Morgunblaðið - 14.08.1982, Blaðsíða 19
MORGUNBLAÐIÐ, LAUGARDAGUR 14. ÁGÚST 1982
19
Einar 01-
geirsson
áttrœður
í dag
KINAK Olgeirsson, fyrrum alþingis-
maður, er áttræður í dag, en hann
var fæddur á Akureyri 14. ágúst
1902.
Einar lauk stúdentsprófi frá
Menntaskólanum í Reykjavík 1921
og stundaði síðan nám í þýzkum
og enskum bókmenntum í Berlín
og var eftir það kennari við fram-
haldsdeild Gangfræðaskólan á
Akureyri í fjögur ár. Hann var
síðan forstjóri síldareinkasölu Is-
lands og forstjóri Rússnesk-
íslenzka verzlunarfélagsins. Síðar
var hann ritstjóri um nokkurt
skeið og stundaði einnig ritstörf.
Hann var formaður Sameiningar-
flokks alþýðu, Sósialistaflokksins,
Kinar Olgeirsson
og formaður þingflokks hans um
langt skeið. Hann var þingmaður
Reykvíkinga frá 1937 til 1967 og
var forseti neðri deildar 1956 til
1959.
Þá átti Einar sæti í fjölmörgum
nefndum á vegum alþingis og var
einnig afkastamikill rithöfundur
og þýðandi.
Einar verður að heiman í dag.
Skattaálagning á Vesturlandi:
Soffanías skattahæstur
Akranesi 13. ápíat.
ÁLAGNINGARSKRÁ skatta á Vesturlandi 1982 var lögð fram í dag. Heild-
arálagning nam 184.084.995 krónum, sem er 51,2% hækkun frá fyrra árs
álagningu. Þar af er álagning á menn 171.896.100, sem er 53% hækkun og á
lögaðila 12.188.895, sem er 29,9% hækkun frá fyrra árs álagningu. Tekju-
skattur einstaklinga var 87.797.109 (54,8%) og útsvör 79.059.500 (54,3%).
Tekjuskattur lögaðila var 7.230.129 (15%).
Eftirtaldir einstaklingar voru með hæstu heildargjöld á Vesturlandi:
1. Soffanías Cecilsson, útgerðarmaður, Grundarfirði, 523 þús.
2. Sæmundur Sigmundsson, sérleyfishafi, Borgarnesi, 503 þús.
3. Runólfur Hallfreðsson, útgerðarmaður, Akranesi, 463 þús.
4. Jósef H. Þorgeirsson, alþingismaður, Akranesi, 278 þús.
5. Guðrún Ásmundsdóttir, kaupmaður, Akranesi, 253 þús.
Eftirtaldir lögaðilar voru með hæstu skatta:
1. Kaupfélag Borgfirðinga, Borgarnesi, 2.688 þús.
2. Haraldur Böðvarsson & Co hf., Akranesi, 2.430 þús.
3. Hvalur hf., Hvalfjarðarstrandarhreppi, 1.922 þús.
4. Hraðfrystihús Ólafsvíkur hf., Ólafsvík, 1.445 þús.
5. Krossvík hf., Akranesi, 1.031 þús.
— Ásmundur
Skattaálagning á Norðurlandi vestra:
64,3% hækkun skatta
ÁLAGNINGARSKRÁ skatta i Norðurlandsumdæmi vestra 1982 var lögð
fram fyrir skömmu. Heildarálagning í umdæminu var 147.685.973 kr. sem er
64,3% hækkun frá fyrra ári. Á menn voru lagðar 115.203.306 kr. sem er
60,6% hækkun frá fyrra ári, á börn voru lagðar 431,873 kr. sem er 38,5%
hækkun og á lögaðila voru lagðar 32.050.794 kr. sem er 79,6% hækkun frá
fyrra árs álagningu.
Helstu gjaldaflokkar eru hjá einstaklingum: tekjuskattur 51.608.925
(62,1%), eignarskattur 2.662.791 (70,7%) og útsvar 51.521.770 (57,6%).
Hjá lögaðilum eru helstu gjaldflokkar: tekjuskattur 8.319.474 (160,2%)
og eignarskattur 3.123.905 (74,3%).
Skatthæstu einstaklingar eru:
1. Erlendur Hansen, iðnrekandi, Sauðárkróki, 399 þús.
2. Bjarni Þorsteinsson, fiskverkandi, Siglufirði, 329 þús.
3. Sigurður Jónsson, lyfsali, Sauðárkróki, 271 þús.
4. Guðjón Sigtryggsson, skipstjóri, Skagaströnd, 230 þús.
5. Sigursteinn Guðmundsson, læknir, Blönduósi, 223 þús.
6. Ólafur Sveinsson, læknir, Sauðárkróki, 217 þús.
7. Páll Ragnarsson, tannlæknir, Sauðárkróki, 204 þús.
Skatthæstu lögaðilar á Norðurlandi vestra eru:
1. Kaupfélag Skagfirðinga, Sauðárkróki, 2.742 þús.
2. Þormóður rammi hf., Siglufirði, 1.759 þús.
3. Síldarverksmiðjur ríkisins, Siglufirði, 1.473 þús.
4. Kaupfélag Vestur-Húnvetninga, Hvammstanga, 1.025 þús.
5. Meleyri hf., Hvammstanga, 942 þús.
6. Húseiningar hf., Siglufirði, 882 þús.
7. Rækjuvinnslan hf., Skagaströnd, 569 þús.
Hljómsveit Björgvins Halldórssonar til Sovétríkjanna:
„Útflutningur íslenskr-
ar popptónlistar að
hefjast fyrir alvöruu
Rætt við Jón Ólafsson framkvæmdastjóra ferðarinnar
„Kg vil meina að þetta sé fyrsta
skipulagða hljómleikaferðalag sem
íslenskir hljómlistarmenn ráðast í
til annarrar álfu, og má kannski
segja að nú sé útflutningur ís-
lenskrar popptónlistar að hefjast
fyrir alvöru," sagði Jón Ólafsson
eigandi hljómplötuútgáfunnar
Skifunnar, í samtali við Morgun-
blaðið en nú hefur það verið fast-
ákveðið að Hljómsveit Björgvins
Halldórssonar fari í 30 daga
hljómleikaferðalag til Sovétríkj-
anna. Lagt verður af stað 31. ágúst
nk.
Jón, sem er framkvæmdastjóri
ferðarinnar, var beðinn að segja
í stuttu máli frá aðdraganda
þess að í þessa hljómleikaferð er
ráðist. Hann sagði: „Það var
skömmu eftir ferð, sem ég fór
með 14 listamönnum til Frakk-
lands 1979, að ég fór að athuga
með möguleika á því að koma á
framfæri íslenskri popptónlist í
Sovétríkjunum. I framhaldi af
því hóf ég viðræður, með aðstoð
Kristjáns Ágústssonar heildsala,
við verslunarfulltrúa Sovétríkj-
anna hér á landi. Hann tók vel í
málið og kom mér í samband við
fulltrúa Cosgonsert, sem er
stofnun er heyrir undir mennta-
málaráðuneytið í Sovét, og ann-
ast út- og innflutning lista-
manna. Þeim sendi ég lista yfir
tónlistarfólk sem gæti farið á
þeim tíma, sem þá hafði verið
rætt um, en heyrir nú til gamalli
tíð. Auk þess sendi ég þeim
hugsanlega dagskrá og allar
frekari upplýsingar.
Svo fengum við svar um það
að ferðalag þetta væri vel mögu-
legt að ráðast í. Það var fyrir
réttu ári, og hafa staðið yfir
miklar viðræður frá því svarið
kom. Um mitt síöasta ár kom
annað afgerandi svar um að þeir
vildu bjóða okkur út í júlí á
þessu ári. En þar sem mikið er
að^era hjá hljómlistarmönnum
á Islandi í júlímánuði fengum
við ferðinni frestað fram í sept-
ember.
Það má geta þess að í hitti-
fyrra kom til landsins rússnesk-
ur ballettflokkur og var í för
með honum fulltrúi mennta-
málaráðuneytis Sovétríkjanna.
Við héldum smámóttöku fyrir
hana og fleiri úr flokknum á
veitingastaðnum Naustinu, sem
gaf okkur veitingar. Þar spiluð-
um við fyrir þetta fólk og má
segja að þá hafi málið tekið
Magnus Kjarlansson,
hljómborð
Hjörgvin llalldórsson, lljörtur llowser,
songur hljómboró
Mikael Berglund,
bassi
ákveðna jákvæða stefnu," sagði
Jón Ólafsson.
Alls verða haldnir um 30
hljómleikar í ferðalaginu í sjö
borgum víðs vegar um Sovétrík-
in. Fyrst verður leikið í Moskvu.
Þar verða þrennir tónleikar. Þá
'verður flogið austur í Síberíu til
borgarinnar Novokuznetsk þar
sem haldnir verða fernir tónleik-
ar og þaðan til Novosibirsk og
verða fimm tónleikar þar. Síðan
verður flogið suður til borgar-
innar Alma-Ata, sem er í
Kasakhstanhéraði rétt við suð-
urlandamæri Sovétríkjanna og
Kína. Þar verða þrennir tónleik-
ar. Frá Alma-Ata verður flogið
til Svartahafsins, til borgarinn-
ar Sochi á strönd Svartahafsins
en það er vinsæll og fjölsóttur
ferðamannastaður. Þar verða
haldnir fernir tónleikar. Þá
verður farið til Armeníu, sem er
syðsta hérað Ráðstjórnarríkj-
anna, til borgarinnar Yerevan, á
landamærum Tyrklands, írans
og Sovétríkjanna. Þar verða
einnig haldnir fernir tónleikar.
Síðasta borgin, sem farið verður
til í hljómleikaferðalaginu, er
svo Tbilisi en hún er höfuðborg
Grúsíu. Þar verða fernir tónleik-
ar en að þeim loknum verður
flogið aftur til Moskvu og á
hljómlistarfólkið að vera komið
þangað 1. okt. Er áætlað að
koma aftur til íslands 4. okt.
Hljómsveit Björgvins Hall-
dórssonar skipa: Björgvin,
Magnús Kjartansson, sem spilar
á hljómborð, Björn Thoroddsen,
gítar, Hjörtur Howser, hljóm-
borð, Hans Rolin, trommur, og
Mikael Berglund á bassa. Að-
stoðarmenn verða Ágúst Ág-
ústsson, Tony Cook og Arnaldur
Indriðason. Fararstjórar verða
þeir Jón Ólafsson og Sigurður
Garðarsson.
„Það verður eingöngu íslensk
tónlist á dagskrá hljómsveitar-
innar, og þá verða lög þau sem
Björgvin Halldórsson hefur
sungið undanfarin ár í meiri-
hluta, rjóminn af því sem hann
hefur gert um dagana," sagði
Jón Ólafsson og bætti við: „Aðal-
tilgangurinn með þessari hljóm-
leikaför er sá að komast inn á
plötumarkaðinn í Sovétríkjun-
um með íslenska popptónlist,
sem er gríðarlega stór.“
Og hvernig leggst ferðin í þig?
„Eg er spenntur og kvíðinn
líka. Þetta er ströng dagskrá
sem við fylgjum og verður það
eflaust ekki tekið út með sæld-
inni að halda áætlun. En þetta
er forvitnilegur hluti af heimin-
um og ég er mjög spenntur fyrir
að sjá hann. Það er sjaldan sem
manni dettur í hug að fara þarna
austur yfir.“
Hljómlistarmennirnir taka
með sér tvö tonn af hljóðfærum,
og sagði Jón að það hefðu eigin-
lega verið Flugleiðir, sem hafi
gert þessa ferð mögulega með
lipurri fyrirgreiðslu hljómleika-
mönnunum til handa. Bætti Jón
því við í lokin að vegalengdin,
sem farin verður um Sovétríkin,
sé eitthvað um 20.000 kíló-
metrar.
Aðalfundur lýðræðissinnaðra stúdenta í Evrópu
MORGUNBLAÐINU hefur borizt
eftirfarandi fréttatilkynning frá
Vöku, félagi lýðræðissinnaðra
stúdenta:
Nú í næstu viku verður hald-
inn í Reykjavík aðalfundur EDS
(European Democratic Stud-
ents). EDS eru samtök lýðræð-
issinnaðra stúdenta í V-Evrópu
og hefur Vaka, félag lýðræðjs-
sinnaðra stúdenta í Háskóla ís-
lands, verið aðili að þessum sam-
tökum um alllangt skeið. Það
kemur nú í fyrsta sinn í hlut
Vöku að halda aðalfund þessara
samtaka.
EDS var stofnað 1961 og þá
sem samtök kristilegra og
íhaldssamra stúdenta ICCS (Int-
ernational Union of Christian-
Democratic and Conservative
Students). Árið 1975 var nafni
samtakanna breytt í samtök lýð-
ræðissinnaðra stúdenta EDS í
þeim tilgangi að ná til fleiri póli-
tískra, lýðræðislegra stúdentafé-
laga og sameina krafta þeirra í
baráttu fyrir frjálsu, lýðræðis-
legu og andsósialísku þjóðfélagi.
Aðalmarkmið EDS er að efla
samvinnu aðildarfélaga og
styrkja þannig hver annan í bar-
áttu fyrir sameiginlegum hug-
sjónum. EDS hefur verið í örum
vexti allt frá stofnun, bæði póli-
tískt og landfræðilega og er nú
ein sterkasta andsósíaliska ung-
liðahreyfing í Evrópu og má
segja að EDS nái nú allt frá
Möltu til íslands.
Aðalfundurinn verður haldinn
í Lögbergi og búa þátttakendur á
Hótel Garði. Samhliða aðalfund-
arstörfum verður höfuðviðfangs-
efni fundarins fjölmiðlun með
tilliti til aðstæðna á íslandi.
Fundurinn hefst á mánudags-
kvöld 16. ágúst en þá verður
þátttakendum kynnt dagskrá
fundarins o.fl. Á þriðjudag 17.
ágúst heldur prófessor Þórólfur
Þórlindsson stutt erindi um ís-
lensk stjórnmál og svarar fyrir-
spurnum. Þann sama dag verður
einnig umræðufundur um ís-
lenska ríkisútvarpið og frjálst
útvarp og málshefjendur verða
þeir Bogi Ágústsson fréttamaður
og Ólafur Hauksson ritstjóri. Á
miðvikudag verður rætt um póli-
tíska fjölmiðlun og þá sérstak-
lega hið séríslenska fyrirbæri
sem kallast „flokkspólitísk fjöl-
miðlun", þann sama dag verður
reynt að sýna hinum erlendu
stúdentum einhvern hluta lands-
ins. Á fimmtudag og föstudag
verða aðalfundarstörf í fullum
gangi. Margt fleira verður á
dagskrá og má búast við að líf og
fjör verði í Vökuheimilinu að
Skólavörðustíg 12, 3. hæð, alla
þá daga sem ráðstefnan stendur
yfir.
Allir Vökumenn eru hvattir til
að taka þátt í fundinum. Frekari
upplýsingar fást hjá formanni
Vöku, Sigurbirni Magnússyni, í
síma 27417 og Gunnari Jóhanni
Birgissyni í síma 15959 og sím-
inn í Vökuheimilinu er 22465.
Stjórnin.