Morgunblaðið - 03.11.1984, Blaðsíða 19
MORGUNBLAÐIÐ, LAUGARDAGUR 3. NÓVEMBER 1984
19
við erum, að ljóst megi verða, að
miskunn Guðs þarf að koma til, ef
við eigum að fá staðist eða orðið
það, sem okkur er ætlað.
Ekki er undarlegt, þegar svo er
komið, þótt menn séu ekki á
hreinu um það, hver þörf sé á, —
eða til hvers eigi að nota kirkju
sem boðar fyrirgefningu syndanna
og eilíft líf fyrir Jesúm Krist.
Menn ímynda sér og reyna að
koma því inn hjá öðrum, að kristin
kenning öll sé fólgin í orðunum:
Elska skaltu náunga þinn, —
gleyma því, að krossinn er ekki bara
láréttur, — að burðarásinn er lóð-
réttur, — eins og Ingimar Erlendur,
skáld, vekur athygli á í Biblíuárs-
Ijóði, og eigi ófyrirsynju.
Hinu yfirskilvitlega er í vaxandi
mæli afneitað, öll áherslan lögð á
dag og veg, hér og nú, en týnist
tengslin við Guð, tapast fljótlega
tilfinningin fyrir skyldum við
náungann og mannlegt samfélag
fer úr skorðum.
Eigi að sýna kristindóm i
hnotskurn, — gera grein fyrir því
í fáum orðum í hverju hann sé
fólginn, þá eru þau þessi. Svo elsk-
aði Guð heiminn, að hann gaf son
sinn eingetinn, til þess að hver sem
á hann trúir glatist ekki, heldur hafí
eilíft líf.
Jesús frá Nasaret boðar ekki
kærleikann af þeirri væmnu til-
finningasemi, er ýmsir virðast
ætla, — ræða hans er einatt hörð.
Og ef við skoðum okkur sjálf und-
andráttarlaust í ljósi orða hans,
eins og þau er að finna í Fjallræð-
unni, t.d., þá verður þetta alveg
bert, hvílík við erum, — að kær-
leikurinn okkar dugir ekki, — nái
hann ekki að nærast og vermast af
öðrum meiri, — já, eigi hann ekki
rætur í elsku Guðs. Og hvernig
ættum við þá af eigin ágæti að
geta breytt heiminum til bóta, —
við, sem jafnvel getum ekki bætt
okkur sjálf að umtalsverðu marki?
Trú í kristnum skilningi er það
lítillæti, sem treystir á miskunn
Guðs eina. Vantrú og synd er fólg-
in í því oflæti að setja traust sitt á
eigið ágæti og afrek eða eitthvað
annað. I samanburði við þá hættu,
sem stafar af tilhneigingu manns-
ins til sjálfsréttlætingar og
sjálfshafningar, eru einstakar yf-
irsjónir og axarsköft algjörir smá-
munir. Höfuðgalli og ógæfa
mannsins eru ekki einstök sið-
ferðileg víxlspor, dæmd eftir
breytilegum viðhorfum áranna,
heldur tilhneigingin að upphefja
sjálfan sig, — já, gera sig að Guði
eða ætla að koma í hans stað.
Vísir menn hafa lengi vitað, að
hybris, ofdramb, er háskinn mesti,
en þessa held ég, að gæti mjög í
ýmsum trúarhreyfingum samtíð-
arinnar, — innan kirkjunnar og
utan. Hér er ekki um neitt nýtt
eða markvert að ræða, heldur
gömul viðhorf vingltrúarmanna,
er komið hafa upp á öllum öldum í
ýmsum myndum.
En kristindómurinn gengur út
frá því og það er rækilega áréttað
í upphafsorðum Fjallræðunnar, að
Guð einn fái opnað manninum
himininn, — miskunn hans ein
megi duga manninum og heimi
hans og hún veitist í gegnum náð-
armeðul kirkjunnar.
Þegar manninum verður ljóst,
að allt sem hann á og er, — er
hann af Guðs náð, „þá skapast
frelsið fyrst/og fyrir Jesúm Krist/
skal dauðans fjötur falla". Og þeg-
ar himinninn á sínum tíma
opnast, þá verður samfélagið við
hinn hæsta það hefðarsæti, þar
sem engum er ýtt til hliðar og eng-
inn upphafinn á annarra kostnað,
því að þar hefir enginn af neinu að
miklast. Allir eru þangað komnir
af sömu ástæðu, — fyrir Guðs náð
eina.
Dýrð sé Guði, föður og syni og
heilögum anda um aldir alda.
Amen.
Fagnaðarfundir á Orlando-flugvelli
MYNDIN var tekin eftir að þota
Flugleiða, Vesturfari, lenti á fíug-
vellinum í Orlando í Florida í
fyrstu áætlunarferð Flugleiða
þangað.
Á myndinni eru frá vinstri
Svava Schiöth og Katrín Al-
freðsdóttir flugfreyjur, Sigurður
Helgason yngri, forstöðumaður
Flugleiða í Bandaríkjunum,
Ásmundur Eyjólfsson flugmað-
ur, Óskar Sigurðsson flugstjóri,
Al.E. Gator, sérlegur fulltrúi yf-
irvalda á staðnum, Sigurður
Helgason, stjórnarmaður Flug-
leiða, Halldóra Finnbjörnsdóttir
og Dagbjört Inga Olsen flug-
freyjur. Á myndina vantar hluta
áhafnar Vesturfara, Jófríði
Björnsdóttur og Ingibjörgu
Nordal flugfreyjur og Stefán
Vilhelmsson flugvélstjóra.
Við komu fyrstu Flugleiðavél-
arinnar var mættur stór hópur
af þekktum „persónum" frá
Disney World og Sea World og
fögnuðu áhöfn og farþegum.
Hljómsveit lék fyrir farþega
meðan þeir biðu eftir farangri
sínum og jafnframt var þeim
boðið að bergja á ferskum app-
elsínusafa.
f ræðu sem Sigurður Helgason
stjórnarformaður Flugleiða
flutti við upphaf þessa áætlun-
arflugs kom fram að í vetur
verður flogið einu sinni i viku
milli Luxemborgar og Orlando
en ferðum fjölgað í tvær næsta
vor.
■ I ik'
Höfum opnað eftir
gagngerðar endurbætur
Pottaplöntur í úrvali afskorin blóm og heimaskreytingar
óörastööin
Valsgaröur
við Suðurlandsbraut. Sími 82895.