Morgunblaðið - 09.09.1982, Blaðsíða 22

22
MORGUNBLAÐIÐ, FIMMTUDAGUR 9. SEPTEMBER 1982
Fulltrúar fátækra þjóða á fundi Alþjóðabankans:
Iðnríkin láta minna af hendi
rakna til aðstoðar fátækum
Toronto, 8. september. Al*.
FULLTRÚAR margra þróunarlanda
héldu því fram á fundi Alþjóðabank-
ans, sem nú stendur yfir í Toronto í
Kanada, að iðnrikin láti minna af
hendi rakna nú en áður til aðstoðar
fátækari ríkjum, en kappkosti í stað-
inn að vernda eigin hag.
Fjármálaráðherra Bangladesh
sagði að þessi stefnubreyting iðn-
ríkjanna hafi leitt til versnandi
sambúðar ríkra þjóða og fátækra.
Hann sagði það geta leitt af sér
hættulegt ójafnvægi ef ríku þjóð-
irnar gæfu fátækari þjóðirnar upp
á bátinn, og hvatti til skjótrar
niðurstöðu í viðræðum um vanda-
mál fátækra þjóða og ríkra, norð-
ur-suður viðræðunum svonefndu.
Skýrt var frá því á fundinum, að
aðeins þriðjungur þróunaráætl-
ana, sem Alþjóðabankinn hefði
haft forystu um, hefðu borið
árangur. Jafnframt hefði þurft að
skera á aðstoð til margra ríkja þar
eð þau hefðu ekki getað uppfyllt
skilyrði fyrir fyrirgreiðslu.
Háttsettur indverskur embætt-
ismaður sagði að þróunarríkin
ættu eftir að súpa seyðið af þeirri
ákvörðun núverandi valdhafa í
Washington að láta ekki af hendi
þá aðstoð, sem Carter fyrrum for-
seti hefði heitið til þróunarmála.
Hefði af þeim sökum verið um
lægri vaxtalaus lán að ræða úr
sérstökum sjóðum Alþjóðabank-
ans (IDA).
Emmbættismaðurinn sagði hins
vegar að Indverjar væru bjart-
sýnni nú en í vetur þar sem Bret-
ar, Frakkar og Norðurlandaþjóðir
hefðu gefið ádrátt um aðstoð
vegna minnkandi lána úr sjóðum
bankans.
Kíghóstafaraldur
geisar í Bretlandi
l/ondon, 8. Meptember. AF.
BRESK HEILBRIGÐISYFIRVÖLD ákváóu í g*r aö herða mjög á bólusetn-
ingu við kíghósta eftir að tilkynnt var að sjúkdómurinn, sem getur verið
banvænn fyrir börn, væri útbreiddari og skæðari en nokkru sinni sl. 25 ár og
orðinn að hreinum faraldri.
í tilkynningu stjórnvalda sagði,
að tölurnar frá síðustu viku væru
þær hæstu síðan árið 1957 þegar
fyrst var farið að bólusetja við
kíghósta í Bretlandi. Sjúkdómur-
inn er afar smitnæmur og í liðinni
viku var greint frá 2267 nýjum til-
fellum en faraldur heitir það í
Bretlandi þegar 2000 manns veikj-
ERLENT
ast í viku hverri. Bólusetningin
hefur miðast við börn þriggja ára
og yngri en nú verða þörn allt að
fimm ára sprautuð einnig.
Heilbrigðisyfirvöld rekja far-
aldurinn til þess, að á miðjum síð-
asta áratug kom upp mikill ótti
meðal foreldra þegar í ljós komu
heilaskemmdir hjá nokkrum bólu-
settum börnum. Um það leyti voru
80% allra barna bólusett en var
komið niður í 31% 1978. Læknar
leggja hins vegar áherslu á, að
hættan á heilaskemmdum sé
hverfandi miðað við hættuna af
kíghóstanum sjálfum. Nú þegar er
t.d. vitað um fjögur börn, sem
hafa látist.
Áródursspjöld sænsku stjórnmálaflokkanna viö Sergels-
torgið í Stokkhólmi.
Panda að
komast
úr vanda
Madríd, K^september. AP.
I’ANDA-UNGINN, sem fæddist í
dýragarðinum í Madríd um helgina
og enn lifir, hraggast vel, og allt
bendir til að hann eigi eftir að
dafna og verða fullhraustur, að
sögn starfsmanna dýragarðsins.
Bjarnarmóðirin, Shao-shao,
hefur hlynnt að afkvæmi sínu af
alúð. Birnur hlúa jafnan aðeins
að fyrsta afkvæmi sínu, en láta
seinni afkvæmi, ef fleiri en eitt
fæðast, afskiptalaus.
Talið er að dauði annars
pandatvíburans eigi eftir að
veita vísindunum verðmætar
upplýsingar. Hafnar eru ná-
kvæmar rannsóknir á látna ung-
anum, þar sem lítið er vitað um
þessi spendýr.
EI Salvador:
Hiti í sænskum stjórnmála-
mönnum í sjónvarpsumræðum
Stokkbólmi, 8. neptember. Frá Guðfínnu Kagnarsdóliur, fréttarilara Mbl.
SÆNSKU borgaraflokkarnir þrír færast nú æ nær hver öðr-
um. Sátt og samlyndi færist yfir viðræður og athugasemdir og
þeir beina nú skeytum sínum í sameiningu að jafnaðar-
mönnum og kommúnistum.
Kosningarnar nálgast óðum.
„Borgaraflokkarnir eru sam-
mála um efnahagsmálin," sagði
Gösta Bohman, fyrrverandi for-
maður Hægriflokksins í sjón-
varpsviðræðum í gærkvöldi. Og
hvorki forsvarsmenn Miðflokksins
né Þjóðarflokksins andmæltu því.
Enginn minntist á að Hægri-
flokkurinn vill bara 24 milljarða á
næsta ári en stjórnarflokkarnir 12
milljarða.
Enginn minntist heldur á að Ulf
Adelhsson, formaður Hægri-
flokksins, sagðist nýlega neita að
mynda stjórn með miðflokkunum
ef til þess kæmi, nema þeir rífi
upp skattasamning sinn við jafn-
aðarmenn.
I staðinn urðu launþegasjóðirn-
ir, aðalumræðu- og þrætuefnið
eins og við flestar aðrar kosninga-
umræður til þessa. Allir fulltrúar
borgaraflokkanna voru sammála
um að launþegasjóðir jafnaðar-
manna þýða sósíalisma.
„Viðurkenndu það, Kjell-Olof
Feldt,“ sagði Nils Aasling, iðnað-
armálaráðherra frá Miðflokknum.
„Þið hafið ekki alltaf verið
svona neikvæðir gagnvart laun-
þegasjóðunum," sagði Kjell-Olof
Feldt frá jafnaðarmönnum og
vitnaði í jákvæðar umsagnir
Thorbjörn Fálldin, forsætisráð-
herra, og iðnaðarráðherra um
launþegasjóðina frá 1978 og 79.
„Það sem hefur gerst er að þið
hafið látið Hægriflokkinn og
atvinnurekendur hræða ykkur til
að skipta um skoðun."
„Með launþegasjóðunum losnum
við við verðbólguna og fáum fjár-
magn til iðnaðarins," sagði Kjell-
Olof Feldt.
„Hvernig ætlið þið jafnaðar-
Myrti stjórnarherinn
hundruð óbreyttra?
Kl Salvador, 8. Heptember. AP.
YFIRMAÐUR úr öryggi.ssveitum óbreyttra borgara í El Salvador tók í dag
undir ásakanir þriggja sveitakvenna, sem halda því fram, að stjórnarher-
menn hafi myrt þrjú til fjögur hundruð óvopnaðra þorpsbúa er stjórnarherinn
lét til skarar skríða gegn skæruliðum.
Atburðurinn átti sér stað í þorpi
70 kílómetra austur af San Salva-
dor á svæði þar sem vinstri sinn-
aðir skæruliðar hafa náð fótfestu.
Konurnar segja að jafnframt því
sem A-37 sprengjuþotur hafi gert
loftárásir á þorpið, hafi verið gerð
á það skothríð af landi.
Konurnar segja að flestir þeirra
rúmlega 300 sem týndu lífi hafi
stutt málstað skæruliða, en eng-
inn vopnaður skæruliði hafi þó
verið í þorpinu, þegar árásirnar
hófust.
Yfirmaðurinn, sem kaus nafn-
leyndar, sagði að margir skærulið-
ar hefðu verið meðal hinna föllnu.
Þorpsbúar hefðu verið „undirróð-
ursmenn“, sem stutt hefðu skæru-
liða og liðsinnt þeim á ýmsan hátt.
Hann sagði að 60 aldraðar konur,
sem leitað hefðu skjóls í einu húsi
þorpsins, hefðu verið líflátnar í
vélþyssuskothríð á húsið.
Jafnframt sagðist yfirmaðurinn
hafa séð tugi líka liggjandi á víð
og dreif í þorpinu nokkrum dögum
eftir atburðinn, sem átti sér stað
18. ágúst sl.
Samkvæmt ágizkunum kirkj-
unnar og mannréttindahreyfinga,
er talið að 38 þúsund manns að
rninnsta kosti hafi týnt lífi í of-
beldisaðgerðum i E1 Salvador síð-
ustu þrjú árin.
menn að takast á við hallann á
ríkisrekstrinum, sem eykst um tíu
milljarða á næsta ári,“ spurði Nils
Aasling, iðnaðarmálaráðherra. „Á
ríkishallinn að aukast, eða ætlið
þið að hækka skattana eða
spara?"
„Með ykkar sparnaðarstefnu
kemst aldrei skriður á iðnaðinn og
atvinnulífið," svaraði Kjell-Olof
Feldt. „Það fáum við með
launþegasjóðunum."
Koivisto nýtur
hylli í Finnlandi
Helsinki, 8. Heptember. Frá Harry
íiranberg fréttaritara Mbl.
MAUNO Koivisto Finnlandsforseti,
sem kemur í íslandsheimsókn í
október, nýtur almennrar lýðhylli
heima fyrir, samkvsmt skoðana-
könnun finnska tímaritsins APU, en
samkvæmt henni eru 93% kjósenda
ánægð með forseta sinn, og þykir
hann hafa staðið sig vel í starfi.
Samkvæmt könnuninni nýtur
Koivisto fylgis rúmra 90% félaga
allra stjórnmálaflokkanna, nema
kommúnista. Hann hefur fylgi
84% kommúnista. Könnunin var
gerð ári eftir að Koivisto tók við
starfi forseta af Kekkonen, og sjö
mánuðum eftir forsetakosn-
ingarnar.
Koivisto hefur aðeins setið sjö
mánuði sex ára kjörtímabils, en
þegar eru menn farnir að velta
fyrir sér næsta forsetaefni, og eru
kjósendur ekki á einu máli hver
beztur sé til þess fallinn að taka
við af Koivisto. Paavo Væyrynen
Koivisto
leiðtogi Miðflokksins nýtur stuðn-
ings 17% kjósenda, meðan Kalevi
Sorsa forsætisráðherra og Harri
Holkeri, fyrrverandi leiðtogi Sam-
lings-flokksins, njóta fylgis 12%
kjósenda hvor.
Nafn Mao víða þurrkað út
Pekin)!, 8. seplember. AP.
NAFN MAO TSE-TUNG, fyrrum leiðtoga kínverska kommúnistaflokksins í
fjóra áratugi, er á flestum stöðum þurrkað út í hinni nýju stjórnarskrá
Kínverja, sem gekk í gildi á mánudag. Þá er stefnu Sovétríkjanna ekki lengur
hafnað eins og var i síðustu stjórnarskrá, en leiðtogahlutverk þeirra á meðal
kommúnistaríkja fordsmt.
Mikið er af breytingum í hinni
nýju stjórnarskrá eins og áður hef-
ur reyndar verið skýrt frá. Felast
þær m.a. í breyttum réttindum
meðlima kommúnistaflokksins og
strangari inntökuskilyrðum í hann
en áður hefur verið, svo eitthvað sé
nefnt.