Morgunblaðið - 30.11.1983, Blaðsíða 23

MORGUNBLAÐIÐ, MIÐVIKUDAGUR 30. NÓVEMBER 1983
23
Alls biðu 186 manns bana í flugslysinu á Spáni á sunnudag, er flugvél af gerðinni Boeing-747 frá flugfélaginu Avianca í Kólombíu hrapaði um 8 km
fyrir sunnan Barajas-flugvöllinn við Madrid. Níu manns lifðu slysið af, en sumir þeirra eru stórslasaðir. Á meðal farþeganna voru 19 Svíar, 2 Danir og
3 Norðmenn. Orsök slyssins er enn ókunn.
Flugslysið á Spáni:
Níunda stórslysið á 13 árum
Burgoti, Spáni, 29. nóvember. Frá frétUritara Morgunblaðsins, Helgu Jónndóttur.
FLUGSLYSIÐ á sunnudag er níunda meiri háttar flugslysid, sem orðið
hefur hér á Spáni á 13 árum. Hinn 3. júlí 1970 fórst brezk flugvél af
gerðinni Comet-4 við Barcelona stuttu fyrir lendingu og létu 111 manns
þar lífið. Hinn 1. janúar 1971 létu 27 manns lífið, þegar flugvél í leigu-
flugi hrapaði í sjóinn í grennd við Minorca. Flugvélin var að koma frá
Alsír og var með heilt knattspyrnulið um borð.
Hinn 5. janúar 1972 létu 104
farþegar lífið, þegar Caravelle-
þota frá Ibería rakst á 470 metra
háan varðturn í grennd við flug-
völlinn á íbiza. Hinn 3. desember
sama ár fórst svo flugvél frá
spænska flugfélaginu Spantak
með 157 farþega innanborðs.
Sprenging varð í vélinni nokkr-
um sekúndumn eftir flugtak, er
hún var að leggja af stað frá
Kanaríeyjum til Múnchen. Allir
farþegarnir, 155 talsins, misstu
lífið.
Hinn 3. ágúst 1973 hrapaði
Caravelle-þota frá spænska flug-
félaginu Aviago til jarðar aðeins
fáeina kílómetra frá borginni La
Coruna á Norðaustur-Spáni.
Með vélinni voru 85 manns og
aðeins einum manni tókst að
sleppa lifandi úr þessu flugslysi.
Sprenging varð í vélinni, þegar
hún bjó sig til lendingar.
Hinn 27. marz 1977 rákust
saman tvær Jumbó-þotur frá
hollenzka flugfélaginu KLM og
Pan American, þegar þær voru
að hefja sig til flugs á flugvellin-
um í Tenerife á Kanaríeyjum. Er
þetta hörmulegasta flugslys sög-
unnar, en 585 manns létu þar líf-
ið. Niðurstaða rannsóknar þeirr-
ar, sem fram fór vegna slyssins,
sýndi, að slysið varð vegna mis-
taka flugstjóra hollenzku vélar-
innar, sem hóf vélina á loft án
leyfis spænskra flugyfirvalda.
Hinn 21. apríl 1980 fórst flug-
vél af gerðinni Boeing-727 með
146 farþega innanborðs við Ten-
erife. Vélin var í leiguflugi frá
Manchester. Samkvæmt niður-
stöðum rannsóknar þeirrar, sem
fram fór, voru orsakir slyssins
yfirsjón áhafnarinnar við
stjórnun vélarinnar og misskiln-
ingur ensku flugmannanna á
fyrirmælum spænskra eftir-
litsmanna.
Hinn 13. september í fyrra
fórst svo flugvél af gerðinni
DC-10 frá spænska flugfélaginu
Spantak á leiðinni til New York
við flugvöll á Costa del Sol. Þá
missti 51 farþegi lífið.
Ludovic Néger, tæplega tveggja ára gamall snáði frá Frakklandi, var 1
hópi þeirra fáu, sem lifðu flugslysið af. Mynd þessi var tekin af honum í
gær í fangi hjúkrunarkonu í Madrid. Ludovic hlaut talsverð meiðsli,
einkum á höfði.
Skaut Gal-
man níu
skotum
Manila, 29. nóvember. AP.
SKYTTA ÚR flugher Filippseyja hef-
ur viðurkennt að hafa hæft meintan
morðingja Benigno Aquino níu sinn-
um á flugvellinum í Manila, enda
hafi hann haft fyrirskipanir um að
særa skotsári, en þó ekki drepa,
hvern þann sem gera mundi Aquino
mein.
Ernesto Mateo liðþjálfi sat fyrir
svörum hjá nefnd er vinnur að
rannsókn á aftökunni á Manila-
flugvelli. Sagðist hann hafa haldið
áfram að skjóta á Rolando Galm-
an þar sem hann óttaðist að hann
reyndi til þrautar að skjóta Aqu-
ino. „Hann lyfti höfði og hreyfði
hendurnar þar sem hann lá í blóði
sínu,“ sagði Mateo.
Stjórnarandstæðingar á Fil-
ippseyjum og fjölskylda Galmans
halda því fram að stjórn Marcosar
hafi látið ráða Aquino af dögum.
Hafi nærvera Galmans á flugvell-
inum átt að láta líta út fyrir að
hann hafi ráðið Aquino af dögum.
Hermt hefur verið að Galman hafi
verið látinn áður en Aquino var
veginn og líkinu fleygt út úr herbíl
í þann mund sem hermenn myrtu
Aquino.
START-
viðræður
hafnar
Genf, 29. nóvember. AP.
FULLTRÚAR Bandaríkjanna og
Sovétríkjanna héldu í dag þriggja
klukkustunda fund um fækkun
langdrægra kjarnorkueldflauga
(START) og sagði sovézki fulltrúinn,
Viktor P. Karpov, að umræðum yrði
haldið áfram. Var þetta fyrsti fund-
urinn í þessum viðræðum, síðan Sov-
étmenn gengu frá sams konar við-
ræðum um meðaldrægar kjarnorku-
eldflaugar í síðustu viku.
Karpov hélt því hins vegar fram
við lok fyrsta fundarins nú, að
Bandaríkjamenn kæmu í veg fyrir
að START-viðæðurnar bæru
árangur. Þetta var 74. fundurinn í
þessum viðræðum, en þeim verður
haldið áfram á fimmtudag.
VERALDARPLATA

r
KRISTJANS JOHANNSSONAR
OG LUNDÚNASINFÓNÍUNNAR
íœst hjá okkur
Á hljómplötu sinni syngur Kristján
gullíalleg lög við allra hœíi við undirleik
London Symphony Orchestra
undir stjórn ítalska meistarans Maurizio Barbacini.
Kristján syngur:
O Sole Mio Musica Proibita Torna a Surriento
Core ’Ngrato Non ti scordar di me Dicltencello vuie
Mattinata Sjá dagar koma Mamma
Rondine al Nido í fjarlœgð Maria Maril
Ideale Hamraborgin
eins og honum einum er lagið.
TAKMARKAÐ i^KARNABÆR
TTPPT AG rypro TÓT ^ hljómplötudeildir:
V# X X X X X\ I Ix W V/lj AUSTURSTRÆTl 22 — LAUGAVEGI 66 — RAUÐARARSTÍG 16 — MARS. HAFNARFIRÐI — GLÆSIBÆ