Morgunblaðið - 17.01.1981, Síða 2

2
MORGUNBLAÐIÐ, LAUGARDAGUR 17. JANÚAR 1981
Fíkniefnasmyglari dæmd-
ur í 5 mánaða fangelsi
UMSVIFAMIKILL fíkniefna-
smyxlari var i vikunni dæmdur f
5 mánaða fangelsi og 5 þúsund
nýkróna sekt fyrir innflutning
og dreifingu á um tveimur kg af
marihuana vorið 1975.
í undirrétti hafði maðurinn
hlotið 7 mánaða fangelsisdóm og 5
þúsund nýkróna sekt. Þrír af
fimm dómurum Hæstaréttar
kváðu upp dóminn en tveir skiluðu
sératkvæði og vildu að undirrétt-
ardómurinn stæði.
Umræddur maður situr nú á
Litla Hrauni og afplánar 2ja ára
og 9 mánaða fangelsisdóma, sem
hann hlaut fyrir fíkniefnasölu í
Svíþjóð. Önnur og stórfelld umsvif
sama manns á fíkniefnasviðinu
eru nú til umfjöllunar í dóms-
málakerfinu hér á landi.
Akureyrarpollur:
ís hamlar
síldveiðum
SÚLAN EA 300 veiddi í desem-
bermánuði 40 tonn af smásild á
Akureyrarpolli. Sérstakt leyfi
var veitt niðursuðuverksmiðju K.
Jónsson og co. hf. á Akureyri til
að fá skip til að veiða 100 tonn af
smásíld eða kræðu.
Veiðarnar gengu heldur illa í
desember þar sem Pollinn lagði
fljótlega eftir að veiðarnar byrj-
uðu og skipið gat því lítið athafn-
að sig. Fyrirhugað var að reyna að
veiða þau 60 tonn, sem upp á
Fundu mikið af
loðnu norður
af Langanesi
í FYRRINÓTT fannst tals-
vert af loðnu um 40 mílur
norður af Langanesi, en þó
þarna virtist mikið magn
vera á ferðinni var erfitt
að ná loðnunni vegna þess
hve djúpt hún stóð. Tvö
skip fengu þó ágætan afla,
um 500 tonn. Loðnan virt-
ist vera á leið suður með
Austfjörðum og töldu skip-
stjórar, að ferðin á loðn-
unni væri 10 mílur á sólar-
hring.
vantar, milli jóla og nýárs eða
strax eftir áramót, en það var ekki
hægt vegna íss á Pollinum. Súlan
hélt því fljótlega eftir áramót til
loðnuveiða, en skipið á eftir um
1850 tonn af kvóta sínum. Þegar
þeim afla verður náð er ætlunin að
byrja smásíldarveiðarnar að nýju,
en Hafrannsóknastofnun fylgist
með þeim.
Annan daginn, sem Súlan var á
þessum veiðum fengust 50—60
tonn af stórri og fallegri „dem-
antssíld" í nótina, en henni varð
að sleppa þar sem leyfi var aðeins
veitt til smásíldarveiðanna. Tals-
vert virðist vera af síld á Akureyr-
arpolli, en lítið annars staðar í
Eyjafirði. Við þessar forvitnilegu
veiðar er notuð grunn loðnunót.
Nýja útisundlaugin sem opnuð verður I Breiðholti í dag.
Stór útisundlaug
opnuð í Breiðholti
STÓR útisundlaug verður tekin
formlega í notkun í Breiðholti i
dag. Laugin er 12,5x25 m að
stærð og því lögleg keppnislaug
og búningsklefar eru fyrir 600
manns. Bygging laugarinnar
var boðin út vorið 1974 og hefur
hún verið i byggingu síðan.
Kostnaður mun nú kominn upp
í 2,2 milljarða gamalla króna.
Laugin er við Fjölbrautaskól-
ann í Breiðholti og á vegum
fræðsluyfirvalda. Innilaug var
tekin í notkun sem hluti af
mannvirkinu í ársbyrjun 1977.
En báðar laugarnar verða nýttar
fyrir sundkennslu í grunnskól-
unum fimm í Breiðholti, svo og
Fjölbrautaskólanum, en að öðru
leyti opnar almenningi, svo sem
útilaugarnar í Laugardal og í
Vesturbæ. Munu fræðslustjórinn
í Reykjavík og formaður
fræðsluráðs lýsa laugina opna
kl. 2 í dag við hátíðlega athöfn.
En kl. 16—18 verður hún opin
fyrir almenning. Síðar verða
auglýstir opnunartímar.
Upphaflega var ætlunin að
útilaugin yrði tilbúin haustið
1976, en verktakinn, Sveinbjörn
Sigurðsson byggingameistari,
hóf framkvæmdir haustið 1974.
Vegna kostnaðar hefur verkinu
hvað eftir annað verið seinkað,
en nú er laugin komin í gagnið,
byrjað að kenna í henni.
Iðnaðarráðuneytið óskar end-
urskoðunar álsamninganna
Fleiri geta
hringt beint
til útlanda
SJÁLFVIRKT val til út-
landa hófst 6. október sl.
fyrir notendur á 91-svæð-
inu. Síðan hefur verið unn-
ið að því að veita notend-
um annarra svæða sömu
þjónustu, segir í frétt frá
Póst- og símamálastofnun-
inni.
Geta nú notendur sjálf-
virka símkerfisins á 96-,
97-, 98-, og 99-svæðinu
einnig valið sjálfvirkt til
útlanda, að undanskildum
notendum í Þingeyjarsýsl-
um, sem tilheyra sjálfvirku
langlínustöðinni á Húsavík,
en áætlað er, að fram-
kvæmdum þar verði lokið
um næstu mánaðamót.
Notendum er bent á leið-
arvísi um notkun sjálfvirka
símans á blaðsíðu 10—12 í
símaskránni.
í FRAMIIALDI af bréfaskriftum og samtölum iðnaðarráðuneyt-
isins og Alusuisse hefur iðnaðarráðuneytið þann áttunda þessa
mánaðar sent Alusuisse bréf. þar sem þess er óskað að skýringar
verði gefnar fyrir janúarlok á þeim hækkunum, sem orðið hafa á
súrálsverði í hafi. á milli Ástralíu og íslands, og ennfremur er
þess óskað að heildarsamningar Alusuisse og ríkisins verði
endurskoðaðir, og þess óskað að þær viðræður geti hafizt seinni
hluta febrúarmánaðar.
í samtali við iðnaðarráð-
herra, Hjörleif Guttormsson, í
gær kom það fram að enn hefði
ekki borizt svar við þessum
óskum, en að hann ætti von á
því fljótlega.
Hann sagði einnig að aðallega
yrði lögð áherzla á tvo megin-
þætti í endurskoðun heildar-
samninganna, það er orkuverðið
og skattlagninguna. „Við teljum
það form skattlagningar, sem
hingað til hefur viðgengizt,
heldur ótryggt Og að Alusuisse
geti með tilfærslu á kostnaði á
aðföngum, lækkað skattgreiðsl-
ur sínar til ríkisins. Ég tel að
það sé .nokkuð almennt mat að
skattlagning í þessu formi sé
nokkuð ótrygg tekjulind, gagn-
vart svona fyrirtækjum, sem
hafa einokun á framleiðsluvell-
inum, sagði iðnaðarráðherra.
„í mínum huga er þessi
endurskoðun tvíþætt, annars
vegar endurskoðun fortíðarinn-
ar og hinsvegar skipulagning
framtíðarinnar og verður þá
tekið mið af því sem verr hefur
farið að undanförnu og reynt að
lagfæra það við endurgerð
samninganna. Þetta eru erfiðir
samningar og við verðum að
treysta því að samstaða verði
hér heima við endurskoðun
samninganna og að sanngirn-
iskröfum okkar verði mætt af
skilningi hjá mótaðila."
Hvers vegna hefur Alusuisse
aðeins verið gefinn frestur til
janúarloka til að gefa skýringar
á hækkun súrálsverðs í hafi?
„Ég tel að þessi frestur sé
rúmur og á sem sagt von á því
að svör berist fyrr en seinna,
vegna þess að ráð var gert fyrir
því í fyrri samræðum, að skýr-
ingum yrði komið á framfæri
við ráðuneytið við fyrstu hent-
ugleika," sagði iðnaðarráðherra.
- O -
„Aiusuisse verður auðvitað að
svara ósk ráðherrans um endur-
skoðun á öllum samningum. „Ég
veit ekki, hvort Alusuisse er
reiðubúið til þess. En varðandi
orkuverðið tel ég, að við greið-
um sambærilegt orkuverð og
álver í Noregi og Kanada, sem
eru okkar aðalkeppinautar,"
sagði Ragnar S. Halldórsson,
forstjóri ISAL, er Mbl. leitaði
álits hans í gær á bréfi iðnað-
arráðherra til Alusuisse og
spurði sérstaklega um endur-
skoðun á orkuverði.
„Þó raddir séu uppi um það í
Noregi að hækka orkuverð til
álvera, hefur norski áliðnaður-
inn svarað þeim hástöfum á
þann veg að enginn grundvöllur
væri til slíkra hækkana," sagði
Ragnar. „Hitt verð ég svo að
segja eins og er, að mér finnst
það vafasöm aðferð hjá ráð-
herranum, að skylda Alusuisse
til svara fyrir janúarlok, þar
sem honum er fullkunnugt um,
að forráðamenn Alusuisse
verða fjarverandi fram í næsta
mánuð, eins og þegar kom fram
í samtali Morgunblaðsins og
Edwin A. Weibels, aðstoðarfor-
stjóra Alusuisse, sem birtist 19.
desember, en þar sagði Weibel
að Alusuisse myndi hafa svör
sín tilbúin um miðjan febrúar."
Sigurgrímur að
Holti látinn
SIGURGRlMUR Jónsson, bóndi
að Holti í Stokkseyrarhreppi, er
látinn, 84 ára að aldri, en hann
var fæddur að Holti 5. júni 1896.
Sigurgrímur lauk búfræðiprófi
frá Hvanneyri 1915 og hóf búskap
að Holti árið 1921, þar sem hann
bjó til dauðadags.
Sigurgrímur var í hreppsnefnd
1928—1958, þar af oddviti 1934—
1938 og 1946—1958. Hann sat í
stjórn Mjólkurbús flóamanna frá
árinu 1929 og í stjórn Mjólkursöl-
unnar frá árinu 1961. Hann sat í
fulltrúaráði SÍS og Stéttarsam-
bands bænda. Sigurgrímur var
formaður íþróttasambandsins
Skarphéðins 1915—1916. Kona
Sigurgríms var Unnur Jónsdóttir.
Tíðir fundir um
niðurröðun í
launaflokka
SÁTTAFUNDUR i kjaradeilu
starfsfólks rikisverksmiðjanna
tveggja, Áburðarverksmiðjunnar
og Sementsverksmiðjunnar og
Kísiliðjunnar við Mývatn og
ríkisvaldsins var haldinn i gær.
Fundurinn hófst klukkan 10 og
stóð til hádegis. Deiluaðilar
komu aftur til fundar klukkan 17
og stóð fundurinn til klukkan
19.30. Nýr fundur er boðaður í
dag klukkan 09.
Á fundinum var framhaldið
viðræðum og mun enn ekki endan-
lega lokið niðurröðun í launa-
flokka í Grundartangamynstri
samninga, sem verið er að taka í
notkun og tekur gildi í áföngum
fram til maímánaðar á næsta ári.
Aðilar munu hafa ætlað að skoða
nánar ýmsar hugmyndir varðandi
samningsgerðina, unz fundur
verður aftur í dag.