Morgunblaðið - 02.07.1983, Blaðsíða 27
10 ÁR FRÁ G0SL0KUM í HEIMAEY
MORGUNBLAÐIÐ, LAUGARDAGUR 2. JÚLÍ 1983
Sigmund Johansson uppfyndingamaður og teiknari:
„Við eigum að kanna
alla möguleika“
Sigmund Johannsson teiknari og
uppfyndingamaður í Vestmannaeyj-
um er löngu landskunnur af teikning-
um sínura í Morgunblaðið, öryggis-
búnaði fyrir sjómenn og vélum sem
hann hefur hannað, en í tilefni gos-
lokaafmælisins er sýning á teikning-
um hans sem eru nú orðnar um 4000
talsins í Morgunblaðinu. Við röbbuð-
um stundarkorn við Sigmund um álit
hans á nýtingu tækifæra eftir gosið,
bæði til uppbyggingar og lagfæringar.
„Ég vildi setja upp orkuver og
hefja rafmagnsframleiðslu, vera
seljandi á þeirri orku í stað þess að
þurfa að kaupa hana til Eyja, en
með því að nýta hitann úr hraun-
inu taldi ég þetta framkvæmanlegt.
Þess vegna vildi ég að hingað
fengjust peningar í að kanna þenn-
an möguleika, bora niður í nýja
hraunið tilraunaholu, setja þar
niður fóðringu, rör niður í botn og
með því að skammta vatn niður í
botn var unnt að fá gufu og heitt
vatn. Vatnið kælir, en um leið
dregst það saman og þannig opnuð-
ust möguleikar til þess að afla gufu
frá enn stærra svæði. Með þrýst-
ingi hefði síðan átt að vera unnt að
ná upp heitu vatni eða gufu og allt-
jent hefði holan getað komið að
Sigmund Johannsson
notum fyrir hitaveituna. Annars er
hægt að tala um margs konar
möguleika og af hverju ekki að
stofna til ylræktar?
Það vandamál sem ekki hefur
enn verið hægt að yfirstíga í fram-
kvæmd er vikurfokið úr hrauninu
og yfir bæinn þegar verst lætur, en
ég tel nauðsynlegt að leggja kapp á
það að taka efni á ákveðnum stöð-
um og hefta afmörkuð svæði í nýja
hrauninu, sem enn eru rík af jarð-
vegi sem fýkur yfir holt og hæðir.
Ég kannaði um tíma fjúkleiðina úr
hrauninu og þegar að var gáð var
þetta afmörkuð slóð eins og vegur.
Þetta fjúk þarf að bremsa af, bæði
með jarðbindingu á hrauninu og
einnig í skarðinu milli fellanna.
Þar má hugsanlega setja þéttar
trönur í skarðið til þess að brjóta
vindinn niður og fjúkið.
Annars er það svolítið slæmt
þegar svona kemur upp við bæjar-
dyrnar, að ekki sé mörkuð stefna
til þess að kanna alla orkumögu-
leika. Örkuöflunin í dag er í jörð-
inni, í náttúru íslands, og ef við
getum haft stjórn á slíku eigum við
að kanna alla möguleika á því. Það
þarf einnig að marka stefnu í efn-
istöku, hnika til jarðvegi fyrir
framtíðina, skipuleggja hraun-
kantinn og næsta svæði sem kemur
til með að byggjast fyrst, en fyrst
þarf að loka fjúksvæðunum með
grófara efni eða á annan hátt.“
— íj-
Á sýningu verka Sigmunds er m.a. sýnt hvernig myndir hans verða til,
kveikjan, skissan, teikningin og myndin komin i þrykk í Mogganum.
Þessi skýrir sig sjálf.
Kirkjukór Landakirkju ásamt Guðmundi Guðjónssyni organista, lengst til hægri, og Má Magnússyni söngvara
og söngkennara, fremst á miðri mynd.
Nelsonmessan eftir
9 mánaða törn
Vestmannaeyjum 27. júní.
SUNNUDAGINN 3. júlí nk. mun
Kirkjukór Landakirkju flytja eitt
af merkari söngverkum tónskálds-
ins Joseph Haydn, Nelsonmess-
una, í Samkomuhúsi Vestmanna-
eyja. Þetta verður frumflutningur
verksins hér á landi og verða tón-
leikarnir einn helsti liður veglegra
hátíðahalda Vestmanneyinga þeg-
ar minnst verður þess að þann 3.
júlí verða liðin 10 ár frá lokum
eldgossins á Heimaey 1973.
Æfiugar hafa staðið yfir allt
frá því í október undir stjórn
Guðmundar H. Guðjónssonar
organista og stjórnanda Kirkju-
kórs Landakirkju. Kórinn skipa
rúmlega 40 söngvarar og auk
þeirra taka þátt í flutningi
verksins einsöngvararnir Sig-
urður Björnsson tenór, Sigríður
Gröndal sópran, Anna Júlíana
Sveinsdóttir alt, og Geir Jón
Þórisson bariton. Undirleik
munu annast 21 félagi úr Sin-
fóníuhljómsveit íslands.
Óhætt er að segja, að hér sé
um meiriháttar tónlistarviðburð
að ræða og er þess að vænta að
Vestmanneyingar fjölmenni á
tónleika Kirkjukórsins. Kórinn
hefur áður flutt álíka stórt og
erfitt verkefni eftir sama tón-
skáld, á 200 ára afmæli Landa-
kirkju 1980, og vakti sá flutning-
ur mikla athygli og hrifningu
hjá þeim er á hlýddu.
Fréttamenn Mbl. litu inn á æf-
ingu hjá kórnum fyrir helgina og
tóku tali stjórnandann Guð-
mund H. Guðjónsson, og Jóhann
Friðfinnsson, formann sóknar-
nefndar Landakirkju og einn
kórfélaga.
Guðmundur H. Guðjónsson er
organisti í Landakirkju og
stjórnandi Kirkjukórs Landa-
kirkju. Við ræddum stuttlega við
Guðmund á dögunum og spurð-
um hvort ekki væri í mikið ráð-
ist með flutningi þessa erfiða
verks tónskáldsins Haydn.
„Jú, ég held að svo megi segja
þar sem allir kórfélagar eru
áhugafólk á þessu sviði en ekki
tónmenntað fólk, því byggist
þetta allt á utanbókarlærdómi.
Þó töldum við þetta hægt og
vegna mikils áhuga og góðrar
samstöðu allra sem hlut eiga að
máli var ákveðið að takast á við
svona viðamikið verkefni. Ég vil
taka það fram að þetta væri ekki
mögulegt nema vegna skilnings
og samsvarandi áhuga maka
kórfélaga, þeir leggja sitt af
mörkum því undirbúningurinn
hefur verið mikill."
— Er þetta ekki meiriháttar
tónlistarviðburður hér?
„Þetta er frumflutningur
verksins á íslandi og Nelson-
messan telst vera eitt meirihátt-
ar söngverka Haydn. Við höfum
áður flutt annað álíka stykki,
Mariazáller-messu, eftir sama
tónskáld. Það var á 200 ára af-
mæli Landakirkju 1980“.
— Hvað hefur undirbúningur-
inn staðið lengi yfir?
„Við höfum æft verkið tvisvar
í viku, um tvo tíma í- senn, allt
frá því í október sl. að undan-
Geir Jón Þórisson.
teknum stórhátíðum. Árangur af
mikilli vinnu skilar sér yfirleitt,
við höfum gert okkar besta og
síðan er það áheyrenda að dæma
um árangurinn. Við vonum að
fólk virði þetta framtak okkar og
mæti vel á tónleikana 3. júlí“.
Formaður sóknarnefndar
Landakirkju er Jóhann Frið-
finnsson og svo vill til að hann
hefur lengst allra kórfélaga
sungið í Kirkjukór Landakirkju.
„Það má segja að ég sé búinn að
syngja í kórnum frá barnsaldri,
byrjaði 1950 og er síður en svo
nokkuð farinn að hugsa um að
hætta í kórnum," sagði Jóhann
Friðfinnsson í samtali við Mbl.
„Ég tel það hafa verið mitt
mesta gæfuspor í lífinu þegar ég
hóf að starfa fyrir Landakirkju.
Ég hefi víða starfað að félags-
málum gegnum árin en notið
þess mest og best að starfa í
kirkjunni með öllu því góða fólki
sem lagt hefur hönd á plóginn á
þessum árum. Á fyrstu árum
mínum í kirkjukórnum voru kór-
félagar yfirleitt þetta 10—20 en
nú síðustu árin, undir stjórn
Guðmundar H. Guðjónssonar,
hefur kórinn mjög eflst og má
segja að 20—25 manns syngi í
kórnum við flestar athafnir í
Landakirkju. Svo fáum við liðs-
auka þegar undirbúið er svona
stórverk eins og við höfum verið
að æfa undanfarið."
— Þetta hafa verið langar og
strangar æfingar?
„Það fer að nálgast venjulegan
meðgöngutíma, 9 mánuði, æft
tvisvar í viku og oftar nú þegar
nálgast frumflutninginn. Það er
stórkostlegt hvað þessi áhuga-
hópur er tilbúinn að leggja mikið
á sig, en flutningur verksins tek-
ur svo aðeins um þrjá stundar-
fjórðunga. Kirkjusókn hefur ver-
ið góð hér í Eyjum og ég treysti
því að bæjarbúar fjölmenni á
tónleikana og hlýði á þetta
merka verk, sem flutt er í tilefni
þeirra tímamóta að liðin eru 10
ár frá goslokum".
— hkj.
Guðmundur Guðjónsson.