Morgunblaðið - 19.08.1983, Síða 14

14
MORGUNBLAÐIÐ, FÖSTUDAGUR 19. ÁGÚST 1983
Gasfundur
við Noreg
SUvangri, Noregi, 18. ágúst. AP.
TILKYNNT hefur verið í Noregi að
olíufyrirtækið „Statoil“ hafí fundið
meira jarðga-s á landgrunni úti fyrir
Tromsö í Norður-Noregi.
í tilkynningunni segir að fyrir-
tækið hafi fundið gasið í sand-
steinslagi frá Jura-aldursskeiði á
um tvö þúsund og fimm hundruð
metra dýpi undir landgrunninu.
Þar kemur einnig fram að of
snemmt sé að segja fyrir um
hversu miklar hinar nýfundnu
gasbirgðir eru.
Geimfari
í leit að
örk Nóa
Istanbul, 18. ágúst. AP.
FYRRVERANDI geimfari, James
Irwin, lagði í dag af stað frá búðum
við rætur fjallsins Ararat í Austur-
Tyrklandi í leit að Örkinni hans
Nóa. Með honum eru 20 Bandaríkja-
menn, sem telja að örkina sé að
fínna í um 4.670 metra hæð, tyrkn-
eskir leiðsögumenn og hervörður.
Ararat er 30 km frá sovézku
landamærunum og á þessari öld
hefur útlendingum oft verið bann-
að að klífa fjallið, síðast á árunum
eftir 1970, að kröfu Rússa sem
töldu fjallið notað til njósna um
nálæga sovéska herstöð.
Irwin leitaði arkarinnar frá
suðaustri til norðvesturs í fyrra,
en leitar nú í austur- og norður-
hlíðunum. Hann sagði leitina til
komna vegna trúarreynslu sem
hann varð fyrir á tunglinu í ferð
Apollo 15 árið 1971.
Shamir
hafnar
Rússum
Tel Aviv, 18. ágúsL AP.
YITZHAK Shamir, utanríkisráð-
herra fsraels, sagði í gær, að frá
sjónarhóli ísraels kæmi ekki til
greina að Sovétmenn settust að
friðarviðræðuborðinu í Miðaust-
urlöndum. „Þeir hafa dæmt sjálfa
sig úr leik með því að draga taum
aðeins annars aðilans, í þessu til-
viki taum Araba,“ sagði Shamir.
Þessu lýsti hann yfir eftir opin-
bera heimsókn til Nicolae Ceaus-
escu, Rúmeníuforseta, í gær.
Léttist um 60 kíló - er samt 360 kíló
ALBERT Pernitsch í Velden í Austurríki fór í megrunarkúr í
síðasta mánuði og léttist um 60 kíló. En hann er ennþá 360 kíló á
þyngd og Austurríkismenn telja að hann sé eftir sem áður þyngsti
maður Evrópu. Pernitsch kom fram á sumarhátíð við vatnið
Wörthersee um síðustu helgi og var einn helzti skemmtikrafturinn.
Hins vegar þurfti að gera sérstakar ráðstafanir til þess að koma
honum um borð í einn af bátum þeim sem sigldu um vatnið.
Pinochet lofar
meiri atvinnu
Santíagó, Chile, 18. ágúst. AP.
FORSETI Chile, Augusto Pino-
chet, hefur lofað að búa til áttatíu
þúsund ný störf með frekari fjár-
festingu, m.a. í bættri hreinlætis-
aðstöðu í fátækrahverfum þar sem
mikið hefur borið á uppþotum
gegn stjórninni.
Pinochet viðurkenndi í dag að
atvinnuleysi væri með mesta
móti, en bætti við að andstæð-
ingar stjórnarinnar hefðu reynt
að færa sér ástandið í nyt. Sam-
kvæmt fyrirætlunum Pinochet
verða reist sex þúsund ný íbúð-
arhús, um hundrað þúsund ekr-
um lands í eigu ríkisins verður
varið til skógræktar og fjárfest-
ing aukin í ríkisreknum námum,
vegum og hreinlætisaðstöðu.
Lánsfyrirgreiðsla einkafyrir-
tækja hjá ríkisreknum bönkum
verður rýmkuð til að þau geti
endurgreitt skuldir og ráðið nýja
starfskrafta.
Atvinnuleysi í Chile er nú um
þrjátíu af hundraði. Um ellefu af
hundraði hinna atvinnulausu
hafa fengið störf við byggingu al-
mennra mannvirkja samkvæmt
neyðaráætlun, en fá hins vegar
minna en þriðjung af þeim tvö
þúsund og tvö hundruð króna
mánaðarlaunum, sem teljast lág-
mark í verkalýðssamningum. Að
sögn forsetans munu tveir af
hundraði atvinnulausra fá vinnu
strax, samkvæmt hinni nýju
áætlun stjórnarinnar.
Ofeaveður skellur
á í borgum í Texas
Gaheston í Texas, Frankfnrt í V-Þýzkalandi, 18. ágúat AP.
HVIRFILBYLURINN „Alicia" æddi yfír borgina Galveston í Texas í dag
með hundrað áttatíu og fjögurra kflómetra hraða á klukkustund. Bylurinn
olli flóðum við ströndina og skildi eftir sig slóð umróts og eyðileggingar þar
sem hann þaut f átt til olíuborgarinnar Houston.
Tveir menn létust, er þeir urðu
fyrir fallandi trjám, og eru hlutar
miðborgarinnar í Houston þegar
undirlagðir af vatni. Sagt er að
flóðöldur við strönd Texas hafi
náð fjögurra metra hæð og hafi
bylurinn svipt þök af húsum í
Galveston, klesst bifreiðar og gert
borgina rafmagnslausa, en í henni
búa um sextíu þúsund manns.
Þúsundir manna hafa flúið fjær
ströndinni, en margir hafa þó
neitað að hörfa á brott og hafast
þess í stað við í kjöllurum við
kertaljós. Samkvæmt heimildum
Rauða krossins hafa meira en
tuttugu þúsund manns beiðst hæl-
is í áttatíu neyðarskýlum.
í Houston, sem er í um fimmtíu
kílómetra fjarlægð frá ströndinni,
komst vindhraði í hundrað og
fimmtíu kílómetra á klukkustund.
Fjörutíu og tvö þúsund manns yf-
irgáfu heimili sín, en um tvö
hundruð og fimmtíu þúsund
manns hafa ekkert rafmagn.
í fréttum frá Frankfurt í
Vestur-Þýzkalandi segir að þurrk-
ar og skógareldar hafi eyðilagt
akra og skóglendi í mörgum
Evrópulöndum í sumar og sé þetta
með heitustu og þurrustu sumrum
í Evrópu í manna minnum. Spán-
verjar munu hafa orðið verst úti,
en þar hafa þurrkar ekki verið
meiri í hundrað og fimmtíu ár. í
Júgóslavíu hafa orðið ógnvænlegir
skógareldar og hafa fimm manns
þar týnt lífi af völdum þeirra.
Veður
víða um heim
Akureyri 10 skýjað
Amsterdam 20 rigning
Aþena 33 heiðskirt
Barcelona ekki vitaö
Bertín 25 heiðskírt
BrUssel 26 heiðskírt
Buenos Aires 12 heiðskirt
Chicago 35 heiðskírt
Dyflinni 21 skýjaö
Feneyjar 29 heiðskirt
Frankfurt 28 skýjað
Fsereyjar 12 skýjað
Qent 25 heiðskírt
Havana ekki vitað
Hetsinki 32 heiðrskírt
Jerúsalem 26 heiðskírt
Jðhannesarborg 20 heiðskfrt
Laa Palmas 24 skýjað
Lissabon 26 skýjað
Lortdon 27 heióskírt
Loa Angeles 35 skýjað
Madríd 29 skýjað
Malaga 25 lóttskýjað
Mallorka ekki vitaö
Miami 32 skýjað
Moakva 25 heiðskirt
New York 28 skýjað
Ostó 20 skýjað
Parta 25 heiðskírt
Reykjavík 8 alskýjað
Róm 27 rigning
San Franeisco 27 skýjað
Stokkhólmur 32 heiðskírt
Tókýó 31 ringing
Vancouver 22 skýjað
Vin 28 skýjað
Argentínu verður
selt „þungavatn“
Bráðgeislavirkur
öldungur lifir ern
Rk’hUnd, Wwhin^on, 18. áfrúsL AP.
SJÖ ÁRUM eftir að Harold
McCluskey fékk yfír sig nær ban-
vænan skammt af geislavirkni,
kippist geislavirknimælirinn enn
við í námunda hans líkt og koraið
væri nærri námu af úraníum. „At-
ómmaðurinn" er þó síður en svo
mótfallinn kjarnorku og segir að
Bandaríkin þurfí á kjarnorku að
halda, þar eð hún sé eina orkubúr-
ið, sem þjóðin sé ekki um það bil
að tæma.
McCluskey var að vinnu í ág-
úst 1976 við uppgröft á geisla-
virku efni í úrgangsgeymslustöð-
inni í Hanford er sprenging varð
og menguðum plastefnum og
saltpéturssýru rigndi yfir hann.
Töldu læknar að hann hefði orð-
ið fyrir fimm hundruð sinnum
meiri geislavirkni en talin er
nægja til að bana manni í fylli-
ngu tímans. „Engin mannvera
hefur nokkru sinni orðið fyrir
svo stórum skammti af geisla-
virkni, svo það er í rauninni ekki
hægt að bera þetta tilvik saman
við neitt annað," sagði Bryce
Breitenstein, læknir í Hanford.
Fyrir ókunnuga eru einu
merki þess að McCluskey varð
fyrir þessu óhappi að augu hans
eru einkar næm fyrir ljósi. Inn-
andyra verður hann að vera með
sólgleraugu, og utandyra notar
hann gleraugu, sem minnka
dagsbirtuna í augum hans um
níutíu af hundraði. McCluskey,
sem ver mestum tíma slnum í
hægindastól heima fyrir, segir
að önnur hlið höfuðsins sé svo
heit að þegar læknar mæli
geislavirkni í lifur hans verði
hann að halda blýskildi fyrir
framan andlit sitt svo hitinn
hafi ekki áhrif á mælinguna.
McCluskey er nú sjötíu og eins
árs að aldri. Hann segist lítið
muna eftir þeim tveimur vikum,
sem fylgdu í kjölfar slyssins.
Segist hann hafa sofið í baðkeri,
en þess á milli hafi læknar týnt
efnisagnir úr hörundinu og num-
ið hundrað og fimmtán brot úr
andliti hans einu saman.
Washington, 18. ágúst AP.
Bandaríkjamenn hafa samþykkt
að selja Argentínumönnum hundr-
að fjörutíu og þrjú tonn af „þunga-
vatni“ til nota í kjarnorkuverum,
þrátt fyrir að yfirvöld hafí neitað að
láta verin sæta alþjóðaeftiriiti.
Dagblaðið „The Washington
Post“ skýrði frá því í dag að sal-
an, að jafnvirði meira en eitt
hundrað milljónir Bandaríkja-
dala, hefði verið samþykkt eftir
að Ronald Reagan hefði verið gef-
in fyrirheit um að þungavatnið
yrði einungis notað í kjarnorku-
verum til framleiðslu raforku.
Sagði blaðið að aðstoðarutanrík-
isráðherra, James B. Devine,
hefði látið hafa eftir sér að Arg-
entínumenn hefðu lofað að engir
hlutir, sem fluttir yrðu til Arg-
entínu, yrðu notaðir til að fram-
leiða kjarnorkusprengjur.
Þungavatn, sem er vökvi eilitlu
þéttari en venjulegt vatn, er not-
að til að stjórna keðjuverkandi
kjarnaklofnun. Jimmy Carter,
ERLENT
fyrrverandi Bandaríkjaforseti,
hafði áður neitað að selja Arg-
entínumönnum efni til kjarn-
orkuframleiðslu. Hafa yfirvöld í
Argentínu staðfastlega neitað að
undirrita alþjóðasamninginn
gegn útbreiðslu kjarnorku.
Manntjón
í skjálfta
Manílm, Filippsejjum, 18. igúsL AP.
FÓRNARLÓMB jarðskjálftans á
Filippseyjum eru nú orðin þrettán
talsins, en björgunarmenn halda
enn áfram leit sinni í rústum bygg-
inga.
Talsmaður almannavarna,
Priscila Duque, sagði að fyrir utan
dauðsföllin þrettán hefðu sextán
manns særzt í hinum snarpa
jarðskjálfta, sem varð í gær.
Heimildarmenn nærri jarðskjálfta-
svæðunum, í um fjögur hundruð
kílómetra fjarlægð norður af
Maníla, segja hins vegar að miklu
fleiri hafi særzt eða farizt.
Jarðskjálftinn, sem stóð yfir í
tuttugu sekúndur, kom verst niður
á bænum Ilocos Norte og mældist
hann 5.7 á Richter kvarða.