Morgunblaðið - 29.09.1983, Blaðsíða 48

Tölvupappír
!■■■ FORMPRENT
Hverfisgotu 78. simar 25960 25566
i0fi0íiwl»lía^ií>
FIMMTUDAGUR 29. SEPTEMBER 1983
Skip úr sovétflota
í Reykjavíkurhöfii
Sovétskip í
Reykjavíkurhöfn
€~

Sovéska hafrannsóknaskipið Leonid Demin í Keykjavíkurhöfn, en það er úr sovéska flotanum.
Ragtime á Lækjartorgi
Fisléttir ragtime-tónar bárust um miðborg Reykjavíkur í haustsólinni í
gær. Fjölda fólks dreif að og naut það þess að heyra bandaríska
píanistann Bob Darch og Guðmund Steingrímsson trommuleikara
skemmta sér (og vegfarendum) með sveiflandi og léttri ragtime-tónlist.
í gærkvöldi léku þeir félagar á veitingastaðnum „í kvosinni", þar sem
var sérstakt New Orleans-kvöld. Morgunblaðið/KÖE
Eddan væntan-
lega áfram
í siglingum
AUKNAR líkur benda nú til þess,
að Farskip hf. haldi áfram rekstri
farþegaskips næsta sumar, en
samningaviðræður um áframhald-
andi leigu ms. Eddu hafa staðið
yfir undanfarnar vikur við hina
pólsku eigendur skipsins.
Þorkell Sigurlaugsson, for-
stöðumaður áætlanadeildar
Eimskips, sagði i samtali við
Mbl., að Pólverjar væru tilbúnir
að leigja skipið áfram til eins
eða tveggja ára á verði sem Far-
skipsmenn gætu sætt sig við.
„Þar sem við nýtum skipið að-
eins yfir sumartímann var því
vandamálið að koma skipinu í
verkefni yfir veturinn. Við höf-
um í þessu sambandi verið í við-
ræðum við aðila á Maritius-
eyjum í Indlandshafi, sem hafa
lýst áhuga sínum á því, að
endurleigja skipið af okkur yfir
vetrartímann."
Þessir aðilar hafa skoðað
skipið og líst mjög vel á það.
Þeir vilja nota það til siglinga á
Indlandshafi á tímabilinu sept-
ember til maíloka og við mynd-
um síðan nota það frá júníbyrj-
un til ágústloka. Þessum við-
ræðum við aðilana á Maritius-
eyjum er hins vegar ekki end-
anlega lokið, en gera má ráð
fyrir, að þeim ljúki á næstu dög-
um. Að mínu mati gæti þetta
samstarf hentað okkur vel, en
stjórn Farskips á eftir að koma
saman til að taka endanlega af-
stöðu I málinu, en það verður
væntanlega á næstu dögum,"
sagði Þorkell Sigurlaugsson.
Fyrsta sovéska skipakoman síðan suður-kóreska farþegaþotan var skotin niður
VIÐ FAXAGARÐ í Reykjavíkurhöfn
liggur sovéskt hafrannsóknarskip,
Leonid Demin að nafni, en það er úr
sovéska flotanum. Skipið er fyrsta
sovéska skipið sem kemur hingað til
lands eftir aö Sovétmenn skutu
niður suður-kóresku farþegaþotuna
yfir Japanshafi um síðustu mánaða-
mót en Mbl. er ekki kunnugt um
annað en að afgreiðsla skipsins fari
þrátt fyrir það fram með venju-
bundnum hætti.
Skipið verður hér í 3 daga, fer út
aftur á laugardagsmorgun. Það er
7000 tonn með 115 menn um borð,
vísindamenn og sjómenn. Að sögn
Ólafs Egilssonar í utanríkisráðu-
neytinu var leyfi fyrir komu skips-
ins veitt þann 12. þessa mánaðar.
Því var veitt leyfi til að koma til
hafnar, taka vatn og vistir og
hvíla áhöfnina. Aðspurður um
ástæður leyfisveitingarinnar sagði
Ólafur að það hefði þótt rétt „að
veita skipinu leyfi til að koma til
hafnar í þessum tilgangi".
Það sem af er þessu ári hafa
allmörg sovésk skip komið hér til
hafnar með leyfi utanríkisráðu-
neytisins. ólafur sagði að ekki
væri eins og er í gildi leyfi fyrir
öðrum sovéskum skipum, en Kári
Valvesson hjá Skipadeild SÍS sem
annast afgreiðslu sovésku skip-
anna hér á landi taldi að von væri
á einu sovésku skipi til viðbótar
fyrir áramót.
Mezzoforte boðið á jazz-
hátíðina í Montreaux ’84
MEZZOFORTE, sem nú er á hljóm-
leikaferðalagi í Vestur-Þýzkalandi,
fékk í fyrradag boð um þátttöku í
jazzhátíðinni Montreaux '84, sem
halda á næsta sumar. Jazzhátíð þessi
er talin ein helzta jazzhátið heims og
þar koma fram þekktir jazzleikarar.
Þetta kom fram í samtali, sem
Morgunblaðið átti í gær við Jó-
hann Ásmundsson bassaleikara
Mezzoforte. Hljómsveitin hefur nú
leikið fyrir fullu húsi í Múnchen,
Hannover, Berlín, Bonn, Bochum
og Hamborg. f gær áttu þeir félag-
ar eftir að halda tvenna tónleika
áður en þeir halda til Englands,
þar sem þeir búa. Á hljómleikum í
gærkveldi spiluðu þeir fyrir eitt
þúsund manns og höfðu miðar
selzt upp á tónleikana fyrir nokkr-
um dögum.
Fyrsta pólska
skipið sjósett
7. október
FYRSTA pólska skipið af þrem-
ur, sem í smíðum hafa verið í
Póllandi, verður sjósett í Gdansk
7. október nk., að sögn Haraldar
Gíslasonar, stjórnarformanns
Samtogs hf. í Vestmannaeyjum.
Samtog hf. er kaupandi að
tveimur skipanna, en Hrói í
Ólafsvík að því þriðja. Síðara
Samtogsskipið verður sjósett
um mánuði á eftir því fyrsta,
og sagðist Haraldur reikna
með að fá þau bæði afhent í
kringum næstu áramót. ólafs-
víkurskipið verður sjósett eftir
áramótin.
Samtog hefur þegar staðið
skil á greiðslu 20% kostnaðar-
verðs og á að greiða 10% við
afhendingu. Eftirstöðvarnar,
um 70%, eru lánaðar af pólsku
skipasmíðastöðinni til sjö ára.
Engin opinber fyrirgreiðsla
hefur verið veitt.
Farafonov hótar við-
skiptaþvingunum
Sovétmenn mótmæla lendingarbanni:
RÍKISSTJORN Sovétríkjanna hefur mótmælt banni við lendingum sovézkra
flugvéla á íslandi og umferð þeirra um íslenzka lofthelgi og jafnframt haft i
hótunum um, að þetta bann geti haft slæm áhrif á viðskipti íslands og
Sovétríkjanna og efnahagssamvinnu milli landanna.
Það var Farafonov, fyrrum
sendiherra Sovétríkjanna á ís-
landi og núverandi yfirmaður
Norðurlandadeildar utanríkis-
ráðuneytisins í Moskvu, sem kall-
aði Harald Kröyer, sendiherra ís-
lands í Moskvu, á sinn fund í
fyrradag og bar þessi mótmæli
fram munnlega. Samskonar mót-
mæli hafa verið borin fram við
ríkisstjórnir annarra Norður-
landa, sem sett hafa á slíkt bann.
Bann við lendingum sovézkra
flugvéla á íslenzkum flugvöllum
og flugi þeirra um íslenzka loft-
helgi hefur verið í gildi að undan-
förnu og var sett í 15 daga. At-
hygli hefur vakið, að mótmælin
eru borin fram, þegar aðeins
nokkrir dagar eru eftir af bann-
tímanum. Skv. upplýsingum
Morgunblaðsins er það talið vís-
bending um ágreining í Moskvu
um það, hvernig bregðast skyldi
við þessu banni.
Farafonov mun hafa sagt við
Harald Kröyer, að bannið væri
ólögmætt, brot á alþjóðalögum og
brot á bæði Helsinki-sáttmálan-
um og Madrid-yfirlýsingunni. Þá
munu Sovétmenn hafa áskilið sér
skaðabótarétt á hendur þeim þjóð-
um, sem þeir hafa reglulegar flug-
samgöngur við.
Sjá bls. 2: Geir Hallgrímsson,
utanríkisráðherra: Hótun Sov-
étmanna vægast sagt óviður-
kvæmileg.