Morgunblaðið - 24.12.1980, Blaðsíða 3

MORGUNBLAÐIÐ, MIÐVIKUDAGUR 24. DESEMBER 1980
3
Hvít jól um allt land:
Útlit fyrir gott veð-
ur um hátíðarnar
ÚTLIT er fyrir að hvít jól verði um
ailt land að þessu sinni. þvi i ){a‘r
var snjór i ölium iandshlutum og
ekki útlit fyrir miklar veðurbreyt-
ingar næstu daga. Snjór er mjög
mismikili eftir landshlutum og
færð misgóð, en þó var í gær unnt
að komast til allra iandshluta og
innan þeirra, þó misgreiðlega. A
Veðurstofunni sagði Guðmundur
Hafsteinsson veðurfræðingur að
ekki væri búist við miklum breyt-
ingum á veðri fyrr en á annan eða
þriðja i jólum. Stillt veður væri um
allt land, en búast mætti við að enn
ætti eftir að bætast á snjóinn. Á
annan eða þriðja i jólum búast
veðurstofumenn á hinn bóginn við
lægð með hláku og nokkrum um-
hleypingum.
A Suðurlandi var í gær kominn
mikill snjór, og ennþá mylgraði
niður í Hreppum, að því er Morgun-
blaðið fregnaði í Syðra-Langholti.
Þar var kominn mikill jafnfallinn
snjór og allur búfénaður kominn á
gjöf, útigangshross ekki undanskil-
in. Færð var góð á aðalvegum í
Árnesþingi, en erfið á afleggjurum
og minni vegum.
I Grindavík sem og víðar á
Reykjanesi var snjór yfir öllu, og
gekk á hríðarhraglanda, en inn á
milli var veður bjart og stillt. Færð
var misgóð á Reykjanesskaganum,
en þó víðast hvar sæmilega fært
öilum bílum.
Á höfuðborgarsvæðinu snjóaði
mikið í fyrrinótt og í gær og var
færð þar nokkuð erfið á Þorláks-
messu, en flestir munu þó hafa
komist ferða sinna. Hið sama var að
segja vestur um Vesturland.
Á Hvanneyri var jörð aihvít og
mikil snjókoma í fyrradag, en bjart
yfir í gær. Þar lá snjór enn jafnfall-
inn, en hætt við að skæfi og legðist í
skafla ef hreyfði vind.
í Stykkishólmi var hvít jörð í gær,
stillt veður og fagurt við Breiðafjörð.
Færð var þar nokkuð þung en þó
ekki til mikilla tafa. Rúta frá
Reykjavík kom í Hólminn í gær og
annar flutningabill með jólapakka
frá Reykjavík, og voru þeir um
klukkutíma á eftir áætlun.
Á Þingeyri var snjóföl á jörðu, en
þó minni en oft áður á þessum
árstíma. Veður var ágætt á Þingeyri
í gær, en undanfarið hefur verið
leiðinleg tíð, og illa gefið til róðra.
I Bolungarvík var í gær komið
ágætt veður, eftir að það hafði verið
heldur hvimleitt síðustu viku. Snjór
er þar ekki mikill, og færð ekki
slæm. Undanfarið hefur verið þar
snjómugga í lofti, en það hefur
fremur verið vegna skafrennings en
ofanhríðar, því lítill snjór reyndist
vera á láglendi þegar birti til.
„Getur varla orðið
jólalegra hér
á Neskaupstað“
„Veðrið hér á Neskaupstað getur
varla orðið jólalegra. Hér er logn og
fremur milt pg jafnfallinn snjór yfir
öllu,“ sagði Ásgeir Lárusson frétta-
ritari Morgunblaðsins í Neskaup-
stað, er blaðið hafði samband víð
hann í gær.
„Hvítur snjórinn breiðir sig dún-
mjúkur yfir foldina og hér er stafa
logn, kyrrð og friður. Bærinn er
mikið skreyttur og sannkölluð jóla-
stemmning yfir öllu. Lionsmenn
hafa sett upp jólatré við sjúkrahúsið
og annað jólatré hefur verið skreytt
við kirkjuna.
Öll skip og bátar héðan eru komin
til hafnar og halda ekki aftur á
miðin fyrr en eftir áramót. Færðin
hefur verið nokkuð þung í bænum,
en er að lagast og nú er fært um alla
sveitina og yfir Öddskarð.
„Veðrið ágætt í dag“
Það er ágætt veður hér á Gríms-
stöðum á Fjöllum í dag, en hefur
verið anzi óstöðugt og umhleyp-
ingasamt undanfarið og síðastliðinn
mánuð hefur fé staðið inni,“ sagði
Benedikt Sigurðsson fréttaritari
Morgunblaðsins þar.
„Annars er hér tiltölulega lítill
snjór, það er venjulega lítið um hann
í þessari átt. Færð um nágrennið
hefur verið nokkuð góð og í dag var
farið á jeppa niður í Mývatnssveit til
að sækja jólapóstinn og vel hefur
gengið með aðföng.
Hér eru allir búnir að búa sig
undir jólin og komnir í jólaskap.
Búast má við góðu veðri á aðfanga-
dag og hér líður öllum vel.“
„Indælis veður
á Akureyri“
Hér er indælis veður, logn og
mesta blíða og hefur svo verið
undanfarna daga. Þó snjóaði nokkuð
í gær, en jafnfallið, svo nú er
hreinlætisblær yfir bænum og
snjóskraut á trjám,“ sagði Sverrir
Pálsson fréttaritari Morgunblaðsins
á Akureyri, er blaðið hafði samband
við hann í gær.
Bærinn er mikið skreyttur nú og
ber sérstaklega á fallegum skreyt-
ingum í gluggum. Ekki er mikið um
skreytt jólatré, en þó er eitt við
kirkjuna og annað við Skipagötu. Þá
er talsverð ljósaskreyting á Ráð-
hústorgi og í miðbænum.
Færð um bæinn og nágrennið er
nokkuð góð nú og við sjáum enga
ástæðu til að kvíða veðri um jólin."
Um sunnanvert landið er svipaða
sögu að segja, veður yfirleitt milt og
gott, en talsvert um snjó.
AusturatraBli 17. 2. h»ð.
Símar 26611
og 20100.
Ferðaskrifstofan Útsýn
býður yður velkomin og sendir beztu
óskir um gleðileg jól og þakkar
viðskiptin í aldarfjórðung og óskar
farsældar og fararheilla á komandi
/• •