Morgunblaðið - 26.05.1984, Side 25

24
MORGUNBLAÐIÐ, LAUGARDAGUR 26. MAÍ1984
MORGUNBLAÐIÐ, LAUGARDAGUR 26. MAÍ1984
25

Útgefandi
Framkvæmdastjóri
Ritstjórar
Aöstoöarritstjóri
Fulltrúar ritstjóra
Fréttastjórar
Auglýsingastjóri
hf. Arvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guömundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Agúst Ingi Jónsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 250 kr. á mánuöi innanlands. í lausasölu 20 kr. eintakiö.
Hún
mæli
Avordögum 1983, eftir fimm
ára stjórnaraðild Alþýðu-
bandalags, var íslenzkt þjóðar-
bú að þrotum komið.
Verðbólga mældist 130% og
sigldi hraðbyri , upp annað
hundraðið. Viðskiptahalli við
útlönd nam 6.700 m.kr. 1982 og
14.300 m.kr. 1979-1983. Er-
lendar skuldir nálguðust 60%
af þjóðarframleiðslu og
greiðslubyrði þeirra fjórðung
útflutningstekna.
Undirstöðuatvinnuvegir
bjuggu við umtalsverðan og
vaxandi rekstrarhalla
1978—1983, gengu á eignir og
söfnuðu skuldum, hérlendis og
erlendis. Þjónustustofnanir og
ríkisrekin fyrirtæki vóru undir
sömu sök seld. Opinber verð-
stýring og aukinn fjármagns-
kostnaður blésu út verðhækk-
unarþörf margháttaðrar þjón-
ustu. Verðbólga og fjármagns-
kostnaður veiktu samkeppnis-
stöðu íslenzkrar framleiðslu.
Hrunadans verðbólgunnar lék
þjóðarbúskapinn æ verr. Fjöldi
fyrirtækja var kominn í rekstr-
arþrot og víðtækt atvinnuleysi
blasti við.
Sá vandi, sem við blasti, var
enn hrikalegri vegna verulegs
samdráttar í sjávarútvegi,
einkum í þorskveiði, og harðn-
andi sölusamkeppni sjávarvöru
á erlendum mörkuðum. Þjóðar-
tekjur drógust saman um 12%
á þremur árum. Röng fjárfest-
ing og erlend skuldabyrði rýrðu
þær enn, áður en til skipta
komu milli þjóðfélagsþegn-
anna. Tækifærum til að setja
nýjar stoðir undir atvinnu-
öryggi og lífskjör landsmanna
— í lífefnaiðnaði, rafeindaiðn-
aði, orkuiðnaði og á fleiri svið-
um — var í litlu eða engu sinnt.
Það var við þessar kringum-
stæður sem samstjórn Sjálf-
stæðisflokks og Framsóknar-
flokks var mynduð 26. maí 1983.
Hún tók við verri arfleifð og
stærri vanda en nokkur önnur
ríkisstjórn í sögu lýðveldisins.
Ríkisstjórnin setti sér það
meginmarkmið að ná verðbólgu
niður á eins skömmum tíma og
aðstæður frekast leyfðu og
koma á stöðugleika í íslenzku
efnahags- og atvinnulífi.
Árangur sá sem náðst hefur á
einu ári er raunar undraverður:
• 1) Verðbólga hefur náðst úr
130% niður fyrir 20%.
• 2) Viðskiptahalli, sem var
10% á árinu 1983, náðist niður í
3% 1983.
• 3) Gengi íslenzkrar krónu
hefur verið stöðugt, eftir ára-
langt hrap.
• 4) Verðlag hefur verið stöð-
ugt og aukin verzlunarsam-
á af-
í dag
keppni hefur tryggt gott vöru-
framboð og hagstæðara verð en
ella.
• 5) Festa í gengismálum og
breytt skattastefna hefur
styrkt atvinnuvegina, einkum
útflutningsframleiðsiu, forðað
rekstrarstöðvun fjölda fyrir-
tækja og fyrirbyggt annars víð-
tækt atvinnuleysi.
• 6) Innlendur sparnaður, sem
var nánast enginn orðinn, hefur
rétt nokkuð við. Sparnaður,
sem hætt er í atvinnurekstur,
til að skapa ný störf og aukin
verðmæti, var gerður skatta-
lega jafn rétthár öðrum sparn-
aði.
Markaðri stefnu íslendinga í
utanríkis- og öryggismálum
hefur verið fylgt fram með
skýrari hætti en áður, í sam-
ræmi við eindreginn meiri-
hlutavilja. Það er frumskylda
hverrar fullvalda þjóðar að
tryggja sjálfstæði sitt og öryggi
í viðsjálum heimi um leið og
hún stuðlar að sátt og friði.
Reynslan hefur sýnt að aðild
okkar að Atlantshafsbandalag-
inu er undirstöðuatriði í þeirri
viðleitni. Sú festa, sem sýnd
hefur verið í þessum mála-
flokki, er fagnaðarefni.
Það skiptir meginmáli nú að
tryggja til frambúðar það jafn-
vægi og þann stöðugleika í
efnahagslífi, sem náðst hefur,
m.a. með endurskipulagningu í
stjórnkerfinu og peninga- og
lánastofnunum, áframhaldandi
festu og hagræðingu í ríkis-
búskapnum og síðast en ekki
sízt: auknum trúnaði milli
stjórnvalda og almennings.
Ríkisstjórnin hefur því miður
ekki gert nægilega grein fyrir
markmiðum sínum í næstu
framtíð, né hvern veg hún
hyggst ná þeim. Hún stendur
nú á krossgötum að ýmsu leyti.
Það er mjög mikilvægt að hún
haldi þeim almannatrúnaði í
stefnumótum og störfum næstu
mánuði og misseri, sem hún
hefur haft. Til þess þarf hún að
gera skilmerkilega grein fyrir
næstu skrefum upp úr efna-
hagslægð og öldudal lífskjara
— til betri tíðar — sem allra
fyrst.
Lífskjör verða ekki til í
samningum. Þau nást aðeins
með nýsköpun í atvinnulífi,
auknum þjóðartekjum, stærri
skiptahlut. Það er engin önnur
leið til út úr vandanum né til
betri tíðar. Þetta er það höfuð-
atriði sem einkenna þarf nýja
verkefnaskrá ríkisstjórnarinn-
ar. Þá fylgir hagsæld hjöðnun
verðbólgu. Þá lifir ríkisstjórnin
ekki aðeins annað árið heldur
út kjörtímabilið.
Stjórnarformannsskipti hjá SH:
Jón Ingvarsson tekur við af Ágúst Flygenring
Stjórnarformannaskipti urðu hjá Sölu-
mióstöð hraðfrystihúsanna á aöalfundi
hennar á fimmtudag og föstudag. Ágúst
Flygenring, fyrrverandi stjórnarformaður,
gaf ekki kost á sér til endurkjörs vegna
heilsubrests. { hans stað var Jón Ingv-
arsson, framkvæmdastjóri ísbjarnarins,
kjörinn stjórnarformaður.
í aðalstjórn Sölumiðstöðvarinnar
voru kjörnir Aðalsteinn Jónsson, Eski-
firði, Ásmundur Pálsson, Stokkseyri,
Einar Sigurjónsson, Vestmannaeyjum,
Gísli Konráðsson, Akureyri, Guðfinnur
Einarsson, Bolungarvík, Jón Páll Hall-
dórsson, ísafirði, Jón Ingvarsson,
Reykjavík, Ólafur B. ólafsson, Sand-
gerði, og Rögnvaldur ólafsson, Hellis-
sandi.
Stjórn Sölumiðstöðvar Hraðfrystihúsanna, frá vinstri: Gísli Konráðsson, Akureyri, Jón Páll Halldórsson, ísafirði, Ásgrímur Pálsson, Stokkseyri, Ólafur B. Ólafsson, Sandgerði,
varaformaður, Aðalsteinn Jónsson, Eskifirði, Guðfinnur Einarsson, Bolungarvík, Jón Ingvarsson, Reykjavík, formaður, Rögnvaldur Ólafsson, Hellissandi, og Einar Sigurjónsson,
Vestmannaeyjum.
Útflutningur á ferskum karfa og
rækju til Bandaríkjanna á döfinni
ÚTFLUTNINGUR á ferskum karfa flug-
leiðis til Bandarfkjanna var ræddur í
tengslum við aðalfund SH, sem nú er ný-
lokið. Alls hafa verið fluttar út á þann hátt
150 til 170 lestir á mánaðartíma eftir að
flutningar þessir hafa legið niðri um tíma.
Ennfremur var rætt um möguleika á út-
flutningi á rækju til Bandaríkjanna í
tengslum við fundinn.
hefðu legið niðri um nokkurt skeið. Það
þyrfti mikið átak til þess, að vinna
markaðinn upp að nýju, sérstaklega ef
um mikið magn væri að ræða. Vinna við
slík markaðsmál væri erfið og mætti
líkja við trúboð, þar sem þetta hefði f för
með sér grundvallarbreytingar á neyzlu
fólks. Tiltölulega auðvelt væri að boða
þeim nýja trú, sem nálægastir væru, en
erfiðara eftir því sem fjær drægi og
fleiri yrðu í takinu.
Að sögn Hjalta Einarssonar, fram-
kvæmdastjóra Sölumiðstöðvarinnar, er
ekki komin hreyfing á útflutning rækju
til Bandaríkjanna enn sem komið er.
Fundur var haldinn með þeim aðilum,
sem áhuga hafa sýnt á þessu, en engin
niðurstað hefur náðst. Sagði Hjalti, að
þó væri ákveðið að kanna möguleikana á
útflutningi til Bandaríkjanna til hlítar.
Verð þar væri nú orðið svipað og í Evr-
ópu og því væri á ný kominn grundvöllur
fyrir framleiðendur hér heima til að
flytja rækjuna út til Bandaríkjanna.
Eru umræður þessar tilkomnar vegna
verulegrar aukningar á rækjuveiðum og
erfiðleika með sölu á frystum karfa.
óthar Hansson, sölustjóri Coldwater,
sagði í samtali við Morgunblaðið, að nú
væri unnið að því að koma meiru af
karfa inn á bandaríska markaðinn, bæði
frystum og ferskum. Veruleg aukning !
hefði verið á karfasölu hjá fyrirtækinu á
undanförnum árum eða um það bil fjór-
földun á síðustu 5 árum. Á um mánaðar
tíma hefðu verið fluttar flugleiðis til
Bandaríkjanna um 150 til 170 lestir af
ferskum karfa og væri áhugi fyrir því
hjá Coldwater að halda þvi áfram. Hins
vegar væri sumarið erfiður tími hvað
þetta varðaði, eftirspurn væri í lág-
marki og verð eftir því. Hins vegar væri
haustið bezti tíminn en það háði okkur
einnig nokkuð, að þessir flutningar
Jón Friðjónsson verkfræð-
ingur ráðinn til Coldwater
JÓN Friöjónsson, vcrkfræðingur, hefur verið ráðinn til Coldwater til að vinna að
vöruþróun hjá fyrirtækinu. Hann mun hefja störf þar í september. Hann hefur starfaö
hjá Sláturfélagi Suðurlands sem framleiðslustjóri í 11 ár.
Morgunblaðið ræddi vegna þessa við
Jón og spurði hvernig honum litist á það
að fara úr kjötinu í fiskinn. Hann sagði,
að kjötneyzla væri margfalt meiri en
fiskneyzla í heiminum og væri því meðal
annars komin miklu lengra í vöruþróun.
Þess vegna mætti margt læra af vöru-
þróun í kjötvinnslunni. í þeirri sókn,
sem nauðsynleg væri á fiskmörkuðum,
væri því ekki úr vegi að hafa hliðsjón af
kjötvinnslunni.
Jón sagði ennfremur, að auk vöru-
þróunar væri ætlunin, að hann ynni að
því að stytta boðleiðina milli markaðs
og framleiðslu. Mikið væri af fólki í
fiskiðnaði hér heima, sem hefði góðar
hugmyndir og áhuga á vöruþróun og
væri hans vinna meðal annars fólgin 1
því að fella hugmyndir hér heima að
kröfum og þörfum markaðsins erlendis.
Hann hlakkaði til þess að fást við þetta
verkefni og vonaðist til að vinna hans
skilaði árangri.
Fjölbrautir í
Garðabæ útskrifa
26 stúdenta
FJÖLBRAUTUM Garðaskóla í Garöabæ var
slitið laugardaginn 19. maí síðastliðinn og voru
þá brautskráðir 26 stúdentar.
Þetta er fimmti stúdentahópurinn sem
brautskráður er frá skólanum og að þessu
sinni náði Elín Guðjónsdóttir á málabraut
bestum námsárangri, með 138 námseiningar
og einkunnina A í 48 áföngum. Hún lauk
stúdentsprófi á þremur árum.
Stúdentarnir voru brautskráðir frá átta
námsbrautum, þar af átta frá íþróttabraut,
fimm frá viðskiptabraut, fimm frá mála-
braut, þrír frá náttúrufræðibraut, tveir frá
félagsfræðibraut, einn frá uppeldisbraut,
einn frá heilsugæslubraut og einn frá eðlis-
fræðibraut.
Við skólaslitin flutti Gunnlaugur Sigurðs-
son skólastjóri ávarp, þar sem meðal annars
kom fram að Fjölbrautir Garðaskóla hafa
verið í stöðugum uppgangi undanfarið og
nemendafjöldinn síðastliðinn vetur var
tæplega 300.
Stúdentarnir (Garðabæ, að loknum skólaslitum.
Helgi Eiríksson kennari afhendir Þorvaldi Árnasyni verðlaun fyrir best-
an árangur á stúdentsprófí.
Fjölbrautaskóla Suðurnesja slitið
Jón Böðvarsson skólameistari afhendir Helene Lauzn, skiptinemanum í
ár, frá Kanada, prófskírteini.
ÁTTUNDA starfsári og sextándu
önn í Fjölbrautaskóla Suðurnesja
lauk með skólaslitaathöfn í
Grindavíkurkirkju laugardaginn
19. maí síðastliðinn.
Alls luku 57 nemendur námi á
þessari önn, þar af 23 stúdentar.
Tveir flugliðar luku nú námi,
tveir tækniteiknarar, 17 iðnnem-
ar og 13 nemar af tveggja ára
námsbrautum. í desembermán-
uði luku 32 nemendur námi og
hafa því alls 89 nemendur verið
brautskráðir frá skólanum á
skótaárinu ’83-’84.
Hæstu einkunn á stúdents-
prófi hlaut Þorvaldur Árnason
sem brautskráðist af eðlisfræði-
braut, en Gunnar Valdimarsson
hlaut verðlaun fyrir bestan
árangur í faggreinum í iðnnámi.
Athöfnin í Grindavíkurkirkju
hófst með því að Svavar Árna-
son lék á kirkjuorgelið, en síðan
flutti Ingólfur Halldórsson að-
stoðarskólameistari yfirlit um
starfsemi í skólanum á önninni.
Þar kom meðal annars fram að
nemendur í dagskóla voru 524
talsins, en nemendur í bóklegu
námi í öldungadeild voru 125. Þá
sagði Ingólfur að á döfinni væri
að auka starfsemi öldungadeild-
arinnar verulega.
Jón Böðvarsson skólameistari
afhenti prófskírteini en Helgi
Eiríksson kennari afhenti verð-
laun sem að þessu sinni voru
nokkru fleiri en verið hefur und-
anfarin ár.
Edda Rós Karlsdóttir og Una
Steinsdóttir, formaður og ritari
nýkjörinnar stjórnar nemenda-
félagsins, léku á hnéfiðlu og
slaghörpu. Sigrún Oddsdóttir
flutti ávarp fyrir hönd kennara,
en Ágúst Asgeirsson talaði fyrir
hönd nýstúdenta. Baidur Sig-
urðsson skýrði frá stofnun
tækjasjóðs sem kennarar hafa
stofnsett og afhenti hann Hall-
dóri /Guðmundssyni varafor-
manni skólanefndar sjóðinn og
stofnskrá hans. Athöfninni lauk
með þvi að skólameistari ávarp-
aði brautskráða nemendur og
kvaddi þá í nafni skólans.
Brautskráðir nemendur af vorönn úr Fjölbrautaskóla Suðurnesja.
Ingólfur A. Þorkelsson afhendir nýstúdentum prófskírteini ( Kópavogs-
kirkju í gær. Ljósm. Mbl. KEE
Hvítu kollarnir komnir upp.
Ljósm. Mbl. KEE
Menntaskólinn í Kópavogi brautskráir 65 stúdenta
MENNTASKÓLINN í Kópavogi
brautskráöi ( gær 65 stúdenta við
skólaslit sem fóru fram ( Kópa-
vogskirkju.
Guðrún Svanborg Hauksdóttir
hlaut hæstu einkunn á stúd-
entsprófi að þessu sinni, 9,0 í
meðaleinkunn. Hæstu einkunn
sem veitt var í skólanum hlaut
nemandi í 3. bekk, Jóhanna
Pálsdóttir, og fékk hún 9,3 i meö-
aleinkunn.
Ingólfur A. Þorkelsson skóla-
meistari flutti ræðu, afhenti
stúdentum einkunnir og viður-
kenningar þeim sem náð höfðu
sérlega góðum námsárangri.
Ennfremur hlutu þrjár stúdínur
sérstaka viðurkenningu fyrir
unnin forystustörf í nemendafé-
lagi MK, Hulda Björnsdóttir
formaður, Guðlaug Þórhalls-
dóttir gjaldkeri og Þóra Guð-
mundsdóttir ritari, en það mún
vera einsdæmi á íslandi að þrjár
stúlkur hafi verið kjörnar þann-
ig til forystu í framhaldsskóla.
t ræðu sinni fjallaði skóla-
stjóri meðal annars um íslenska
tungu og varðveisiu hennar.
Hann brýndi fyrir stúdentum að
standa vörð um menningararf
íslensku þjóðarinnar. Þá sagði
hann að námsárangur stúdenta
væri góður, jafnbetri en á und-
anförnum árum, og ýmislegt
benti nú til að nemendur í fram-
haldsskólum stunduðu námið af
meira kappi og metnaði en fyrr.
Er skólameistari hafði ávarp-
að stúdenta, lauk athöfninni með
því að viðstaddir sungu „ísland
ögrum skorið“ eftir Eggert
ólafsson og Sigvalda Kaldalóns.