Morgunblaðið - 21.11.1982, Blaðsíða 6
54
MORGUNBLAÐIÐ, SUNNUDAGUR 21. NÓVEMBER 1982
Sveinn Kristjáns-
son - sextugur
Petrína Narfadótt-
ir — Afmæliskveðja
’’ Sveinn Kristjánsson fyrrver-
andi stórtemplar er sextugur í dag
21. nóvember. Hann er fæddur á
Akureyri, sonur hjónanna Efgeníu
Jónsdóttur og Kristjáns Magnús-
sonar. 1941 réðst Sveinn til Kaup-
félags Eyfirðinga og hefur unnið
þar siðan við ýmis störf, svo sem
kjötvinnslu og endurskoðun.
Á sínum yngri árum var Sveinn
liðtækur íþróttamaður, æfði og
keppti í knattspyrnu og enn er
hann virkur félagi í KA. En fyrst
og fremst verður Sveins minnst
sem merkisbera meðal bindind-
ismanna. Hann gerðist félagi í
stúkunni Ísafold-Fjallkonan þegar
hann var fertugur og hefur starf-
að þar af miklum þrótti, hin síð-
ustu ár sem æðsti templar. Þá er
Sveinn aðalgæslumaður barna-
stúkunnar Sakleysisins og hefur
setið í stjórn fyrirtækja reglunnar
á Akureyri um árabil. 1978 var
Sveinn kosinn stórtemplar og
gegndi þeirri stöðu til 1980, en þá
gaf hann ekki kost á sér til endur-
kjörs vegna vanheilsu. Sveinn er
giftur Undínu Árnadóttur og hafa
þau eignast sjö börn, þar af eru
sex á lífi. Ég vil á þessum tíma-
mótum óska þeim hjónum, Sveini
og Undinu, gæfu og gengis og
þakka margar ánægjulegar sam-
verustundir á heimili þeirra.
Hilmar Jónsson
Síðastliðið laugardagskvöld var
ég þess aðnjótandi að taka þátt í
samkvæmi, sem haldið var í tilefni
af níræðisafmæli Petrínu Narfa-
dóttir. Afmælisbarninu kynntist
ég fyrir um það bil 30 árum, þegar
Anna dóttir hennar flutti í ná-
grenni við mig í Kópavog. Það
vakti strax athygli mína hve glað-
leg og góðlynd hún var. Petrína
hefur staðið í ýmsum erfiðleikum
eins og svo margir, sem fæddust
fyrir eða um síðustu aldamót, þeg-
ar nútima þægindi og vélaf þekkt-
ust ekki og allt þurfti að vinna
með handafli og oft við slæm skil-
yrði. Ég var tíður gestur á heimili
Önnu og fékk því tækifæri til að
kynnast hve fróðlegt og skemmti-
legt var að tala við Petrínu. Alltaf
var hún boðin og búin til aðstoðar
og í einu afmæli Önnu kom mér
þessi vísa í hug, þegar hún stóð í
eldhúsinu þar að baka pönnukök-
ur:
Komst ég í kra'singar í afmæli Önnu
kaffii var þar lagaA í stórri könnu.
Á sínum staA í eldhúsinu pönnukökur aA fletja
stóA þar hún Petrína eins og hetja.
Petrína gerði það heldur ekki
endasleppt, því hún bakaði sjálf
pönnukökurnar fyrir níræðisaf-
mælið sitt. Þar var spilað, sungið
og haldnar ræður og afmælisbarn-
ið gekk þar um meðal gestanna,
sem voru um 90 talsins, og heilsaði
upp á þá alla. Svo hetjunafnið sem
ég gaf henni í áðurgreindri vísu,
bar hún þar með réttu og lítið sem
ekkert hefur hún breyst frá því
fyrst ég kynntist henni, svo þeir
sem eru svo heppnir að eldast
þannig, þurfa ekki að bera kvíð-
boga fyrir ellinni.
Um leið og ég þakka Petrínu og
fjölskyldu hennar fyrir þessa
ánægjulegu kvöldstund, vona ég
að við eigum eftir að njóta Petrínu
lengi ennþá.
Sigríður P. Blöndal
Norðlenzkir
rafverktakar
stofna félag
LAUGARDAGINN 6. nóvember sl.
héldu rafverktakar á Norðurlandi
fund á Akureyri, þar sem mættir
voru einstaklingar og fulltrúar fyrir-
tækja vestan frá Skagaströnd og
austur í Kelduhverfi, alls 17 aðilar.
Var á fundi þessum ákveðið að
stofna hlutafélag sem hlaut nafnið
Norðlenzkir rafverktakar hf. (NOR
hf.).
Tilgangur félagsins er að sam-
eina hina fjölmörgu aðila í rafiðn-
aði á Norðurlandi til þess að þeim
verði unnt að takast á við stærri
verkefni en þeim er kleift einum
sér. Eru þá m.a. höfð í huga stór-
verkefni eins og við virkjana-
framkvæmdir o.þ.h. Félagið hefur
ekki í hyggju að sækjast eftir
smærri verkefnum, sem hinir ein-
stöku aðilar hafa haft með hönd-
um til þessa.
Formaður félagsins var kjörinn
Ingvi Rafn Jóhannsson, Akureyri,
og aðrir í stjórn voru kjörnir: Páll
Þorfinnsson, Skagaströnd, Grím-
ur Leifsson, Húsavík, Tómas
Sæmundsson, Akureyri, Freyr
Sigurðsson, Siglufirði. Varamenn
voru kjörnir: Gunnlaugur Magn-
ússon, Ólafsfirði, og Frímann
Guðbrandsson, Sauðárkróki.
Endurskoðendur voru kjörnir
Sigtryggur Þorbjörnsson, Akur-
eyri, og Reynir Valtýsson, Akur-
eyri.
Þeirhlu
Þeir Helgi og
Gunnar bera Morg-
unblaðið á Túngöt- j
una, hverfi II.Þeir ,
vinna sér inn góðan
vasapening og sjá til
þess að blaðið berist þér í
hendur stundvíslega á hverjum morgni.
Allir blaðberamir okkar standa fyrir
sínu hvernig sem viðrar og við emm stoltir
afþeim.
Það eigum við reyndar sameiginlegt með
áskrifendum okkar, því í nýlegri könnun
meðal þeirra kom fram að ekki færri en
88,7% segja blaðið berast sér nægjanlega
snemma í hendur.
(Þeir bræður álíta að
11,3% fari of snemma
á fætur á morgnana).
Þó að við teljum
þetta góð meðmæli, þegar
þess er gætt hve erfitt er
að gera öllum til hæfis í svo vandmeðfarinni
þjónustu, þá ætlum við að halda vöku okkar
og reyna að gera enn betur í framtíðinni.
Markmiðið er að allir séu ánægðir,
við með góða blaðbera, þeir með starfið
og þú með blaðið þitt.
fU:Q:iC0«Attlfoíííi
Blaðið sem þú vaknar við!
(Frúttatilkynning.)