Morgunblaðið - 27.03.1985, Síða 21
MORGUNBLAÐIÐ, MIÐVIKUDAGUR 27. MARZ 1985
21
Orgelverk eftir Bach
Tónlist
Jón Ásgeirsson
Aðrir tónleikar íslenskra orgel-
leikara á verkum meistara Bachs
voru haldnir í Kristskirkju sl.
mánudag. Sex orgelleikarar komu
fram og hófust tónleikarnir á því
að Jónas Þórir Jónasson lék Pre-
lúdíu og fúgu í c-moll. Jónas lék
verkið þokkalega en fremur hægt.
Upphafið á prelúdíunni gefur
henni svip af fantasíu og fúgan
endar á eins konar C!oda, þar sem
virtúósískur leikur á einkar vel
við. Daníel Jónasson lék fjóra
sálmforleiki. Sálmforleikirnir eru
merkilegar tónsmíðar og þrátt
fyrir einfaldleika er þar fitjað upp
á ýmsu er Bach einn hafði tök á að
gera með listilegum hætti. I síð-
asta sálmforleiknum, Hilf Gott,
leikur Bach með sálminn í „undir-
fimmundar-keðju" og á móti flétt-
ar hann tvær aukaraddir með
listilegum hætti. Daníel Jónasson
lék þessi yndislegu verk af gætni
og virðingu fyrir meistaranum.
Helgi Bragason, ungur og efni-
legur orgelleikari, lék Fantasíu í
c-moll mjög skýrlega. Smári Óla-
son lék verk sem á efnisskránni er
sagt úr 9. hefti Peters-útgáfunnar
og ber nafnið Kleines harmonisch-
es Labyrinth. Þetta „litla völund-
arhús hljómanna" er í textabókum
talið vafasamt að sé úr smiðju
Bachs, það sé svo ólíkt öllu er
meistarinn gerði. Seinni tíma
samanburður á verkum eftir
minna þekkt tónskáld frá tímum
Bach, bendir til þess að umrætt
verk sé eftir Johann David Hein-
ichen (1683— 1729) en auk marg-
víslegra tónsmíða liggja eftir
hann ritverk um tónlist og meðal
annars merk ritgerð um notkun
„General-bassa“ (tölumerktur
bassi) í tónsmíðum. I Groves-
orðabókinni er því bætt við að
sennilega sé um fölsun að ræða.
Smári lék þetta „dísæta” verk eft-
ir Heinichen mjög fallega. Friðrik
Stefánsson, sem undirritaður
kann engin deili á, lék Pedalexer-
citum, en þessar „pedalæfingar"
eru taldar eftir Bach og vera
leiknar af „fótum fram“ og skráð-
ar síðar af C.A. Thieme. Sem tón-
verk er þetta óttalegur samtíning-
ur.
Friðrik lék einnig Prelúdíu og
fúgu í d-moll. Fúgan í þessari
orgelútgáfu er sama tónsmíðin og
í fyrstu einleikssónötunni, en þar í
g-moll. Fúgustefið, eins stutt og
það er, er eitt af þeim minnisstæð-
ustu í fúgusmiðju meistarans.
Friðrik lék fúguna nokkuð vel og
sömuleiðis prelúdía, sem þó er
mun auðveldari og minni i gerð en
fúgan. Síðasta verkið á efnis-
skránni var Prelúdía og fúga í
h-moll og lék Máni Sigurjónsson
þetta glæsilega verk. Það var mik-
il reisn yfir leik Mána og fúgunni
skemmtilega skipt i kafla með reg-
istreringu. Nokkuð skyggöi það á
að einstaka raddir voru ekki vel
stilltar. Þess má geta til gamans,
að stefið í fúgunni er mjög líkt
íslenska þjóðlaginu Undir bláum
sólarsali, en auðvitað í moll. Máni
hefur ekki komið fram opinber-
lega í nokkur ár en hann var
feiknagóður orgelleikari og er það
enn. Séu menn í vafa um hvort
orgeltónlist meistara Bachs eigi
erindi til fólks í dag er víst að
tónleikagestir telja sig eiga erindi
við sveitaorganistann, því húsfyll-
ir var á tónleikum organistafé-
lagsins að þessu sinni.
Fyrsta frétta-
bréfið komið út
FYRKTA frcttabrcf sem fram-
kvæmdanefnd alþjóðaárs æskunnar
gefur út, í tilefni af árinu, er nú
komið út.
Útgáfa á fréttabréfi er liður í
starfi framkvæmdanefndar og á
að miðla upplýsingum og hvetja
til þátttöku auk þess sem því er
ætlað að samræma innlent starf.
Ætlunin er að fréttabréfið komi
út eftir því sem upplýsingar og
fréttir berast nefndinni.
Nýtt tölublað af
„Mótorsport“
FYRSTA tölublað 1985 af tímaritinu
„Mótorsport" er komið út og er
blaðið nú eingöngu selt í lausasölu.
Næsta tölublað er væntanlegt eftir
tvo mánuði og eftir það á mánaðar
fresti.
Meðal efnis má nefna grein um
Le Mans-kappaksturinn í Frakk-
landi, verðlaunagetraun fyrir les-
endur í blaðinu, „bíll mánaðarins"
er kynntur, ökumenn skrifa sjálfir
í blaðið og íslandsmeistarar 1984
eru kynntir. Loks má nefna frá-
sögn af keppni, sem tímaritið setti
á laggirnar á milli þeirra Ómars
Ragnarssonar, Halldórs Úlfars-
sonar, Birgis Þ. Bragasonar, Ás-
geirs Sigurðssonar og Hermanns
Gunnarssonar.
Mazda62
►II
SIGURVEGARINfi's
Nú annað árið í röð kusu lesendur hins virta þýska bílatímarits ,,AUTO MOTOR
UND SPORT“ MAZDA 626 bíl ársins 1985 í flokki 1800 cc innfluttra bíla.
MAZDA 626 sigraði með miklum yfirburðum í sínum flokki, því að allir vita að Þjóð-
verjar gera afar strangar kröfur til innfluttra bíla um gæði, öryggi og góða aksturs-
eiginleika.
Það er bví engin furða að MAZDA er langmest seldi japanski bíllinn í Þýskalandi.
Þessi verðlaun eru aðeins ein í röð fjölmargra viðurkenninga, sem MAZDA 626
hefur hlotið, því að hann hefur meðal annars verið kjörinn ,,BÍLL ÁRSINS“ í
Bandaríkjunum, Japan, Ástralíu, Nýja Sjálandi og Suður-Afríku.
Þú getur nú eignast þennan margfalda verðlaunabíl á sérstöku verði, eða frá
kr. 426.300 — til öryrkja ca. kr. 326.300
Opið laugardaga
frá kl. 10—4
MEST FYRIR PENINGANA
BILABORG HF.
Smiðshöföa 23 sími 812 99