Morgunblaðið - 25.09.1982, Page 13

MORGUNBLAÐIÐ, LAUGARDAGUR 25. SEPTEMBER 1982
13
Fyrri hluti
mennilega, hvað á að gera við
þetta vesalings fólk, og þar sem
það vill ekki hverfa eða gufa upp,
mun það halda áfram að vera
vandamál um ókominn tíma eins
og indíánar í henni Ameríku.
Það er náttúrulega ekki óeðli-
legt, að blámennirnir í Eyjaálfu
séu óánægðir með að hafa misst
landið, því það er feikilega ríkt,
sem þeir vissu auðvitað ekki, fyrr
en hvíti maðurinn sagði þeim það.
Þarna er mikið af góðmálmum í
jörðu og einnig stórar demants-
námur. Ýmis dýrmæt hráefni
finnast og kol í jörðu munu endast
í árhundruð. Olía og jarðgas hafa
einnig fundist.
Stórir hlutar landsins eru rækt-
aðir og vaxa þar bókstaflega allir
ávextir, korntegundir og græn-
meti, sem mannskepnan leggur
sér til munns. Milljóna dýra
hjarðir af sauðfé og nautpeningi
eru dreifðar á sléttum, í dölum og
upp til fjalla. Fiskveiðar eru vax-
andi.
Loksins lendir hún
Það var hávetur í suðurhluta
Astralíu, þegar við lentum í Sydn-
ey. Hitastsigið var eins og best
gerist á Islandi um hásumar, um
13 stig á Celsíus gamla. Sólin
skein og allt var svo hreint og fag-
urt. Þótt við hefðum misst eina
nótt og stokkið yfir heilan sól-
arhring að auki, vorum við furðu
brött.
Á flugvellinum tóku á móti
okkur frændi minn, Ásgeir H.
Magnússon, og Jóna Sigurðardótt-
ir, kona hans. Þau eru búin að búa
í Ástralíu í tæp fimm ár og una
sér vel. Ásgeir er framkvæmda-
stjóri fyrir Australian Coatings
Pty. Ltd., en það fyrirtæki hefir
umboð fyrir bandarísk byggingar-
efni frá Textured Coatings of Am-
erica. Eru efnin nú framleidd i
Ástralíu, en þetta er eins konar
múrhúð, sem sprautað er innan og
utan á veggi húsa. Nú þegar getur
Ásgeir bent á ný háýsi í Sydney og
sagt: „Þarna er eitt, sem við gerð-
um!“ En samkeppnin er hörð og
allar klær verður að hafa úti.
Ásgeir virðist líka hafa komið
sér vel á öðrum sviðum; er kominn
í ýmsa klúbba og farinn að taka
þátt í stjórnmálum. Hann er vin-
sæll hjá Áströlum enda hressilegt
glæsimenni, og sami sundurgerð-
armaðurinn í klæðaburði sem
hann hefir alltaf verið.
Jóna hefir unnið, frá því hún
kom til landsins, hjá fyrirtæki,
sem framleiðir alls kyns glugga-
tjöld og annan útbúnað varðandi
glugga. Hún er orðin þar algerlega
ómissandi starfskraftur. Tvo syni
eiga þau hjónin. Sá yngri, Magnús,
er enn í heimahúsum, á síðasta
vetri í menntaskóla. Hann er einn-
ig efnilegur klassískur gítarleikari
og stundar gítarnámið með skól-
anum. Hinn sonurinn, Sigurður,
leggur stund á háskólanám, en
ung brúður hans, Svava Birgis-
dóttir, er hjúkrunarfræðingur og
starfar á stóru sjúkrahúsi í
Norður-Sydney.
Hin fagra Sydney
Ástralía telur 8 fylki og er þar
mannflest Nýja-Suður-Wales, en
Sydney er demantur þess með um
3 milljónir íbúa. Borgin er talin
ein fegursta hafnarborg í heimi.
Byggðin teygir sig frá undirlend-
inu upp á nærliggjandi hæðir, inn
og út ótal flóa og voga. Fagrar
byggingar, umvafðar alls kyns
gróðri, gamlar krókóttar götur og
breið stræti, almenningsgarðar og
íþróttavellir, brýr og bátar; allt
blandast saman og skapar um-
hverfi, sem í senn heillar og vekur
traust.
Ef hægt er að lýsa Sydney í einu
orði, myndi það orð líklega vera
útsýni. Borgin er sem sé gullfalleg
og það er alls staðar hægt að kom-
ast upp á hæð eða ás og sjá út yfir
vog og byggð. Við íslendingar höf-
um alltaf verið mikið fyrir það að
hafa útsýni, þótt ekki væri nema
lófastóran blett á Esjunni. í Sydn-
ey fá útsýnisaðdáendur vatn í
munninn! Ásgeir byrjaði með að
aka okkur upp á nokkrar hæðir og
benda á helztu kennileitin. Hann
og Jóna eru stolt að sýna hina
áströlsku heimaborg sína og
þekkja þar nú þegar hvern krók og
kima.
Daginn eftir gengum við sjálf í
bæinn og römbuðum um torg,
stræti og garða. Borgin iðar af lífi,
en samt virðist hraðinn minni en í
Ameríku, og fólkið gefur sér tíma
til að vera til. Tvisvar eða þrisvar,
þegar við dokuðum við til að kíkja
á kortið, gaf sig á tal við okkur
fólk og spurði, hvort það gæti að-
stoðað okkur.
Stórar og glæsilegar verzlanir,
bankar, tryggingarfélög, hótel,
opinberar skrifstofur og alls kyns
önnur fyrirtæki hafa aðsetur í
miðbænum. Oft eru jarðhæðir og
kjallarar nýju háhýsanna sam-
tengd og er þar að finna víðáttu-
mikil verzlunarhverfi, eins konar
neðanjarðarborg. Hún er tengd
kerfi neðanjarðarlesta, sem þjóta
út um alla lx>rg og í úthverfin.
Það er hægt að eyða mörgum
dögum í að skoða Sydney og nágr-
enni. Þegar maður er kominn upp
á að nota lestirnar, strætis-
vagnana og ferjurnar, er leikur
einn að komast allra sinna ferða.
Að framan var drepið á, hve
ánægjulegt það var að ganga um
borgina og skrúðgarða hennar.
Stærsti garðurinn, Royal Botanic
Gardens, hefir að geyma þúsundir
trjáa og jurta, allt vísindalega
merkt og mjög fræðandi og fallegt
fyrir þá, sem áhuga hafa á gróðri.
Fjöldi fuglategunda hefir og að-
setur í garðinum. Flýgur dagurinn
hratt, þegar sprangað er um í
þessu dýrðar umhverfi.
Óperuhúsið í Sydney, sem frægt
er orðið, er ekki aðeins óperuhús
heldur listamiðstöð borgarinnar.
Það var tekið í notkun 1973, en
samkeppni hafði farið fram um
heim allan um teikningu hússins.
Sigurvegari varð danskur arki-
tekt, Jörn Utzon, og eru ekki allir
á einu máli um fegurð mannvirk-
isins. Okkur fannst byggingin
glæsileg og óvenjuleg, eins og
kartöfluskálar upp á rönd, og átt-
um við þar eftirminnilega kvöld-
stund. Efnt var til happdrættis til
að fjármagna byggingu óperu-
hússins, og hefir kostnaðurinn nú
verið að fullu greiddur, en hann
var rúmlega 100 milljónir dollara.
Mjög myndarlegur dýragarður
er í Sydney og heitir hann Tar-
onga Zoo. Þangað kemst maður
með þvi að taka eina af mörgum
ferjum borgarinnar. í garðinum
eru dýr, fuglar og fiskar víðs vegar
að úr heiminum, en áherzla er lögð
á að sýna ástralska dýraríkið.
Kengúrur og Koala-dýr eru vin-
sælust enda einkennandi fyrir
landið.
Enginn má heimsækia Sydney
án þess að fara í hafnarsiglingu.
Siglt er um þessa miklu höfn, inn
um allar víkur og voga, en leið-
sögumaður útskýrrr og rekur sögu
hinna ýmsu staða. Áður var As-
geir búinn að aka okkur upp á
hæðirnar til þess, að við gætum
notið útsýnisins. Nú sáum við
hæðirnar frá sjó og var það ekki
síður falleg sjón.
Margt, margt annað er að sjá í
Sydney og nágrenni. Til dæmis er
stórfenglegt að þjóta í lyftu á 40
sekúndum upp í hinn nýja Sydn-
ey-turn, sem er 305 metra hár og
stendur í hjarta borgarinnar. Út-
sýni þaðan er frábært. Mörg önn-
ur mannvirki eru þarna og má
ekki gleyma að nefna margs konar
söfn og sýningarskála. Því miður
gafst ekki tími til að skoða þau öll.
Óperuhúsið í Sydney
Séð yfir Sydney fri Darling Point. Sydney-turninn er vinstra megin i myndinni.
Brúin milli Sidney og Norður-Sydney. Hún itti 50 ira afmæli í sumar.