Morgunblaðið - 22.05.1984, Blaðsíða 12

O r
MORGUNBLAÐIÐ, ÞRIÐJUDAGUR 22. MAl 1984
12
Hestadagar í Garðabæ:
Þúsundir á há-
tíð þrátt fyrir
óhagstætt veður
Þrátt fvrir að slæmt veöur væri í Garðabænum um hclgina má segja að vel
hafi tekist til með Hestadaga sem hestamannafélagiö Andvari gekkst fyrir. Að
vísu var þokkalegt veður á sunnudeginum, bjart og kalt og lygndi þegar líða
tók á daginn. Tvær „Topp“-sýningar voru haldnar bæði laugardag og sunnudag
og voru þær feykivinsælar. Sýnt var hindrunarstökk, samspil manns og hests,
sem nokkrir félagar í Félagi tamningamanna sáu um. Náttfari 776 var sýndur
ásamt tíu afkvæmum og var það mjög athyglisverð sýnig og er sennilegt að
menn velti því fyrir sér hvort hann eigi mögulcika á heiðursverðlaunum fyrir
afkæmi, en þess má geta að hann hefur aldrei verið sýndur og dæmdur með
afkvæmum.
Sýning á afrekshestum var það
atriði sem mesta athygli vakti en
þar voru sýnir nokkrir höfðingjar
sem verið hafa í fyrstu sætum á
lands- og fjórðungsmótum. Var
stórkostlega gaman að sjá þessa
hesta samankomna á einum stað og
er óvíst hvort mönnum gefst tæki-
færi aftur að sjá þessa hesta sam-
an.
Nokkrar vaskar hestakonur
sýndu reið í söðli að fyrri tíma sið
og var fróðlegt að sjá þetta fyrir-
bæri. Óneitaniega hafði maður á
tilfinningunni að þær væru af og til
í þann mund að falla af baki. En
það var eitthvað annað því hestana
þöndu þær á öllum gangi, bæði á
yfirferð og hægu.
Innanhúss, nánar tiltekið í
Gagnfræðaskóla Garðabæjar, var
sýning á ýmsum varningi; reiðver,
reiðfatnaður og eiginlega flest allt
sem viðkemur hestum og hesta-
mennsku.
I heild var þessi sýning vel
heppnuð og stórafrek útaf fyrir sig
og ekki gerir það afrekið minna að
framkvæmdaaðilinn er Andvari,
sem er eitt minnsta hestamannafé-
lag landsins með 150 félaga. Nánar
verður fjallað um Hestadaga síðar.
Félagar í Félagi tamningamanna voru með sýningu sem vakti óskipta athygli.
Hestaleiga var á staðnum og stigu margir þar sín fyrstu
skref í reiðmennsku. Hér eru það systkinin Stefán fjög-
urra ára og Helgs eins árs sem prófa einn gæöinginn
með aðstoð pabba.
Ekki var neinum blöðum um það að fletta að glæsi-
legasti hestur Hestadaga var Hrímnir frá Hrafnagili og
reiðmennska Björns Sveinssonar með því besta sem
gerist Höfðu menn á orði að Hrímnir hafi aldrei verið
betri enn einmitt nú. Ljósmyndir Valdimar Kristinsson
Þátttakendur í hreinsunardeginum voru á öllum aldri. Þessi mynd er tekin við Krummahóla 8, þar scm verið er að
spúla bflaplanið. Morirunblaðið/Agnes.
Hreinsunardagur í Breiðholti III sl. laugardag:
Breiðhyltingar gerðu
hreint fyrir sínum dyrum
BREIDHYLTINGAR í Breiðholti III
gerðu hreint fyrir sínum dyrum svo
um munaði sl. laugardag, en þá var
árlegur hreinsunardagur þeirra. Er
áætlað að nokkur hundruð manns,
þ.m.t. börn, hafi tekið þátt í hreins-
unardeginum, og að um 1800 rusla-
pokum hafl verið dreift meðal íbúa
hverfisins.
Gísli Sváfnisson, formaður
Framfarafélags Breiðholts III,
sagði í samtali við blm. Mbl. að
hefð hefði skapast fyrir þessum
hreinsunardegi, og þátttaka væri
yfirleitt mjög góð. Réðist þátttak-
an þó að nokkru leyti af veðrinu,
og hann sagði að þótt nokkuð hefði
gustað þá hefðu Breiðhyltingar
bara verið heppnir með veðrið á
laugardag. Er blaðamaður ræddi
við Breiðhyltinga á hinum ýmsu
stöðum í Breiðholtinu á hreinsun-
ardaginn, kom berlega í ljós al-
menn ánægja með þetta árlega
framtak, og jafnframt sögðust
þátttakendur vera ánægðir með
það hversu virkan þátt borgin tek-
ur í þessum hreinsunardegi.
Hreinsunardeild Reykjavíkur-
borgar lagði til ruslapokana, og
menn frá hreinsunardeildinni
voru á ferð um hverfið á laugar-
dag, til þess að hreinsa upp af göt-
um, spúla þær og hirða þá rusla-
poka sem þegar höfðu fyllst. Voru
þeir aftur á ferð í gær og tóku þá
poka sem eftir voru. Breiðholtið
tók svo sannarlega stakkaskiptum
sl. laugardag, og voru sumir
Breiðhyltinganna síður en svo á
því að hætta hreinsunar- og
snyrtiframkvæmdum þótt langt
væri liðið á daginn og ætluðu jafn-
vel að halda áfram á sunnudegin-
um, ef vel viðraði, sem það sann-
arlega gerði.
Þau voru að hreinsunarstörfum við Vesturbergið þegar blm. bar aö. Frá
vinstri: Guðný Leósdóttir, Gunnar Sigurðsson og Matthías Jónasson.
MorKunblaðið/ÁKnes.
Steinhildur og Leifur renna upp að skrifstofu Samvinnuferðar/Land-
sýnar. MórKunblaðið/KEE.
íslenskt par á alþjóð-
legu brúðhjónamóti
Ferðaskrifstofan Samvinnuferðir-Landsýn hf., sem annast meðal
annars ferðir til Júgóslavíu, á heiðurinn af því að íslensk brúðhjón taka
nú í fyrsta skipti þátt í einskonar alþjóðlegu brúðhjónamóti, sem er
orðinn árviss atburður í Plitvitze-þjóðgarðinum þar í landi.
Brúðhjónin sem hrepptu
hnossið eru Steinhildur Hildi-
mundardóttir og Leífur Ey-
steinsson, en þau gengu í það
heilaga i mars síðastliðnum og
eru bæði ríkisstarfsmenn.
Ævintýraferðin hófst í raun-
inni í gærdag þegar knallrauður
og mátulega virðulegur Chevr-
olet-blæjubíll, sem Samvinnu-
ferðir-Landsýn höfðu útvegað í
tilefni dagsins, flutti þau að
skrifstofu fyrirtækisins í Aust-
urstræti þar sem þau tóku við
farseðlunum og voru kvödd með
tilhlýðilegri viðhöfn.
í morgun var svo ætlunin að
þau héldu með Arnarflugsvél til
Amsterdam þar sem þau munu
gista á Victoríu-hóteli og njóta
lífsins í tvo daga, en þá liggur
leiðin með júgóslavneskri vél til
Zagreb í Júgóslavíu og til fundar
við hin brúðhjónin í Plitvitze-
þjóðgarði.
Þetta er einskonar uppbót á
hveitibrauðsdagana og sem fyrr
segir með alþjóðlegu sniði þar
sem brúðhjón úr öllum heims-
hornum njóta gestrisni júgó-
slavneskra stjórnvalda ásamt
nokkrum innlendum pörum út-
völdum.
Að lokinni þjóðgarðshátíðinni,
sem stendur í þrjá daga, halda
íslensku gestirnir til liðlega
tveggja daga dvalar í Dubrovnik
við Adríahaf, sem er einn af
þeim stöðum í Júgóslavíu sem
Samvinnuferðir-Landsýn bjóða
viðskiptavinum sínum í ár.