Morgunblaðið - 05.06.1985, Blaðsíða 51

MORGUNBLAÐIÐ, MIDVIKUDAGUR 5. JÚNt 1985
51
VELVAKANDI
SVARAR f SÍMA
10100 KL. 14—15
FRÁ MÁNUDEGI
TIL FÖSTUDAGS
- uM-ua
Er íslenskan ekki nógu fín í
skemmtiþætti sjónvarpsins?
Vonsvikinn sjónvarpsáhorfandi
skrifar:
Mánudagskvöldið 27. maí, ann-
an í hvítasunnu, sat ég sem oftar
með fjölskyldu minni fyrir framan
skjáinn og fylgdist með útsend-
ingu íslenzka ríkisútvarpsins/-
sjónvarps. Eftir fréttirnar var
aldrei þessu vant á dagskránni
nýr íslenzkur þáttur, sem kynntur
var sem „skemmtiþáttur með
söng, hljóðfæraslætti og gaman-
málum“. Titillinn nægði til að
draga úr eftirvæntingunni, en
strax og þátturinn byrjaði hækk-
aði fyrst verulega í mælinum. Það
leið heldur ekki á löngu unz manni
fannst mælirinn orðinn yfirfullur
og þegar þættinum lauk loks, átt-
um við öll, sem á þetta horfðum,
ekki orð til yfir þvílíka „skemmt-
un“.
Til að byrja með var leikur og
framkoma allra þeirra er þarna
birtust svo fádæma lélegur og
óeðlilegur að við áttum erfitt með
að trúa því, að þetta væri ekki
frumraun fjölmiðlaklúbbs Grænu-
borgar heldur sjónvarpsþáttur
unninn af færustu fagmönnum
landsins á þessu sviði (?), starfs-
mönnum ríkissjónvarpsins.
En það sem tvímælalaust sló
allt út var yfirgangur enskunnar.
Hver einasti söngtexti sem sunginn
var, var á ensku! Einhversstaðar
heyrði ég það, að 50% alls þess
efnis sem sýnt er í ríkissjónvarp-
inu væri á ensku, um 25% á öðrum
erlendum málum og um 25% á ís-
lenzku. Með hliðsjón af þessum
tölum þykir mér það ærið skrítið
að þá sjaldan að fé fæst til að búa
til íslenzkt efni, er það allt á
ensku.
Ef þessu heldur áfram er lítil
ástæða að óttast að efni hinna til-
vonandi „frjálsu" sjónvarpsstöðva
verði á lægra menningarstigi en
efni RUV, ef þetta er sá gæða-
flokkur sem ríkið býður upp á.
Er eitthvað að í Efstaleitinu?
Gunnar H. Ársælsson skrifar:
„Loksins getur maður hlustað á
almennilega tónlist allan daginn."
Þannig var viðkvæðið hjá mörgum
þegar rás 2 hóf starfsemi. Menn
voru fullir bjartsýni.
En hvað hefur komið á daginn?
Nú þegar þetta óskabarn þjóðar-
innar er búið að starfa í eitt ár og
vel það hefur komið í ljós að rás 2
er afar mistæk á tónlistarsviðinu.
Fjölbreytni í lagavali er í algeru
lágmarki og þar starfar fólk, sem
hefur varla vit á tónlist þó ekki sé
svo um alla.
Oftar en ekki heyrir maður full-
yrðingar, sem eiga ekki við nein
rök að styðjast. Máli mínu til
stuðnings ætla ég að vitna í einn
af þekktari þulum á rásinni en
hann sagði meðal annars að
hljómsveitin U2 væri „under-
ground-hljómsveit" því það heyrð-
ist svo lítið í henni á rás 2. Annað
dæmi af svipuðum toga og nýlegt,
er þegar fullyrt var að hljómsveit-
in „China Crisis" væri óþekkt hér
á landi. Fullyrðingum sem þessum
hljóta allir þeir sem eitthvert vit
hafa á tónlist og fylgjast með
henni að vísa á bug.
Oft og iðulega heyrast klisjur
sem þessar: „í þættinum verður
komið víða við“, „víða verður leit-
að fanga“, „næsta hálftímann
verða leikin lög úr ýmsum áttum"
o.s.frv. En hvað býr að baki þess-
um fullyrðingum? Helst er það
topplagið á vinsældalista rásar 2,
sem valinn er á hverjum fimmtu-
degi milli kl. 16.00 og 19.00, svo
vitnað sé í auglýsingu stöðvarinn-
ar, herra Duran Duran, „tvíbur-
arnir“ í Wham og fleiri félagar
skallapoppsfjölskyldunnar.
Næturútvarp rásar 2 er sér mál
út af fyrir sig og á ég þá sérstak-
lega við næturútvarp þeirra Þor-
geirs Ástvaldssonar og Vignis
Sveinssonar.
Á þeim föstudögum sem þeir fé-
lagar standa vaktina ganga þeir í
hálfgerðan barndóm og láta aula-
fyndni vaða uppi á milli þess sem
komið er á framfæri hálfkær-
ingskveðjum. Mörg lögin, sem
leikin eru, eru til heiðurs fólki sem
annaðhvort er blindfullt heima
hjá sér eða annars staðar. Þessi
setning heyrist til dæmis oft:
„Næsta lag er spilað fyrir alla þá
sem eru að fara út að skemmta
sér.“
Aðrir meðlimir næturvaktar
rásar 2 eru þær Kristín B. Þor-
steinsdóttir, systir Páls Þorsteins-
sonar, og Margrét Blöndal. Þessir
fjórir einstaklingar eiga svo til
næturútvarp rásar 2.
En snúum okkur að kvenfólkinu.
Hjá þeim ræður væmnin ríkjum
og ganga þær venjulega fram af
manni með „elskubulli" sínu. Þar,
sem og annars staðar á rásinni er
það nær undantekning aö frumleg
og skapandi tónlist, s.s. rokk eða
nýbylgja, heyrist. Þó eru tvær
undantekningar á þessu. Það er
annars vegar „Rokkrásin" og hins
vegar „Bylgjur". Það eru tveir
klukkutímar fyrir rokk og ný-
bylgjutónlist. Er ekki eitthvað að
þarna í Efstaleitinu?
Einu sinni, áður en rás 2 varð
til, var þáttur á laugardagskvöld-
um minnir mig, sem hét „Rokk-
þingið". Umsjónarmaður hans var
maður að nafni Stefán Jón Haf-
stein. Á hverju laugardagskvöldi
sat maður límdur við viðtækið og
hlustaði með athygli, því hjá Jóni
var margt að gerast. Núna forðast
maður næturvakt rásar 2 því á
henni er ekkert að græða nema
vont skap. Það var líka merkilegt
við „Rokkþingið" að þar heyrði
maður í íslenskum uppáhalds-
hljómsveitum.
Starfsfólk rásar 2 virðist hafa
gleymt öllu sem viðkemur ís-
lenskri rokktónlist, bæði flytjend-
um svo og fylgismönnum þessarar
mjög svo lífsglöðu tónlistar. í
staðinn er spilað andlaust, lífvana
og vélrænt skallapopp daginn út
og daginn inn.
Óskabarn þjóðarinnar er orðið
að martröð þar sem uppgjafa-
plötusnúðar ráða ríkjum.
Danir og
íslenski
bjórinn
H.S. skrifar:
Kæri Velvakandi.
Því fátt er frá Dðnum sem gæfan oss
Raf
og glöggt er það enn sem þeir vilja.
Það blóð sem þeir þjóð vorri út sugu af
það orkar ei tíðin að hylja.
Þorsteinn Erlingsson.
Þær fréttir spyrjast nú, að
Danir fylgist mjög með fram-
gangi bjórfrumvarpsins fræga á
alþingi íslendinga og séu viðbún-
ir að hefjast handa við að reisa
hér brugghús til að framleiða
áfengan bjór.
Ef frumvarpið kemst í gegn á
Alþingi er það ekki í fyrsta
skipti sem Danir græða á
drykkiu, óreglu og aumingja-
skap Islendinga.
Undirstöðu atvinnuvegir þjóð-
arinnar eru í kalda koli, sumir á
heljarþröm. Látlaust safnar
þjóðin eyðsluskuldum í útlönd-
um, sem komandi kynslóðum er
ætlað að borga. Á Alþingi
standa menn aðgerðalausir, eins
og glópar og halda það best til
úrræða að koma upp brugghús-
um og þannig auka drykkjuskap
og einnig koma á auglýsingaút-
varpi og sjónvarpi.
Á dögunum kom einn besti
maður þjóðarinnar, Tómas
Helgason, prófessor, fram í sjón-
varpsfréttum og varaði enn einu
sinni við áfengum bjór. Vonandi
hefur systir hans, menntamála-
ráðherrann, hlustað á fréttir
þetta kvöld og þeir þingmenn
aðrir, sem eru reiðubúnir að
rétta upp hendur með aukinni
drykkju. Ég skora á þingmenn í
efri deild að hugsa sig um tvisv-
ar áður en þeir samþykkja bjór-
inn. Eru ekki vandræðin, slysin
og sorgin vegna áfengisneyslu
nóg, þó ekki sé á bætt? Þarf ekki
að taka til hendi og lagfæra
margt í sambandi við áfengis-
mál, t.d. leggja niður svokallaðar
„bjórsjoppur"?
—
VEGARÆSI
Eigum fyrirliggjandi rör í vegaræsi frá 12—48“,
efni galv., 1,25—1,5 og 1,65 mm.
Hjólbörur
Eigum ávallt fyrirliggjandi sterkustu hjólbörurnar
með trésköftum sem við höfum framleitt í 45 ár.
Póstkassar
Eigum fyrirliggjandi á lager inni- og útipóstkassa.
NÝJA BLIKKSMIÐJAN HF„
Ármúla 30 — Sími 81104.
ATHUGIÐ
ihiism
Tíska
Gæði

m v
Lena skór skrefi framar
Skósel skóverslun,
Laugavegi 44, R., sími 21270
Stjörnuskóbúðin,
Laugavegi 96, R., sími 23795
%
Seljum ódýrt næstu daga
matar- og kaffisett
staka hluti eöa í settum.
Einnig smágallaö keramik.
Tilvaliö fyrir þá sem eru aö spara,
í sumarbústaðinn og fl.
OPIÐ
9—12 og 1—6 e.h.
HÖFÐABAKKA9
SÍMI 685411
0DÝBT!