bæði verkun og sala. Þess
má geta að útflutningsverðmæti
hertra hausa, sem ekki hafa verið
hirtir áður, nam um fimmtíu millj-
ónum króna. Saltfiskframleiðsla
gekk sæmilega en var töluvert minni
en árin á undan vegna þess hve verð
á saltfiski var lágt á þessu tímabili.
Við gerðum út tvo togara á síðasta
ári — togarana Maí og Júní. Rekst-
urinn á Maí gekk mjög vel en
útgerðin á Júní varð fyrir verulegum
skakkaföllum í ágúst síðastliðnum
er vélar skipsins urðu fyrir skemmd-
um í Slippstöðinni á Akureyri. Ný
vél var sett í skipið sl. haust í
Þýzkalandi en það komst ekki aftur í
gagnið fyrr en í janúar á þessu ári.
Síðari hluta ársins 1979 varð veru-
legur hráefnisskortur hjá frystihús-
inu af þessum sökum. Bæjarútgerðin
á nokkurn hlut í útgerðarfélaginu
Samherja h/f en þó tókst okkur ekki
að fá því framgengt að togarar þess
fyrirtækis legðu upp afla sinn hjá
okkur í stað þess að landa erlendis."
Hvað er hclzt framundan hjá
fyrirtækinu?
„Nú á næstunni er fyrirhugað að
byggja kælda fiskimóttöku en það er
lokaáfanginn í þeirri uppbyggingu
fyrirtækisins sem hófst 1977. Nýver-
ið keyptum við þriðja togarann —
togarann Apríl sem áður nefndist
Jón Dan. Þennan togara keyptum
við vegna þess að Bæjarútgerðin var
ekki sjálfri sér nóg um hráefnisöflun
en það verður hún þegar þetta skip
hefur bætst við. Lánafyrirgreiðslu
fengum við enga vegna þessara
kaupa en teljum okkur hafa mögu-
leika á láni úr Byggðasjóði á næsta
ári“, sagði Páll að lokum.
1980 erfiðasta ár í sögu farþegaflugsins:
Allt flug á Norður-Atlants-
hafinu verður rekið með tapi
— sagði Knut Hammerskjöld, framkvæmdastjóri IATA,
m.a. á ársfundi samtakanna fyrir skömmu
Á hinum árlega fundi alþjóða-
sambands flugfélaga IATÁ sem
haldinn var í Montreal í Kanada
dagana 27. til 30. október sl. kom
m.a. fram að árið 1980 yrði
flugfélögum heims það erfiðasta
frá lokum síðari heimsstyrjaldar.
Félög innan alþjóðasambandsins
mundu tapa 1,4 milljörðum
Bandaríkjadollara. Tilkostnaður
allur hefði aukist svo hrikalega
að til þess að ná greiðslujöfnuði
yrði hleðslunýting félaganna að
ná 80%. Þá kom fram í ræðu
Knut Hammarskjöld að 80%
hleðslunýting næðist alls ekki á
Norður-Atlantshafi og væri því
augsýnilegt að allt flug þar yrði
rekið með tapi á yfirstandandi
ári. Eldsneytisverð hefur tvöfald-
ast á árinu og lendingargjöld í
Bretlandi t.d. hafa hækkað um
35%. Knut Hammarskjöld sagði
að meðallendingargjald á hvern
farþega á Boeing 747, sem lenti á
Heathrow flugvelli við London á
annatíma væru US$35. Það er
meira en tvöfalt gjald miðað við
flugvelli eins og Charles de
Gaulle flugvöll í París eða Kenn-
edy flugvöll í New York, segir
m.a. í frétt frá Flugleiðum.
Þá segir: írska flugfélagið Aer
Lingus hefur nú eins og Flugleið-
ir hætt flugi til Chicago. Félagið
annaðist afgreiðslu fyrir Flug-
leiðir í Chicago frá árinu 1973 en
hefur nú hætt starfsemi þar í
borg. I frétt frá Aer Lingus vegna
þessa segir að í fyrravetur hafi
stórtap orðið á þessari flugleið og
sem dæmi er tekið að tekjur af
farþegaflutningum hafi þarna
aðeins náð að greiða einn þriðja
af þotueldsneytiskostnaði félags-
ins.
Ekki skulu hér rakin fleiri
dæmi um erfiðleika flugfélaga á
yfirstandandi ári. Af nógu er
samt að taka. Ofangreindar upp-
lýsingar eru m.a. settar fram til
þess að almenningur á Islandi
viti að fleiri berjast í bökkum en
íslenska félagið Flugleiðir. ís-
lenska-pressan hefur með örfáum
undantekningum skýrt rétt og
hlutlaust frá málefnum félagsins.
Fyrir það ber að þakka.
Erfiðleikar í rekstri Flugleiða
sem fyrst og fremst hafa verið á
Norður-Atlantshafsleiðinni hafa
leitt yfir félagið og starfsfólk
þess miklar þrengingar. Það hef-
ur hreinlega fallið í skuggann að
félagið berst í bökkum á fleiri
sviðum. Þar má nefna að rétt
verðlagning hefur ekki fengist á
flugferðum innanlands, sífelldur
dráttur á leiðréttingum sem þörf
er á vegna eldsneytishækkana og
verðbólgu hafa dregist úr hömlu.
Það hefur löngum verið stolt
okkar íslendinga að flugið hér
væri rekið án beinna ríkisstyrkja.
Slíkt mun eindæmi með innan-
landsflug við svipaðar aðstæður
og hér á landi. Þess má geta að
norska ríkið greiddi árið 1979
tæpa fjóra milljarða króna til
norska innanlandsflugfélagsins
Widerö Flyveselskap A/S.
Norska ríkið greiddi svipaða upp-
hæð sem ríkisstyrk til innan-
landsflugs 1978.
Davíð Oddsson, borgaríulltrúi Sjálfsta'ðisflokksins, var á vinnustaðafundum í
Kærdau og var þessi mynd tekin í Völundi, en Davíð mun halda vinnustaðafund-
um sínum áfram í dag.
Hæstiréttur Islands:
Ógilti eignarnám á
landi við Lagarfljót
II/ESTIRÉTTUR hefur kveðið
upp þann dóm. að eignarnám
Fellshrepps á landi Ilalldórs Vil-
hjálmssonar við Lagarfljót. hafi
verið ólögma'tt og skuli því ógild-
ast. í dómsorði Ilæstaréttar segir
svo: „Samþykki félagsmálaráðu-
neytisins 13. febrúar 1973 við
eignarnámi á „landspildu við
norðurenda Lagarfljótsbrúar að
sta'rð um 22 ha.“ er ógilt, svo og
ákvarðandi matsnefndar eign-
arnámsbóta á grundvelli þess
samþykkis.“ Dómur þessi er stað-
festing á fyrri dómi undirréttar.
en áfrýjendur, ríkissjoður og
Fellahreppur, skulu greiða
stefnda. Ilalldóri Vilhjálmssyni.
sex hundruð þúsund krónur í
málskostnað fyrir Hæstarétti.
Upphaf þessa máls má rekja
aftur til áranna eftir 1970, er
Fellshreppur fór þess á leit við
Halldór, að fá land hans í Ekkju-
fellsseli undir einbýlishúsabyggð,
en svæðið hafði þá þegar verið
skipulagt. Ekki tókust samningar
við Halldór, og var leitað á náðir
félagsmálaráðuneytisins, sem
samþykkti eignarnámið hinn 13.
febrúar árið 1973 eins og áður er
komið fram. — Tekið skal fram að
hér er ekki um Egilsstaðakauptún
að ræða, heldur er Fellahreppur
norðan brúarinnar, en Egilsstaðir
austan hennar. Kauptúnið í Fella-
hreppi hefur verið í vexti undan-
farin ár og telur hreppsnefndin
þörf á umræddu landi vegna
útbreiðslu byggðarinnar.
I niðurstöðum dóms Hæstarétt-
ar segir, að hreppsnefnd Fella-
hrepps hafi farið fram á eignar-
námsúrskurð, án þess að tilkynna
eiganda landsins það eftir að hann
hafði í hréfi dagsettu 14. febrúar
1972, tilkynnt að hann væri ekki
að svo stöddu reiðubúinn að selja
hreppnum landið allt eða hluta
þess. Þá kemur einnig fram í
dómsniðurstöðunum, að Skipu-
lagsstjórn ríkisins, sem fjallaði
um erindi hreppsnefndarinnar að
tilhlutan ráðuneytisins, veitti eig-
anda landsins ekki kost á því að
gera grein fyrir sjónarmiðum sín-
um um eignarnámsbeiðnina, eins
og skylt er lögum samkvæmt, áður
en skipulagsstjórnin lýsti sig með-
mælta eignarnáminu í svari til
félagsmálaráðuneytisins. Þar sem
málið varðaði eigandann miklu
fjárhagslega, hafi það verið skylda
ráðuneytisins að leita fyrst til
hans og segir í dómi Hæstaréttar
að alls ekki sé útilokað að niður-
staða máisins hefði þá orðið önn-
ur. Á þessum málsgalla fyrst og
fremst, byggir Hæstiréttur niður-
stöðu sína.
Dóminn kváðu upp dómararnir
Björn Sveinbjörnsson, Benedikt
Sigurjónsson, Magnús Þ. Torfa-
son, Þór Vilhjálmsson og Þor-
steinn Thorarensen.
Tónleikar til ágóða fyrir
byggingu Hallgrímskirkju
— Tónlistarmenn leggja fram skerf til byggingarinnar
meÖ tónleikahaldi einu sinni í mánuði í rúmt ár
TÓNLEIKAU til ágóða fyrir
byggingu Ilallgrímskirkju
vcrða haldnir í kirkjunni 22.
nóvember nk. Gert er ráð fyrir
að áframhald verði á tónlrikum
sem þessum í kirkjunni og
verði þeir haldnir aftur í des-
ember og síðan einu sinni í
mánuði allt næsta ár. Verða
allir þcssir tónleikar einnig til
ágóða fyrir hygginguna.
Organleikari Hallgríms-
kirkju, Antonio Corveiras hefur
haft forgöngu um þetta mál.
Hann mun sjálfur flytja orgel-
verk á tónleikunum en ásamt
honum koma þar fram Gunnar
Kvaran sellóleikari, Ágústa Ág-
ústsdóttir söngkona og Manuela
Wiesler flautuleikari. Með
Manuelu leikur strengjatríó.
Á efnisskrá tónleikanna að
þessu sinni verða verk eftir
Couperin, Bach, Caccini, Hánd-
el, Mozart og Langlais.
Gert hefur verið ráð fyrir því
að Hallgrímskirkja verði full-
búin einnig notuð sem tónleika-
salur. Sagði Karl Sigurbjörns-
son prestur við Hallgrímskirkju
í samtali við Mbl. að tónleikar
þessir væru eins konar framlag
tónlistarmanna til byggingar-
innar.
Sagði hann að stefnt væri að
því að gera kirkjuna fokhelda á
næsta ári og myndi það verk
kosta um 70 milljónir króna
samkvæmt áætlunum. Hann
sagði hins vegar að óvissa væri
um hver yrði kostnaðurinn við
það seni eftir yrði. Byggingunni
væri úthlutað smá upphæð á
fjárlögum og eins hefði Kirkju-
byggingasjóður Reykjavíkur
veitt fé. Að öðru leyti væri
verkið háð gjöfum og áheitum.
Um það hvenær mætti gera
ráð fyrir því að kirkjan yrði
fullbúin sagði Karl að draumur-
inn væri að halda mikla Bach-
hátíð í kirkjunni fullbúinni árið
1985 en þá verða 300 ár liðin frá
því Bach fæddist. „Það var einu
sinni draumurinn að ljúka
verkinu árið 1974. En það er
góður hugur í mönnum að það
takist nú að ljúka b.vggingunni
fyrir 1985,“ sagði Karl að lokum.