Morgunblaðið - 10.02.1981, Qupperneq 17

MORGUNBLAÐIÐ, ÞRIÐJUDAGUR 10. FEBRÚAR 1981
17
Mig undrar stórlega að Páll sem
sjálfur telur sig í hópi náttúru-
verndarmanna skuli geta falist á
slíka eyðileggingu á einni fegurstu
sveit norðanlands — Vatnsdal.
Ótrúlegt er að hann skuli geta látið
sér detta í hug í alvöru að leiða
lífæð dalsins — ána — í Blöndu-
virkjun og svipta burtu úr sveitinni
og Húnaþingi frábærri laxveiðiá.
Slík náttúruspjöll eru óafsakanleg.
Síðar í greininni segir Páll um
landið á Auðkúluheiði: „Hér er um
að ræða einstakt land á hálendi
Isiands og hver ferkílómetri er
óbætanlegur". Tilvitn. lýkur. Er
ekki Vatnsdalur einstakt land í
byggð á tslandi? Er manninum
alvara? Er þetta liður í sáttatil-
boði?
Sjónarsviðið
Svínavatnshreppur
Eftir allt þetta segir í grein Páls:
„Hvað varðar bætur fyrir lands-
spjöll á afrétti höfum við sem
höfum lagst gegn fyrri virkjunar-
áformum, ákveðið að þiggja ekki
aðrar bætur en land jafngott og í
náttúrulegu ástandi“.
Síðan leggur hann til að Blöndu-
óshreppur afsali sér eignarhluta
sínum í Auðkúluheiði til síns
hrepps — Svínavatnshrepps —.
Þótt það séu 8% heiðarinnar a.m.k.
telur hann það hvergi duga, heldur
beri forráðamönnum Torfalækjar-
hrepps vegna áhuga á virkjunar-
málum að afsala sér hluta af eign
Torfalækjarhreps á Auðkúluheiði
til Svínavatnshrepps. En af höfð-
ingsskap sínum og rausn á al-
mannafé bætir hann við: „Að sjálf-
sögðu þægju svo Blönduóss- og
Torfalækjarhreppar bætur úr hendi
virkjunaraðila, þær er um semdist í
uppgræðslu lands eða öðru formi“.
Ekki lét hann samt þess getið hvað
það væri margra skuttogara virði.
Heimahéruðin njóti
hagstæðrar virkjunar
til atvinnuuppbyggingar
Allir sem hafa fylgst með þróun
orkumáia vita að nú er knýjandi
þörf að taka ákvörðun um byggingu
á stórri virkjun vegna orkuskorts.
Blönduvirkjun mundi leysa þá
þörf best vegnai legu sinnar við
dreifikerfi raforkunnar og öryggi
Norðlendinga og Vestfirðinga. Ætli
ríkisstjórnin að standa við gefin
heit að virkja utan eldivirkra svæða
er Blanda besti kosturinn. Þannig
mætti lengi telja.
Blönduvirkjun á stöðugt vaxandi
fylgi að fagna í heimahéraði. Fjöl-
margar ályktanir hafa verið gerðar
undanfarið til að skora á iðnaðar-
ráðherra og ríkisstjórn að virkja
Blöndu. Að þessum áskorunum
standa m.a. báðir kaupstaðirnir á
Norðurlandi vestra og flest stærri
sveitarfélögin.
Þess vegna er mikið í húfi að
góðir samningar takist um þessa
virkjun. Virkjunaraðilinn verður að
leggja sig fram um að r.á samning-
um við viðkomandi hreppa og
tryggja að þeir standi ekki verr að
vígi eftir virkjun en áður. Taka þarf
framtíðar atvinnuuppbyggingu við-
komandi héraða til athugunar og
treysta hana. Ég hef þá trú að
Blöndu sé hægt að virkja á þann
hátt að allir geti haft hag af því —
bæði héraðið og þjóðin í heild.
Grettir
líka á
miðvikudags-
kvöldum
Leikfélag Reykjavíkur fjölg-
ar nú sýningum á söng-
leiknum Gretti í Austur-
bæjarbíói, þannig aö auk
miönætursýninga á laugar-
dagskvöldum verða sýningar
á miðvikudagskvöldum
klukkan 21, sú fyrsta á mið-
vikudaginn kemur.
Rafiðnaðarsamband íslands:
Virkjun vatnsaflsins þýðir
fjölgun atvinnutækifæra
„ÞRÁTT fyrir svo til fulla
atvinnu hér á landi undanfarin
ár hafa að meðaltali flutzt úr
iandi um 1.000 manns árlega
siðustu 4 til 5 árin umíram
aðflutta. Þetta fólk hefur að
stórum hluta ekki talið sig fá
þau atvinnutækifæri. sem það
sættir sig við. í þessum hópi er
verulegur fjöldi rafiðnaðar-
manna,4* segir m.a. i ályktun
frá þingi Rafiðnaðarsambands
íslands um atvinnumál.
Minnir þingið á í ályktuninni
að virkjum vatnsaflsins sé eitt
helzta atriðið til að fjölga at-
vinnutækifærum og bæta lífs-
kjör, en það þurfi að gera til að
stöðva fólksflóttann og tryggja
öllum atvinnu við sitt hæfi.
„Sérstök ástæða er til að ítreka
þetta, þegar svo alvarlegt
ástand er í vatnsforðamálum
orkuveranna, að framkvæma
þarf stórfelldar skammtanir
raforku til notenda. Þetta
ástand minnir á, að ætíð þarf að
vera til staðar í raforkukerfinu
verulegt umframafl til að mæta
skakkaföllum af þessu tagi. Því
ályktar þingið, að nauðsynlegt
sé, að hefja sem fyrst fram-
kvæmdir við tvær af þremur
stórvirkjunum, sem fyrirhugað-
ar eru“, segir í ályktun þingsins.
Tólf presta-
köll laus
til umsókna
BISKUP íslands hefur nú aug-
lýst tólf prestaköll laus til um-
sóknar, og er umsóknarfrestur
til 15. mars næstkomandi. Þessi
prestaköll eru sum hver auglýst i
fyrsta skipti, önnur eru presta-
köll sem þjónað hefur verið af
settum prestum eða nágranna-
presti, en sum prestaköllin hafa
átt sitt fasta sæti á þessum lista
ár eftir ár að undanförnu.
En prestaköllin sem nú eru
auglýst laus til umsóknar, eru
eftirtalin:
1. Árnesprestakall í Húna-
vatnsprófastsdæmi. (Árnessókn). •
2. Ásaprestakall í Skaftafells-
prófastsdæmi. (Grafar-, Þykkvab-
æjar- og Langholtssóknir).
3. Bíldudalsprestakall í Barða-
strandarprófastsdæmi. (Bíldu-
dals- og Selárdalssóknir).
4. Bólstaðarhlíðarprestakall í
Húnavatnsprófastsdæmi. (Ból-
staðarhlíðar-, Bergsstaða-, Auð-
kúlu-, Svínavatns- og Holtastaða-
sóknir).
5. Ólafsfjarðarprestakall í Eyja-
fjarðarprófastsdæmi. (ólafsfjarð-
arsókn).
6. Reykhólaprestakall í Barða-
strandarprófastsdæmi. (Reyk-
hóla-, Garpsdals-, Gufudals-, Flat-
eyjar- og Múlasóknir).
7. Sauðanesprestakall í Þingeyj-
arprófastsdæmi. (Sauðanes- og
Svalbarðssóknir).
8. Sauðlauksdalsprestakall í
Barðastrandarprófastsdæmi.
(Sauðlauksdals-, Saurbæjar-,
Brjánslækjar-, Haga- og Breiða-
víkursóknir).
9. Staðarprestakall í Súganda-
firði, ísafjarðarprófastsdæmi.
(Staðarsókn).
10. Vestmannaeyjaprestakall í
Kjalarnesprófastsdæmi. Annað
prestsembættið. (Ofanleitissókn).
11. Víkurprestakall í Skafta-
fellsprófastsdæmi. (Víkur-, Reyn-
is- og Skeiðflatarsóknir).
12. Þingeyrarprestakall í ísafjarð-
arprófastsdæmi. (Þingeyrar-,
Hrafnseyrar-, Mýra-, Núps- og
Sæbólssóknir).
Mýra-, Núps- og Sæbólssóknir
fylgja um þjónustu Holtspresta-
kalli, Isafjarðarprófastsdæmi,
fyrst um sinn.
Limrted
HEILDARAFKOMA
Útdráttur úr endurskoðuðum heildarreikningum
31. desember1980.
1980 £’000 1979 £’000
Shareholders’ Funds (eigið fö) Subordinated Loans (vikjandl lán) Total Deposits (heildarinnlán) 49,008 45,224 1,079,811 46,345 27,658 970,765
Loans and Advances (heildarútlán) Total Assets (eignlr) 627,900 1,271,914 560,397 1,121,523
Profit beforeTaxation (rekstrarhagnaður fyrir skattgreiðslu) 10,274 9,323
Bankinn mun með ánægju senda síðustu ársskýrslu og
Scandinavian Bank Limited
Head Office: 36 Leadenhall Street, London EC3A1BH. Telephone: 01-481 0565. Telex: 889093.
International Offices: Bahrain, Bermuda, Hong Kong, NewYork, Singapore.
Joint Representative Offices: Madrid, Paris, Sáo Paulo.Tokyo.
íslenzkur hluthafl: Landsbanki íslands.
iíeí ht. Ss.md TwHd