Morgunblaðið - 29.07.1983, Blaðsíða 2

2
MORGUNBLAÐIÐ, FÖSTUDAGUR 29. JÚLÍ 1983
Eru að fara á
bak við samninga
— segir Halldór Ásgrímsson um vaxtaafslátt
erlendra skipasmiðja
„ÞAÐ kemur mér afskaplega mikið
á óvart ef slíkir ríkisstyrkir samrým-
ast þeim samningum, sem Norð-
menn og við höfum gert í vettvangi
EFTA. Þetta er aðeins sönnun þess,
að þessar þjóðir eru að fara á bak
við samningana á ýmsum sviðum
iðnaðar," sagði Halldór Ásgrímsson,
sjávarútvegsráðherra, er Morgun-
blaðið innti hann álits á vaxtaaf-
slætti erlendra skipasmiöja til handa
ÚA.
_Á sama tíma er heimtað af
okkur að standa við alla þessa
samninga og má ekki út af bregða
í sambandi við tollamál, en síðan
eru farnar aðrar leiðir í formi rík-
isstyrkja til að komast framhjá
þessu. Þetta er náttúrlega mjög
alvarleg þróun fyrir frjáls við-
skipti í heiminum að mínu mati.
Við eigum fyrst og fremst þá vörn
í þessum málum, að sækja okkar
mál af mikilli hörku í þessum
samtökum, sagði Halldór.
KolmunnaveiÖar:
Rússar og A-Þjóðverj-
ar austur af Gerpi
Þrátt fyrir kaldan Austur-
íslandsstraum eru nú þrjú sovésk
kolmunnaskip og tvö austur-þýsk að
kolmunnaveiðum austur af Gerpi.
Eru þau rétt utan íslensku lögsög-
unnar en innan þeirrar færeysku.
Kom þetta í Ijós í eftirlitsflugi
starfsmanna Landhelgisgæslunnar í
fyrradag. Ekki hefur sést til skipa á
þessum slóðum fyrr í sumar.
Kaldur Austur-íslandsstraumur
nær mun lengra austur og suður i
haf í átt til Færeyja og Noregs en
venjulega segir meðal annars í
fréttatilkynningu, sem Hafrann-
sóknastofnun sendi frá sér fyrir
nokkru.
Ahrif þessa á kolmunnagöngur
eru talin þau, að þær verði að
Verkalýðsfélag
Akraness:
Segir upp kjara-
samningum
„UM leið og Verkalýðsfélag Akra-
ness samþykkir að segja upp samn-
ingum sínum við atvinnurekendur,
þrátt fyrir afnám samningsréttar og
ógildingu samninga með bráða-
birgðalögum rfkisstjórnarinnar, vill
fundurinn mótmæla harölega og af-
dráttarlaust kjaraskerðingum sem í
þeim felast og þeim félagslegu árás-
um sem verkalýðshreyfingin verður
fyrir með því að af henni er tekinn
frjáls samningsréttur fyrir lífskjörum
sínum," segir í ályktun sem sam-
þykkt var á fundi í Verkalýðsfélagi
Akraness nýlega og Mbl. hefur bor-
ist.
Skagafjörður:
Framleiðsla
að hefjast í
Vallhólmi
Varmahlíð, 28. júlí.
HEYSKAPUR hjá bændum í Skaga-
firði er alls staðar kominn vel af stað.
Spretta er í meðallagi en þurrkar hafa
nokkuð látið á sér standa það sem af
er. Ovenjulega votviðrasamt hefur ver-
ið hér í héraðinu frá því í júní.
Framleiðsla er að hefjast í fóður-
verksmiðjunni í Vallhólmi um þess-
ar mundir, en framkvæmdir við
ræktun og byggingar hafa staðið á
annað ár. Vonast er til að náist að
framleiða nokkurt magn af gras-
kögglum strax á þessu hausti.
Umferð ferðamanna um þjóðveg-
ina hefur verið mikil í sumar. Lík-
lega dregur sólskinið á norðaustur-
landinu fólkið til sín úr rigningunni.
Mér skilst á hótelstjóranum I
Varmahlíð að nokkuð mikið hefði
verið að gera þar í sumar.
P.D.
mestu leyti austan Færeyja og
innan norskrar efnahagslögsögu.
Þá mun sjávarkuldi ekki lofa góðu
um afkomu nytjafiska á uppvaxt-
ar- og ætissvæðum við norðan og
austanvert landið.
í fréttatilkynningunni segir
ennfremur, að dagana 11. og 12.
júlí hafi á stofnunni verið haldinn
fundur sovéskra og íslenskra haf-
og fiskifræðinga um ástand sjáv-
ar, þörunga, átu og kolmunna í
hafinu milli íslands og Noregs í
vor og sumar. Sovétmenn hafi
kannað hafið allt norðan frá Bar-
entshafi og suður með Noregi, að
Shetlandseyjum, Færeyjum og
vestur að Islandi og Jan Mayen.
íslendingar hafi kannað svæðið
umhverfis {sland og milli Færeyja
og íslands og hafi niðurstöður í
aðalatriðum verið ofangreindar.
Mælingar Sovétmanna hafi á hinn
bóginn sýnt hlutfallslega mikil
áhrif hlýs sjávar við Norður-
Noreg og í Barentshafi, sem geti
lofað góðu, bæði fyrir afkomu og
útbreiðslu loðnu og þorsks á þeim
slóðum.
Fundinn sátu 5 Sovétmenn auk
jafnmargra íslendinga og stjórn-
aði Svend-Aage Malmberg, haf-
fræðingur Hafrannsóknastofnun-
ar, fundinum.
Það eru víðar „bryggjupollar“ en á tslandi. Hér eru þrfr, dálítið misjafnir að stærð og lögun, að reyna við ufsann
við bryggju Bacalao í Þórshöfn í Færeyjum. Morgunblaftið/ HG
Greiðslufrestur fyrir
skreið allt að 2 ár
Háskaleg braut og slæmt fordæmi, segir Haraldur Sturlaugsson, Akranesi
„VIÐ TELJUM okkur ekki geta sent frá okkur skreið eins og greiðslumál-
um í Nígeríu er nú hattað. Héðan fór smá-sending í apríl í fyrra og er hún
enn ógreidd. Af þeim sökum liggjum við með skreið að verðmæti um 20 til
25 milljónir, sem við teljum öruggara að láta ekki fara. Greiðslufresturinn
er orðinn upp í eitt til tvö ár. Ég skil ekki að hægt skuli vera að senda þetta
úr landi á hæpnum ábyrgðum. Hver á að bera skaðann ef greiðslur
bregðast algjörlega," sagði Haraldur Sturlaugsson, framkvæmdastjóri
Haralds Böðvarðssonar og co. á Akranesi, er Morgunblaðið innti hann eftir
því hvort fyrirtækið ætti mikið af óseldri skreið.
Haraldur sagði ennfremur, að Tryggingar fyrir greiðslu fengjust
hann vissi ekki til þess, að stærri
framleiðendur létu nokkuð af
skreiðinni frá sér, þeir treystu sér
ekki til þess. Hann skildi ekki
hvers vegna menn fengju að senda
skreiðina frá sér á þennan hátt,
nánast beint út í loftið. Nú væru
kosningar framundan í Nígeríu og
margt gæti skeð í kringum þær.
Skyggða svæðið á kortinu sýnir lokaða svæðið
Togveiðibann
SÍDUSTU vikurnar hafa skyndi-
lokanir verið tíðar á Strandagrunni
og hefur sjávarútvegsráðuneytið
því ákveðið, að tillögu Hafrann-
sóknastofnunar að banna allar
veiðar með botn- og flotvörpu á
svæði á Strandagrunni, sem mark-
ast af línum, sem dregnar eru milli
eftirgreindra punkta:
1. G6°30’48 N
21°17’46 V
2. 67°02°09 N
21 °40’01 V
3. 67°05’12 N
20°39’59 V
4. 66°59’05 N
20°36’45 V
Bann þetta tekur gildi föstudag-
inn 29. júlí, en þangað til hefur
stærstum hluta þessa svæðis verið
lokað með skyndilokun frá 23. júlí
sl„ og gildir um óákveðinn tíma,
en Hafrannsóknastofnun mun
fljótlega kanna ástandið á svæð-
inu, og verður þá tekin afstaða til
áframhaldandi lokunar þessa
svæðis.
aðeins í Nígeríu og væri varasamt
að treysta þeim.
„Við sendum því ekkert frá
okkur fyrr en greiðsla frá Nígeríu
er orðin örugg. Það er hún alls
ekki nú. Það er hægt að geyma
skreið í þartilgerðum húsum upp í
þrjú til fimm ár. Það var gert áður
fyrr þegar skreiðargeymslurnar
svokölluðu voru byggðar. Nú virð-
ist þetta bara renna út án þess að
fullnægjandi tryggingar séu fyrir
hendi. Hver á að borga ef illa fer?
Útflytjendur geta ekki staðið und-
ir því. Það hlýtur að vera betra að
hafa skreiðina undir höndum.
Undanfarin 10 til 15 ár hefur
markaðurinn í Nígeríu alltaf verið
að lokast og opnast. Þá hefur verið
beðið með sölur þangað til opnað-
ist að nýju. Þess vegna þyrfti að
gera mönnum kleift að geyma
þetta. Þessi braut er mjög háska-
leg og gefur slæmt fordæmi.
Nígeríumenn eru ábyggilega
ánægðir með að fá skreiðina með
svona löngum greiðslufresti og
gerir það frekari sölusamninga
erfiðari. Mér finnst þetta hrein-
lega óðs manns æði,“ sagði Har-
aldur Sturlaugsson.
Fjölvi stefnir að
útgáfu Bjólfskviðu
STEFNT er að útgáfu Bjólfskviðu í
þýðingu Halldóru B. Björnsson hjá
Fjölvaútgáfunni síðar á þessu ári,
að því er Sturla Eiríksson, fram-
kvæmdastjóri Fjölva, tjáði blaða-
mönnum á fundi í gær. Alfreð
Flóki myndskreytir bókina og ráð-
gert er að gefa út 100 tölusett ein-
tök í skrautbandi, árituð af lista-
manninum.
Sturla sagði, að enn lægi ekki
ljóst fyrir með allar þær bækur
sem gefnar yrðu út hjá Fjölvaút-
gáfunni í haust og fyrir jólin, en
gefin verður út ný bók um ís-
lenska fiska sem Gunnar Jóns-
son hefur unnið fyrir Fjölva.
Líkamsrækt með Jane Fonda
heitir bók sem kemur út í þýð-
ingu Steinunnar Þorleifsdóttur í
o
INNLENT
haust. Ragna Lára Ragnarsdótt-
ir, leikfimikennari við Mennta-
skólann i Reykjavík, yfirfór bók-
ina og endurskoðaði.
Myndabók Fjölva um rokk
verður einnig gefin út í haust, en
hún er eftir Robert Ellis, rokk-
ljósmyndara og er Þorsteinn
Thorarensen íslenskur höfundur
hennar.
Af barnabókum koma út bæk-
ur eftir Hjalta Bjarnason og
Guðrúnu Kristínu Magnúsdóttur
og verða þær prentaðar í lit.
Tvær ljóðabækur koma út í
haust. Önnur þeirra er eftir
Þóru Jónsdóttur, en hin er eftir
Jónas Friðgeir Elíasson og ber
nafnið Ekki er jakki frakki nema
síður sé.
Fimmta bókin í flokknum
Stóra náttúrufræðisafnið er
væntanleg hjá Fjölvaútgáfunni
síðar á þessu ári og er það Stóra
fiskabókin. Tvær bækur úr þess-
um bókaflokki hafa einnig verið
endurútgefnar. Það eru bækurn-
ar Stóra fuglabókin og Stóra
blómabókin, sem hafa verið
ófáanlegar um nokkurt skeið.