Morgunblaðið - 29.09.1983, Blaðsíða 25
MORGUNBLAÐIÐ, FIMMTUDAGUR 29. SEPTEMBER 1983
25
Hræ hundanna sem bitu fjóra menn brennd án rannsóknar:
Ekkert óeðlilegt við það
að rannsaka ekki hræin
— segir Páll Agnar Pálsson yfirdýralæknir
„ÞAÐ ER í sjálfu sér ekkert óeðlilegt
við það að hræ þessara hunda sem
lögreglan skaut skuli hafa verið
brennd án krufningar. Hundshræ eru
yfírleitt ekki krufin og rannsökuð
nema hegðun hundsins veki grun um
að að hann hafí verið sjúkur, og mér
skilst að svo hafí ekki verið í þessu
tilfelli,“ sagði Páll Agnar Pálsson yfir-
dýralæknir þegar Mbl. innti hann álits
á þvf að hræ hundanna tveggja, sem
bitu fjéra menn á Framnesveginum í
síðustu viku, skuli hafa verið brennd
án rannsóknar.
„Bitsár eru alltaf varasöm, en ef
ekki er ástæða til að ætla að bitið sé
eftir sjúkan hund, fyigja læknar
staðlaðri meðferð, sprauta við stíf-
krampa og gefa fúkkalyf til að
vama ígerð. Hundaæði hefur sem
betur fer ekki borist til íslands enn
sem komið er.“
Hræin voru brennd i brennsluofni
tilraunastofu Háskólans í meina-
fræði að Keldum, og sagði Páll að
þar væru iðulega brennd á milli 5 og
10 hundshræ á viku hverri. „Við
höfum gert þetta í greiðaskyni við
fólk og sjaldnast eru hundarnir
krufnir," sagði Páll.
eti Stefáns
ertar greiðslur
Matthías Bjarnason
31. maí sl.:
„Að gefnu tilefni skal tekið fram
að samkvæmt 2. grein bráðabirgða-
laga nr. 56/1983 hækka um 8% fjár-
hæðir þær sem gilda áttu frá og
með 1. júní nk., skv. reglugerðum
um ráðstöfunarfé vistmanna á dval-
arstofnunum aldraðra og um ráð-
stöfunarfé örorku- og ekkjulífeyris-
þega á dvalarstofnunum." Hér er
skýrt áréttað að tilgreindar tölur í
reglugerð skuli hækka um 8%.
Þetta svar las hann upp á fundi
Tryggingaráðs sem og viðkomandi
reglugerðarákvæði. Engu að síður
gerir Tryggingaráð undir forystu
Stefáns Jónssonar, fyrrv. þing-
manns Alþýðubandalagsins, svo-
hljóðandi samþykkt 1. júní sl.:
„Tryggingaráð samþykkir að
vasapeningar fyrir júní 1983 hækki
um 8% miðað við fjárhæð sem
greidd var í maí.“ Hér er hækkunin
miðuð við gamlan grunn, sem ekki
hefur tekið breytingum samkvæmt
nýrri reglugerð. Samþykktin mun
hafa verið gerð með atkvæðum allra
tryggingaráðsmanna.
Það var með fullum vilja og
reyndar samkvæmt ákvörðun Svav-
ars Gestssonar, fyrrv. ráðherra, að
frekari áfangar í greiðslu ráðstöf-
unarfjár til vistmanna var ekki
ákveðin af fyrrverandi ríkisstjórn,
heldur frestað til ákvörðunar nýrr-
ar stjórnar.
Jón Ingimarsson, skrifstofustjóri
heilbrigðisráðuneytisins, sagði við
blaðamann Mbl., sem leitaði frétta
af gangi þessara mála hjá honum,
að allt tal um frekari samninga
milli heilbrigðisráðuneytisins og
Tryggingastofnunarinnar varðandi
mál þetta væri „út í loftið". Samn-
ingar hefðu náð til þess eins að
fresta útborgun frá 10. maí til 10.
júní af hagkvæmnisástæðum í
tölvukeyrslu.
Hvorki heilbrigðisráðuneytið,
fyrrv. eða núv. heilbrigðisráðherra
höfðu vitneskju um ákvörðun
Tryggingaráðs fyrr en ósamhljóða
upplýsingar komu fram í viðtali
fjölmiðils við ráðuneyti og Trygg-
ingastofnun. Strax þegar þessi mis-
skilningur lá ljós fyrir var staðið að
ákvörðun um tafarlausa leiðrétt-
ingu mála.
Sjö ríkisstarfsmenn á
orkuráðstefnu á Indlandi
SJÖ opinberir starfsmenn sóttu Alþjóða orkumálaráðstefnuna, World En-
ergy Conference, sem haldin var í Nýju Delhí á Indlandi í síðustu viku, og
einn starfsmaður sjálfstæðrar verkfræðiskrifstofu að auki. Áætlað er, að
útlagður kostnaður ríkisins vegna þessarar farar hafí verið um 700 þúsund
krónur, vegna dagpeninga og flugfargjalda.
„Ég tel engan vafa leika á að við
höfum mjög gott gagn af þessum
fundi," sagði Páll Flygenring,
ráðuneytisstjóri í iðnaðarráðu-
neytinu, í samtali við Mbl. um
ráðstefnuna. „Það væri fáránlegt
að útiloka okkur frá þessu sam-
starfi, sem við höfum raunar tekið
þátt í um árabil. Og við verðum að
taka virkan þátt í þessu samstarfi,
okkur dugar ekki að fá send hing-
að plögg og pappíra. Til þess er
málið of mikilvægt. Hitt er svo
annað mál, að endalaust má rífast
um hvort við hefðum átt að senda
fimm menn eða sex eða sjö.“
Ráðstefna þessi er haldin á
þriggja ára fresti. Hún var haldin
í Munchen í Þýskalandi 1980 og
sóttu hana þá sjö eða átta íslend-
ingar, Páll Flygenring og þáver-
andi iðnaðarráðherra þeirra á
meðal, einnig Jakob Björnsson,
orkumálastjóri, sem er formaður
íslandsnefndar samtakanna og
sem slíkur fulltrúi í framkvæmda-
nefnd World Energy Conference.
Fundinn í Nýju Delhí sóttu um
3000 fulltrúar frá flestum þjóðum
heims. í íslensku nefndinni eiga
sæti helstu orkufyrirtæki lands-
ins, nokkrar verkfræðistofur, sem
starfa mikið á þessu sviði, full-
trúar raunvísindadeildar Háskóla
íslands og fleiri aðilar.
íslendingarnir, sem sátu ráð-
stefnuna í Indlandi, voru Jakob
Björnsson, orkumálastjóri, Rútur
Halldórsson, ritari tslandsnefnd-
arinnar, Kristján Jónsson, for-
stjóri Rafmagnsveitna ríkisins,
Ingvar B. Friðleifsson, forstöðu-
maður jarðhitaskóla Sameinuðu
þjóðanna á íslandi, Jóhann Már
Maríusson, aðstoðarforstjóri
Landsvirkjunar, Halldór Jóna-
tansson, forstjóri Landsvirkjunar,
Þóroddur Th. Sigurðsson, vatns-
veitustjóri í Reykjavík og stjórn-
armaður í Hitaveitu Suðurnesja,
og loks Loftur Þorsteinsson, verk-
fræðingur á verkfræðiskrifstofu
Sigurðar Thoroddsen.
Utanferðir ríkisstarfsmanna hafa kostað 30 milljónir það sem af er árinu:
Hægt að gera þetta
á ódýrari hátt
— með því að skipta við einkafyrirtækin, segir formaður Félags íslenskra ferðaskrifstofa
KOSTNAÐUR við utanlandsferðir opinberra starfsmanna fyrstu átta mánuði
þessa árs nam um 30 milljónum króna, ríflega áætlað, að sögn Þórólfs G.
Matthíassonar, ritara utanfaranefndar ríkisins.
Utanfaranefndin hefur á árinu fengið 733 erindi til meðferðar. Hún hefur
samþykkt 670 erindi óbreytt en breytt eða synjað 53, þar af hefur um það bil
helmingur verið skorinn niður. Samþykktir ferðadagar þessa fyrstu átta
mánuði voru samtals 6.147 en 383 ferðadagar skornir niður.
Kostnaður við utanlandsferðir
opinberra starfsmanna er reikn-
aður meðalfargjald til Kaup-
mannahafnar og dagpeningar,
sem nú eru að meðaltali 3.250
krónur á dag. Þórólfur benti á, að
þegar talað væri um 30 milljón
krónur væru allar tölur færðar til
verðlags dagsins í dag. Þá bæri og
að gæta að því, að sumar ferðir
væru að hluta til greiddar af öðr-
um aðilum; einstaka stofnanir og
fyrirtæki ríkisins fengju stundum
styrki annars staðar frá til um-
ræddra ferða þótt segja mætti að
allur kostnaður kæmi úr einum og
sama vasanum, ríkissjóði, þegar
öllu væri á botninn hvolft.
Langflestar ferðir ríkisstarfs-
manna til útlanda fara í gegnum
Ferðaskrifstofu ríkisins. „Þær
eiga allar að fara í gegnum
okkur," sagði Kjartan Lárusson
forstjóri í samtali við blm. Morg-
unblaðsins, „en einhverjar undan-
tekningar eru á því, svona til að
sanna regluna." Kjartan sagðist
eiga erfitt með að nefna tölur um
kostnað ríkisins af þessum ferðum
í augnablikinu, þar sem yfir stæði
endurskipulagning á öllu bók-
haldskerfi Ferðaskrifstofu ríkis-
ins, en hann sagðist þó telja að
ferðalög ríkisstarfsmanna væru
um fjórðungur af veltu fyrirtækis-
ins. „Það gæti verið meira,“ sagði
hann, „aukningin varð mikil á síð-
asta ári en ég þori ekki að segja
hve stór hluti þessi „pakki" er af
viðskiptum okkar í dag. Hann er
þó verulegur. Ég get nefnt sem
dæmi, að umboðslaun okkar af
farseðlum 1982, og þá eru innan-
landsfarseðlar meðtaldir og þar
eru viðskiptavinir að hluta al-
mennir ferðamenn, voru tæpar
tvær milljónir króna. Obbinn af
því er vegna ferðalaga ríkis-
starfsmanna. Þetta þýðir að
brúttóandvirði farmiða á síðasta
ári var um 17 milljónir og ég skýt
á, að þar af hafi ríkisstarfsmenn
keypt farseðla fyrir um 15 millj-
ónir. En þetta eru ársgamlar tölur
og það skiptir ekki svo litlu máli í
þessu sambandi," sagði Kjartan.
Kjartan sagði að þegar tekið
væri tillit til þess hve opinber
fyrirtæki og stofnanir hefðu greitt
seint og illa fram á þennan dag, þá
væri víst að enginn væri „öfunds-
verður af að hafa þessa hít í gangi.
Við, eins og aðrar ferðaskrifstof-
ur, lifum á 9% umboðslaunum af
seldum farseðlum. Við staðgreið-
um sjálfir alla selda farmiða á
fjórtánda degi en þegar ríkissjóð-
ur hefur ekki borgað okkur eftir
sex vikur, þá erum við farnir að
borga með þessum miðum. Gríð-
arlega stór hluti af þessum ríkis-
starfsmannamiðum hefur verið
greiddur á þann hátt og það er
ekki lítil upphæð, sem Ferða-
skrifstofa ríkisins hefur þannig
látið af hendi rakna í ríkissjóð,"
sagði Kjartan. Hann bætti því við,
að ef ríkissjóður borgaði reikninga
eins og aðrir viðskiptavinir, eða
vexti, eins og nú væri útlit fyrir að
mætti gera, þá væru þessi við-
skipti hagstæð fyrir Ferðaskrif-
stofu ríkisins.
Steinn Lárusson, formaður Fé-
lags íslenskra ferðaskrifstofa,
sagði í samtali við fréttamann
blaðsins, að ferðaskrifstofur í
einkaeign teldu sig oft geta gert
hagstæðari farseðlakaup en nú
væru gerð, því þær væru oft með á
sinni könnu ódýrari tilboð en
Ferðaskrifstofa ríkisins. „Það
hlýtur og að teljast eðlilegt, að all-
ir, ríkisgeirinn þá meðtalinn, megi
versla við þá, sem geta veitt góða
þjónustu og ég er vitaskuld ekkert
að setja út á þá þjónustu, sem
Ferðaskrifstofa ríkisins veitir,"
sagði Steinn.
Hann sagði oft hafa verið vitnað
til þess, að greiðslur kæmu það
seint frá hinu opinbera fyrir þessa
þjónustu sem og aðra, að það
borgaði sig ekki fyrir sjálfstæðar
ferðaskrifstofur að sækjast eftir
ferðaviðskiptum við ríkið. Nú væri
búið að setja undir þann leka með
því að framvegis mætti vaxta-
reikna ríkisfyrirtæki og ferða-
skrifstofur í einkaeign gætu vafa-
laust gert margt betur en ríkisfyr-
irtæki.
Vaxandi sala
heimilistölva
hér á landi
SALA á svokölluðum heimilistölv-
um hefur farið mjög vaxandi hér á
landi síöustu misseri, en vinsældir
þeirra hafa verið gífurlega miklar
bæði í Evrópu og Bandaríkjunum
undanfarin ár.
Innflytjendur heimilistölva
hér á landi, sem Morgunblaðið
ræddi við, sögðu að mikið hefði
selzt undanfarna mánuði og virt-
ist lítið lát vera á sölunni. Þeir
sögðu hins vegar, að ekki væri
um neitt æði að ræða.
Rafn Johnson, forstjóri Heim-
ilistækja, sagði aðspurður, að
hann væri sannfærður um að
sala á svokölluðum heimilistölv-
um ætti eftir að aukast verulega
í náinni framtíð. „Þessar litlu
tölvur eru mjög heppilegar fyrir
ungt fólk til að spreyta sig á.
Þær eru í raun það sem koma
skal,“ sagði Rafn ennfremur.
Það kom ennfremur fram í
samtölum Morgunblaðsins við
innflytjendur þessara tækja, að
sífellt yngra fólk keypti heimil-
istölvur. Það væri algengt, að
ungir krakkar í grunnskólum
keyptu tölvur og nýttu þær í
sambandi við námið.