Morgunblaðið - 14.03.1985, Side 35

MORGUNBLAÐIÐ, FIMMTUDAGUR 14. MARZ 1985
Grindavík:
Nýtt skip kom
til heimahafnar
(írindavík í marzbyrjun.
NÝR bátur kom til heimahafnar sinnar, Grindavíkur, sunnudaginn 3.
marz. Þaö er Harpa GK 111. Nýi báturinn er um 150 tonn, byggður í
vélsmiöju Seyðisfjarðar. Smíði bátsins hófst fyrir 14 mánuðum en
sjósetning var 24. móvember sl. Bátinn teiknaði Stefán Jóhannsson,
tæknifræðingur, sem jafnframt er forstjóri Vélsmiðju Seyðisfjarðar.
Harpan er 18. báturinn, sem Stefán teiknar og smíðar.
Eigandi Hörpunnar er Gull-
vík hf., Grindavík. Aðaleigend-
ur fyrirtækisins eru hjónin Ág-
ústa Gísladóttir og Hafsteinn
Sæmundsson. Skipstjóri nýja
bátsins verður Úmar Einarsson,
sem áður var skipstjóri á Mb.
Skúm GK 22.
Hafsteinn lýsir bátnum
þannig, að þetta skip sé fjöl-
veiðiskip, sem geti stundað
línu-, neta- og togveiði. Bátur-
inn er yfirbyggður stafna á
milli og með skutrennu. Fisk-
móttaka er aftast í skipinu, en
íbúðir allrar áhafnar frammí.
Aðalvél skipsins er 565 hest-
afla Caterpillar og tvær ljósa-
vélar eru af sömu gerð. Skrúfa
skipsins er mjög hæggeng og
stór, snýst aðeins 215 snúninga
á mín., sem gerir það mjög hag-
kvæmt togskip.
Harpa er vel búin tækjum og
má sérstaklega nefna aflamæli,
sem mælir stærð fisks í pró-
sentum.
Helmingur lestar er útbúinn
sem frystilest og einnig eru í
bátnum frystitæki til að heil-
og lausfrysta fisk, til dæmis
rækju og grálúðu. Vistarverur
eru fyrir 11 menn í 5 klefum.
Harpa mun fara á togveiðar
og verður afli að hluta lagður
upp hjá Gullvík hf. eða eins og
vinnslugeta fyrirtækisins leyfir.
Guðfinnur
„Kröfur HÍK í
fyllsta máta
sanngjarnar“
— segja kennarar við
Öskjuhlíðarskólann
KENNARAR við Öskjuhlíðarskól-
ann og Iönskólann í Reykjavík hafa
sent frá sér yfirlýsingar um fullan
stuðning við málstaö Hins íslenska
kennarafélags.
í yfirlýsingu kennaranna við
Öskjuhlíðarskólann segir m.a. að
þeir fordæmi harðlega viðbrögð
fjármálaráðherra og mennta-
málaráðherra við sjálfsögðum
kröfum Hins islenska kennarafé-
lags. Síðan segir: „Nýgert endur-
mat menntamálaráðuneytisins á
störfum kennara sýnir, svo ekki
verður um villst, að kröfur HÍK
eru í fyllsta máta sanngjarnar.
Jafnframt lýsum við fullri ábyrgð
á hendur fjármálaráðherra og
menntamálaráðherra ef afskipta-
leysi þeirra og skammsýni verður
til þess að leggja menntakerfi
landsins í rúst.“
INNLEN-T
ÆSKAN
W Y
Æskan í nýj-
um búningi
FYRSTA tölublað barnablaðsins
/Eskunnar á þessu ári er komið út.
Þetta er fyrsta blaðið sem þeir Eð-
varð Ingólfsson og Karl Helgason
ritstýra en þeir tóku við starfinu af
Grími Engilberts um síðustu áraraót
Grímur hafði gegnt því í meira en
aldarfjórðung eða 28 ár.
Ymsar breytingar hafa verið
gerðar á útliti og umbroti blaðsins
og nýir þáttahöfundar eru komnir
til starfa. í þessu fyrsta tölublaði
kennir ýmissa grasa. Opnuviðtal
er við leikarana Karl Ágúst Úlfs-
son og Eggert Þorleifsson; Her-
mann Gunnarsson skrifar um
knattspyrnumann ársins 1984,
Ásgeir Sigurvinsson; dr. Þór Jak-
obsson sér um vísindaþátt; Pétur
Þorsteinsson guðfræðingur ræðir
við Andra Má Ingólfsson og Hall-
dór Lárusson um kristilega popp-
tónlist; Jens Guðmundsson segir
frá tónlistarferli Michael Jack-
sons; Hálfdan Helgason leiðbeinir
börnum í frímerkjasöfnun og
Sverrir Ólafsson teiknar og semur
þrautir. Veggmynd fylgir blaðinu
og er hún af hljómsveitinni Graf-
ík.
Nokkur seinkun hefur orðið á
útkomu 1. tölublaðsins vegna áð-
urnefndra breytinga og eins vegna
flutninga á ritstjórn Æskunnar
frá Laugavegi 56 í Templarahöll-
ina, Eiríksgötu 5. Annað og þriðja
tölublað eru væntanleg innan tíð-,
ar og mun það fyrra berast áskrif-
endum upp úr miðjum mars og
hitt litlu eftir mánaðamót mars-
apríl.
Útgefandi Æskunnar er Stór-
stúka Islands.
möguleiki
fyrir alla.
Maxi plastbox og festiplötur.
Margar stærðir og margir litir.
Hentar verslunum, lagerum, verkstæðum og
heimilum fyrir smáa hluti og stóra.
Nýtt fyrirtoeki á traustum grunni
LANDSSMIÐJAN HF.
SÍMI 91-20680
(Frétutilkynning.)