Morgunblaðið - 12.06.1985, Blaðsíða 7

MORGUNBLAÐIÐ, MIÐVIKUDAGURl%JÖNtl886-
Morgunblaöid/Emilfa
Fri vinstri: Sreinbjtfrn Finnsson, staðarrádsmaður {Skálholti, séra Guðmundur Óli Ólafsson, prestur (Skálbolti, Helga Ingólfsdóttir, semballeikari og
Gylfi Jónsson, rektor Lýðháskólans í SkálhoHi.
Norræn tónlistarhátíð í Skálholti
NORR/EN tónlistarhátíð verður haldin í Skálholti dagana 6. júlí til 11. ágúst
nk. Tilefnið er annars vegar það að nú eru liðin 300 ár frá fæðingu Jóhanns
Sebastians Bach, Georgs Friedrichs Hándel og Domenicos Scarlatti, og hins
vegar það að 10 ár eru liðin frá því að sumartónleikar voru fyrst haldnir í
Skálholtskirkju. Listamenn frá Danmörku, Finnlandi, Noregi og Svíþjóð
koma fram á hátíðinni ásamt íslensku listafólki, en Norðurlandabúar hafa
átt ríkan þátt í endurreisn Skálholtsstaðar.
Sjötta júni sl. var boðað til
blaðamannafundar i Norræna
húsinu til kynningar á hátíðinni.
Á fundinum voru herra Pétur Sig-
urgeirsson, biskup, séra Guð-
mundur Óli Ólafsson, prestur í
Skálholtskirkju, séra Gylfi Jóns-
son, rektor Lýðháskólans í Skál-
holti, Helga Ingólfsdóttir, semb-
alleikari og Sveinbjörn Finnsson,
staðarráðsmaður í Skálholti.
Helga Ingólfsdóttir skýrði frá
því að sumartónleikar í Skál-
holtskirkju hefðu fyrst verið
haldnir sumarið 1975. Frá upp-
hafi hefðu þar einkum verið flutt
íslenskt verk og tónlist frá 17. og
18. öld og alls hefðu 20 verk eftir
tíu tónskáld verið frumflutt á
þessum tónleikum. Sagði Helga að
í sumar, á tíu ára afmæli sumar-
tónleikanna, yrði tónlistarhátiðin
stærri í sniðum en ella, og alls
yrðu haldnir 15 tónleikar. Þar
sem á þessu ári væru 300 ár liðin
frá fæðingu Bachs, Hándels og
Scarlattis, væri efnisskráin til-
einkuð þeim.
Meðal verka sem flutt verða má
nefna sembalsónötur Scarlattis,
gömbusónötur og Goldberg-til-
brigði Bachs, sembalsvítur og
kammerverk Bachs og Hándels.
Kvað Helga menn fá sannari
mynd af tónlistinni þegar hún
væri flutt á þessi gömlu hljóðfæri.
Tónskáldin hefðu oft nýtt tækni-
lega möguleika hljóðfæranna til
hins ýtrasta. Á nútímahljóðfær-
um væru ýmis tækniatriði mun
auðveldari í útfærslu og því
hljómaði barokktónlist oft of
áreynslulítil í flutningi á þeim.
Fram kom á fundinum að tón-
leikar verða haldnir um hverja
helgi á meðan að hátíðin stendur
yfir. Á laugardögum verða tvenn-
ir tónleikar, kl. 15 og 17, og verður
efnisskrá síðari tónleikanna
endurflutt á sunnudögum kl. 15.
Messað verður á sunnudögum kl.
17.
Séra Guðmundur Óli Ólafsson
sagði að ýmsir prestar myndu
prédika í Skálholti meðan sumar-
tónleikarnir stæðu yfir og lista-
menn flyttu tónlist í messum.
Kvaðst hann fagna því að tíu ára
afmælis sumartónleikanna væri
minnst á þennan hátt og lýsti því
hvernig brautryðjendastarf
Helgu Ingólfsdóttur og Manuelu
Wiesler hefði þróast og eflst í
gegnum árin.
Gylfi Jónsson, rektor, sagði að í
tengslum við hátíðina yrði sýning
í skólanum frá Goethe-stofnun-
inni, um ævi Bachs, Hándels og
Schutz. Þar yrðu einnig seldar
veitingar og í sumar yrði rekið
hótel á staðnum.
Sveinbjörn Finnsson kvað að-
sókn á sumartónleikunum hafa
vaxið jafnt og þétt. Það nýmæli
væri í sumar að áætlunarferöir
væru til Skálholts frá Umferð-
armiðstöðinni alla tónleikadag-
ana. Gæfist mönnum þannig kost-
ur á að dvelja hálfan dag í Skál-
holti og hlýða á tónverk meistar-
anna, sækja messu, skoða sýning-
una eða einfaldlega njóta nátt-
úrufegurðarinnar á staðnum. Að-
gangur að tónlistarhátíðinni er
ókeypis og er það gert til að ferða-
menn, sem leið eiga um Skálholt,
geti áreynslulitið gengið til kirkju
og notið góðrar tónlistar.
Að sögn Helgu Ingólfsdóttur,
nýtur tónlistarhátíðin styrkja frá
menntamálaráðuneytinu, Nor-
ræna menningarmálasjóðnum,
Norræna húsinu og Þjóðkirkj-
unni. Auk þess hafa nokkur fyrir-
tæki veitt stuðning sinn.
Herra Pétur Sigurgeirsson,
biskup, sagðist hafa fylgst með
þessari starfsemi á sumrin af
miklum áhuga og þætti honum
hún auk við reisn staðarins. Hann
þakkaði að síðustu öllum þeim
sem lagt hafa tónlistarhátíðinni
lið og vilja veg Skálholts sem
mestan.
Sýning á verkum
Sigurjóns Ólafssonar:
Vegleg sýn-
ingarskrá
í bókarformi
Nú stendur yfir í Listasafni ASÍ
sýning á hluta þeirra verka, sem
Sigurjón Ólafsson lét eftir sig og
varðveitt eru í húsi hans á Laug-
arnestanga. Það er nýstofnaður
Styrktarsjóður Listasafns Sigur-
jóns Ólafssonar, sem stendur að
sýningunni og hefur af þessu tilefni
verið gefin út sýningarskrá, sem
raunar er stór, innbundin mynda-
bók og hefur ekkja Sigurjóns, Birg-
itta Spur, haft veg og vanda af
skránni. I bókinni er fjöldi mynda
af verkum Sigurjóns; einnig gamlar
myndir úr lífi Sigurjóns, allt frá því
hann var ungur drengur að halda
sýningu á teikningum austur á Eyr-
arbakka. Þarna eru myndir frá
Kaupmannahafnarárum Sigurjóns,
sem ekki hafa komið fyrir almenn-"
ings sjónir fyrr, sendibréf til
myndhöggvarans, m.a. frá Einari
Jónssyni og blaðaúrklippur. í bók-
inni er auk þess grein um Sigurjón
eftir Kristján Eldjárn, sem birtist í
tímaritinu North Atlantic 1978,
samtal Kristínar Halldórsdóttur
núverandi alþingismanns við Sigur-
jón, en formála skrifar Birgitta
Spur. í bókinni er æviágrip Sigur-
jóns, skrá yfir þær sýningar, sem
hann tók þátt í, og skrá yfir opin-
bera aðila, sem eiga verk eftir hann.
SIGURJÓN ÓLAFSSON
MVNDHO®GVHiW
ftiOIDHUGGtfií
SCULPTGR
Reynivellir f Kjós Morgunblaðið/JOÞ
Ferð á veg-
um Skógrækt-
arfélagsins
Skógræktarfélag Reykjavíkur
stendur fyrir hópferð að Reynivöll-
um í Kjós næstkomandi laugardag.
Lagt verður af stað úr Fossvogsstöð
kl. 11 og eru allir velkomnir. Farar-
stjóri verður Þorvaldur S. Þorvalds-
son.
Skógræktarfélagið girti dálitla
landspildu á Reynivöllum fyrir
þremur árum og reisti þar hús.
Þar hefur verið plantað dálitlu af
trjám árlega síðan og eru fyrstu
trén að vaxa úr grasi. Þarna er því
að myndast vísir að griðlandi fyrir
lúna vegfarendur.
Til baka verður farið um Kjós-
arskarð og Mosfellssveit og komið
heim um fjögurleytið.
( (flr frétutilkynninifu)
er ad hefþst é
Hinir æöislegu WAT
Tremeloes
í Broadway nk. föstudags-, laugar-
dags- og mánudagskvöld, sunnudags-
kvöld í Sjallanum.
Missið ekki af einstæðu tækifæri til aö rifja upp gömlu
stemmninguna meö gömlu góðu félögunum í Broadway. .
Miðasala og borðapantanir í Broadway'
daglega, sími 77500.