Morgunblaðið - 12.06.1985, Blaðsíða 25

MORGUNBLAÐIÐ, MIÐVIKUDAGUR12. JÚNl 1985
25
Sigurglaöir feðgar
Andreas Papandreou, forsætisráðherra Grikklands, gerir sigurmerki
ásamt syni sínum, George, sem einnig á sæti á þjóðþingi Grikklands.
Mynd þessi var tekin af þeim feðgum, eftir að Ijóst var að sósíalista-
flokkur Papandreous, Pasok, hafði unnið sigur í þingkosningunum,
sem fram fóru fyrir skömmu.
„Alræðisnki, lögregluríki, kúgunarríkiu:
Ummælin snertu Bret-
land á engan hátt
- segir talsmaður grísku stjórnarinnar
Aþenu, 11. júní. AP.
Talsmaður grísku stjórnarinnar sagði í dag, að Andreas
Papandreou forsætisráðherra hefði ekki ætlað sér að gagn-
rýna breska forsætisráðherrann, Margaret Thatcher, er hann
kallaði Bretland „lögregluríki“ í kosningaræðu í síðasta mán-
uði.
„Breska stjórnin hefur sýnt
fullan skilning á, að þessi um-
mæli snertu Bretland á engan
hátt og að þeim var á engan hátt
ætlað að vera breskum stjórn-
völdum til hnjóðs," sagði tals-
maðurinn, Dimitri Maroudas,
við fréttamenn.
Maroudas kvað Papandreou
hafa verið að reyna að útskýra,
að stjórnarstefnan í Bretlandi,
sem Constantine Mitsotakis,
leiðtogi stjórnarandstöðunnar,
hefði viljað gera að sinni, hæfði
engan veginn í Grikklandi.
f lokaræðu sinni í kosninga-
baráttunni 31. maí sl. réðst Pap-
andreou á Nýja demókrata-
flokkinn og kvað hann stefna að
því að „þrengja kosti velferðar-
ríkisins, spilla efnahag landsins
|og kippa grundvellinum undan
tilveru fjölskyldubúskapar".
„En til að koma þessum
stefnumálum í framkvæmd, eins
og gert hefur verið í Englandi,
þarf alræðisríki, lögregluríki,
kúgunarríki," bætti Papandreou
við.
Þessi athugasemd gríska for-
sætisráðherrans varð til þess, að
breska stjórnin bar fram mót-
mæli, sem afhent voru sendi-
herra Grikklands í London í síð-
ustu viku.
Maroudas kvað Grikkland og
Bretland á öndverðum meiði í
efnahagsmálum í Evrópubanda-
laginu, en tvíhliða samband
ríkjanna „er ævinlega fram-
úrskarandi".
GENGI
GJALDMIÐLA:
Dollarinn
niður á við
London, 11. júní. AP.
SVARTSÝNI uml stöóu banda-
rískra efnahagsmála olli því, að
dollarinn lækkaði í lverði á
dauflegum gjaldeyrismörkuðum
Evrópu í dag. Gull hækkaði í
verði.
Gjaldeyrissalar kváðust
hlakka til fimmtudagsins, er
birtar yrðu tölur um vörusölu
og iðnframleiðslu í Bandaríkj-
unum.
Uppi voru getgátur um að
fyrrnefndar tölur yrðu óhag-
stæðar. Slæmar horfur í
bandarísku efnahagslífi hafa
valdið lækkun dollarans frá því
í mars.
Breska pundið kostaði í dag
1,2645 dollara og hafði hækkað
í verði frá því í gær er það
kostaði 1,2612 doliara.
í dag fengust fyrir einn doll-
ara 3,0855 vestur-þýsk mörk
(3,1000), 2,5957 svissneskir
frankar (2,6090), 9,4200 fransk-
ir frankar (9,4650), 3,4795 hol-
lensk gyllini (3,4950), 1.964,50
ítalskar lírur (1.977,00) og
1.3712 kanadískir dollarar
(1,3725).
Memhmet Ali Agca fyrir rétti í Róm:
Sovéskur sendifulltrúi fyrir-
skipaði banatilræðið við páfa
Kóm, 11. júní. AP JL
MEHMET Ali Agca sagði fyrir rétti í Róm í dag, að sovéskur sendiráðsrit-
ari í Búlgaríu hefði fyrirskipað banatilræðið við Jóhannes Pál páfa fyrir
fjórum árum. Hann hefði jafnframt greitt tilræðismönnunum fé fyrir verkn-
aðinn.
Við upphaf réttarhaldanna í
dag kvaddi Agca sér hljóðs og
óskaði eftir að fá að gefa yfirlýs-
ingu. „Fyrirmælin um að myrða
páfa komu frá sovéska sendiráð-
inu í Sofia (höfuðborg Búlgaríu),“
sagði hann. „Gráúlfarnir lögðu
3Íðan á ráðin um það í samvinnu
við stjórnarerindreka í Róm, þ. á
m. Aivazov, Kolev og Antinov."
Mennirnir þrír, sem Agca
nefndi, eru Búlgararnir þrír, sem
sæta ákæru við réttarhöldin.
Gráúlfarnir eru samtök hægri
sinnaðra hermdarverkamanna í
Tyrklandi, sem Agca er félagi í.
„Fyrsti ritari sovéska sendi-
ráðsins í Sofia greiddi þrjár
milljónir (vestur-þýskra) marka"
fyrir banatilræðið, sagði Agca.
Kvað hann foringja Gráúlfanna,
Musa Serdar Celebi, sem einnig
hefur verið ákærður í málinu,
hafa tekið við peningunum fyrir
milligöngu Tyrkjans Bekir Cel-
enk. Celenk, sem grunaður er um
að smygla áfengi og eiturlyfjum,
situr í varðhaldi í Búlgaríu.
Ummæli Agca í réttinum í dag
komu mjög á óvart, enda eru þau
frábrugðin fyrri lýsingu hans á
samsærinu um banatilræðið við
páfa að því leyti að nú nefnir
hann beina aðild Sovétmanna í
fyrsta skipti. Áður hafði hann
sagt, að Celenk hefði boðið sér og
tveimur öðrum Tyrkjum þrjár
milljónir vestur-þýskra marka
fyrir að ráða páfa af dögum, en
lét ekki uppi hvaðan Celenk fékk
féð.
Agca sagði, að sovéski sendi-
ráðsritarinn í Sofia héti Malen-
kov eða Milenkov. Hann væri
ljóshærður, skarpleitur og á aldr-
inum 40 til 45 ára. Sagðist hann
mundu þekkja hann aftur ef sér
væri sýnd ljósmynd af þeim
mönnum, sem starfað hafa í sov-
éska sendiráðinu í Búlgaríu.
Dómarinn kvaðst ætla að taka
það til íhugunar.
Memhmet Ali Agca
Agca kvaðst hafa hitt Sovét-
manninn á hóteli í Sofia í júlí
1980 og hefðu hinir, sem aðild
ættu að banatilræðinu, einnig
verið viðstaddir. Þegar dómarinn
spurði hvernig Agca vissi, að
maðurinn væri fyrsti ritari í sov-
éska sendiráðinu svaraði hann, að
Celenk hefði sagt sér það. „Hann
hafði enga ástæðu til að segja
ósatt,“ sagði Agca.
Verjandi eina Búlgarans, sem
er fyrir réttinum, sagði að fram-
burður Agca í dag væri mikilvæg-
ur. Hann sýndi, að Agca gerði sér
grein fyrir því að sagan um Búlg-
aríutengslin gengi ekki upp og
reyndi því að hella meiri olíu á
eldinn. Kvað hann málfutning
Agca ekki traustvekjandi.
Við réttarhöldin í dag var Agca
rólegur og yfirvegaður, en fyrstu
daga réttarhaldanna var hann í
uppnámi og fullyrti þá m.a. að
hann væri Kristur endurborinn.
Á föstudag sagðist hann geta
staðfest allt í ákæruskjali sak-
sóknara. Búlgarir hefðu staðið á
bak við banatilræðið. Þá vildi
hann hins vegar ekki gera grein
fyrir samsærinu í smáatriðum.
Kvaðst hann vera óttasleginn
vegna hótana frá Búlgörum og
Sovétmönnum.

Irætti
Vorha
Sjálfstæðisflokksins
Dregið
15. júni
Vinsamlega geriö skil á heimsendum miöum. Af-
greiöslan er í Valhöll, Háaleitisbraut 1. Opiö frá
8—22. Sími 82900.
Sækjum
sendum

Sjálfstæðisflokkurinn.