Morgunblaðið - 06.12.1981, Blaðsíða 29

MORGUNBLAÐIÐ, SUNNUDAGUR 6. DESEMBER 1981
29
Ekki lengur aðeins ýsu og f lot
Kristín Gestsdóttir:
220 gómsaetir sjávarréttir.
Sigurður l*orkelsson myndskreytti.
Útg. Örn og Örlygur 1981.
Mikil breyting hefur orðið á
matarvenjum Islendinga á örfáum
árum, um það þarf ekki að fjöl-
yrða. Og eins og segir í formála
hefði það án efa þótt skrítið upp-
átæki frir fáum árum að gefa út
sérstaka bók um íslenzka fiskrétti.
Lengst af hefur landinn borðað
sína soðnu ýsu með floti eða
hamsatólg, kannski steikt hana á
pönnu svona öðru hverju til há-
tíðabrigða. Soðinn lax með smjöri
einu sinni á sumri. Nú er þetta allt
með öðrum brag, skelfiskréttir
sem flestir hefðu fúlsað við, grá-
lúða og skötuselur áttu áræðilega
Bókmenntir
Jóhanna Kristjónsdóttir
ekki upp á pallborðið, fæstum
hcfði dottið í hug að leggja sér slík
sjávardýr til munns. Ekki er vafi á
að litlu veitingastaðirnir, sem
hafa sprottið upp í Reykjavík síð-
ustu ár, hafa átt sinn þátt í að
breyta matarvenjum okkar, og ný
umfjöllun um mataræði á sinn
þátt í þessu, og er þar vafaiaust
drjúgur þáttur Sigrúnar Davíðs-
dóttur, sem kynnt hefur matar-
gerð á nýstárlegan og forvitni-
legan hátt.
I bók Kristínar Gestsdóttur
kennir margra og án efa bragð-
góðra fiskrétta, er þar lýst mat-
reiðslu á síld, ýsu, þorski, saltfiski,
rauðsprettu, grálúðu, steinbít,
skötusel, hvers konar skelfiski og
auk þess er smjörið og flotið ekki
lengur eina viðbitið, nú erum við
komin að þeirri niðurstöðu að sós-
ur af öllu tagi má nota með fisk-
réttum til að gera þá enn ljúffeng-
ari.
Það er ógerlegt að tíunda alla þá
rétti sem hér eru kynntir en
sjálfsagt ómaksins vert og vel það
að prófa þá marga, því að leiðbein-
ingar Kristínar virðast aðgengi-
legar og skýrar í bezta lagi.
Myndskreytingar Sigurðar Þor-
kelssonar eru ljómandi snotrar
sem slíkar en ekki bráðnauðsyn-
legar, því að þær sýna svo sem
ekkert um tilbúning réttanna.
Bókin er í stóru broti og fagurlega
útgefin og öll hin girnilegasta.
Barnið í
Betlehem
Bókmenntir
Jenna Jensdóttir
Barnið í Betlehem.
Texti: Jenny Robertson.
Myndir: Sheila Bewley.
Þýðandi: Karl S. Benediktsson.
Prentuð í Englandi.
Bókaútgáfan Salt hf.
Nú nálgast jólin, sem öll börn og
margir fullorðnir hlakka til. Þau
eru birta í skammdeginu innan
húss og utan. Þótt umstangið og
ytri undirbúningur að jólum sé
jafnvel allt um koll að keyra, hef-
ur það á vissan hátt jákvæðar
hliðar.
Fólk gleður börn, gamla og
sjúka með gjöfum og heimsóknum
fremur á jólum en öðrum tímum.
Að gefa frá sjálfum sér — og gefa
af sjálfum sér til annarra er
hverjum hollt. Það styrkir sam-
kennd og þokar okkur nær hvert
öðru á vegferð okkar gegnum tím-
ann. Ef til vill hafa þjóð og þjóðir
aldrei meiri þörf fyrir skilning og
frið en einmitt nú, þegar vitað er
að heimurinn getur á hverri
stundu orðið vítisvélum að bráð ef
stórveldunum hentar svo.
Frá því kristnin var lögtekin á
íslandi hefur jólaguðspjallið verið
lesið í kirkjum landsins á jólum og
mörgum heimilum. Og börnin
heyra sögur um barnið í Betlehem.
Jólin eru hátið friðar um allan
kristinn heim.
Þótt hinn innri tilgangur jóla-
hátíðar sé að verða æ þokukennd-
ari í vitund margra, má engum
glatast, að jólaguðspjallið og sög-
urnar um barnið í jötunni eru
dýrmætar og fallegar.
Bókin Barnið í Betlehem sem
bókaútgáfan Salt sendir frá sér
núna fyrir jólin varð tilefni þess-
arar hugleiðingar minnar. Karl S.
Benediktsson hefur þýtt bókina
sem er á góðu máli, aðgengilegu
fyrir börn.
Sagan byrjar á að segja frá
Betlehem, borg Davíðs. „Betlehem
sem var umlukt hvítum múrum
var einstæð borg. Hún var borg
fyrirheita Guðs.“ Sagan sem við
þekkjum öll úr kristnum fræðum
er síðan rakin til þess er Jesús vex
upp með móður sinni. „Jesús gekk
berfættur á heitri og harðri jörð-
inni, og orðin sem hann heyrði les-
in úr bókrollunum heilögu endur-
ómuðu í hjarta hans, mótuðu hug
hans, fræddu hann 'um Guð og
fyrirheitin." Myndirnar í bókinni
taka mikið rúm — heilar síður,
stundum. Þær gefa lesendum
gleggri sýn í það umhverfi sem
þessi sígilda saga mannkyns á að
gerast í.
Bókin Barnið í Betlehem er fal-
leg og vönduð í útgáfu. Ég get
óskað henni í hendur hvers þess
barns, sem alið er upp í virðingu
fyrir kristinni trú og skilningi á
andlegu verðmæti jólahátíðarinn-
ar.
Beocenter7002
Fjarstýrð hágæðasamstæða
Með því að ýta á einn takka á fjarstýringunni úr
sæti þínu getur þú fengið hljómlist frá hljómplötu/
segulbandstækinu eða útvarpstækinu. Stórir
ljósastafir í stjórnborðinu sýna þér stöðugt hvað
er í gangi. Hægt er að stýra tækinu með tölvunni
á tækinu sjálfu éða með fjarstýringu sem fylgir.
Tölvuminni og tímatæki gera yður kleift að stilla
tölvuna innan 24 klst. þannig að tækið fari í gang
samkvæmt yðar óskum þ.e. t.d. kveikja á útvarp-
inu og taka upp á segulbandið.
Við álítum að viðskiptavinir okkar kunni heldur
betur að meta þetta.
Komdu og skoðaðu — þú munt sannfærast.
Verð 18.254. Greiðslukjör.

x
Bang&Olufsen