Morgunblaðið - 07.02.1984, Síða 13

MORGUNBLAÐIÐ, ÞRIÐJUDAGUR 7. FEBRÚAR 1984
Verzlunarskólablaðið 50 ára:
Höfðar ekki eingöngu
til Verzlunarskólanema
13
Ritnefnd Vcrzlunarskólablaðsins með eintak af fimmtugasta árgangi
blaðsins. í ritnefndinni eru, talið frá vinstrirlnga M. Skúladóttir, Gunnar
V. Sveinsson, Magnús Þorkell Bernhardsson, Hörður Jónsson, ritstóri,
Börkur Arnarson og Agúst Arnarson. Ljósm. Mbi. Príðþjófur.
„TILGANGURINN með útgáfu
Verzlunarskólablaðsins er afskap-
lega margþættur, en blaðinu er fyrst
og fremst ætlað að vera „andlit skól-
ans út á við“, gefa innsýn í þann
anda sem ríkir í skólanum hverju
sinni auk þess að efla tengsl milli
fyrrverandi nemenda skólans og
þeirra sem nú stunda nám þar,“
mælti Hörður Jónsson, ritstjóri
Verzlunarskólablaðsins er blaða-
maður Morgunblaðsins hitti hann og
ritnefnd blaðsins að máli síðastlið-
inn laugardagseftirmiðdag. Við höfð-
um mælt okkur mót í kjallara nokkr-
um við Hellusundið, þar sem nem-
endafélag skóians hefur aðsetur og
þar sem ritstjórnin vann að því að
leggja síðustu hönd á fimmtugasta
árgang Verzlunarskólablaðsins, sem
kemur út í dag, þriðjudag.
Síðasta viðtal sem tekið var
við dr. Gunnar Thoroddsen
— Hvað hafið þið gert til að
minnast 50 ára afmælisins?
„Við höfum að sjálfsögðu reynt
að vanda mjög til útgáfu blaðsins.
Það er 144 síður að stærð og þar af
eru 16 blaðsíður í lit. Nú, svo er
ritstjóratal í blaðinu, þar sem sagt
er frá öllum fyrrverandi ritstjór-
um blaðsins og birtar af þeim
myndir. Mikið er af hverskyns
fróðleik, sem ekki höfðar eingöngu
til Verzlunarskólanema, heldur
höfum við reynt að hafa blaðið
sem fjölbreyttast. Sem dæmi um
efni eru viðtöl og þá ber kannski
helst að nefna viðtal sem tekið var
við dr. Gunnar Thoroddsen fjórum
dögum áður en hann lést. Þetta
var síðasta viðtal sem tekið var við
hann og í blaðinu birtist einnig
síðasta myndin sem tekin var af
honum. Þá eru viðtöl við Þorstein
Pálsson formann Sjálfstæðis-
flokksins, séra Auði Eir, Friðrik
G. Friðriksson fyrrverandi rit-
stjóra Verzlunarskólablaðsins og
fleiri.
Smásögur, ljóð og greinar eftir
nemendur skólans eru meðal efnis
í blaðinu og þeirra á meðal er
grein um Ragnar í Smára, en svo
skemmtilega vill til að hann á átt-
ræðis afmæli daginn sem blaðið
kemur út. Svo eru myndir og
greinar um félagslíf skóíans, sem
er gífurlega fjölþætt og stór hluti
af lífi margra nemenda."
Markmiðið er
ekki að græða
— Nú skilst mér að blaðið sé í
alla staði mjög vandað, er þetta
ekki dýr starfsemi? Hvernig er
hún fjármögnuð?
„Að sjálfsögðu er mjög kostnað-
arsamt að gefa út svo vandað blað,
en við höfum safnað auglýsingum,
sem greiða niður hluta kostnaðar-
ins. Skrá yfir áskrifendur var gerð
fyrir tveimur árum og var þá fyrst
og fremst leitað til eldri nemenda
sem höfðu hug á að gerast fastir
áskrifendur. Þessi skrá hefur nú
verið endurbætt og fastir áskrif-
endur nú eru rúmlega 700 talsins.
Auk þessa verður blaðið selt í
lausasölu í helstu bókaverslunum,
þannig að við eigum von á að blað-
ið geti staðið undir sér fjárhags-
lega. Markmiðið er ekki að græða
á útgáfu blaðsins, en við vonum að
það geti komið slétt út. Félagslíf
getur aldrei orðið gróðafyrirtæki,
enda er það ekki svo.
Hins vegar má geta þess að
reynt er að fara vel með pen-
ingana sem nemendafélagið á og
þeim er ekki eytt heldur eru þeir
notaðir og þar er mikill munur á.“
Hvað eigið þið við?
„Uppgjör er gert í lok hvers
skólaárs og ef einhver hagnaður
hefur orðið, er fjárfest í hlutum og
tækjabúnaði sem getur orðið fé-
lagslífinu til framdráttar. Við eig-
um núna nokkuð fullkominn
myndtækjabúnað, upptökuvél,
sjónvarpstæki og fleira. Auk þess
hefur nemendafélagið íbúð til af-
nota fyrir starfsemi sína, við gef-
um út skólablað sem heitir Viljinn
og kemur út fjórum til fimm sinn-
um á hverju skólaári. Einnig er
gefið út fréttabréf, sem upplýsir
nemendur um starfsáætlun nem-
endafélagsins og kemur það út
með tveggja vikna millibili.
í ibúðinni, sem við höfum til af-
nota, er meðal annars aðstaða
fyrir ljósmyndara þar sem þeir
geta framkallað filmur og stækk-
að og einnig aðstaða til funda-
hatda. Starfsemin hér er svo fjöl-
breytt að öll kvöld vikunnar er
eitthvað um að vera í skólanum,
auðvitað er þetta kostnaðarsamt,
en þeim peningum sem nemenda-
félagið á, er vel varið í uppbygg-
ingu félagslífsins."
Félagslífið; skóli
útaf fyrir sig
— Er ekki erfitt að safna efni í
svo stórt og viðamikið blað sem
þetta?
„Nei, nei, alls ekki. Okkur barst
mikið efni og við þurftum að velja
það sem okkur þótti best við hæfi
að birtist, en við þurftum að hafna
töluverðu efni sem okkur barst.
Nemendur skólans eru mjög aktív-
ir og duglegir að skrifa, greinar,
smásögur og ljóð og Verzlunar-
skólablaðið er áreiðanlega vandað-
asta skólablað sem gefið er út hér
á landi og það blað sem helst nálg-
ast hin almennu tímarit sem hér
eru gefin út, bæði hvað varðar efni
og frágang."
— Hvernig hefur ykkur gengið
að samræma námið og vinnuna við
útgáfu blaðsins?
„Það hefur nú gengið misvel.
Þetta er ótrúlega tímafrekt starf
og í raun erfitt að samræma það
námi, en við höfum sem betur fer
mætt miklum skilningi kennara
og skólastjórans okkar, Þorvarðar
Elíassonar, sem oft hefur þurft að
gefa okkur leyfi frá kennslustund-
um vegna félagslífsins. Við viljum
meina að félagslíf og hverskyns
félagsstarfsemi sé ákaflega þrosk-
andi og sé ein besta leiðin fyrir
einstaklinginn til að finna sjálfan
sig. Hann lærir ótrúlega margt og
lærir meðal annars að vinna að
þroskandi og heilbrigðu starfi í
samvinnu við aðra og er það ekki
skóli útaf fyrir sig?“
btom
r
LISTAHÁTÍÐ í REYKJAVÍK

í DAG, ÞRIDJUDAG, 7. FEBRÚAR 1984
Kvikmyndahátíð Listahátíðar 84
í REGNBOGANUM
AMERÍKUHÓTELIÐ
Catherine Deneuve og Patrick heltinn
Dewaere í glæsilegri mynd eftir André Téch-
iné, sem er í fremstu röö franskra kvik-
myndaleikstjóra (gerði m.a. Minningar um
Frakkland og Bronté-systur). Myndin gerist í
Biarritz, syðst á Atlantshafsströndinni. Þau
rákust saman í orösins fyllstu merkingu og
enduðu nóttina á Járnbrautarkaffihúsinu,
hann vakandi yfir henni, sem sofnaöi fram á
borðiö. Feluieikurinn með ástríöurnar heldur
áfram; annað vakir meöan hitt sefur, ástriöur
annars blossa meöan ástriöur hins blunda,
en til skiptis ...
Sýnd kl. 3, 7.15 og 11.
LÍFSÞRÓTTUR
Óvenjuleg mynd eftir Ingelu Romare um vin-
konu hennar sem lóst af völdum krabbameins
24 ára aö aldri. Mynd um landamæri lifs og
dauöa. Saknaöarkveöja Ingelu til Píu.
Sýnd kl. 5, 7 og 11.
KYNNIR EFTIRTALDAR MYNDIR:
BÓNA
Mynd eftir Lino Brocka, einn helsta
kvikmyndahöfund nýju kvikmyndabylgj-
unnar á FILIPPSEYJUM. Mynd sem
fjallar um harkalega lífsbaráttuna í fá-
tækrahverfum Manila ...
Sýnd kl. 3 og 9.
TEIKNARINN
Sumar á Englandi 1694. Teiknarinn
sættist á aö gera myndröö af höllinni
svo fremi húsfreyjan borgi j fríöu ...
Hún reynist undarlega fús til þess. Þaö
kemur ekki til af góöu. Peter Green-
away hefur vakið óskipta athygli fyrir
þessa mynd sína.
Sýnd kl. 9 og 11.
BRAUTARSTOÐ
FYRIR BÆÐI
Ævintýrin í gamanmyndum Riazonovs
gerast á venjulegum stööum; Skrifstof-
um, íbúðum, járnbrautarstöövum. Ástin
er rauöi þráöurinn ...
Sýnd kl. 3 og 5.30.
VATNSBRAGÐ
Mynd eftir gest kvikmyndahátíöar
ORLOW SEUNKE. Myndin fékk Gull-
Ijóniö fyrir fyrstu mynd í Feneyjum
1982. Frumleiki í formi og myndmáli og
tilfinningaleg temprun í framsetningu
sögunnar eru einna mikilvægustu þætt-
ir þessarar ágætu myndar.
Sýnd kl. 9 og 11.
HERBERGI ÚTI í BÆ
Gamli snillingurinn Jaques Demy kom-
inn aftur meö söngvamynd eftir alltof
langt hlé. Hann geröi Regnhlífarnar í
Cherbourg og Ungu stúlkurnar frá
Rochefort. Myndin gerist í Nantes, fæð-
ingarborg Demy, áriö 1955. Blindar
ástríöur teiknaöar á þjóðfélagslegan
grunn. Spennan í ástarsögunni fylgir
vaxandi spennunni í verkfallinu.
Sýnd kl. 3, 5.05, 7.10 og 9.15.
MORÐSAGA
Sýnd kl. 11.
HRAFNINN FLYGUR
áfram í Háskólabíói
Sýnd kl. 5, 7 og 9
Sjá augl. frá Regnboganum og
Háskólabíói á bíósíðu.