Morgunblaðið - 21.11.1982, Blaðsíða 45
MORGUNBLAÐIÐ, SUNNUDAGUR 21. NÓVEMBER 1982
»3
SVARAR Í SÍMA
10100 KL. 10—12
FRÁ MÁNUDEGI
Skilja ekki inn-
viði svona verka
GJS.V. skrifar:
„Ágæti Velvakandi!
Óft finn ég hjá mér hvöt til að
leggja orð í belg og setja nokkrar
línur á blað, en yfirleitt hefur let-
in hremmt mig áður. — Svo er þó
ekki nú.
Nýlega sendi ungur maður, Eð-
varð Ingólfsson, frá sér sína
þriðju bók og heitir hún Birgir og
Ásdís. Fyrsta bók hans, Gegnum
bernskumúrinn, vakti athygli, því
menn voru ekki á eitt sáttir um
ágæti hennar.
Þessi nýja bók tekur svipað efni
fyrir — unglingana í samtíman-
um. Hún virðist líka ætla að valda
ágreiningi hjá bókmenntagagn-
rýnendum blaðanna. Hér eru tvö
dæmi um það:
Jenna Jensdóttir, gagnrýnandi
Morgunblaðsins, segir um þessa
sögu: „Birgir og Ásdís er góð saga,
sögð af einlægni og varfærni. Um-
hverfislýsingarnar eru vel gerðar
og auðsætt að höfundur er samof-
inn því umhverfi er hann lýsir á
Vestureyri.
Hann (höfundur) er trúr sðgu-
persónum sínum, reynir hvergi að
afsaka þær eða gera þær betri né
verri en umhverfi þeirra, uppeldi
og aðstæður gefa efni til. Hann
lætur þær þjást í vanda sínum og
gleðjast í hamingju sinni ... Þess
vegna er sagan mannleg og sönn í
eðli sínu.“
Viku seinna birtist gagnrýni í
DV, en þar kveður svo sannarlega
við annan tón. Þar segir í niður-
lagi: „Bókin hefur ýmsa galla, sem
ég held að komi í veg fyrir að hún
höfði til unglinga almennt. Suma
hef ég áður nefnt, en vil bæta við
að málfar er mjög óeðlilegt og
samtöl ósannfærandi ... Eftir
lesturinn kemur mér í hug hvort
ekki sé ástæða fyrir þennan unga
höfund að hægja á sér með útgáfu
og vanda betur til verka ...“
Það var og! Furðulegt hvað
skoðanir fólks geta verið ólíkar.
Jenna Jensdóttir gefur bókinni
sína bestu dóma, en Hildur Her-
móðsdóttir hjá DV næstum
dauðadæmir hana sem unglinga-
bók.
Ég dreif mig því í að kaupa
verkið og athuga hvað það hefði
fram að færa. Eftir lestur bókar-
innar verð ég að segja að ég er
fyllilega sammála Jennu. Hún
hefur skilning á þeim mannlegu
tilfinningum, sem höfundur lýsir
og skilur hvað hann er að segja
samtíð sinni. Svo mannleg er þessi
bók og opinská, að ef maður leggur
sig fram við að skilja hana, opnar
hún manni nýjan heim og andar
að manni hlýju.
Mér finnst margt vel gert í bók
Eðvarðs. Dæmi má taka um fyrsta
kaflann, þegar hann lýsir tilfinn-
ingum unglings, sem hefur fengið
tilkynningu um andlát náins ást-
vinar — móður sinnar. Þar fer
höfundur á kostum með lýsing-
unni á hugarfari unglingsins.
Fleira mætti tína til, t.d. veru
unglingspiltsins í kirkjugarðinum
og þær hugsanir sem koma upp í
honum, er hann stendur við leiði
ástvina sinna.
Unglingarnir í Birgi og Ásdísi
eru ekki einangruð fyrirbæri, eins
og oft er 1 unglingabókum. Hér er
Eðvarð Ingólfsson
lýst samskiptum þeirra við fólk á
öllum aldri og ýmis hugðarefni
þeirra dregin fram, t.d. hvað
snertir trúmálin.
Jenna Jensdóttir hefur skrifað
margar ágætar unglingabækur
ásamt manni sínum og skilur því
vel hvað höfundur er að reyna að
segja og hvað það hlýtur að vera
honum mikið hjartans mál, að það
sé lesið fordómalaust og með
opnum huga, svo það megi vekja
til umhugsunar.
Mér fannst gagnrýnin í DV vera
ósanngjörn og köld. Ég held að
það sé af því, að það er orðið tísku-
fyrirbæri að brjóta þá höfunda á
bak aftur, sem ekki skrifa sam-
kvæmt ákveðinni formúlu um
vandamálabókmenntir og hafa
ekki sömu lífsskoðanir og þessir
gagnrýnendur, sem aldrei hafa
sjálfir skrifað bækur. Þeir ná því
ekki að skilja innviði svona verka
og hanga í einhverri aðferðafræði,
sem einhver skóli hefur kennt
þeim.
Af lífinu læra mennirnir."
Prófkjör Sjálfstæðisflokksins:
Enginn er undanskilinn — Vilji er allt sem þarf
Björg Einarsdóttir skrifar:
„Tilefni þessara orða er sá mis-
skilningur, sem virðist vera
útbreiddur varðandi þær prófkjörs-
reglur er gilda munu í prófkjöri
Sjálfstæðisflokksins í Reykjavík um
næstu helgi.
Því hefur verið haldið á loft, jafn-
vel af þeim sem betur mega vita, að
prófkjörið sé lokað öðrum en flokks-
mönnum og margir hafa ginið við
þeirri flugu. Það sanna margítrekað-
ar fyrirspurnir um hvort svo sé og
óskir um útskýringu á reglunum. Til
þess að verða við þeim óskum, vil ég
koma hér á framfæri í stuttu máli
því sem skiptir máli um þetta atriði.
HVAR ER KOSIÐ?
Á fjórum stöðum: Hótel Borg, Val-
höll, Háaleitisbraut 1, Hraunbæ 102
og Seljabraut 54.
Fólk kjósi í því hverfi, sem það á
búsetu í nú.
HVERJIR MEGA KJÓSA?
a) Flokksbundnir sjálfstæðismenn.
b) Þeir sem innrita sig í flokksfélag
áður en kosningu lýkur. Innritun
getur farið fram á kjörstað um leið
og kosið er.
c) Þeir sem sjálfir fara — fyrir kl.
24.00 fimmtudaginn 25. nóv. — og
láta skrá sig sem kjósendur í próf-
kjörinu. Skráning er á skrifstofu
Fuiltrúaráðsins í Valhöll. Þeir sem
verða utanbæjar kjördaga geta kosið
utankjörstaðakosningu um leið og
þeir skrá sig. (Utankjörstaðaskrif-
stofan er opin daglega kl. 2—5.)
Þessu til viðbótar er aðeins eftir
að hvetja fólk til að fylgjast með
auglýsingum í dagblöðum um ein-
hverjar nánari tímasetningar eða
annað er til viðbótar kann að koma.
Með bestu óskum um að flokks-
bundnum sjálfstæðismönnum gangi
vel að komast á kjörstað, væntanleg-
um flokksmönnum vegni vel þegar
þeir innrita sig í Sjálfstæðisflokkinn
og þeim sem ætla að skrá sig sem
kjósendur í þessu prófkjöri, verði
rótt innanbrjósts, því með skráning-
unni gerist ekki annað en að þeir
öðlast rétt til að kjósa í þessu eina
kjöri og eru síðan lausir allra mála.
Af þessu má ljóst vera, að vilji er
allt sem þarf — því enginn er úti-
lokaöur, sem raunverulega vill og ætlar
sér.
Virðingarfyllst."
GÆTUM TUNGUNNAR
HVENÆR ER KOSIÐ?
Sunnudaginn 28. nóv. kl.
10.00—20.00 á öllum kjörstöðum.
Mánudaginn 29. nóv. kl. 15.30—20.00
aðein's í Valhöll.
Bendum börnum á að
„ágætt“ er betra en „mjög
g°tt“!
Vísa vikunnar
& SIGC-A WöGA £ Á/LVEÍWtJ
HEIDRUÐU
LEIKHÚSQESTIR:
OKkur er þaö einstök ánægja aö
geta nú boöiö ykkur
aö lengja leikhúsferöina.
T.d. með því að njóta kvöldverðar fyrir leiksýningu, í
notalegum húsakynnum okkar handan götunnar, eða ef
þið eruð timabundin, að njóta hluta hans fyrir sýningu
og ábœtis eða þeirrar hressingar sem þið óskið, að
sýningu lokinni.
Peim sem ekki hafa pantað borð með fyrir-
vara, bjóðum við að velja úr úrvali ýmissa smárétta,
eftir leiksýningu, á meðan húsrúm leyftr.
/Kðeins frumsýningarkvöldin framreiðum við
fullan kvöldverð eftir sýningu, ef pantað er með góðum
fyrirvara.
Mið opnum klukkan 18 öll kvöld, fyrir þá sem
hafa pantað borð. (Annars kl. 19.).
Með ósk um að þið eigið ánœgjulega
kvöldstund.
ARPiARHÓLL
Hverfisgötu 8-10. Borðapantanir í síma 18833.
ALIiTAP Á ÞRIÐJUDÖGUM
Bsom.
—mM—
RÆTT VIÐ FORMANN
KSÍ
ELLERT B. SCHRAM
SÍÐARI LANDSLEIKUR
INN VIÐ
V-ÞJÓÐVERJA
í HANDKNATTLEIK
FÓLK OG FRÉTTIR
í MÁLI OG MYNDUM
8
ítarlegar og spennandi íþróttafréttir
Han drilt um málefni Tlmana:
Þórarinn Þórarinsson
hótaði að segja af sér
Þeir sögöu við hann Tíma-Tóta:
Tímanum varpa menn á haug.
Sá gamli tók þá höróu að hóta,
svo hersingin upp í nefið saug
og sagði hann vera vel í kvóta
og vakti að nýju upp sinn draug.
Hákur