Morgunblaðið - 22.05.1984, Blaðsíða 46

Morgunblaðið - 22.05.1984, Blaðsíða 46
46 MORGUNBLAÐIÐ, ÞRIDJUDAGUR 22. MAl 1984 Slasaður maður fluttur í sjúkrabfl eftir umferðarslys i Laugavegi í gær. Maðurinn skarst illa. Hann var ekki með öryggisbelti, sem áreiðanlega hefði forðað honum frá meiðslum. Moritunbiaðið/JúUus. Margir harðir árekstrar á höfuðborgarsvæðinu NÚ FER í hönd sá tími þegar um- ferðarslys eru alvarlegust á fs- landi. Með auknum hraða öku- tækja verða árekstrar harðari og slys á fólki alvarleg og reynsla lið- inna ára kennir okkur að banaslys í umferðinni eru flest í júní. Um helgina og í gær urðu nokkur al- varleg umferðarslys. Harður árekstur varð laust eftir klukkan þrjú í gær á Laugavegi. Ökumaður fólksbif- reiðar hugðist aka inn á Lauga- veg til vesturs frá benzínstöð Shell. Ökumaður á leið austur Laugaveg hugðist hleypa honum inn á Laugaveginn, en í sama mund kom önnur bifreið aðvíf- andi á austurleið á vinstri akrein og skullu bifreiðirnar saman af miklu afli. Farþegi í bifreiðinni á leið austur kastaðist í fram- rúðu bifreiðarinnar. Hann skarst illa í andliti og kvartaði undan eymslum í hálsi og baki. Hann var fluttur í slysadeild. Báðar bifreiðirnar eru mikið skemmdar. . Á sunnudag varð harður árekstur á Miklubraut, til móts Morfrunblaðið/Arinbjörn. Á Bæjarbraut í Garðabæ varð harður árekstur á laugardag. við Eskihlíð. 75 ára gamall mað- ur ók Austin Allegro-bifreið sinni vestur Miklubraut. Hann missti stjórn á bifreiðinni, þann- ig að hún fór yfir umferðareyj- una og valt á akreininni til aust- urs og lenti á Citroen-bifreið. Með manninum í bifreiðinni var kona hans. óttazt var að hún hefði hlotið meiðsli í baki og var ákveðið að bíða hinnar nýju tækjabifreiðar slökkviliðsins. Greiðlega gekk að ná konunni og var hún flutt í slysadeild. Þá varð harður árekstur á Bæjarbraut í Garðabæ um klukkan 15.30 á laugardag. Þar skullu harkalega saman japönsk fólksbifreið og bandarísk. Þá má nefna að stúlka var flutt í slysa- deild eftir að bifhjól, sem hún var á, og fólksbifreið skullu sam- an í Safamýri. Meiðsli hennar reyndust ekki alvarleg. Mikill viðbúnaður varð vegna áreksturs á Miklubraut á sunnudag. Tækjabfll slökkviliðsins kom á vettvang því óttast var að kona í Allegro-bifreið, sem valt, hefði hlotið slæm meiösl í baki. Mornunblaðið/Júiíus. Voruflutningarnir fyrir varnarliðið; Flutningarnir að mestu með útlendum skipum og áhöfnum ÆTI'I'U íslensk stjórnvöld að gera það að skilyrði, að íslensk skip meö íslenskri áhöfn annist áætlunarsiglingar milli fslands og annarra landa, ekki síst vöru- flutningum fyrir Varnarliðið, sem bandarískt skipafélag virðist nú vera að yfirtaka? Farmanna- og fiskimannasamband íslands segist í bréfi til forsætis- ráðherra ekki telja slíkt skilyrði óeðlilegt fyrst íslensku skipafélögin hafa „leitað ásjár íslenskra stjórnvalda til að freista þess að ná þessum siglingum aftur", eins og það er orðað í bréfinu. Telur sambandið að það gæti oröið þröskuldur í viðræðum þeim, sem fyrirhugaðar eru milli utanríkisráðherra fslands og Bandaríkjanna, að útlend skip og áhafnir hafi sinnt þessu verki á undanförnum árum. Guðjón A. Kristjánsson, forseti FFSÍ, segist í bréfinu vilja láta í ljós áhyggjur sambands síns „yfir þeirri óheillaþróun, sem átt hefur sér stað í siglingum til og frá fs- landi á siðastliðnum árum. Nú er málum svo komið, að stór hluti þeirra skipa, sem annast áætlun- arsiglingar til landsins og frá, er erlend leiguskip mönnuð erlendum áhöfnum. Virðist sem hinum er- lendu leiguskipum fari fjölgandi fremur en hið gagnstæða." Hann bendir á, að aðildarfélög FFSÍ hafi á undanförnum árum reynt að koma til móts við óskir útgerðanna um fækkun í áhöfn skipa í þeirri von að það gæti stuðl- að að því að gera fslendinga sam- keppnishæfa í alþjóðasiglingum „og í þeirri von, að þannig yrði snúist gegn ásókn skipafélaganna í hin erlendu leiguskip..." „Að gefnu því tilefni, að fyrirhug- aðar eru viðræður íslenskra og bandarískra stjórnvalda vegna sigl- inga bandarísks skipafélags til Is- lands," segir forseti FFSI í bréfi sínu til forsætisráðherra, „þá telur FFSf rétt að vekja athygli á því, að hin síðustu ár hafa flutningar þeir, sem hin bandaríska útgerð hyggst taka yfir, að stærstum hluta farið fram með erlendum leiguskipum mönnuðum útlendri áhöfn. Gæti þetta hugsanlega orðið þröskuldur í viðræðum íslenskra stjornvalda við hin bandarísku." Miðstjém ASI: Nefnd sett á laggirnar er undirbúi framhaldið Miðstjórn ASf og fulltrúar lands- sambandanna og þeirra félaga sem eiga beina aðild að Alþýðusamband- inu komu saman öðru sinni í gær og ræddu stöðuna í kjaramálum og horf- ur. Ákveðið var að landssamböndin og fleiri aðilar tilnefndu fulltrúa í nefnd sem fjalli um sameiginlega kröfugerð og þær sameiginlegu að- gerðir sem nugsanlega eru framund- an. Mun þessi nefnd að líkindum koma saman til fyrsta fundar um mánaðamótin. Samkvæmt heimildum Morgun- blaðsins ríkti mikil óánægja á fund- inum með stöðuna í kjaramálum, en engar ákvarðanir voru þó teknar um uppsagnir samninganna, þótt óánægjutónninn bendi til þess að flestir muni feta í fótspor verka- lýðsfélagsins Þórs á Selfossi, sem •eitt félaga hefur sagt upp kjara- samningunum frá 1. september nk., en þau mál munu skýrast nánar á næstu vikum. 135—140 tonn af gráhlðu Siglufjörour 21. m:ií. STALVÍK kom inn í dag og landaði 135—40 tonnum af grálúðu eftir 7 daga veiðiferð. Þá hefur frést að hafist hafi verið handa um að opna Lágheiðina en ekki veit ég hvenær þvi verki verður lokið. Fréttaritari. Rauðir hundar í Reykjavík: Konum ráðlagt að láta mæla mótefni í blóði I FRETT Mbl. á sunnudag er greint frá aðgerðum heilbrigðisyfirvalda vegna þess, að vart hefur orðið við rauða hunda í Reykjavík. í fréttinni er ófrískum konum bent á að fá sprautur gegn veikinni. Hér er um misskilning að ræða og því er frétta- tilkynning landlæknis birt í heild. „Nú hafa rauðir hundar stungið sér niður á einu barnaheimili í Reykjavík. Trúlega hefur veikin „Pyntingar er hægt að stöðva" Nokkur mannfjöldi á útifundi Amnesty International A. IPYWTIMQAR ERHÆqTAPSTÖgVA/ NOKKUR mannfjöldi var á útifundi Amnesty International á Lækjar- torgi síðastliðinn föstudag. Fundur- inn var liður í herferð gegn pynting- um, sem Amnesty stendur fyrir und- ir einkunnarorðunum „Pyntingar er hægt að stöðva". Ræðumenn á fundinum voru Hjördís Hákonardóttir, borgar- dómari og formaður fslandsdeild- ar Amnesty, Högni Óskarsson, læknir og Heimir Pálsson, menntáskólakennari. Sveinn Ein- arsson, leikritahöfundur, flutti frumsamið ljóð og Kristín Ólaís- dóttir og Þorvaldur Örn Árnason fluttu tónlist milli atriða. Kynnir á fundinum var Ævar Kjartans- son. Morfrunblaðið/ÓI.K.M. borist hingað frá Þýzkalandi. Á undanförnum árum hafa mótefni gegn rauðum hundum verið mæld í blóði um það bil 80% kvenna og stúlkna á aldrinum 12 til 40 ára. Allflestum konum, sem ekki hafa mótefni, hefur verið boðin bólu- setning, en sumar hafa ekki þegið hana. Fóstri, sem verður fyrir smiti vegna rauðra hunda á fyrstu þremur mánuðum meðgöngu, er veruleg hætta búin. öllum ófrísk- um konum, sem eru á fyrstu þrem- ur mánuðum meðgöngu og ekki hafa verið mæidar með tilliti til mótefna gegn veikinni, er eindreg- ið ráðlagt að hafa samband við næstu heilsugæzlustöð, heimilis- lækni eða Heilsuverndarstóð Reykjavíkur og gangast undir mótefnamælingu. Ef þessi faraldur nær að breið- ast út gæti hann orðið í landinu í 1 tillVfeár." Tekið skal fram að bóluefni gegn rauðum hundum er lifandi og þess vegna hættulegt ófrískum konum. Mbl. biðst veðvirðingar á þessum mistökum.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.