Morgunblaðið - 29.09.1983, Blaðsíða 3
MORGUNBLAÐIÐ, FIMMTUDAGUR 29. SEPTEMBER 1983
3
Slátursalan hafin
Slátursalan er hafín í Reykjavík. Sláturfélag Suðurlands er með slátur-
sölu í hefðbundnum stíl í sparimarkaði fyrirtækisins í Austurveri og
versluninni við Iðufell í Breiðholti. Afurðasala SÍS selur slátur í 3 og 5
slátra pakkningum í ýmsar verslanir. Hvert slátur kostar í ár 110 til 115
krónur, en fyrir það fær kaupandinn: 1 kg mör, 1 lítra blóðs, vömb og
kepp, hálsæð, lifur, þind, nýru, hjarta og haus. Myndina tók Kristján
Örn Elíasson Ijósmyndari Mbl. í sláturhúsi Sláturfélags Suðurlands við
Laxá í Leirársveit fyrir skömmu en á henni sýna Halldór Benediktsson
sláturhússtjóri og Anna frá Belgsholti honum hvað hann fær mikinn
mat í einu slátri.
Björgvin og Jóhann í
söngvakeppni á írlandi
„ÁSTÆÐAN fyrir því að okkur Jóhanni var boðin þátttaka í þessari söngva-
keppni er sú, að ég komst í úrslit í keppninni fyrir tveimur árum og þá hafði
Jóhann gert enskan texta við lagið mitt.
Þátttakendur í ár eiga það allir
sameiginlegt, að hafa áður komist
í úrslit í þessari keppni," sagði
Björgvin Halldórsson hljómlistar-
maður, sem á sunnudaginn heldur
til írlands ásamt Jóhanni Helga-
syni hljómlistarmanni. Þar munu
þeir taka þátt í hátíðarkeppni
Castlebar-söngvakeppninnar, sem
nú er haldin í átjánda sinn.
Tilnefningar laga bárust frá alls
sautján löndum í ár og voru valin
þar úr 24 lög frá 9 löndum. Castle-
bar International Song Contest er
almennt talin þriðja stærsta
söngvakeppni heims á eftir keppn-
inni í Tókýó og Eurovision. Tíu lög
verða valin til úrslita að loknum
tveimur keppnisdögum og verður
úrslitakeppninni sjónvarpað um
Bretlandseyjar. Björgvin Hall-
dórsson hafnaði í fjórða sæti í
keppninni 1981 með lag sitt „Ský-
ið“, er Jóhann Helgason hafði gert
við enskan texta í tilefni keppn-
innar. Lag Björgvins í ár heitir á
ensku „Baby Don’t Go“; það er
m.a. að finna á síðustu plötu
hljómsveitarinnar Brimklóar, þar
sem það bar heitið „Því varstu að
fara?“. Lag Jóhanns í keppninni
heitir „Sail On“ og er að finna á
plötu hans „Tass“, sem út kom á
síðasta ári.
Söngvakeppnin í Castlebar
hefst á þriðjudaginn en lýkur á
föstudagskvöld. Björgvin gat þess,
að það væri ekki síst fyrir velvilja
Flugleiða, að þeir Jóhann gætu
tekið þátt í þessari keppni.
35 tonn af kældu dilka-
kjöti til Danmerkur
BÚVÖRUDEILD SÍS hefur gert
samning um sölu á allt að 35 tonn-
um af kældu dilkakjöti til Danmerk-
ur. Kaupandi er Irma-verslanakeöj-
an. Kjötið er frá sláturhúsinu í Borg-
arnesi.
Það er kælt þar og pakkað, sent
í kæligámi á Keflavíkurflugvöll,
flutt með flugvél til Kaupmanna-
hafnar og fer beint úr flugvélinni
á kælibíl sem flytur það í verslan-
ir. I fréttabréfi Sambands ís-
lenskra samvinnufélaga segir að
15 tonn séu þegar farin og verðið
sé um 20% hærra en fæst fyrir
fryst kjöt í Danmörku en auka-
kostnaður sé nokkur samfara því
að senda það með flugi.
Nú setjum við nýtt met í sjónvarpstilboðum.
Við bjóðum 26"CS-1006 Philips litsjónvarp
með innan við 10% útborgun
og eftirstöðvar má greiða á allt að 8 mánuðum.
Pað fæst líka á frábæru staðgreiðsluverði,
aðeins kr. 35.900.-.
Við komum tækinu heim í stofu, stillum það og þið fáið
vetrardagskrá sjónvarpsins eins góða
og möguiegt er.
Þetta köllum við
sveigjanleika í samningum.
Heimilistæki hf
HAFNARSTRÆTI 3 - 20455- SÆTÚNI 8-15655