Morgunblaðið - 10.11.1982, Blaðsíða 20

68
MORGUNBLAÐIÐ, MIÐVIKUDAGUR 10. NÓVEMBER 1982
Seyðisfjörður:
Afmælishátíð
kirkjunnar
SeyAúifirði, 2. nóvember.
60 ÁRA afmælis Seyðisfjarðar-
kirkju var minnst með viðhöfn sl.
sunnudag. Kl. tvö hófst guðsþjón-
usta í Seyðisfjarðarkirkju, sem var
þéttsetin gestum, þar sem sókn-
arpresturinn, séra Magnús Bjöm
Björnsson, þjónaði fyrir altari en,
séra I)avið Baldursson, sóknar-
prestur á Eskifirði, og séra Vigfús
Ingvar Ingvarsson, sóknarprestur á
Kgilsstöðum, aðstoðuðu. Ferming-
arbörn lásu ritningarorð og bæn og
hr. Sigurður Pálsson, vígslubiskup
SkálholLsprófastsdæmis, en Austur-
land heyrir því til, predikaði.
Kirkjukór Seyðisfjarðarkirkju söng
við undirleik Sigurbjargar Helga-
dóttur orgelleikara og stjórnanda
kórs kirkjunnar. Kinnig léku þau
Sigurbjörg og David Knowles sam-
an verk fyrir orgel og cello.
Eftir messu buðu kvenfélög
Seyðisfjarðar og kvenfélagið
Kvik, ásamt sóknarnefnd, bæjar-
búum til kaffisamsætis í félags-
heimilinu Herðubreið þar sem
saman voru komin um 300
manns. Þar söng Sigurður
Björnsson óperusöngvari við und-
irleik Agnesar Löve píanóleikara
nokkur létt lög við fögnuð við-
staddra.
Við það tækifæri rakti Ást-
valdur Kristófersson, fyrrverandi
formaður sóknarnefndar, kirkju-
sögu Seyðisfjarðar frá upphafi.
Þórdís Bergsdóttir, varaforseti
bæjarstjórnar, kvað bæjarstjórn
myndi styðja við bakið á sóknar-
nefnd við kaup á hinu nýja pípu-
orgeli sem fyrirhugað er að keypt
verði í kirkjuna, og að lokum bað
hún kirkjunni og söfnuði hennar
allrar guðs blessunar um ókomin
ár. Séra Magnús Björnsson þakk-
aði þær höfðinglegu gjafir sem
kirkjunni höfðu borist.
Um kvöldið var síðan dagskrá í
kirkjunni þar sem kirkjukórinn
söng, Sigurður Björnsson óperu-
söngvari söng við undirleik Agn-
esar Löve, auk þess lék Agnes tvö
einleiksverk á píanó. Þá léku þau
Sigurbjörg Helgadóttir og David
Knowles saman verk fyrir orgel
og cello.
Dagskrá var hin vandaðasta og
vilja Seyðfirðingar færa lista-
fólkinu bestu þakkir.
Kréttaritari
Seyðisfjarðarkirkja.
Ljósm. Mbl.: Kristján AAalsteinsson.
itiRsns
Hluti kirkjukórs Seyðisfjarðarkirkju, lengst til vinstri David Knowles sem lék á cello, við orgelið situr
Sigurbjörg Helgadóttir orgelleikari og stjórnandi kirkjukórs Seyðisfjarðar.
Frá vinstri: Séra Vigfús Ingvar
Ingvarsson sóknarprestur á Eg-
ilsstöðum, hr. Sigurður Pálsson
vígslubiskup Skálholtsprófasts-
dæmis, séra Magnús Björn
Björnsson sóknarprestur á Seyð-
isfirði.
Fermingarbörn lásu ritningarorð
og bæn. Ingunn Gylfadóttir les hér
úr ritningunni. Fyrir aftan hana er
sóknarpresturinn séra Magnús
Björn Björnsson.
Fréttaspistill úr Dölum
eftir Ingiberg J.
Hannesson
llvoli, 2H. október.
Nú, í vetrarbyrjun, er hægt að
líta til baka með þakklæti í huga
fyrir gott og gjöfult sumar, þótt
tiltölulega stutt væri, og ástæðu-
laust annað en líta með bjartsýni
til komandi vetrar, hvað svo sem
líður öllu svartsýnistali landsfeðr-
anna. Bændur hér um slóðir eru
yfirleitt vel undir vetur búnir,
heyfengur var góður og hey náðust
alla jafna vel verkuð í hlöður. Á
því sviði þarf því ekki að kviða
vetri, og ætla má, að a.m.k. sauð-
fjárbústofn bænda hafi eitthvað
minnkað hér um slóðir svo sem
víða annars staðar á landinu, sam-
kvæmt tilmælum búnaðarsamtak-
anna, enda þótt ég hafi ekki um
það tölur. Það má því leggja
áherzlu á þegnskap bænda í efna-
hagsvanda þjóðarinnar, að þeir
skuli reiðubúnir að skera niður
bústofn sinn, á sama tíma og aðr-
ar stéttir heimta og krefjast hver
um aðra þvera, og aldrei virðist
velmegunin vera nægileg. En nóg
um það.
Drepa vil ég á nokkur atriði úr
Dölum vestur, er fréttnæm kunna
að teljast.
StaAarhólskirkja
Það var mikill fagnaðardagur í
Saurbænum 5. september sl., er
lokið var endurbyggingu kirkjunn-
ar, er fauk af grunni í fárviðrinu
17. febrúar 1981. Biskup íslands,
herra Pétur Sigurgeirsson, bless-
aði húsið við hátíðlega athöfn í
kirkjunni þann dag, og ennfremur
fór þar fram hjónavígsla og skírn
og sóknarprestur lýsti fram-
kvæmdum. Á eftir var öllum boðið
til veitinga í félagsheimilinu
Tjarnarlundi. Kirkjan fékk margt
góðra gjafa af þessu tilefni, pen-
ingagjafir bárust frá mörgum að-
ilum, eintak af hinni fögru
Skarðsbók barst nokkru áður frá
gömlum velunnara kirkjunnar,
Árna Ketilbjarnar í Reykjavík,
altarisklæði frá Birnu Lárusdótt-
ur, Efri-Brunná, og altarisdúkur
og blómavasar frá Kvenfélagi
Saurbæjarhrepps, ennfremur kr.
10 þúsund frá Guðbjarti Jó-
hannssyni, Miklagarði, til minn-
ingar um konu hans, Karitas
Hannesdóttur, sem lézt árið 1980,
Saurbæjarhreppur gaf nýtt gler í
glugga kirkjunnar og ýmsir aðrir
bæði heima og heiman færðu
henni góðar gjafir. Fyrir það allt
eru gefendum fluttar einlægar
þakkir. Endurreisn kirkjunnar var
afar kostnaðarsöm, og kirkjan því
stórskuldug eftir þetta mikla átak
fámenns safnaðar. Því er öll að-
stoð með þökkum þegin, og það því
fremur sem enn er eftir að fram-
kvæma ýmislegt, sem verulegan
kostnað hefur í för með sér.
Endurbætur á félagsheim-
ilinu Tjarnarlundi
En það er hugað að fleiri málum
hér í sveit. Félagsheimilið varð
óþyrmilega fyrir barðinu á kirkj-
unni, er hún fauk og lenti á Tjarn-
arlundi og skemmdi húsið talsvert
mikiö. Má auðvitað segja, að með
því hafi félagsheimilið bjargað
því, að kirkjan fauk ekki út í veður
og vind og gjöreyðilagðist. Endur-
bætur eru nú hafnar við félags-
heimilið og hefur verið hafist
handa um stækkun þess og breyt-
ingar. Er ánægjulegt til þess að
vita, að aðstaðan skuli þar verða
bætt, þótt núverandi hús hafi
þjónað vel sínum tilgangi. Yfir-
smiður er Jón Ingi Hjálmarsson,
ungur og ötull bóndi í Tjaidanesi,
nýlega þangað fluttur úr Reykja-
vík. En hann hefur fleiru að sinna,
því við félagsheimiiið vinnur hann
á flóðinu, en þegar fjara er, er
hann að störfum niður við ósa
Hvolsár og Staðarhólsár, en þar
eru á ferðinni miklar framkvæmd-
ir á vegum Veiðifélags Saurbæjar-
hrepps.
Hafbcitarmál
Veiðifélagið hefur í samvinnu
við Fiskeldisstöðina í Laxaióni
hafið hér hafbeitartilraunir á laxi
og því hefur verið ráðist í veru-
legar framkvæmdir við árósana.
Sleppt var röskiega 55 þúsund sjó-
gönguseiðum í árnar á nýliðnu
sumri og nú er unnið ötullega að
því að skapa aðstöðu til að taka
við öllum löxunum, þegar þeir
vitja heimaslóða á ný, sem allir
vona auðvitað að verði í ríkum
mæli. Mannvirki þau, sem nú eru í
smíðum, eru teiknuð af Sigurði
Oddssyni, verkfræðingi í Reykja-
vík, í samráði við Veiðimálastofn-
un. Þau eru stíflugarður Stór-
holtsmegin við Orustuhólma og
öflugur stíflugarður Tjaldanes-
megin við hólmann með yfirfalli
og lokubúnaði og tilheyrandi
gildru- og tökubúnaði og nauðsyn-
legum tilfæringum til að hafa
stjórn á þeim laxi, sem leitar í
árnar. Hafa þessar framkvæmdir
gengið allvel í sumar, og er vonast
til þess, að hægt verði að vinna
sem mest, áður en vetur leggst að
fyrir alvöru. Hyggja menn gott til
um slíka laxarækt, sem hér er
fyrirhuguð, því hér er stílað upp á
að nýta gjafir náttúrunnar á þann
hátt, að sem minnst röskun verði á
umhverfinu, og er slík „stóriðja"
áreiðanlega ánægjuleg atvinnu-
þróun, ef vel tekst til, og getur
aukið búsæld innan sveitarinnar
með nýrri búgrein, sem full þörf
er fyrir um þessar mundir. Og
áreiðanlega eru miklir möguleikar
faldir víða um land í þessum efn-
um, enda er þeim aðilum sífellt að
fjölga víða um landið, sem eru að
fást við slíka fiskirækt.
Stangaveiðin gekk allvel í ánum
í sumar, á land komu 111 laxar, er
það að vísu nokkuð lakara en árið
áður er þeir voru um 140, en þess
ber að gæta að laxveiði í sumar
var almennt með tregara móti.
Auk þess var ágæt silungsveiði í
ánum í sumar svo sem jafnan áð-
ur. Leigutaki ánna er nú Stanga-
veiðifélag Keflavíkur.
Búskapur
Búskapur hér í sveit er annars
hefðbundinn, blandaður búskapur
yfirleitt eins og kallað er, sauðfé
og nautgripir, góð sauðfjárbú víða
og ágæt kúabú einnig, enda sveitin
sérlega vel fallin til búskapar,
grösug og búsældarleg. í uppsigl-
ingu eru aukabúgreinar eins og
refabú, og hefur ungur maður hér
í sveitinni fyrir nokkru hafið slík-
an búskap á Stóra-Múla, og hyggst
hann auka þá starfsemi og byggir
nú myndarlegt hús til þeirra
hluta.
Fóduriðjan
Heykögglaframleiðslan hér í
Fóðuriðjunni gekk vel í sumar,
enda þaulvanir og góðir starfs-
menn sem vinna við fyrirtækið.
Framleidd voru 1150 tonn af hey-
kögglum og er það 50 tonnum
meira en í fyrra. Sláttur stóð yfir
í rétta þrjá mánuði og var sprett-
an ekki nægilega góð, þó var allt
tvíslegið nema 20 hektarar. Að
sögn framkvæmdastjóra fyrirtæk-
isins, Sæmundar Kristjánssonar,
voru alls slegnir í sumar 320 ha.
ræktaðs lands, en meira er í rækt-
un, enda brýn nauðsyn að auka
landrými og ræktun, þar sem
reksturinn yrði þá mun hagkvæm-
ari.
Haustslátrun
Haustslátrun er nú nýlega lokið
hjá Kaupfélagi Saurbæinga.
Slátrað var um 10.500 fjár nú í
haust. Meðalþungi dilka var 14,04
kg og er það svipað og í fyrra.
Þyngsti dilkurinn vó 29,6 kg og
átti hann Margrét Guðbjartsdótt-
ir í Miklagarði. Rekstur kaupfé-
lagsins gengur vel miðað við
rekstur annarra hliðstæðra fyrir-
tækja. Frystihús er í smíðum á
vegum félagsins og standa vonir
til þess að hægt verði að taka það
í notkun á næsta ári.
Naumastofan Karitas hf.
Smáiðnaður hefur undanfarin
ár verið stundaður hér í sveitinni
á vegum saumastofunnar Karitas
hf., þar sem nokkrar konur hafa
haft vinnu. Starfsemin hefur þó
verið sveiflukennd, unnið var þó
fyrri hluta ársins, en síðan í
sumar hefur starfsemin legið niðri
að mestu, og allt óráðið um fram-
tíðina í þeim efnum, en meiningin
þó að vinna af og til, ef verkefni
gefast, en það ræðst auðvitað af