Morgunblaðið - 24.12.1980, Blaðsíða 19

MORGUNBLAÐIÐ, MIÐVIKUDAGUR 24. DESEMBER 1980
SJÓNVARP & ÚTVARP ]
ANNAR í JÓLUM
Jólaleikrit útvarpsins:
,JSjóleiðin til Bagdad“
ANNAN jóladag. 26. desember
kl. 20.15 verður flutt i hljóðvarpi
leikritið „Sjóleiðin til Bagdad"
eftir Jökul Jakohsson. Leikstjóri
er Svcinn Einarsson og flytur
hann jafnframt formála að lcikn-
um. Með helstu hlutverk fara
Jóhanna Norðfjörð. Iljalti Rögn-
valdsson. Kristín Bjarnadóttir og
Sigmundur Örn Arngrímsson.
Flutningur leiksins tekur 100
mínútur. Tæknimaður: Friðrik
Stefánsson.
Leikurinn segir frá fólki, sem
Jökull Jakobsson
flest á það sammerkt að vera að
flýja eitthvað. En það notar ólíkar
aðferðir við að breiða yfir raun-
veruleikann. Signý, Eiríkur og
Halldór, sem fór í siglingar og
flakk 19 ára gamall, eru burðarás-
ar verksins. Þó má segja, að það sé
innri barátta Signýjar, konu Ei-
ríks, sem leikurinn fjallar um.
Maður hennar fyrirlítur hvers-
dagslega vinnu. Halldór er skáld-
ið, sem sér hlutina í víðara
samhengi, og Signý sveiflast á
milli þeirra. »
Jökull Jakobsson fæddist árið
1933 í Neskaupstað. Hann dvaldi
með foreldrum sínum í Kanada
árin 1935—40, en flutti þá heim.
Tók stúdentspróf í Reykjavík.
Stundaði síðar háskólanám í Vín-
arborg, Lundúnum og Reykjavík.
Jökull var um skeið blaðamaður
við „Tímann" og ritstjóri „Vikunn-
ar“, en starfaði sem útvarpsmaður
um árabil. Hann lést 1978. Jökull
sendi frá sér skáldsögur og eitt
smásagnasafn, auk leikritanna,
sem eru langsamlega mest að
vöxtum. Fyrsta leikrit hans sem
flutt var í útvarpi var „Aðalfund-
ur í Jólasveinafélaginu" 1962, en
mörg hafa verið flutt þar síðan.
Annars hafa leikrit Jökuls verið
sýnd bæði hjá Leikfélagi Reykja-
víkur og Þjóðleikhúsinu. Leikfé-
lagið frumsýndi „Sjóleiðina til
Bagdad" í október 1965.
Morðið í Austurlandahraðlestinni
Kl. 21.35 á annan í jólum verður sýnd bresk bíómynd frá árinu 1974, Morðið í
Austurlandahraðlestinni (Murder on the Orient Express), byggð á einni af frægustu
sakamálasögu Agöthu Christie. í myndinni er þessi sögufræga lest á leiðinni frá
Istanbul í Tyrklandi til Calais í Frakklandi og eiga sumir farþeganna örlagaríka ferð
fyrir höndum. Leikstjóri er Sidney Lumet. Aðalhlutverk leika Albert Finney, Ingrid
Bergman, Lauren Bacall, Wendy Hiller, Sean Connery, Vanessa Redgrave, Michael
York, Martin Balsam, Jaqueline Bisset, John Gielgud, Anthony Perkins og Jean-Pierre
Cassel. Þýðandi er Dóra Hafsteinsdóttir.
ÞRIÐJI í JÓLUM
Á dagskrá sjónvarps kl. 21.00 á þriðja degi jóla,
laugardegi, bregða Prúðu leikararnir á leik og nefnist
þátturinn að þessu sinni „í jólaskapi". Þetta er sjálfstæð
mynd um Prúðu leikarana, 50 mínútna löng, og gestur
þeirra er söngvarinn John Denver. Hann tekur lagið og í
þættinum skiptast á gaman og alvara. Prúðu leikararnir
og skyldulið þeirra sýna á sér ýmsar nýjar hliðar.
Þýðandi er Þrándur Thoroddsen.
Á dagskrá sjónvarps þriðja jóladag kl. 21.55 er bandarísk bíómynd, Hver er hræddur við
Virginíu Wolf? frá árinu 1966, byggð á samnefndu leikriti Edwards Albees, sem sýnt var
í Þjóðleikhúsinu á sínum tíma. Leikstjóri er Mike Nichols. Leikendur eru Richard
Burton, Elizabeth Taylor, George Segal og Sandy Dennis.
Myndin fjallar um miðaldra prófessor, George, og konu hans, Mörthu, sem eru að
koma heim úr samkvæmi síðla kvölds. Nokkru síðar ber ung hjón að garði hjá þeim. Þau
höfðu þegið boð prófessorshjónanna um að koma við og taka nokkur glös. Þótt allt sé
með felldu á ytra borði hjá Möthu og George, líður þeim hvergi nærri nógu vel. Þau eru
haldin sjálfseyðileggingarhvöt og gera hvað þau geta til að særa hvort annað, hvenær
sem tækifæri gefst.