Morgunblaðið - 23.06.1985, Qupperneq 7
MORGUNBLAÐIÐ, SUNNUDAGUR 23. JÚNÍ 1985
7
Beitarmál á Grímstungu- og Haukagilsheiðum:
Agreiningi Vatnsdælinga
skotið til sýslunefndar
Gróðureftirlitsmaður telur heiðarn-
ar mjög illa farnar vegna ofbeitar
HREPPSNEFND Áshrepps í Aust-
ur-Húnavatnssýslu hefur skotið
ágreiningi við hreppsnefnd Sveins-
staðahrepps um beitarmál sameigin-
legra afrétta hreppanna á Gríms-
tunguheiði og víðar, til tafarlauss úr-
skurðar sýslunefndar Austur-Húna-
vatnssýslu í samræmi við ákvæði
gildandi fjallskilareglugerðar. Sýslu-
nefndin vísaði málinu til Fjallskila-
nefndar sem hélt fund með oddvit-
um beggja hreppanna sl. fimmtudag.
Að sögn Björns Jónssonar bónda á
Ytra-Hóli, formanns nefndarinnar,
náðist ekki samkomulag á fundin-
um. Sáttatillögur voru þá afhentar
oddvitunum og eru þær nú til athug-
unar hjá hreppsnefndunum. Annar
fundur verður boðaður í lok næstu
viku. Gróðureftirlitsmaður Land-
græðslunnar sagði eftir gróðureftir-
litsflug á fimmtudaginn að heiðin
væri mjög illa farin af ofbeit.
Ágreiningur hefur verið á milli
hreppanna um nýtingu sameigin-
legra afréttarlanda þeirra á
Grímstungu- og Haukagilsheiði og
á Víðidalsfjalli. Sveinstæðingar
hafa viljað ganga skemmra í tak-
mörkun beitar en Landgræðslan
og Áshreppingar. í fyrravor bloss-
aði ágreiningurinn upp þegar
oddviti Sveinsstaðahrepps rak fé
sitt á heiðina áður en gróður-
Afgreiðsla Alþingis
á bjórmálinu:
íslendingar og
Alþingi aðhláturs-
efni í Danmörku
— aö sögn Einars
Ágústssonar sendiherra
í Kaupmannahöfn
ÍSLENDINGAR og Alþingi íslend-
inga eru aðhlátursefni í Kaupmanna-
höfn eftir afgreiðslu Alþingis á bjór-
málinu, að sögn Einars Ágústssonar
sendiherra íslands I Kaupmanna-
böfn. Einar sagði í samtali við blaða-
mann Morgunblaðsins, að hann færi
orðið hjá sér, þegar erlendir sendi-
menn og aðrir spyrðu sig um málið.
Þeim væri vel kunnugt um ástand
mála hér heima og spyrðu því,
hvernig á því gæti staðið að allt virt-
ist leyft í sambandi við áfengt öl á
íslandi nema að selja það löglega.
Langvarandi verkföll hafa verið
í bjórverksmiðjum í Danmörku og
sagði Einar að ekki skorti bjór
þar, málið væri leyst með því að
innflutningur hefði verið aukinn.
Varðandi stöðu mála hér heima og
umræðuna í Danmörku í tengslum
við hana sagði hann: „Ég er orðinn
hálfhéralegur. Það er hlegið að
manni og sífellt verið að spyrja
um þetta. Bæði erlendir sendi-
menn, sem fylgjast vel með stöðu
mála í nágrannalöndunum, og
Danir almennt vita um stöðu mála
hér heima. Þeir vita að áhafnir
flugvéla og skipa flytja inn um-
talsvert magn af bjór, ennfremur
ferðamenn, með heimild yfirvalda.
Þá vita þeir af eftirlíkingunni sem
seld er alls staðar, það er pilsner
með víni út í, sem kölluð er bjór.
Menn eru hneykslaðir og hlæja að
manni og auðvitað hálffyrirverður
maður sig. Það er erfitt að útskýra
málið og hvernig er hægt að út-
skýra þetta, auk þess sem á ís-
landi eru seldar allar tegundir af
sterku víni?“
Sendiherrann sagði aðspurður
um hverju hann svaraði: „Ég get
’ekki svarað öðru en því að Alþingi
hafi ekki nú frekar en áður treyst
sér til að breyta áfengislögunum."
verndarnefnd sýslunnar taldi ráö-
legt og fór Landgræðslan þá fram
á ítölu fyrir afréttarlöndin. ítalan
var gerð í vetur og birt í vor. í
henni felst mikill samdráttur beit-
ar á heiðinni.
Hreppsnefnd Sveinsstaðahrepps
mótmælti ítölunni og neitaði að
taka við henni í vor. Hafa þeir
algerlega neitað að taka tillit til
hennar og telja ósannað að þörf sé
á þeim aðgerðum sem hún gerir
ráð fyrir. Landgræðslan lagði
fram tillögu að aðlögun að ítöl-
unni í sumar sem lögð var fram á
sameiginlegum sveitarfundi í
Vatnsdal, en Sveinstæðingar
hunsuðu þann fund. í tillögum
Landgræðslunnar er fjallað um
tilhögun beitar, svo sem upp-
rekstrartíma, lengd beitar og
dreifingu fjár um heiðina, og jafn-
framt lagt til að engin hross verði
rekin fram fyrir heiðargirðingar í
sumar og takmarkaður hrossa-
upprekstur á Víðidalsfjall. Fram-
kvæmd ítölunnar er sveitastjórn-
anna en ágreiningur hefur verið
það mikill þeirra á milli að þær
hafa varla ræðst við um þessi mál,
og engu samkomulagi náð.
Andrés Arnalds gróðureftirlits-
maður Landgræðslunnar fór í
gróðurskoðunarflug yfir heiðarn-
ar á Vestur- og Norðurlandi sl.
fimmtudag. Hann fór akandi um
þetta sama svæði viku fyrr. Hann
sagði í samtali við Morgunblaðið
að í fyrri ferðinni hefði gróður
nánast ekkert verið kominn af
stað en núna væri hann að lifna
talsvert við. Þó væri nokkuð í land
með að kominn væri nægur hagi
fyrir sauðfé. Mikill munur væri á
hálendi og láglendi, því hálendið
hefði ekki notið hitans sem kom í
vor, þar hefði því verið kyrrstaða
fram yfir miðjan mánuð. Sagði
hann að spretta á láglendi væri
nokkuð góð og líklega eins og í
meðalári, en gróður til fjalla væri
seinni og líklega á eftir því sem
var í fyrra og í meðalári.
Hann sagði að talsverðum mun-
ur hefði verið á milli heiða, sér-
staklega hefði Grímstunguheiði
litið illa út. Hann sagði það auðséð
að hún hefði verið ofsetin um ára-
bil. „Áður fyrr var Grímstungu-
heiði margrómuð gullkista eig-
enda sinna sem skilaði vænum
lömbum, en nú er ástand hennar
mun verra en aðliggjandi heiða-
landa,“ sagði Andrés. Hann sagði
að gróðri hefði hnignað á heiðinni
og mikið væri þar um rof og jarð-
vegseyðingu. Hann sagði brýnt að
grípa þar til viðeigandi ráðstaf-
ana, þegar í sumar.
OEHBMMIUR
PnHRAIHHS
KK
ft9##
Já, þú last rétt! Við bjóðum þér 2ja og 3ja vikna ferðir
til Evrópu fyrir allt frá kr. 8.900,- Þetta er sláandi tilboð
fyrir alla þá sem vilia smella sér til útlanda á algjöru
lágmarksverði og ferðast, hvort sem er í skipulagðri
hópferð eða á eigin vegum!
lagt mikla áherslu á, og byggist á því að útlendir
samstarfsaðilar nýta flugvélina aðra leiðina, en
íslendingar hina. Með því móti næst hámarks
sætanýting og kostnaður hvers farþega er því í algjöru
lágmarki. Dæmi um svona ferðir er leiguflug okkar
til Þrándheims, Álasunds, Kaupmannahafnar,
Salzburg o.fl.
Þetta lága verð er tiikomið vegna GACNKVÆMs Leitið strax nánari upplýsinga
LEICUFLUCS-leiðsemSamvinnuferðir-Landsýnhefur UITI CL-flugið(gagnkvæma leiguflugið)
Samvinnuferdir - Landsýn
AUSTURSTRÆTI 12 - SÍMAR 27077 & 28899
SÖLUSKRIFSTOFA AKUREYRI: SKIPAGÖTU 18 - SÍMAR 21400 & 23727