Morgunblaðið - 15.07.1983, Blaðsíða 13
MORGUNBLAÐIÐ, FÖSTUDAGUR 15. JÚLÍ 1983
13
Vestmannaeyjar:
6 bátar sviptir humarveiðileyfi
vegna of mikils fisks í aflanum
Leyfið veitt að nýju fjórum dögum síðar
VesCmannaeyjar, 12. júlí.
Sjávarútvegsráöuneytid svipti 6
humarbáta frá Vestmannaeyjum
leyfum til humarveiöa frá og með 8.
júlí á þeim forsendum, að óeðlilega
mikill fiskafli hefði verið um borð í
bátunum að undanfornu. Þessi
ákvörðun ráðuneytisins vakti mikla
undrun og reiði meðal sjómanna
humarbátana, en þeir vilja halda því
fram að sennilega hafi aldrei verið
jafn lítill fiskur með humrinum hér
við Eyjar og einmitt nú í ár. Eftir að
bæði sjómenn og forráðamenn fisk-
vinnslustöðvana hér höfðu haft sam-
band við ráðuneytið og skýrt sín
sjónarmið, ákvað Sjávarútvegsráðu-
neytið að afturkalla leyfissvipting-
una og heimila bátunum 6 humar-
veiðar að nýju frá og með 13. júlí.
Þegar skeyti ráðuneytisins um
leyfissviptinguna fóru að berast á
heimili sjómannanna var haft
samband við þá úr landi og þeir
látnir vita að þeir væru orðnir
leyfislausir. Þennan dag var mikill
hiti í mönnum á miðunum við
Vestmannaeyjar og ýmislegt látið
fljúga á öldum ljósvakans. Mbl.
ræddi við skipverja á humarbátn-
um Ófeigi III, Lýð Ægisson, og var
hann mjög ómyrkur í máli um
þessar aðgerðir ráðuneytisins.
„í einn og hálfan mánuð höfum
við á Ófeigi III verið á humarveið-
um og við erum komnir með rúm
30 tonn af bolfiski á þeim tíma og
er það mun minna en í fyrra.
Humaraflinn er um sex og hálft
tonn af slitnum humri á sama
tíma. Við vorum komnir austur í
Skeiðarárdýpi þegar fréttin barst
um leyfissviptinguna og hafði ég
Kinnock var
hætt kominn
Newbury, Englandi, 13. júlí. AP.
NEIL Kinnock, sá sem talinn var
líklegastur til að hreppa for-
mannssætið í breska Verka-
mannaflokknum í haust, slapp
með ótrúlegum hætti nær óskadd-
aður, er hann missti stjórn á bif-
reið sinni sem fór tvær veltur og
hafnaði utan vegar. óhappið átti
sér stað sammt frá smábænum
Berkshire, 80 kílómetra fyrir vest-
an Lundúnaborg.
Mótmælt
í Tblisi
Moskva, 13. júlí. AP.
UM 100 manns fóru í mótmæla-
göngu um götur Tblisi í gær.
Astæðan var sú, að tveir andófs-
menn voru hnepptir skyndilega í
varðhald. Lögreglan hafði afskipti
af göngufólkinu, handtók 20
þeirra og færði til yfirheyrslu. Var
þeim öllum sleppt að vörmu spori
eftir því sem fregnir herma.
þá samband við framkvæmda-
stjóra Fiskiðjunnar sem lofaði að
kanna málið sem hann og gerði, en
ekki náðist í einn ábyrgan aðila.
Það hefur sennilega verið sólbaðs-
veður í Reykjavík. Þennan dag
fjölgaði skeytunum ört um leyfis-
sviptingarnar og þegar Árntýr var
búinn að missa leyfið fyrir of mik-
inn fisk í aflanum vorum við sann-
færðir um að topparnir í henni
Reykjavík hefðu farið út af laginu.
Vikan hjá Árntý hafði nefnilega
verið heldur döpur hvað afla
snertir, ég held að hann hafi verið
með um eitt tonn á dag að jafnaði
af fiski í aflanum og minnst af því
var þorskur.
Mönnum fannst m.a. skrítið að
bátar frá Hornafirði gætu komið í
land með 10 tonn af ýsu eftir
tveggja daga túr án þess að það
raskaði ró ráðuneytismanna. Ætli
skýringin á því sé sú að sjávarút-
vegsráðherrann er Hornfirðingur?
Ég átti samtal við Þórð Eyþórsson
ráðuneytisstjóra utan af sjó og
spurði hann m.a. að því hvort það
gæti verið eitthvað til í þessu. Sei,
sei, nei, svaraði hann, ráðherrann
bað sérstaklega um að vel yrði
fylgst með veiðum Hornafjarðar-
báta. Þá spurði ég hann hvort
hann ætlaði að stöðva veiðarnar
hjá okkur núna en skoða afla
Hornfirðinganna eftir vertíð.
Svarið var, að því miður hefði
hann ekki meiri mannskap en
þetta. Eitthvað hefur þetta þó
kitlað þá í ráðuneytinu því eftir-
litsmaðurinn kem hér var í Eyjum
var sendur með hraði austur á
Hornafjörð. Ég þekki þennan eft-
irlitsmann persónulega og veit að
hann er vandaður maður og sinnir
sínu starfi vel. Hann stóð í þeirri
meiningu að hann ætti að fylgjast
með þorski og ýsu í afla humar-
báta, en ekki skrapfiski eins og
karfa og löngu, sem ávallt hefur
tilheyrt þessu veiðarfæri."
Lýður Ægisson vildi halda því
fram að það hefðu átt sér stað
mistök í ráðuneytinu og sagði það
vera hart undir að búa, að með
einu pennastriki geti menn svipt
sjómenn lifibrauðinu. „Fram-
kvæmdastjóra Fiskiðjunnar tókst
á öðrum degi að ná tali af ráðu-
neytisstjóranum og hafði þá með-
ferðis öll gögn í sambandi við afla-
samsetningu okkar í sumar. Eftir
það ákvað ráðuneytið að skoða
málið að nýju með velvilja og gefa
út endanlegan úrskurð á föstudag.
Einfaldast hefði verið að aftur-
kalla leyfiaaviptingarnar strax, en
í þess stað bætir ráðuneytið gráu
ofan á svart, sendir okkur annað
skeyti og heimilar okkur humar-
veiðar að nýju frá og með 13. júlí.
Fjórir dagar fara því í súginn.
Samskonar skeyti fengu allir bát-
arnir 6, en a.m.k. 4 humarbátar
eru hættir veiðum, þeir segjast
ekki taka þátt í svona vitleysu
lengur. En látum það vera, hvað
kostar svona ákvörðun í pening-
um? Að stöðva 6 báta í fjóra daga
þýðir 28 úthaldsdagar eða einn
mánuður fyrir einn bát. Aflaverð-
mæti hjá okkur á Ófeigi III var í
síðasta mánuði um ein og hálf
milljón króna, sem er verð á góðu
einbýlishúsi hér í bæ. í landi eru
margir sem vinna við aflann og -
þeir missa sitt. Stöðvarnar missa
sitt og að sjálfsögðu bæjarfélagið
líka.
En rúsínan í pylsuendanum er
eftir,“ sagði Lýður Ægisson,
skipverji á humarbátnum ófeigi
III í samtalinu við Mbl., „ef hum-
arbátur gerist sekur um það að
vera með of mikinn fisk í aflanum,
missir hann humarveiðileyfið og
verður að fara á fiskitroll."
— hkj.
resiö
reglulega af
ölmm
fjöldanum!
Geturðu grillað
tvívesis með
sömu kolunum?
Iðulega, notir þú PRESTFOSS
PRESTFOSS
viðarkolin eru sérstæð
að mörgu leyti:
PRESTFOSS
eru hrein viðarkol - óblönduð
steinkolum.
í þeim er einungis skaðlaust
bindiefni til að halda lögun
þeirra.
PRESTFOSS
viðarkol brenna því án þess að
gefa frá sér reyk, mengaðan
hættulegum efnum.
PRÉSTFÖSS
viðarkol eru auðtendranleg.
PRESTFOSS
viðarkol brenna jafnt, lengi og
vel og því er iðulega unnt að
kæfa í þeim eldinn eftir notkun
og kveikja í þeim aftur næst
þegar á að grilla.
SMÁSALA:
Bensínstöðvar Shell
Stórmarkaðir og
matvöruverslanir
víða um land
Heildsölubirgðir: HALLDÓR JÓNSSON HE Dugguvogi 8 Sími 86066