Morgunblaðið - 03.10.1981, Blaðsíða 26

26
MORGUNBLAÐIÐ, LAUGARDAGUR 3. OKTÓBER 1981
Skýrsla til borgarráðs vegna samningaviðræðna um Lifshlaupið:
Verð Lífshlaupsins leikur á
bilinu 3,1—3,7 milljónir kr.
FöstudaKÍnn 18. soptember sl.
fól bornarstjóri frkv.stj. fjármála-
deildar aó halda áfram vióra-óum.
sem hann hafói hafió vió Guð-
mund Axelsson listmunakaup-
mann um kaup á þeim ve»{(ískreyt-
ingum. er áóur prýddu vinnustofu
Jóhannesar S. Kjarval. Ganga þær
nú undir heitinu „Lífshlaup". en
sem kunnugt er voru þa>r j?eröar á
fjóra veKKÍ vinnustofu Kjarvals í
Austurstræti 12. en Guómundur
hefur látið flytja myndirnar úr
upphaflegu umhverfi sinu <>k látió
Kera þær upp með mikilli fyrir-
höfn. þannÍK aó þær mynda nú
listra-na heild. Enn hafa þó aóeins
myndir af þremur veKKjum komió
úr viÓKcrð ytra.
I fyrstu var af hálfu frkv.stj.
fjármáladeildar rætt við þá aðila
innanlands, sem talið var, að hefðu
áhuKa á kaupum myndverksins.
Kom í ljós, að þeir myndu ekki að
svo stöddu keppa við borgarsjóð
um kaupin.
Á fundi með G.A., þriðjudaginn
22.9. var honum gerð grein fyrir
áhuga borgaryfirvalda á kaupum
„Lífshlaupsins", ef viðunandi kjör
væru í boði og ótvíræð svör fengj-
ust um 2 atriði, þ.e. annars vegar
um varanleika þeirrar viðgerðar,
sem framkvæmd hefur verið, og
hins vegar um það, hvort lægsti
veggurinn (súðarveggurinn) fylgdi
með í kaupunum, en það er sá vegg-
ur sem ókominn er úr viðgerð.
G.A. taldi sig hafa það frá við-
gerðamanninum sjálfum, Steen
Bjarnhof, sem er skólastjóri við-
gerðaskólans í Kaupmannahöfn og
heimsfrægur maður í sinni grein,
að hér væri um „langlífa" viðgerð
að ræða. Hins vegar lægi ekkert
skriflegt fyrir um málið.
Þá sagði G.A. að lægsti veggur-
inn myndi fylgja með í kaupunum,
en þó verði kaupandi að borga við-
gerðakostnað af honum, ef viðgerð-
in sé ekki innifalin í þeim greiðsl-
um, sem hann væri þegar búinn að
inna af hendi.
Þetta atriði er enn óljóst, þar eð
ekki hefur náðst til Steen Bjarnhof.
G.A. telur sennilegt, að veggurinn
verði tilbúinn til heimflutnings frá
Kaupmannahöfn eftir 1—1 xk ár.
A framangreindum fundi með
Guðmundi var ýtarlega rætt um
husanlegt kaupverð eins og hér
verður greint frá, en það atriði
skýrðist nánar á 6 síðari samninga-
fundum. Tók Jón G. Tómasson
borgarlögmaður sem staðgengill
borgarstjóra þátt í þeim fyrir hönd
borgarsjóðs ásamt frkv.stj. fjár-
máladeildar, en Tryggvi E. Geirs-
son löggiltur endurskoðandi sat tvo
fundi ásamt Guðmundi.
Á þeim fundi, sem borgarstjóri
átti með Guðmundi Axelssyni hinn
12. þ.m. setti Guðmundur fram
hugmynd um verð, sem hljóðaði
upp á 1,7 milijónir króna auk
skatta. Var það í fyrstu skilningur
borgarstjóra, að hér væri átt við
söluskatt, en sala Guðmundar á
málverkinu er söluskattskyld.
A þeim fundum, sem undirritað-
ir hafa átt með Guðmundi, hefur
hins vegar komið i ljós, að hann
átti einnig við tekjuskatt, útsvar og
sjúkratryggingagjald, en í grófum
dráttum þýðir það að heildar-
skattlagning af hagnaði hans nem-
ur um % hagnaðarins.
Af þessu leiðir, að nauðsynlegt er
að nákvæmar upplýsingar liggi
fyrir um kostnaðarverð verksins
eins og það nú er komið til þess að
hægt sé að reikna út kaupverðið. Sé
t.d. reiknað með því, að kostnaður-
inn sé 1 milljón króna, sem er
hæsta tala, sem nefnd hefur verið,
þá þarf að bæta við þá tölu 700 þús.
x 3 og fæst þá heildarverðið 3,1
milljón króna. Við það bætist svo
söluskattur 23,5% og er þá verð
verksins rúmlega 3,8 milljónir
króna. Sé hins vegar reiknað með
því að kostnaðurinn sé 700 þús.
krónur, sem einnig hefur verið
nefnt, þá verður heildarverð með
söluskatti tæplega 4,7 milljónir
króna.
Ekki liggja enn fyrir nákvæmar
tölur um kostnaðinn og var því
ekki komizt til botns í málinu, en
hins vegar fékkst vilyrði fyrir því,
að fjármálaráðuneytið myndi
leggja til við Alþingi, að salan yrði
undanþegin söluskatti, þannig að
væntanlegt verð leikur þá á bilinu
3,1—3,7 milljónir króna eins og það
var fram sett.
Til þess að komast út úr óviss-
unni um kostnaðarverð G.A. var
fljótlega lagt til af samninga-
mönnum borgarsjóðs, að kaupverð-
ið yrði m.a. greitt með því að borg-
arsjóður tæki að sér að greiða allan
útlagðan kostnað G.A. við öflun og
viðgerð myndverksins og síðan
bættist einhver upphæð þar við,
sem þóknun fyrir framtak og fyrir-
höfn, sem vissulega er verulegt.
I þessu sambandi kviknaði
hugmynd um, að e.t.v. mætti greiða
andvirðið að einhverju leyti með
makaskiptum, t.d. meö skiptum á
málverkum, þ.e. að borgin léti af
hendi einhverjar myndir, sem hún
á og sem varðveittar eru hjá stofn-
unum borgarinnar.
í þessu sambandi fékk G.A.
heimild til þess að kynna sér mál-
verkaeign borgarinnar hjá list-
ráðunaut Kjarvalsstaða.
Hinn 28.9. gerði G.A. síðan borg-
arsjóði það tilboð, að borgarsjóður
keypti myndirnar á 1200 þús. krón-
ur auk þess sem hann fengi í maka-
skiptum 8 nánar tilteknar myndir
úr eigu borgarsjóðs. Ræða mætti
þó nánar um myndavalið, en aðal-
atriðið í sínum huga væri verðmæti
myndanna.
Eftir að hafa ráðfært okkur við
borgarráð hinn 30.9. gerðum við
Guðmundi Axelssyni svohljóðandi
tilboð:
1. „Borgarsjóður yfirtaki greiðslu
alls kostnaðar við kaup mynd-
verksins af erfingjum lista-
mannsins og viðgerð á því, þ.m.t.
kaupverð, vaxtagreiðslur, við-
gerðarkostnaður, bæði efni og
. vinna, flutningskostnaður,
tryKK'ngar og annar kostnaður,
sem í eðlilegum tengslum er við
öflun og viðgerð myndverksins.
Kostnaður þessi verði greidd-
ur samkvæmt framvísuðum
reikningum eða staðfestu yfirliti
endurskoðanda. í viðræðum
hafa kostnaðartölur verið
nefndar á bilinu 700—1000 þús.
kr.
2. Borgarsjóður greiði kr. 400 þús.
til viðbótar. Um greiðslukjör
verði samið nánar.
3. Innifalið í kaupum og greiðslum
skv. 1. og 2. lið er sá hluti mynd-
verksins, sem enn er í viðgerð
(súðarveggurinn) og kostnaður
við viðgerð hans. Afhending
þess hluta fer þó ekki fram, fyrr
en að viðgerð lokinni og seljandi
tekur ekki ábyrgð á því að við-
gerðin heppnist.
4. Aður en frá kaupum verður
gengið liggur fyrir álitsgerð sér-
fróðs manns, sem aðilar koma
sér saman um, þess efnis, að við-
gerð sú, sem framkvæmd hefur
verið, sé eins varanleg og kostur
er á. Kostnaður við þessa álits-
gerð fellur undir lið 1 hér að
framan.
5. Borgarsjóður tryggir seljanda,
að hann þurfi ekki að standa skil
á söluskatti vegna þessara
viðskipta.
Guðmundur Axelsson hafnaöi
þessu tilboði umsvifalaust. Sagði
hann fyrri tilboð sín gilda, þ.e. að
annað hvort greiddi borgarsjóður
honum 3,1 milljón króna fyrir
myndverkið eða 1,2 milljónir króna
auk 8 málverka eins og áður hafi
verið rætt um.
Við tjáðum Guðmundi, að við
hefðum nú boðið honum eins og
samningsumboð okkar frekast
leyfði og yrði ekki um frekari boð
að ræða að sinni. Við óskuðum þó
eftir því, að samningaumleitunum
yrði ekki alveg slitið, heldur yrðu
þær teknar upp að nýju ef eitthvað
nýtt gerðist í málinu.
í viðræðunum hefur stundum
borið á góma, að G.A. hafi fengið
tilboð í myndverkið frá Danmörku
og kvaðst hann þurfa að svara því
fyrir 1. október. Jafnframt kom
fram, að tilboðið væri lægra, en
það verð, sem G.A. hefur sett fram
í viðræðum sínum við okkur, en
nánari upplýsingar hefur hann
ekki gefið um það.
Einnig hefur komið til tals, að
e.t.v. sé nýtt tilboð á leiðinni í
myndverkið.
A fundi þeim, sem við áttum með
Guðmundi 30. sept. sl. fórum við
þess á leit, að borgarsjóður fengi að
fylgjast með, ef tilboð, sem G.A.
teldi viðunandi bærust í verkið og
yrði borgarsjóði þá gefinn kostur á
að ganga inn í slíkt tilboð. Guð-
mundur vildi ekki að svo stöddu
taka afstöðu til þessarar beiðni.
Björn Friðfinnsson,
Jún G. Tómasson.
Hjartans þakkir til allra sem sendu mér hlýj-
ar kveðjur með heillaskeytum, blómum og
gjöfum á níutíu ára afmæli mínu.
Guð blessi ykkur öll.
Sigríður Þórðardóttir frá Hofstöðum.
Innilegar þakkir öllum þeim er glöddu mig
með hamingjuóskum, blómum, skeytum og
hlýju handtaki á 75 ára afmæli mínu 25. sept-
ember sl.
Kristján Steingrímsson
vörubílstjóri Ilafnarfirði.
Hef opnað
lækningastofu
að Hafnarstræti 95, Akureyri.
Viðtalsbeiðnum veitt móttaka í síma 96-25064 þriöju-
daga og miðvikudaga kl. 13—14. Upplýsingar einnig
í síma 96-22100.
Halldór Baldursson, dr. med.,
sérgrein: beina- og líðaskurðlækningar
(orthopaedia).
Guillaume-hjónin voru dæmd fyrir njósnir 1974. Hún var dæmd til 8
ára fangelsisvistar og var látin laus i mars á þessu ári, en hann var
dæmdur i 13 ára fangelsi.
Njósnaraskipti milli
austurs og vesturs
Honn. 2. októhcr. AI*
MEIRIHÁTTAR njósnaraskipti
fóru fram milli austurs og vest-
urs á föstudag. Talsmaður Vest-
ur Þýsku stjórnarinnar, Kurt
Becker, sagði að þúsundir ætt-
ingja flóttamanna og nokkrir
njósnarar yrðu látnir lausir í
Austur Þýskalandi. Skiptin hóf-
ust um 8 leytið á fimmtudags-
kvöld þegar a. þýska njósnaran-
um Gunther Guillaume, sem
varð Willy Brandt kanslara að
falli, var ekið yfir landamæri
landanna.
Guillaume og kona hans,
Christel, voru handtekin 1974.
Þau settust að rétt fyrir utan
Frankfurt snemma á sjöunda
áratugnum og þóttust hafa flúið
A. Þýskaland. Þau gengu í Jafn-
aðarmannaflokkinn og unni sig
smátt og smátt í álit innan
hans. Guillaume var einn helsti
ráðgjafi Brandts, þegar hann
varð kanslari 1969, og hafði
greiðan aðgang að leyniskjölum
flokksins og ríkisstjórnarinnar.
Brandt sagði af sér þegar hjónin
voru handtekin.
Becker vildi ekki segja hvaða
aðrir a. þýskir njósnarar yrðu
látnir lausir í skiptunum. Heim-
ildir hermdu að Renate Lutze,
fv. ritari í varnarmálaráðu-
neytinu sem kom hundruðum
hernaðarleyndarmála NATO og
V. Þýskalands í hendur komm-
únistastjórnar A. Þýskalands,
yrði látin laus. Becker sagði að
ekki yrðu eins margir og vonast
var til látnir lausir fyrir austan
tjald. í blaðafréttum hefur verið
sagt að 30-60 v. þýskir njósnarar
yrðu látnir lausir og um 3000
ættingjar flóttamanna sem þeg-
ar eru á Vesturlöndum.
P. W. Botha, forsætisráðherra
Suður Afríku, sagði í dag að
rússneskur njósnari sem hefur
verið í haldi í Jóhannesarborg
síðan í Janúar yrði ekki látinn
laus eins og sagt hefur verið í
fréttum. Anker Jörgensen,
forsætisráðherra Danmerkur,
Kjeld Olesen, utanríkisráð-
herra, og Ole Espersen, dóms-
málaráðherra, áttu fund um
beiðni v. þýsku stjórnarinnar í
dag en hún hefur farið fram á að
Jörg Meyer njósnari verði leyst-
ur úr haldi.
Sprenging um borð
í spönsku herskipi
Santander. Spáni, 2. október. AP.
SPÁNSKT herskip
skemmdist mikið þegar
öflug sprengja sprakk í
vélarúmi þess snemma á
föstudagsmorgun. Flota-
málaráðuneytið í Madrid
kenndi hryðjuverka-
mönnum um verknaðinn.
Ekki urðu nein meiðsli á
mönnum.
Herskipið er yfirleitt
staðsett út af norðurströnd
Spánar og fylgist með ferð-
um Baska. Það reynir að
koma í veg fyrir, að þeir
fari sjóleið frá Suður-
Frakklandi til Spánar.
Sjá mátti tveggja metra
stórt gat á hlið skipsins, en
vélarúmið gjöreyðilagðist.
Þetta er einn djarfasti
verknaður hryðjuverka-
manna síðan Luis Carrero
Blanco, einn æðsti maður
hersins, var myrtur í Mad-
rid 1973.
Sprengja sprakk í lög-
reglustöð í San Sebastian
skömmu áður en sprengjan
sprakk um borð í her-
skipinu. Engan sakaði í
sprengingunni, en skemmd-
ir voru miklar.
Reagan fær
góða útkomu
New York. 2. okt. AP.
MEIRIHLUTI Bandaríkjamanna
telur enn að Ronald Reagan
standi sig vel í starfi sínu þrátt
fyrir efasemdir um síðustu tillög
ur hans í efnahagsmálum.
Alls telja 53 af hundraði að
Reagan vinni gott eða ágætt starf
í embætti — færri en nokkru sinni
síðan hann tók við samkvæmt
skoðanakönnun AP og NBC.
En samkvæmt könnuninni
treysta 58% Reagan til að gera
það sem rétt er alltaf eða oftast og
52 af hundraði sögðust sammála
því að „Ronald Reagan sýndi að
honum væri annt um fólk eins og
mig“.
Auk þess sögðust 85 af hundraði
halda að Reagan hefði orðið meira
ágengt fyrstu mánuðina í embætti
en fyrri forsetum.
Alls kváðust 54% sammála
fyrirhuguðum 13 milljarða dala
niðurskurði Reagans á ríkisút-
gjöldum.
í skoðanakönnun AP-NBC í apr-
íl studdu rúmlega 60 af hundraði
efnahagstillögur Reagans.