Morgunblaðið - 29.12.1983, Qupperneq 18
18
MORGUNBLAÐIÐ, FIMMTUDAGUR 29. DESEMBER 1983
Mesta slysaár
norskra sjómanna
í rúman áratug
Ösló, 28. desember. Frá Jan Erik Lauré, fréttaritara Mbl.
ÁRIÐ 1983 hefur verið mesta slysaár í sögu norsks sjávarútvegs í heilan
áratug. Að minnsta kosti 33 norskir sjómenn hafa týnt lífi við störf á hafi
úti. Frá árinu 1980 hafa 117 sjómenn látist í skipssköðum og vinnuslys-
um er tengjast sjávarútvegi.
Þessi tala svarar næstum til
fjölda þeirra sem fórust þegar
íbúðarpallinum Alexander Kiel-
AP.
Dómsdagsklukkan
Svona lítur dómsdagsklukkan
út, hana vantar aðeins þrjár
mínútur í miðnætti. Myndin af
klukkunni allri prýðir forsíðu
tímarits kjarneðlisfræðinga í
Bandaríkjunum, sem væntan-
legt er í janúar, og á að sýna,
að mannkynið stendur nú nær
kjarnorkustyrjöld en nokkru
sinni fyrr.
land hvolfdi á Norðursjó. „Á
meðan hundruðum milljóna
norskra króna er varið til þess
að rannsaka orsök þess slyss er
litlum fjármunum varið til þess
að koma í veg fyrir slys á fiski-
skipunum," segir Thor Zakari-
assen, yfirmaður öryggiseftir-
lits norska sjómannasambands-
ins.
„í mörgum tilfellum hefði
mátt bjarga miklu fleiri manns-
lífum en raun bar vitni með því
að hafa öryggisútbúnað í betra
lagi á skipunum og kenna áhöfn-
unum hvernig á að bregðast við
þegar slys ber að höndum," segir
Zakariassen. „Slík kennsla er
ekki nein skylda heldur verða
menn að bera sig eftir henni og
þvi er aðeins lítill hluti norskra
sjómanna vel að sér í þessum
efnum," segir hann.
Á fjárlögum norsku ríkis-
stjórnarinnar fyrir næsta ár er
gert ráð fyrir 2,9 milljónum
norskra króna til öryggisupp-
fræðslu sjómanna. Sú fjárhæð
nægir til kennslu um 1000 sjó-
manna, en það dugar skammt
þegar á milli 25 og 30.000 sækja
sjóinn árið um kring.
Thatcher fagnað á N-írlandi
Margaret Thatcher, forsætisráðherra Breta, kom í óvænta heimsókn til Norður-írlands um jólin og var
henni vel fagnað þar sem hún kom. M.a. kom hún til bæjarins Newtownards, sem byggður er mótmælend-
um, og sagði lögreglustjórinn á staðnum, að fólk hefði ekki kunnað sér læti af fögnuði vegna heimsókn-
arinnar. Oryggis Thatchers var að sjálfsögðu vel gætt í ferðinni og allar ferðir farnar í brynvarinni
bifreið.
Pan Am klagar British Air-
ways fyrir of lág fargjöld
London, 28. desember. AP.
BRESKA flugfélagið British Airways
hafnaði í dag alfarið ásökunum
bandaríska félagsins Pan American
þess efnis, að það byði sæti á
Norður-Atlantshafsleiðinni langt
undir kostnaðarverði. Segja forráða-
menn Pan Am bresku ríkisstjórnina
gera British Airways þetta kleift
RAUN ER AF
ÞURRU LOFTI
með því að ríkisstyrkja Concorde-
flotann. British Airways er í eigu
breska ríkisins.
Einn þingmanna neðri málstofu
breska þingsins sagði að slíkum
ásökunum ætti að láta ósvarað og
vísa neim til föðurhúsanna. Þá
sagði talsmaður British Airways,
að það væri alls ekki rétt að far-
gjöld væru seld undir kostnaðar-
verði.
Flugfélög þessi berjast ásamt
mörgum öðrum í harðri sam-
keppni um farþegana á leiðinni
London-New York. Til þessa hafa
brigslyrðin þó ekki gengið jafnt
langt og nú með formlegri kæru
Pan Am til bandarískra flugmála-
yfirvalda. Krefst Pan Am þess að
British Airways verði gert að
hækka fargjöldin á þessari flug-
leið.
Að sögn Jeffrey F. Kriendler,
talsmanns Pan Am, hefur breska
ríkisstjórnin hreinlega gefið Brit-
ish Airways þær 339 milljónir
dollara, sem félagið tók að láni til
að fjármagna kaupin á fimm
fyrstu Concorde-þotunum. „Þetta
er hrein og klár gjöf breska ríkis-
ins,“ sagði Kriendler. „Með þessari
gjöf er flugfélaginu gert kleift að
selja þjónustu sína undir kostnað-
arverði. Það hefur það í för með
sér að farþegar á þessari leið
flykkjast frá okkur og öðrum fé-
lögum yfir til British Airways."
tœkió sem gefu
hinn rétta andblœ!
LB—30
LB—21
Verð kr. 3.990
Verö kr. 2.298
ALKIN N
SUÐURLANDSBRAUT 8, SÍMI 84670
flekking
feynsla
Þjónus
SENDUM
BÆKLINGA
Ýmislegt skal á sig lagt í þágu listar og sálfræði:
Ætla að eyða heilu
ári bundin saman
með kaðli um mittið
New York, 28. desember. AP.
ÞAÐ SEM TENGIR þau Lindu Montano og Tehrhing Hiseh saman er ekki
ást, heldur 2,5 metra langur kaöall, sem þau bundu um sig mið þann 4. júlí
sl. Með þvf uppátæki hófst óvenjuleg tilraun þeirra, sem kannski er ekki svo
óvenjuleg þegar á allt er litið, þar sem þau eiga í hlut. Hugmynd þeirra er að
vera tjóðruð svona saman í heilt ár. Ástæðan er f senn sögð vera af
listrænum hvata svo og að setja met.
Þau Linda og Tehching fara
allra sinna ferða saman og sofa
saman, en hafa aldrei snerst þá
tæpa 6 mánuði, sem þau hafa verið
„heitbundin". Tehching segist gera
þetta til þess að öðlast betri skiln-
ing á sálarlifinu, en það sem vakir
fyrir Lindu er að skapa nýja teg-
und listar.
Þótt þetta uppátæki þeirra þyki
e.t.v. undarlegt í augum margra
eiga þau bæði sérkennilega sögu að
baki hvað þetta snertir. Tehching
gerði sér það t.d. að leik að láta
vekjaraklukku hringja á heila tím-
anum, allan sólarhringinn í heilt
ár, og stöðva hringinguna. Annað
ár tók hann sér það fyrir hendur
að sofa á götum úti í New York og
enn eitt árið dvaldi hann í búri —
allt í þágu sálfræðinnar.
Linda hefur líka reynt ýmislegt
þótt ekki sé það í líkingu við uppá-
tæki Tehching. Hún hefur m.a. bú-
ið á listasafni í fimm daga, legið
hreyfingarlaus í hæsnahúsi í
nokkra daga og verið handjárnuð
við félaga sinn úr listinni f þrjá
daga.
Eins og ráða má af framansögðu
er samband þeirra Lindu og
Tehching platónskt, en hefur ekki
verið árekstralaust. Fyrr á árinu
bundu þau sig saman, en völdu
ranga tegund reipis, sem tók upp á
því að hlaupa eftir að þau höfðu
farið saman í steypibað. Vissi
Linda ekki fyrr til en Tehching tók
að blána upp á veitingahúsi
skömmu síðar. Skorið var á reipið í
snarhasti og nælonkaðall er nú
notaður. Annað sinn munaði mjóu
er Linda varð eftir utandyra þegar
þau ætluðu með lyftu í fjölbýlis-
húsi. Á elleftu stundu tókst að
opna hurðina og forða Lindu frá
því að ferðast upp háhýsið utan
lyftunnar.
Uppátæki þeirra hjúanna hefur
kallað á fjölbreytileg viðbrögð al-
mennings, en flestum finnst þetta
bara vera enn eitt dæmið um hvað
fólki dettur í hug til þess að vekja
á sér athygli og lætur sér fátt um
finnast um göfugan tilgang.