Morgunblaðið - 22.05.1984, Blaðsíða 24

28
♦ > »i oo rT»T^> a Atnma^ rryrr » rrrrMr trynmr
MORGUNBLAÐIÐ, ÞRIÐJUDAGUR 22. MAÍ 1984
Stofnun hlutafélags
um byggingu reiðhall-
ar frestað til hausts
STOFNFUNDUR hlutafélags um
rcióhallarbyggingu var haldinn á
r
Attunda
norræna
skipulags-
ráðstefnan
haldin í
Reykjavík
ÁTTUNDA norræna skipulagsráiV-
stefnan er haldin í Keykjavík dagana
21.—23. maí. Þetta er í fyrsta skipti
sem þessi ráðstefna er haldin hér á
landi.
Að þessu sinni ber ráðstefnan yf-
irskriftina „Valddreifing eða mið-
stýring" (Lokalautonomi kontra
central styring). Haldnir veða fyrir-
lestrar um þetta efni og unnið í
starfshópum þar sem fulltrúar frá
öllum Norðurlöndunum munu skipt-
ast á skoðunum. Þá er einnig gert
ráð fyrir því að fjallað verði um
rannsóknir á sviði skipulagsmála og
stefnt að því að þær verði samræmd-
ar í auknari mæli en verið hefur
fram að þessu.
Seinast þegar þessi ráðstefna var
haldin, árið 1981, var meginvið-
fangsefni hennar svæðaskipulagning
úti & landsbyggðinni. Þar var fjallað
um mikilvægi þess að önnur svæði
en borgarsvæði þurfi að skipuleggja.
En það er sameiginlegt vandamál
allra Norðurlandanna að dreifbýlið
og landsbyggðin hafa orðið útundan
í skipulagsmálum. Ráðstefnan sem
verður haldin hér í Reykjavík er
einskonar framhald af þeirri um-
ræðu. Nú verður leitast við að varpa
Ijósi á þátt stjórnunar í skipulags-
málum. í hverra höndum á ákvörð-
unartakan að vera?
Ráðstefnan er öllum opin en gert
er ráð fyrir að þátttakendur verði úr
hópi þeirra er starfa að skipulags-
málum, sveitar- og bæjarstjórna-
manna, fulltrúa landshlutasamtaka
og ráðuneyta, og öðrum opinberum
aðilum sem starfa að skipulagsmál-
um eða í tengslum við þau.
(Fréttatilkynning.)
sunnudag og voru þar mættir full-
trúar frá Landsambandi hesta-
manna, Hagsmunafélagi hrossa-
bænda, Stéttarsambandi bænda,
Búnaðarfélagi íslands, Félagi
tamningamanna og nokkrum hesta-
mannafélögum.
í samtali við Gísla B. Björns-
son kom fram að undirtektir voru
nokkuð góðar og mikill áhugi hjá
þeim, sem mættu á fundinn, á því
að gera reiðhöll að veruleika. Þó
kvað hann það hafa valdið von-
brigðum hversu fá hestamanna-
félög sendu fulltrúa á fundinn.
Fundurinn samþykkti að fresta
stofnun hlutafélags um sex mán-
uði og var undirbúningsnefnd
þeirri er unnið hefur að þessum
málum falið að vinna áfram að
öflun hlutafjár. Fimm aðilar gáfu
loforð um ákveðna upphæð;
Landssamband hestamanna,
hestamannafélagið Fákur, Félag
tamningamanna, Hagsmunafélag
hrossabænda og Límtrésverk-
smiðjan á Flúðum.
Stefnt er að því að reiðhöllin
verði tilbúin til notkunar sumarið
1987 sagði Gísli að lokum.

8 ’f':••Ss. m.
• . ís&í tókii
Jafnt hjá Albert og Guðmundi J.
Albert Guðmundsson, fjármálaráðherra, og Guðmundur Guðmundsson, formaður Dagsbrúnar, reyndu með sér
i vítaspyrnukeppni í leikhléi í leik FH og Tindastóls í 2. deildinni í knattspyrnu í Kaplakrika á sunnudag.
Guðmundur J. mætti í fullum skrúða: forláta æfingagalla og strigaskóm með vasaklút í hendinni að ógleymdu
höfuðfatinu. Albert lét sig ekki muna um að framkvæma nokkrar vítaspyrnur í jakkafötum og spariskóm. Þeir
félagar skildu jafnir — skoruðu úr tveimur spyrnum hvor. FH-ingar ætla að fá landskunna kappa til að keppa í
vítaspyrnum > hverjum heimaleik í sumar. En eins og oft áður segja myndir meira en mörg orð. Kristján
Ijósmyndari var í Kaplakrikanum á sunnudaginn ...
Guðlaugur Björgvinsson, forstjóri Mjólkursamsölunnar:
„Þurftum að lækka verðið
eða hætta framleiÖslunni“
„Sannleikurinn er sá, að við stóð-
um einfaldlega frammi fyrir því að
ákveða hvort við yrðum við þessum
tilmælum landbúnaðarráðherra um
að lækka verðið á þessum mjólkur-
drykkjum, eða að hætta framleiðslu
þeirra," sagði Guðlaugur Björgvins-
son, framkvæmdastjóri Mjólkursam-
sölunnar í samtali við blm. Mbl. er
hann var spurður hvort það lægi nú
Ijóst fyrir með hvaða hætti 20% verð-
lækkun á mjólkurdrykkjunum Kókó-
mjólk, Mangó og Jóga yrði fjármögnuð.
Guðlaugur sagði jafnframt: „Við
erum með gífurlega mikla fjárfest-
ingu bundna í tækjunum til þessar-
ar framleiðslu, þannig að við vær-
um þar með ákveðinn fastan kostn-
að, þó svo að við hefðum ákveðið að
hætta þessari framleiðslu. Þetta
var því skárri kosturinn af tvennu
illu, en með þessum hætti skilar
varan þó rúmlega breytilegum
kostnaði og með því að halda þess-
ari framleiðslu áfram, þá höfum
við þarna töluvert upp í fastan
kostnað."
Guðlaugur sagði að rétt væri að
ítreka að búið væri að gera upp við
bændur vegna síðasta árs, og það
hefði alveg verið í járnum að hægt
væri að skila því grundvallarverði
til bænda, sem þeir ættu að fá. Það
vill segja það, sagði Guðlaugur: „að
ef þessi lækkun á Kókómjólkinni
hefði náð til síðasta árs, þá hefði
vantað 17 til 18 aura á innveginn
mjólkurlítra, til þess að grunda-
vallarverðið til bænda næðist.
Þetta er því að okkar mati, ákveðin
vísbending um það, að það kunni að
vera um vanreikning að ræða í öðr-
um vöruflokkum. Þess vegna erum
við mjög hlynntir því að það verði
farið ofan í saumana á þessari
verðmyndun í landbúnaðarafurð-
um, því þó að við séum með hluta
af verðlagningunni, þá eru nú þess-
ar heföbundnu landbúnaðarafurðir
sem vega hvað þyngst í þessu verð-
lagðar af sexmannanefndinni."
Nýtt dagvistar-
heimili í Kópavogi
FÖSTUDAGINN 11. maí var opnað nýtt dagvistarheimili við Grænatún í
Kópavogi. Þetta er áttunda dagvistarheimilið sem tekið er í notkun, en
með því er heildarfjöldi dagvistarrýma orðinn 560. Það merkir að u.þ.b.
43% barna á aldrinum 2—6 ára eiga kost á dagvistun í Kópavogi. En
samkvæmt 10 ára áætlun bæjarstjórnar frá 1981 er stefnt að því að þetta
hlutfall verði 70%, segir í frétt frá Félagsmáiastofnun Kópavogs.
Dagheimilið í Grænatúni 3 er
þriggja deilda dagvistarheimili,
2 leikskóladeildir og 1 dagheim-
ilisdeild. Alls eru 80 rými á
leikskóladeildum, en 17 rými á
dagheimilisdeild eða samtals 97
rými.
Deildir verða aldursblandaðar
og starfa 3 starfsmenn á deild.
Forstöðumaður verður Emilía
Júlíusdóttir.
Húsið er 4202 og 1560 m3,
timburhús á steyptum sökkli.
Húsið er byggt af Húsasmiðj-
unni. Arkitektarnir Ásmundur
Harðarson og Karl Erik Rock-
sen, (Teiknistofan Stikan) teikn-
uðu húsið og voru teikningar
samþykktar i byggingarnefnd
19. maí 1983. Burðarþols- og
lagnateikningar voru gerðar á
tæknideild Kópavogs, raflagna-
teikningar hjá Tækniþjónust-
unni s3f, og lóðarhönnun af
tæknideild Kópavogs.
Gröftur fyrir húsinu og gerð
undirstöðu var boðin út og til-
boði frá Markholti tekið. Vinna
hófst 16. september 1983.
Tilboði frá Húsasmiðjunni var
tekið í timburhús, fullfrágengnu
að utan með öllum innveggjum
og innihurðum. Hafist var
handa við að reisa húsið 8. des-
ember 1983.
Tilboðum frá eftirtöldum aðil-
um var tekið í aðra verkþætti:
Stálafl sá um pípulögn, Geisli
hf., Vestmannaeyjum, um raf-
lögn, Guðmundur Helgason,
Grænatúni 14, um málningu,
Hans Þór Jensson, Byggðaholti
53, um dúklögn, Timburiðjan,
Garðabæ, um innréttingar, og
lóð er unnin af starfsmönnum
Kópavogs. Áætlaður kostnaður
með öllum búnaði og lóð er um
12 m.kr. á núverandi verðlagi.