Morgunblaðið - 17.01.1981, Blaðsíða 26

26
MORGUNBLAÐIÐ, LAUGARDAGUR 17. JANÚAR 1981
Sameining Laxárvirkjunar við Landsvirkjun:
Borgarstjórn sam-
þykkti samkomulagið
BORGARSTJÓRN samþykkti á
fundi sínum á fimmtudagskvöld
samkomuiag um sameiningu
Laxárvirkjunar við Landsvirkj-
un. Atkvæði féllu þannig að 14
borgarfulitrúar voru samkomu-
laginu samþykkir, en einn var
þvi andvígur, Albert Guðmunds-
son.
Samkomulagið er m.a. þess efn-
is að sameining fyrirtaekjanna
mun eiga sér stað vorið 1983, við
endalok yfirstandandi kjörtíma-
bils stjórnar Landsvirkjunar.
Eignarhlutdeild hvers aðila í
þessu nýja fyrirtæki er þannig:
Ríkið mun eiga 48,40%, Reykja-
víkurborg 45,95% og Akureyrar-
bær 5,65%.
Ríkið áskilur sér rétt til þess að
auka hlutdeild sína í fyrirtækinu í
50%, með því að leggja fram
fjármuni, eða yfirtaka skuldir að
upphæð 6.889 milljónir gkr., háð
vísitölu byggingarkostnaðar 1.11.
1980.
Þá var á fundinum samþykkt
heimild til Landsvirkjunar fyrir
erlenda lántöku. Samþykkt var að
taka tilboði frá Scandinavian
Bank í London að upphæð 60
milljónir Bandaríkjadala. Tilboð
banka þessa var hið hagstæðasta
að mati borgarinnar, en yfir
tuttugu tilboð bárust.
Fostrur voru meðal áheyrenda á fundi borgarstjórnar, þegar mál þeirra voru rædd. Á myndinni má einnig
sjá fulltrúa kaupmanna, en þeir fylgdust með umræðum um tillögu til rýmkunar á afgreiðslutima
verslana. Ljósm. Mbl. Emilia.
Eyþór Fannberg, formaður Starfsmannafélags Reykjavíkurborgar:
Afgreiðslutími verslana:
Borgarstjórn samþykkir
rýmkun á afgreiðslutíma
SAMÞYKKT var í borgarstjórn á
fimmtudagskvold tiiiaga nefndar
um breytingu á afgreiðslutima
versiana. Tillaga nefndarinnar
er þess efnis að mánudaga til
föstudaga verði heimilt að hafa
versjanir opnar á timanum 8—
18. Á laugardögum verði heimilt
að hafa verslanir opnar á timan-
um 8—12 á tímabilinu 1. jan. til
1. júní og á timabilinu 1. sept. til
31. des.
Þá verði og heimilt að hafa
verslanir opnar allt að 8 stundir á
viku á eftirfarandi tímum: Frá
mánudegi til föstudags kl. 18—22.
Þó mega verslanir ekki nýta sér
þessa heimild á fleiri dögum en 2 í
hverri viku.
Þá er í tillögunni ákvæði um
vörusýningar og er það þess efnis
að borgarráð geti, að höfðu sam-
ráði við Kaupmannasamtök ís-
lands og Verslunarmannafélag
Reykjavíkur, heimilað smásölu-
verslunum að halda vörusýningar
á sölustað, utan venjulegs af-
greiðslutíma, enda fari engin sala
fram.
Tillaga þessi var samþykkt með
15 samhljóða atkvæðum.
Heimild verslana til að hafa
opið er rýmri samkvæmt þessari
tillögu en áður var.
Messað í báðum kirkj-
um Akureyrar í dag
Akureyri, 16. janúar.
GUÐSÞJÓNUSTUR verða í báð-
um kirkjunum í Akureyrar-
prestakalli, Akureyrarkirkju og
Lögmannshlíðarkirkju. klukkan
14.00 á sunnudag. Þar verður
Styrktartónleikar
T ónlistarf élagsins
TÓNLISTARFÉLAGIÐ mun efna
til fjórðu tónleika sinna á þessu
starfsári fyrir styrktarfélaga í
dag, laugardaginn 17. janúar. Þar
munu þau Manuela Wiesler og
Claus-Christian Schuster leika á
flautu og píanó. Á efnisskrá eru
rómantísk verk frá tímabilinu
1824 til 1945. Höfundar verkanna
eru Carl Reinecke, Bohuslav Mar-
tinu, Ferruccio Busoni og Franz
Schubert.
minnzt upphafs alþjóðiegrar
bænaviku.
í Lögmannshlíðarkirkju messar
sr. Birgir Snæbjörnsson, en í
Akureyrarkirkju koma fram full-
trúar fimm trúfélaga. Jóhann
Púrkhus deildarstjóri, fulltrúi
Sjónarhæðarsafnaðarins, flytur
predikun, en Skúli Torfason,
tannlæknir, í Aðventistasöfnuði,
og Vörður Traustason, lögreglu-
maður, í Hvítasunnusöfnuðinum,
og sr. Franz van Hoof, kaþólskur
prestur á Akureyri, lesa biblíu-
texta. Séra Pétur Sigurgeirsson,
vígslubiskup, þjónar fyrir altari.
Fulltrúar sömu trúfélaga komu
fram vegna bænavikunnar á síð-
asta ári, en þá í Lögmannshlíðar-
kirkju.
Sv.P.
Osanngjarnir samn-
ingar endurskoðaðir
„ÞAÐ ER sameiginiegur skiln-
ingur samningsaðila, að hafi ein-
hverjir þættir samninga Starfs-
mannafélags Reykjavíkurborgar
og borgarinnar verið byggðir á
röngum forsendum og séu þess
vegna óréttlátir, verði þeir
endurskoðaðir,“ sagði Eyþór
Fannberg, formaður Starfs-
mannafélags Reykjavíkur, er
Mbl. spurði spurði hann um
viðbrögð Starfsmannafélagsins.
eftir að fóstrur höfðu fellt samn-
ingana og uppsagnir komi til
framkvæmda 1. febrúar hafi við-
unandi lausn ekki fundizt fyrir
þann tima.
Hann sagði einnig að hann vildi
sem minnst tjá sig um þetta mál
að svo stöddu, þar sem fóstrur
hefðu ekki haft samband við hann,
og því væri ekki hægt að segja til
um framvindu mála.
Á fundi borgarstjórnar á
fimmtudagskvöldið var samþykkt
tillaga um að vísa ákvörðun um
tímafjölda fóstra til borgarráðs.
Ein ástæða fyrir óánægju fóstr-
anna mun vera sú að þær telja sig
ekki fá nógu marga tíma til
undirbúnings starfi sínu.
Tillaga frá Albert Guðmundssyni í borgarstjórn:
Sameiningu Laxárvirkjunar
og Landsvirkjunar hafnað
Þess í stað stefnt að stofnun Suðurlandsvirkjunar
ALBERT Guðmundsson borgar-
fulltrúi lagði til á borgarstjórn-
arfundi sem haldinn var á
fimmtudagskvöidið, að samkomu-
lag um sameiningu Laxárvirkj-
unar við Landsvirkjun yrði fellt,
en þess í stað yrðu teknar upp
viðræður af hálfu ríkis og
Reykjavíkurborgar annarsvegar
og Sunnlendinga hinsvegar um
Suðurlandsvirkjun. Tillaga Al-
berts er svohljóðandi:
„Borgarstjórn hafnar því sam-
komulagi um sameiningu Laxár-
virkjunar við Landsvirkjun, sem
borgarráð hefur vísað til af-
greiðslu borgarstjórnar, skv. 20.
lið fundargerðar borgarráðs frá
13. janúar 1981. Þess í stað verði
af hálfu ríkisins og Reykjavíkur-
borgar teknar upp viðræður við
byggðarlög Sunnlendingafjórð-
ungs um stofnun Suðurlandsvirkj-
unar, sem yfirtaki rekstur Lands-
virkjunar, svo og eignir Lands-
virkjunar, aðrar en skrifstofu-
bygginguna við Háaleitisbraut í
Reykjavík, en hlut Reykjavíkur-
borgar í húseigninni kaupi Ríkis-
sjóður og afhendi, ásamt starf-
semi þeirri, sem þar er innt af
hendi til Orkustofnunar eða Raf-
magnsveitna ríkisins. Suðurlands-
virkjun yfirtaki, til eignar og
rekstrar dreifikerfi það á svæði
sínu, sem nú er í eigu RARIK.
Stjórn Suðurlandsvirkjunar, skv.
tillögu þessari, ef samþykkt verð-
ur, skal skipuð fulltrúum Reykja-
víkurborgar, sýslu- og bæjarfé-
laga í Sunnlendingafjórðungi, svo
og ríkisins. Eðlilegt er að samið
verði við Rafmagnsveitu Reykja-
víkur um rekstur Suðurlands-
virkjunar, að einhverju eða öllu
leyti. Nánari ákvæði verði í frum-
varpi sem flutt verður í þessum
mánuði, ef tillaga þessi verður
samþykkt."
Með þessari tillögu Alberts
fylgdi svofelld greinargerð:
„Eðlilegt er að þeir sem búa á
orkuöflunarsvæði Landsvirkjunar
eigi nókkra aðild að virkjuninni.
Með tillögu þessari er lagt til, að
Landsvirkjun verði framvegis
sameign ríkisins og byggðarlag-
anna í Sunnlendingafjórðungi og
myndi einn hlekk í traustri keðju
byggðarafveitna og, eða, orkubúa í
öllum landsfjórðungum. Suður-
landsvirkjun sjái um áframhald-
andi vatns- og gufuvirkjanir á
virkjunarsvæði sínu, fyrst og
fremst til að fullnægja núverandi
og framtíðar orkuþörf í Sunnlend-
ingafjórðungi, svo og til sölu til
annarra orkuveitna, eftir því sem
hagkvæmt þykir.
Suðurlandsvirkjun yfirtakí
orkusölusamning Landsvirkjunar
til Grundartangaverksmiðjunnar,
þótt verksmiðjan sé staðsett utan
Sunnlendingafjórðungs."
Þessi tillaga Alberts var felld
með 14 atkvæðum gegn 1.
Ljósm. Mbl. Krintinn
Forráðamenn Breiðholtsleikhússins á sviðinu í Fellaskóla: Hilmar
Ilauksson, þýðandi „Plútus“, Geir Rögnvaldsson, leikstjóri, Jakob
S. Jónsson, frkv.stj. leikhússins og Þórunn Pálsdóttir, leikari.
Breiðholtsleikhúsið stof nað
NÝTT atvinnumannaleikhús
hefur nú verið stofnsett á höfuð-
borgarsvæðinu. Breiðhoitsieik-
húsið heitir það og hefur aðset-
ur i Fellaskóla. Þar verður
frumsýnt í miðri næstu viku
fyrsta leikrit hins nýja leik-
húss, Plútus, eftir Grikkjann
Aristofanes, samið 388 f. Kr.
Þau sem standa að Breið-
holtsleikhúsinu eru Jakob S.
Jónsson, Geir Rögnvaldsson og
Þórunn Pálsdóttir. Þau sögðu
hugmyndina að stofnun leik-
hússins hafa kviknað sl. haust,
en þá tókum við að ræða málin,
sagði Jakob S. Jónsson en menn-
ingarstarfsemi er mjög bágborin
í þessu stærsta hverfi borgar-
innar og ekkert leikhús. Leik-
húsarekstur í úthverfum hefur
gefist mjög vel erlendis, ýmisleg
nýlunda fylgir slíkri starfsemi
og venjulega skapast góð tengsl
við áhorfendur. Við héldum fund
með Framfarafélagi Breiðholts
og þar var svo mikill áhugi fyrir
stofnun leikhúss og eindreginn
vilji að það dafnaði, að við
réðumst í þetta stórfyrirtæki.
Við höfum slegið okkur fyrir
stofnkostnaði, ekki fengið neinn
styrk, en erum þess samt fullviss
að leikhúsið beri sig. En það er
auðvitað undir aðsókn komið.
Starfsemi leikhússins stendur
alfarið og fellur með aðsókninni.
Við erum samt bjartsýn mjög,
því alls staðar höfum við mætt
velvilja.
Breiðholtsleikhús-menn kváðu
leikhúsinu ekki ætlað annað
hlutverk en að skemmta
áhorfendum með vönduðum sýn-
ingum — engin pólitík, enginn
áróður væri í Breiðholtsleikhús-
inu, þar væri engu þröngvað
uppá áhorfendur; þeirra væri
aftur á móti skilningurinn.
Leikhúsinu væru samt settar
ákveðnar skorður í sambandi við
verkefnaval, svo sem af stærð
húsnæðis, fjárhagsgetu o.fl.
Forráðamenn Breiðholtsleik-
hússins vildu koma á framfæri
þökkum fyrir mjög ánægjulegt
samstarf við skólastjóra og ann-
að starfsfólk Fellaskóla. Þau
kváðu salinn í skólanum mjög
skemmtilegan og sérílagi til sýn-
inga á verki sem Plútus. Plútus
verður frumsýndur nk. miðviku-
dagskvöld. Sýningar í Breið-
holtsleikhúsinu verða tvisvar í
viku, miðvikudags- og sunnu-
dagskvöld í Fellaskóla.